عبیداللہ عبید

" مؤدبانہ گذارش یہ ہے کہ بندہ نے مئی 2009 ء میں ملٹری آپریشن کے دوران، اپنے اہلِ خانہ کے ساتھ ۔۔۔۔۔ سے نقل مکانی کی تھی اور اکتوبر 2009 ء میں علاقے میں مکمل طورپر پاک فوج کی جانب سے امن کی بحالی کے بعد واپس آیا تھا۔

اکتوبر 2009 ء میں، گھر پہنچتے ہی سوئی گیس کے محکمے سے اپنا بل طلب کیا لیکن مجھے نہیں دیاگیا اور کہاگیا کہ بقایاجات کی صورت میں بل آپ کو آئندہ ماہ کے بل کی شکل میں مل جائے گا۔اور اسی طرح دسمبر 2009 ء کے مہینے کا ایک لاکھ ، اُنیس ہزار، دوسو ، تیس (1،19230) روپے بل موصول ہوا ۔

مجھے دفتر میں یقین دہانی کرائی گئی کہ یا تو محکمہ سوئی گیس کے سافٹ ویر کی غلطی

یا ملٹری آپریشن کے دوران مارٹر گولوں سے گیس لیکیج

یا ملٹری آپریشن کے دوران مارٹر گولوں کی شدت، کی وجہ سے کچھ صارفین( جن کی تعداد 43 بتائی گئی ) کے خلاف زیادہ بل آیا ہے لیکن یہ تمام صورتِ حال جی ایم صاحب کی خدمت میں لکھ بھیجی گئی ہے اور اس معاملے کا جلد ہی تصفیہ ہوجائے گا ۔

موجودہ صورتِ حال یہ ہے کہ محکمے کی طرف سے یہ ہدایت کی گئی ہے کہ یہ بل تمام کا تمام آپ کو لازمی طورپر جمع کرانا ہوگا۔اور اس میں کسی قسم کی تصحیح کی گنجائش نہیں ہے۔

اب مجبوراً میرا ارادہ ہے کہ اس سلسلے میں قانونی چارہ جوئی کی راہ اختیار کرلوں کیونکہ بلاوجہ اتنی بڑی رقم کی ادائیگی میری برداشت سے باہر ہے ۔

اس لیے آپ کی خدمت میں درخواست ہے کہ مجھے ان تمام افراد کی فہرست فراہم کریں جن کا کیس میرے کیس کی طرح لٹکا ہوا ہے اور جی ایم صاحب یا کسی بھی مجاز آفیسر نے اس پر غور کرنے سے انکار کیاہے ۔

امید ہے کہ آپ میری پریشانی کو مدنظر رکھ کر ، مجھے یہ فہرست فراہم کرنے کے احکام جاری فرمائیں گے اور بندہ تاحیات دعاگو رہے گا۔"

عبیداللہ عبید

یہ میری درخواست کا متن ہے ،امید ہے کہ اس سے آپ میری پریشانی سمجھ گئے ہوں گے ، اس سلسلے میں آپ سب سے مشورہ درکارہے ۔

زارا

السلام علیکم

کوشش ہے کل تک آپکو لسٹ پی ایم کر دوں۔ شکریہ

عبیداللہ عبید

شکریہ زارا ، اللہ جزائے خیر عطافرمائے ۔ہمیشہ آپ ہی پہل کرتی ہیں اس بھائی کی مدد کے لیے ۔

اس سلسلے میں ، مَیں نے ایک دو قانون دانوں سے بھی مشورہ کیا اور نیٹ پر سرچنگ کے دوران وفاقی محتسب کا پتہ لگایا ، اوگرا سے بھی شکایتی فارم ڈاونلوڈ کیا ہے ۔

آپ کے سامنے اس لیے رکھا کہ اگر آپ میں سے کوئی اس جیسے مسئلے کا شکار ہواہو تو اس کے تجربات سے فائدہ اُٹھاسکوں ۔

ھارون اعظم

اللٰہ تعالیٰ آپ کی مشکلات آسان فرمائے۔ آمین

dxbgraphics

آپ کا مسئلہ حل ہوایا ن ہیں اس کے بارے میں آپ نے کچھ نہیں لکھا۔

عبیداللہ عبید

میرا بل والا مسئلہ تو مکمل طور پر حل ہوا لیکن جزوی طور پر ایک رکاوٹ اس میں آئی ہے کہ میرا میٹر لے گئے ہیں ۔

میرا ارادہ تھا کہ میں آپ کی طرح پوری تفصیل یہاں ظاہر کروں تاکہ کسی اور کی بھی راہنمائی ہو لیکن وقت کی قلت کا شکار ہوں ۔

اگر تفصیلی طور پر نہ ہوسکا تو پھر مختصر طور پر سارا طریقہ کار یہاں درج کروں گا ۔

نبیل خان

اللہ کریم آپ کی مشکل کو آسانی میں بدل دے آمین

عبدالقدوس

اگروہ میٹرلے گئے ہیں تو آپ کا مسئلہ کیسے حل ہوگیا؟

عبیداللہ عبید

بھائی عبدالقدوس ! رقم والا مسئلہ حل ہوگیا کیونکہ میں نے اوگرا کے رجسٹرار کو درخواست پیش کی تھی جس پر اس نے دو تین ماہ میں فیصلہ صادر کرتے ہوئے رقم معاف کی تھی لیکن سوئی گیس والے اب اپنے اتھارٹی کے احکامات کی خلاف ورزی کرتے ہوئے میٹر لے گئے ہیں ۔ پوری تفصیل ایک دو دن میں یہاں لکھ دوں گا : ان شاء اللہ

عبدالقدوس

آپ اُس لیٹر جس میں آپ کی رقم کی معافی کا اعلان ہوا ہے کا حوالہ دیکر لوکل آفس میں درخواست دے اور ایک لائن لکھ دیں اس میں کہ "یہ فلاں اتھارٹی کے حکم نامہ کی خلاف ورزی ہے اور کارسرکار میں مداخلت ہے" پھر دیکھئے دوڑیں

__________________

بنت حوا

اللہ تعالیٰ آپ کی مشکلات آسان فرمائے۔ آمین

عبیداللہ عبید

شکریہ بہن ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔

شالا

اس سلسلے میں مدد نہیں کر سکتی دعا ہے اللہ آپکی مدد کرے آمین

عبیداللہ عبید

بہنیں دعائیں کرتی ہیں تو بھائیوں کے مشکلات حل ہوجاتے ہیں ، شکریہ ، اللہ سلامت رکھے