راجہ اکرام

شاعری منظوم کلام کو کہتے ہیں،
پھر اہل فن اس کی کئی اقسام بیان کرتے ہیں،

ان میں سے غزل اور نظم بھی ہیں

ان کا بنیادی فرق کیا ہے۔
کیا ہر نظم غزل نہیں‌ہو سکتی۔۔ یا اس کا عکس

اہل فن سے گزارش ہے رہنمائی کریں۔

خرم شہزاد خرم

السلام علیکم آج میں تھوڑا سا مصروف ہوں جہاں تک مجھے آتا ہے انشاءاللہ کل آپ کی نذر کر دوں گا ویسے مختصر اتنا ہی کہ غزل قافیہ ردیف کی پابند ہوتی ہیں جب کہ نظم میں قافیہ ردیف کی پابندی نہیں ہوتی نظم کی بھی اقسام ہیں یہ سب انشاءاللہ کل تفصیل سے پیش کروں گا

__________________
میری وجہ سے جس جس کو بھی تکلیف پہنچی ہے میں ان سب سے معافی چاہتا ہوں ۔ خاص طور پر آپ سے جو اس دستخط کو پڑھ رہے ہیں

راجہ اکرام

بہت شکریہ جناب

آپ کے تفصیلی جواب کا انتظار رہے گا

ماسٹر مقسود

نظم میں شعروں کا آپس میں ربط ہوتا ہے جبکہ غزل میں ہر شعر اپنے اندر مکمل مضمون رکھتا ہے -

خرم شہزاد خرم

معافی چاہتا ہوں کچھ زیادہ ہی دیر ہو گی
نظم: جیسا کے مقسود صاحب نے کہا نظم کے شعروں کا آپس میں ربط ہوتا ہے۔جیسے ایک ہار میں موتی ایک کے بعد ایک کر کے ہار بنتا ہے اسی طرح شعروں کے آپس کے ربط کے ساتھ نظم بنتی ہے نظم ایک عنوان ، یا موضوع پر لکھی جاتی ہے اس کی کچھ اقسام ہیں۔ رباعی ، حمد، مرثیہ ، مسدس ، آزاد نظم وغیرہ وغیرہ ان میں قافیہ ردیف کی پابندی نہیں ہوتی مثال کے

علامہ اقبال صاحب کی ایک نظم

علم و عشق



علم نے مجھ سے کہا عشق ہے دیوانہ پن
عشق نے مجھ سے کہا علم ہے تخمین و ظن
بندۂ تخمین و ظن! کرمِ کتابی نہ بن
عشق سراپا حضور، علم سراپا حجاب!
عشق کی گرمی سے ہے معرکۂ کائنات
علم مقامِ صفات، عشق تماشائے ذات
عشق سکون و ثبات، عشق حیات و ممات
علم ہے پیدا سوال، عشق ہے پنہاں جواب!
عشق کے ہیں معجزات سلطنت و فقر و دیں
عشق کے ادنیٰ غلام صاحبِ تاج و نگیں
عشق مکان و مکیں، عشق زمان و زمیں
عشق سراپا یقیں، اور یقیں فتح باب!
شرعِ محبت میں ہے عشرتِ منزل حرام
شورشِ طوفاں حلال، لذتِ ساحل حرام
عشق پہ بجلی حلال، عشق پہ حاصل حرام
علم ہے ابن الکتاب، عشق ہے ام الکتاب

آپ اس کو غور سے دیکھے ہر شعر کا دوسرے شعر سے ربط ہے اس کو نظم کہتے ہیں


اب آتے ہیں غزل کی طرف ۔ غزل عربی سے لی گی ہیں اس کا مطلب عورت یا عورت سے باتیں کرنے کو غزل کہتے ہیں ۔ ہرن کو بھی غزل کہتا ہے اور اس کی درد بھری آواز کو بھی غزل کہتےہیں ۔غزل کا ہر شعر اپنی ذات مین مکمل اور مختصر ہوتا ہے۔ اس کو وضاحت کے لیے دوسرے شعروں کی ضرورت نہیں ہوتی (جیسا کے نظم میں ہوتی ہیں۔)
غزل کا ایک شعر حسن و عشق پر دوسرا فلسفہ پر اور اسی طرح تیسرا کسی بھی موضوع پر ہو سکتا ہے۔ غزل میں تمام شعروں میں خیال اور یکسانیت کی ضرورت نہیں ہوتی غزل میں مطلع ۔ مقطع ۔ قافیہ اور ردیف ہوتے ہیں

اور ہاں اگر کسی غزل کے شعروں میں آپس میں ربط ہو تو اس غزل کو غزلِ مسلسل کہا جاتا ہے

میاں شاہد

ویسے تمام احباب نے غزل اور نظم کا فرق بیان کیا اور خوب بیان کیا مگر میں‌یہ کہنا چاہتا ہوں‌کہ غزل اور نظم میں ایک مماثلت بھی ہے وہ کیا ہے ؟؟؟؟؟؟
۔
۔
۔
۔
۔
۔
۔
۔
وہ یہ ہے کہ دونوں‌تین حرفی نام ہیں

راجہ اکرام

بہت شکریہ جناب خرم شہزاد صاحب
ماشاء اللہ اچھی معلومات فراہم کی۔ میری طرف سے شکریہ قبول کیجئے۔

خرم شہزاد خرم

جزاک اللہ ۔۔۔۔

ukan

اسلام علیکم،
کیا غزل ردیف کا ہونا ضروری ہے،یا صرف قافیہ بھی ہو سکتا ہے یا دونوں لازم ہیں جواب ضرور دیں۔

خواجہ فاروق ساغر

دیکھیں جی جہاں تک میرا خیال ھے غزل اور نظم دونوں مختلف اس وجہ سے ہیں کہ نظم کسی ایک موضوع کو لے کر آگے چلتی ھے جبکہ غزل کے ہر شعر کا اپنا ہی ایک مقصد ہوتا ہے
مثلاً علامہ صاحب کی یہ غزل
نالہ ہے بلبل شوریدہ تیرا خام ابھی
اپنے سینے میں اسے اور زرا تھام ابھی
بے خطر کود پرا آتش نمرود میں عشق
عقل ہے محو تماشائے لب بام ابھی
یہ دیکھیں اس غزل میں کہاں‌سے کہاں تک کی بات ہوئی ہے