محمدعدنان

22مئی 2002ءبروز بدھ کی صبح میرے والد محترم کا سایہ ہمیشہ کے لئے میرے سر سے اُٹھ گیا اور میں یتیم ہوگیا۔جب میر ے ابو جان کا انتقال ہوا اُن دنوں میں گھر سے دور تھا۔ میری ان سے آخری ملاقات 14اپریل 2002ءکو ہوئی تھی۔ اُس وقت بھی ان کی طبیعت خراب تھی لیکن اتنی زیادہ بھی خراب نہیں تھی کہ وہ ہمیں چھوڑ جاتے۔ اس عرصہ کے دوران میری جتنی دفعہ بھی ان سے ٹیلی فون پہ بات ہوئی تو انہوں نے بالکل بھی ظاہر نہیں ہونے دیا کہ وہ بیمار ہیں اور گھر والوں کو بھی ہدایت کی کہ مجھے نہ بتایا جائے کیونکہ میں پریشان ہوں گا۔اور پھر وہ دن یعنی 22مئی کا دن آگیا اور وہ ہم سب کو ہمیشہ کے لئے چھوڑ کر چلے گئے کبھی بھی واپس نہ آنے کے لئے۔اور ہمار ے پاس وراثت میں ہمیشہ کے لئے یادیں چھوڑ گئے۔ میں آج تک انہیں نہیں بھول پایا اور نہ ہی کبھی بھول سکوں گا کیونکہ وہ میرے آئیڈیل تھے۔ کبھی کبھی مجھے ان سے شکوہ بھی ہوتا ہے کہ انہوں نے گھر والوں کو مجھے خبر کیوں نہ کرنے دی۔ اگر گھر والے مجھے بتادیتے تو میں کچھ وقت ان کے ساتھ گزار لیتااور یاد کے کچھ موتی چُن کر اپنے دامن میں سمیٹ لیتا۔لیکن اللہ پاک کی یہی مرضی تھی۔
22مئی کی صبح تقریبا فجر سے کچھ دیر پہلے ان کا انتقال ہوا تھا لیکن میری طبیعت میں دو دن پہلے سے ہی عجیب سی بے چینی در آئی تھی اور میں اس بے چینی کو سمجھ ہی نہ پایا اور مجھے علم ہی نہ ہوسکا کہ اس بے چینی کی وجہ کیا ہے۔وہ تو جب گھر والوں نے اطلاع دی تو علم ہوا کہ دل کیوں پریشان تھا ، وہ تو کسی اپنے کے بچھڑ جانے کا سوگ پہلے سے ہی منانا شروع کرچکا تھا۔اور اس دن میں شبقدر صوبہ خیبر پختونخواہ سے جس طرح گھر پہنچا تھا وہ کیفیات یا تو میں جانتا ہوں یا میرا اللہ جانتا ہے۔
14اپریل کی رات کو میرے ابو اور امی مجھے الوداع کہنے کے لئے بس سٹاپ پہ آئے اور جب بس چلنے لگی تو میں میں نے اپنے والد صاحب سے گلے مل کہ ان کے گال پہ بوسہ لیا اور اور انہوں نے میرے ماتھے پہ پیار کیا اور ڈھیروں نصیحتیں کیں اور بس چل پڑی۔ اگر مجھے تب علم ہوتا کہ میں اب اپنے ابو جانی کو کبھی بھی زندہ نہیں دیکھ پاﺅں گا تو میں کبھی بھی نہ جاتا۔ لیکن اللہ پاک کو یہی منظور تھااور ان کا جانے کا وقت آگیا تھا۔
میرے والد صاحب کا تعلق ایک غریب خاندان سے تھا اور انہوں نے خود سے محنت کرکے تعلیم حاصل کی اور چھوٹے سے چھوٹا کام کرنے میں بھی کبھی عار محسوس نہیں کی اور ساری عمر انہوں نے ہمیں بھی یہی نصیحت کی۔اور میرے ابو جان کا کردار الحمدللہ ایسا تھا کہ آج تک لوگ ان کی تعریفیں کرتے نہیں تھکتے اور جب میں کسی کے منہ سے اپنے ابو کی تعریف سنتا ہوں تو مجھے بہت خوشی ہوتی ہے ۔اور ہمارے جاننے والے تو مجھے بھی یہ کہتے ہیں کہ تم بالکل اپنے ابو پہ گئے ہو لیکن مجھے ان کی بات پہ یقین نہیں ہے کیوں کہ جتنے عظیم میرے والد محترم تھے میں تو ان کے قدموں کی خاک کے برابر بھی نہیں ہوں۔
میرے والد صاحب میری یادوں میں، میرے خوابوں میں اور میرے دل کی دھڑکنوں میں ابھی تک زندہ ہیں اورمیری زندگی کا کوئی ایسا لمحہ نہیں ہے جو ان کی یاد سے خالی گیا ہو۔
مجھے بخوبی علم ہے کہ ہر ذی روح نے موت کا ذائقہ چکھنا ہے اور جانے والے کبھی واپس نہیں آسکتے ۔ لیکن پھر بھی کبھی کبھی دل میں ایک معصوم سی خواہش ابھرتی ہے کہ کاش ابھی کسی طرف سے میرے ابو ہنستے مسکراتے واپس آجائیں اور مجھے گلے لگالیں اور مجھے پیار کریں۔


