عبداللہ آدم

السلام علیکم

اج کل میرا "سیزن" ہے یعنی مجھے الرجی ہونے کا.

سب حضرات وخواتین سے گزارش ہےکہ میرا کل سے حال بد سے بدتر ہوتا جا رہا ہے............. اس لیے دعا کریں کہ اللہ رب العزت مجھے اس سے نجات عطا فرما دیں.

کچھ سائنس کہتے ہیں اور کچھ لوگ سائنوسائٹس بولتے ہیں اسے..............

شکریہ

والسلام

ھارون اعظم

اللٰہ تعالیٰ‌ آپ کی مشکل آسان کردے اور صحت عطا فرمائے۔ آمین

کنعان

السلام علیکم!

محترم الرجی کیا ھے وہ بتاؤ شائد کوئی حل ہو تو بتا دیں گے۔

والسلام

عبداللہ آدم

بدلتے ہوئے موسم میں ہوتی ہے... ٹمپریچر تبدیل ہو یا ڈسٹ دھواں وغیرہ کا سامنا ہو جائے تو.................چھینکیں نے انتہا.... اور پچھلے 2 سال سے یہ آہستہ آہستہ سانس کی نالی کو بھی متاثر کر دیتی ہے اور نتیجہ سینے کا جکڑا جانا اور ریشہ وغیرہ ہوتا ہے.

سانس ایک سیٹی کی طرح کی آواز کے ساتھ اتا ہے اور ناک بند..............

کنعان

السلام علیکم!

سائنوسائٹس کوئی دوسری الرجی ہوتی ھے اسے سن برن بھی کہتے ہیں خیر چھوڑیں اس کو یہ بتائیں کہ کونسے ملک اور شہر میں اس وقت رہ رہے ہیں پھر بعد میں کچھ لکھیں گے۔

احتیاطی تدابیر یہ کہ ناک کے بال زیادہ قطر میں نہ کاٹا کریں یہ قدرتی نظام ھے جو ڈسٹ کو ناک کے راستہ سانس کی نالی میں جانے سے روکتا ھے۔ "ملٹھی" کا استعمال کیا کریں اور سونف الائچی کا قہوہ بھی کبھی پی لیا کریں یہ سانس کی نالی کو صاف کرتی ہیں اور بلغم کو کنٹرول کرتی ہیں۔ چھینکوں پر ایک سال کے لئے ایک انجکشن لگتا ھے وہ لگوا لیا کریں کوئی نقصان نہیں ہوتا۔ صبح جب بھی اٹھیں تو فوراً نہایا نہ کریں کچھ دیر بعد نہائیں اور سر کو اچھی طرح خشک کریں
اور سر پر ٹوپی پہن لیا کریں دماغ کے تالو کو یکدم ہوا لگنے سے اکثر لوگوں کو اس سے بھی چھینکوں کی شکایت رہتی ھے۔

والسلام

__________________

زارا

آپکا سیزن ہے اورمجھے پہلے پہل گرمیوں میں ہیہوتی تھی اب سردیاں میڈیسن کھا کر گُزرگئی لیکن اب تک افاقہ نہیں ہوا۔

اللہ سوہناآپ پر خاص کرم کریں۔ آمین۔

عروج

اسلام آباد آتے ھی موسم کے بدلنے کا وقت بھی آگیا۔تو مَیں نزلہ بلکہ کیرا کا شکار ھو گئی۔ اللہ بھلا کرے میری عقل کا کہ ھومیو پیتھک علاج کے لیے اپنے بیٹے کے ساتھ کلینک چلی گئی پہلی بار۔ بعد میں میرا بیٹا ھی ادویات کی فراھمی کا فریضہ سر انجام دیتا رھا۔ مستقل مزاجی سے دواء کھانے کے ساتھ ساتھ رب سے دعا بھی جاری رکھی آج اللہ کے فضل سے مارچ میں پولن کی مقدار کے بڑھ جانے کے باوجود ٹھیک ھوں۔ بھیا۔ ھومیو پیتھک علاج سے اگر دمہ ٹھیک ھو سکتا ھے تو الرجی کا تو ضرور ھی۔

