موجو

السلام علیکم ورحمۃ اللہ وبرکاتہ
چند دن پہلے میں نے ایک دھاگہ بنایا تھا بعنوان
پاک نیٹ انتظامیہ خصوصا خلیل صاحب متوجہ ہوں
یہ دھاگہ غلط فہمی کی بنیاد پر تھا ہمارے درمیان جو معاملہ چل رہا تھا اچانک خلیل بھائی سے سارے رابطے ختم ہوگئے بجائے اس کے کہ میں خلیل صاحب سے وجہ جاننے کی کوشش کرتا اور مشکلات میں کچھ نہیں تو ان کے لئے دعا ہی کردیتا میں‌نے فوری طور پر ان کے خلاف ایک چارج شیٹ لکھ ماری وہ تو بھلا ہو انتظامیہ کا کہ انہوں نے باہمی مشاورت سے اس دھاگے کو نامنظور کردیا۔
خلیل بھائی کے والد محترم ہسپتال میں داخل تھے اور مجھے اپنے رابطہ ٹوٹ جانے کی پڑی ہوئی تھی اللہ رب العزت سے معافی کا خواستگار ہونے کے ساتھ ساتھ میں خلیل صاحب سے بھی دلی معذرت چاہتا ہوں۔
یہ میری ہی نہیں عموما لوگوں‌کی بھی عادت ہے کہ ہم معاملات کو یکطرفہ دیکھتے ہیں اور اسی کی بنیاد پر فیصلہ کرلیتے ہیں اگر کسی بھی ذریعے سے میرے علم میں ان کی پریشانیاں آجاتیں تو میں ہرگز ان سے یہ بد خلقی نہ کرتا۔
انسان سے غلطی نہ ہو تو وہ انسان نہیں اور غلطی کے احساس کے بعد اگر معذرت، توبہ نہ کرے تو بھی انسان نہیں بلکہ شیطان ہے، کیونکہ شیطان اپنی غلطی پر اڑ جاتا ہے اور انسان پلٹتا ہے اپنے رب کی طرف تو بہ کرتا ہے۔
خلیل صاحب اگر آپ کے دل میں کوئی خلش رہ جائے تو آپ جیسے راضی ہوجائیں گے مجھے بتائیے گا میں ان شاء اللہ پوری کوشش کرلوں گا میں اپنے بوجھ میں سے بدخلقی کا گناہ ہمیشہ کے لئے نکالنا چاہتا ہوں آپ براہ کرم اللہ کے لئے مجھے معاف فرما دیجیے گا۔
باقی حضرات اپنے تاثرات سے پہلے یہ جان لیں کہ میں مسلمان ہوں‌اور دین کی تعلیمات کے مطابق اللہ کے حضور کھڑے ہونے کے ڈرسے معذرت اور توبہ ہے ورنہ انسان کو کوئی چیز (سوائے گھٹیا مفادات( کے اس طرف توجہ نہیں دلا سکتی۔

__________________
قولوا لناس حسنا (لوگوں سے اچھی بات کہو(

بلال الراعی

بہت اچھا لگا آپ کے احساسات جان کر۔کاش سب لوگ ایسے ہو جائیں۔

حیدر

خلیل کھُلے دل کا بندہ ہے۔ وہ دل میں بُغض نہیں رکھتا۔
انشا اللہ ، اللہ معاملات کو بہتر کرے گا

سحر

موجو بھائی
آپ کو اللہ جزائے خیر عطا فرمائے ۔ اور آپ کو دنیا اور آخرت میں سکون عطا فرمائے ۔
بس اتنئ نصیحت ہے کہ کسی سے بھی معاملات کرنے سے پہلے
ایسے انسان کو منتخب کرئں جن کے ساتھ آپ نے خود کم از کم تین دن گزارے ہوں۔۔
کاروباری معاملات کرنے کا طریقہ کار اسلام نے بہت واضع طور پر بیان کیا ہے
ان پر عمل کریں تو انشاءاللہ کبھی کوئی پریشانی نہیں ہوگی

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

سیپ

السلام علیکم ورحمتہ اللہ وبرکاتہ
بہت بہت شکریہ
کبھی کبھی حقیقت ہماری سوچ سے بہت مختلف ہوتی ہےاور اکثر ہم محض غلط فہمی کا شکار ہو کرغلط فیصلہ کر لیتے ہیں ۔
اللہ پاک آپ کے تمام معاملات بخیر ادا کرئے آمین

__________________

محمدخلیل

بھائی جان بہت بہت شکریہ آپ کا بھی کہ غلط فہمی دور ہوگی ہے
آپ بہت اچھے انسان ہیں۔