اللہ پاک سے دعا ہے کہ وہ آپ سب کے والدین کو صحت و تندرستی دے اور جن کے والدین اس دنیا سے جاچکے ہیں اللہ پاک ان کی مغفرت فرمائے اور جنت الفردوس میں ان کے درجات بلند فرمائے۔آمین

آپ سب سے التماس ہے کہ میرے ابو جان کے درجات کی بلندی کے لئے بھی دعا فرمادیں۔
جزاک اللہ

__________________

ننھا بچہ

آمین ثمُ آمین
۔۔۔۔۔۔۔۔۔

skjatala

اللہ آپکے ابو سےبہتر معاملہ کرے۔ان پر رحم کرے۔ ان کی عمدہ مہمانی کرے۔اور ان کو معاف کردے۔اللہ ان کو جنت میں داخل کردے۔ اللہ بچاکے رکھے بھائی عدنان کے والد کو عذاب قبر اور دوزخ سے۔ آمین

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر

محمدعدنان

ثم آمین
جزاک اللہ ۔

سحر

آپ کی اس تحریرسے مجھے میرے ابو کی یاد تازہ ہوگئی۔
اللہ آپ کے والد کو جنت الفردوس میں جگہ دے اور قبر کے عذاب سے بچائے آمیں

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

حیدر

اے ہمارے رب ہمارے والدین کی مغفرت فرما، ان کے ساتھ رحم کا معاملہ فرما، انکی لغزشوں، فروگزاشتوں، کوتاہیوں سے درگزر فرما، انکی قبر کو جنت الفردوس کے باغوں میں سے ایک باغ بنا دے اور آخرت میں بھی انکے ساتھ نیکو کاروں کا معاملہ فرما۔
آمین۔ ثم آمین۔
انا للہ و انا الیہ راجعون

احمد بلال

اللہ آپ کے والد کو جنت الفردوس میں جگہ دے اور آخرت کی منازل آسان فرمائے،
بے شک اولاد صدقہ جاریہ ہے اپنے والدین کے لئے۔ نماز میں بھی ہم اپنے والدین کے لئے دعا کرتے ہیں۔

فخر بٹ

مجھے یہ پڑھ کر بہت افسوس ہوا ہے کہ آپکے والد اس دنیا فانی سے رخصت یو چکے ہیں ۔میری یہ دُعا ہے کہ اللہ اُن کو جنت میں داخل کرے اور اُن کی مغفرت فرماے۔آمین

بزم خیال

اللہ تعالی آپ کے والد مرحوم ومغفور کو جنت الفردوس میں اعلی مقام عطا کرے آمین ثمہ آمین

skjatala

یا رب العا لمین! بدر بھائی کی دعا کو شرف قبولیت عطا کر! آمین

راجہ اکرام

اللھم اغفرہ و ارحمہ و اجعل قبرہ روضۃ من ریاض الجنۃ۔۔ آمین

عروج

بھیا۔سبھی کے لیے ایک وقت مقرر کیا جا چکا ھے۔اپنی باری پر یونہی ھم بھی اپنی اولاد کو تڑپتا چھوڑ جائینگے۔دعا اور کوشش تو یہ ھونی چا ھئیے کہ ایسی تربیت کردہ اولاد چھوڑ کرجائیں کہ وہ صرف نیک، دوسروں کے کام آنے والے کام اور خاص طور پر حقوق العباد کا خوف دل میں رکھنے والے بنیں۔ تاکہ و ا لدین کو راحت ھی راحت نصیب ھوتی رھے ۔بس اپنی کوشش بھی یہی ھونی چاھئیے کہ کوئی عمل ایسا نہ ھو جائے جو والدین کے لیے سزا بنے۔ اور قرآن کا تحفہ والدین کے لیے نیا لباس عطا کرواتا ھے۔ یہ ایک بیٹی کو مَیں نے بتایا تو چند ماہ بعد ملاقات پر اسنے قرآن پاک پڑھ کر بخشنے پرخواب میں ماں کو خوش خوش اپنا نیا لباس دکھاتےپایا۔ اور مجھے خواب سنایا ا ورشکریہ ادا کیا۔

مہتاب

اللہ پاک سب کی دعاؤں کو مستجاب فرمائے اور لواحقین کو اس صدمہ پر صبر عطا فرمائے

فیصل ناصر

اللہ آپ کے والد کی مغفرت فرمائے اور ان کے درجات بلند کرے

محمدعدنان

ثم آمین
جزاک اللہ ۔