ابو اسد

کہا جاتا ہے کہ حکیم لقمان جب پڑہ لکھ کر فارغ ہوئے تو ان کے استاد نے حکیم لقمان سے کہا کہ آج ایک بکرا ذبح کرو اور اس میں جو سب سے اچھی چیز سمجھو ہمارے لئے پکا کر لے آؤ۔ حکیم لقمان بکرا ذبح کر کے اس کے دل اور زبان کو خوب اچھے مصالحوں کے ساتھ بھون کر استاد کے سامنے رکھ دیا۔ استاد نے چکھا تو تعریف کر کے کہا لقمان آج تم آدھے کامیاب ہو گئے۔

کچھ دن بعد استاد نے پھر کہا کہ آج ایک اور بکرا ذبح کرو اور اس میں جو سب سے بُری چیز پاؤ، وہ ہمارے لئے پکا کر لاؤ۔

حکیم لقمان نے بکرا ذبح کر کے اس بار بھی پہلے کی طرح صرف دل اور زبان ہی کو چُن لیا مگر اب کے اس ترکیب سے پکایا کہ زبان میٹھی پکائی اور دل کڑوا۔ پھر دونوں کو ملا کر استاد کے سامنے رکھ دیا۔ استاد نے چکھا تو بد مزہ کھانے کی وجہ پوچھی کہ لقمان آج تم کیا پکا لائے؟

لقمان نے عرض کیا کہ استادِ محترم! وہی دل اور زبان جو آپس میں موافق نہیں۔ استاد نے جواب سن کر کہا جاؤ آج تم پورے کامیاب ہو گئے ہو۔

حکیم لقمان نے دونوں بار کیسی اچھی چیزیں چنیں۔ سچ مچ ایک جیسے دل اور زبان سے بڑھ کر کوئی نعمت لطیف اور لذیذ نہیں اور نہ ایک دوسرے کے مخالف دل اور زبان سے زیادہ کوئی چیز بُری اور بد مزہ ہے۔ جس آدمی کا دل اور زبان ایک ہو دنیا بھی اس کی عزت کرتی ہے۔ اللہ تعالٰی بھی خوش ہوتا ہے اور جس کی زبان دل سے موافق نہ ہو دنیا بھی اسے اچھا نہیں سمجھتی۔ اللہ تعالٰی بھی ناخوش ہو جاتا ہے بلکہ انسان خود بھی خوش نہیں رہتا۔

عروج

بلاشبہ۔ یہی زبان ا پنی بُری باتوں کی وجہ سے ھی دنیا میں ذلیل کراتی ھے۔اور دل بُری سوچوں کے عوض جہنم میں لے جاتا ھے۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔

ابو اسد

بلکل صحیح فر مایا آپ نے اللہ تعالی ھما رے حال کہ اپر رحم کرے

فخر بٹ

آمین ثم آمین
اللہ ہم سب کو نیک سوچنے اور نیک بولنے کی تو فیق عطا فرمائے