دارالعلوم دیوبند کے سب سے پہلے متم حضرت مولانا رفیع الدین صاحب رحمہ اللہ ظاہری و باطنی علوم کے جامع تھے۔ نقشبندیہ خاندان کے اکابر میں سے ایک تھے۔ آخر عمر میں ہجرت فرما کر مکہ مکرمہ آئے۔ وہیں ان کی وفات بھی ہوئی اوع وہیں‌قبر بھی ہے۔ آپ کو آخر زمانہ میں قیامت کے ظہور خصوصاً حضرت مہدی کی قیادت میں‌عالمی ایمانی جدوجہد سے خصوصی دلچسپی تھی۔ حضرت مہدی کا ظہور مکہ مکرمہ میں‌ہونا تھا۔ دوسری طرف انہیں‌یہ حدیث یاد معلوم تھی کہ نبی کریم صلی اللہ علیہ وسلم نے شیبی خاندان کو فتح مکہ کے موقع پر بیت اللہ کی کنجیاں سپرد کی ہیں اور بیت اللہ چونکہ قیامت تک رہے گا اس لیے مکہ میں‌چاہے سارے خاندان اجڑ جائیں، شیبی خاندان قیامت تک باقی رہے گا۔
چنانچہ مولانا رفیع الدین کی جب آخری عمر ہوئی اور انہیں شدید اشتیاق تھا کہ حضرت مہدی کے ہاتھ پر بیعت اور ان کی قیادت میں جہاد نصیب ہو جائے تو ان کو عجیب ترکیب سوجھی کہ جب یہ خاندان قیامت تک باقی رہے گاتو لامحالہ ظہور مدی کے زمانہ میں‌بھی موجود ہو گا۔ جب حضرت مہدی کا ظہور ہو گا اور وہ کعبتہ اللہ کی دیوار سے ٹیک لگائے مسلمانوں کی بیعت کریں گے تب کعبتہ اللہ کی کنجیاں شیبی خاندان کے کسی فرد کے ہاتھ میں ہوں گی۔ چنانچہ اسی کے پیش نظر انہوں نے ایک حمائل شریف اور ایک تلوار لی اور ایک خط حضرت مہدی کے نام لکھا۔ اس خط کا مضمون یہ ہے۔ فقیر رفیع الدین دیو بندی مکہ معظمہ میں حاضر ہےاور آپ جہاد کی تربیت کر رہے ہیں۔ ایسے مجاہدین آپ کے ساتھ ہیں جن کو وہ اجر ملے گا کو غزوہ بدر کے مجاہدین کو ملا تھا۔ سو رفیع الدین کی طرف سے یہ حمائل تو آپ کے لیے ہدیہ اور یہ تلوار کسی مجاہد کو دے دیجیے کہ وہ میری طرف سے جنگ میں‌شریک ہو جائے اور مجھے بھی اجر مل جائے۔
اور یہ تینوں چیزیں شیبی کے خاندان والوں کے سپرد کیں اور ان سے کہا کہ تمہارا خاندان قیامت تک قائم رہے گا۔ یہ حضرت مہدی کے لیے امانت ہے۔ جب تمہارا انتقال ہو جائے تو تم اپنے قائم مقام کو وصیت کر دینا اور ان سے کہہ دینا کہ وہ اپنے قائم مقام کو وصیت کرتا جائے، یہاں تک کہ یہ امانت حضرت مہدی تک پہنچ جائے۔

خطبات حکیم الاسلام : ج2، ص98

__________________
ARUZ