السلام علیکم،
صحابہ کرام رضی اللہ عنہم آخرت کی جوابدہی کا کتنا شدید احساس رکھتے تھے، اس کا اندازہ اس واقعے سے ہوتا ہے جسے امام البانی نے سلسلۃ الاحادیث الصحیحۃ میں یوں بیان کیا ہے:
ابو درداء رضی اللہ عنہ کے پاس ایک اونٹ تھا جس کا نام انہوں نے دمون رکھا ہوا تھا۔ جب کوئی شخص اسے عاریتًا مانگتا تو وہ اسے نصیحت کیا کرتے تھے کہ اس پر صرف فلاں فلاں سامان لادنا کیونکہ یہ اس سے زیادہ کی طاقت نہیں رکھتا۔ پھر جب ان کی وفات کا وقت آیا تو کہنے لگے:
“اے دمون! تو قیامت کے دن میرے رب کے پاس میرے خلاف جھگڑا نہ کرنا کیونکہ میں نے تجھ پر کبھی تیری طاقت سے زیادہ بوجھ نہیں لادا"
(سلسلہ الاحادیث الصحیحۃ حدیث نمبر 30)
اس طرح کی احساس ذمے داری کا عشر عشیر بھی ہمارے اندر پایا جاتا ہے حالانکہ ہم بھی کلمہ گو اور آخرت کو ماننے والے ہیں؟
والسلام علیکم