M A Ansari

اللہ تعالی آپ کو اس مرض سے نجات عطا فرمائے آمین

Farrukh

السلام و علیکم
الحمد للہ رب العالمین۔، والصلاۃ والسلام اعلٰی رسولہ الکریم۔۔۔
میں اسلام آباد کا رہائیشی ہوں اور یہیں جما، پلا بڑھا ہوں
آج سے تقریبآ 10 سال پہلے، کالج کے زمانے میں مجھے بھی اس قسم کا مسئلہ شروع ہوا تھا، یوں لگتا تھا جیسے آکسیجن ختم ہوگئی ہو اور سانس بہت کھینچ کھینچ کر لیتا تھا۔ اس سے پہلے کہ میں ڈاکٹر کے پاس جاتا ایک چھوٹا سا واقعہ ایسا ہوا آج تک میرا سانس ٹھیک چل رہا ہے۔
میں سکول کے زمانے میں قاری رہ چُکا ہوں اور قرآت، نعت وغیرہ کا شوق رکھتا تھا۔ ایک رات ہوا کچھ یوں کہ تقریبا 11 بجے میں اسلام آباد کے سیکٹر ایچ ایٹ سے اپنے پرانے موٹر سائیکل پر آرہا تھا اور ان دنوں کچھ پریشانیوں کی وجہ سے بہت ڈپریشن کا شکار بھی تھا اور شائید اسی وجہ سے سانس بھی خراب ہو رہا تھا۔۔ کہ اچانک موٹر سائیکل بند ہوگئی۔ اس سڑک پر گھُپ اندھیرا ہوتا ہے۔ ایک اور موٹر سائیکل والے صاحب نے رک کر میری مدد کی کوشش کی، مگر بے سود کیونکہ موٹر سائیکل میں پٹرول بھی موجود تھا اور اس میں ظاہری طور پر ایسی کوئی خرابی بھی نہیں تھی جس کی وجہ سے وہ بند ہو جاتی۔۔
بہرحال میں اس سڑک پر تنہا گھپ اندھیرے میں موٹر سائیکل کو گھسیٹا جا رہا تھا اور سانس کی خرابی کے باعث کچھ مشکل محسوس کر رہا تھا

بس ایسے ہی ذھن میں آیا کہ تلاوت کی جائے۔۔۔اور میں نے اونچی آواز میں سورہء اخلاص، سورۃ الناس اوردیگر سورتیں جو زیادہ تر تیسویں پارے میں ہیں، کی تلاوت شروع کر دی۔۔۔۔۔
قاری حضرات اس چیز سےبہت اچھی طرح واقف ہیں کہ قراءت کے لئے کئی مرتبہ سانس پر دباؤ ڈالنا پڑتا ہے جس کی وجہ سے پھیپھڑوں پر بھی دباؤ پڑتا ہے۔۔۔۔۔
یقین کریں اسکے تھوڑی دیر میں مجھے اسی ماحول میں‌سانس ٹھیک آنا شروع ہوگیا۔ کچھ دیر بعد میری موٹر سائیکل بھی سٹارٹ ہو گئی۔ آج تک الحمد للہ، ثم الحمد للہ، میرا سانس بھی ٹھیک ہے اور اگر کبھی ہلکا پھلکا مسئلہ ہو بھی تو میں قراءت کے ذریعے پھر ٹھیک کر لیتا ہوں۔۔۔ آور آج کل بھی جب اسلام آباد میں پولن کا مسئلہ عروج پر ہے، میں اللہ سبحان و تعالٰی کی بیش بہا نعتموں جن میں طرح طرح کے پھول بھی شامل ہیں سے لطف اندوز ہوتا ہوں اور آج تک کم از کم سانس کی وجہ سے کسی ڈاکٹر کے پاس جانے کی نوبت بھی نہیں‌ آئی۔

