بزم خیال

میری زندگی میں ہمیشہ دو طرح کے راستے منزل کی نشاندہی میں سامنے آ تے ہیں ۔
ایک آسان، مالی فائدہ سے بھرپور ، کم وقت میں کامیابی کے امکانات زیادہ نظر آتے ہیں ۔یا یوں کہہ لیں اپنا اُلو سیدھا کرنا۔ مگر اس کےلئے اخلاقی اورسماجی اصول جو اچھائی کا پیمانہ ہوتے ہیں اور خاص طور پر مذہب بھی ان ہی اصولوں کی پیروی کی تلقین کرتا ہے ۔ کو پس پشت ڈال کر وقتی درپیش مشکلات سے آنکھیں چرا کر دنیاوی اور مالی فوائد حاصل کر کے خواب خرگوش کے مزے لوٹنے میں زندگی بسر ہو جائے ۔
دوسرا راستہ انتہائی کھٹن ، پریشان کن صورتحال ، مالی پریشانیوں کے ساتھ ساتھ ذہنی وجسمانی مشقت کا بھی متقاضی ہوتا ہے ۔ مقررہ مدت کی قید سے آزاد ۔ جس میں قلب سکون ہے ۔ انتظار تو ہے کوفت نہیں ۔ پشیمانی کا امکان نہیں ۔ ضمیر مطمعن رہتا ہے ۔ کہ اخلاقی ، سماجی اور مذہبی لحاظ سے جو اصول خود میں مقرر کر رکھے ہیں ۔ وہی ٹھیک ہیں ۔
ایک بار پھر میں انہی حالات کا پھر شکار ہو چکا ہوں ۔ پہلا راستہ بہت آئیڈئل ہے ۔ فائدہ بہت ہے ۔ لاکھوں کا منافع چھوڑنا ،دوسروں کی نظر میں شائد یہ فائدہ کا سودا نہ ہو ۔ مگر میرے نزدیک ہر کام نفع و نقصان کی بنیاد پر نہیں ہوتا ۔ کچھ کام ایسے بھی ہوتے ہیں جس میں تکلیف تسکین کا موجب ہوتی ہے ۔ اور ہر بار کی طرح اس بار بھی میں نے دوسرے راستہ کو ہی چنا ہے ۔ مشکلیں زیادہ ہیں ۔ مقصد واضح ہے مگر منزل دھندلائی ہوئی ۔
دعا کریں پہلے کی طرح اس بار بھی میں ان حالات سے اللہ تبارک تعالی کی مدد سے پار اتر سکوں ۔

__________________
شائد میرا سفر یہیں تک تھا

فیصل ناصر

دعا ہے اللہ آپ کو وہ راستہ چننے کی توفیق دے جو وہ آپ کے لئے بہتر سمجھتا ہے

گلاب خان

السلام علیکم ورحمۃ اللہ وبرکتہ
بھائی صبر کا پھل یقینآ میٹھا ہوتا ہے، بے شک اس میں مشکلات کا سامنا ہوگا، لیکن اللہ صبر کرنے والوں کو دوست رکھتا ہے۔ اللہ آپ کو بھلائی عطا فرمائے۔

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)

جاسوس

اللہ پاک آپ کو راہ راست پہ چلنے کی ہمت و توفیق دے
آمین

محمدعدنان

اللہ پاک آپ کی مشکلات آسان فرمائے
آمین

عدنان دانی

اللہ پاک وہی کرے جسمیں آپکی بہتری ہو آمین

منتظمین

اگر تو حلال اور حرام کا واضح‌ فرق نہیں تو پھر استخارہ کر لیں۔