میں یہ بھی بتاتا چلوں کہ بچپن سے ہی میں بلیوں کے ساتھ بھی کھیلتا آیا ہوں جس کے بالوں کے بارے میں اکثر کہا جاتا ہے کہ ان سے دمہ ہوجاتا ہے۔ مگر ہمارے گھر میں‌آج تک کسی کو ایسا کوئی مسئلہ نہیں ہوا۔۔۔

وہ موٹر سائیکل کافی عرصہ میرے پاس رہی اور اس کی وہ خرابی بھی پتا چل گئی جس سے وہ بند ہوتی تھی۔ اور وہ یہ تھی کہ اسکی پٹرول کی ٹنکی میں ایک چھوٹا سا سوراخ تھا جس سے قطرہ قطرہ پٹرول نکلتا اور ہوا داخل ہوتی اور پھر ایک ایسا دباؤ بنتا کہ پٹرول انجن میں جانا بند ہوجاتا تھا نتیجہ میں موٹر سائیکل بھی رک جاتی تھی۔

اس کے بعد اللہ نےمجھے اور بہت پریشانیوں سے نجات عطا فرمائی اور الحمد للہ، دوبارہ وہ پریشانیاں کبھی حائل نہیں‌ہوئیں۔۔۔

اللہ سبحان و تعالی کے کلام میں اور اسے ادا کرنے کے طریقے یعنی قرات میں اللہ نے بہت برکت رکھی ہے۔۔

میں اپنے مسلمان ساتھیوں سے یہ التماس کرتا ہوں کہ قرآن و حدیث کا مطالعہ کیا کریں۔ تنہائی میں گانے گنگنانے کی بجائے، قرآت کیا کریں اور قرآت سیکھا بھی کریں۔۔۔۔

اگر آپ چاہیں تو جب آپ کے سانس پر برا اثر پڑے تو اسوقت قرات کرنے کی کوشش بھی کیا کریں جس سے آپ کے سانس پر بھی اثر پڑتا ہو۔۔

اللہ تعالٰی آپ کو اور تمام مسلم امہ کو بہترین صحت و تندرستی عطا فرمائے اور اپنی بہترین رحمتوں میں رکھے ۔ آمین، ثم آمین۔


جزاکم اللہ خیرا و کثیرا۔۔۔

عبداللہ آدم

جزاک اللہ بھائی جان..................اللہ آپ کو اجر عظیم سے نوازے.

الحمدللہ تلاوت کی چلتے پھرتے نعمت اللہ نے مجھے بھی بے شمار گناہوں کے باوجود دے رکھی ہے جس پر میں اس کا جتنا شکر ادا کروں کم ہے.

ہاں اس معاملے میں میں نے اسے آزمانے کی کوشش نہیں کی..... آج کل تو الحمدللہ آرام ہے ....آئندہ تجربہ کر کے بتاؤں گا.

اللہ آپ کو دین و دنیا کی بھلائیاں عطا فرمائیں .

آمین

shafirajput

لا باس طھور ان شاء اللہ

حیدر

گُڈ !
یار ہومیو پیتھک ٹرائی کرو ۔۔۔ نہیں تو چک شہزاد والوں کا کیا کہنا ہے؟کوئی علاج معالجہ؟

عدنان دانی

اللہ تعالی آپ پر رحم فرمائیں

عبداللہ آدم

چک شہزاد والوں سے پچھلے سال سے سلسلہ جنبانی چل رہا ہے لیکن میں ہی سست ہوں............... کل جاتا ہوں کا جاتا ہوں وغیرہ وغیرہ.

ہومیو پیتھک علاج کا صبر مجھ میں نہیں پایا جاتا..........................