شاہ جی 90

پاک ۔ نیٹ کے بہت سے دوست جانتے ہیں کہ ہماری بیگم بیمار ہیں
ان کو علاج کے سلسلہ میں بہت سی جگہوں پر لے کر جانا ہوا
اس دوران بہت سے عجیب و غریب تجربات ہوے اور آج ہمارا دل چاہا کہ ان تجربات کو آپ سے شئیر کیا جائے ۔
تو بھائیو اور بہنو یہاں ہم اپنی آپ بیتی بتائیں گے
مقصد ایک تو یہ ہے کہ اس مخصوص بیماری کے حوالے سے بہت سے بھائی بہنوں کو راہنمائی بھی ملے گی
اور بہت سی جگہوں کے بارے میں معلومات بھی ۔
دوسرا مقصد وہی انسان کی ازلی خواہش کہ ہر ایک کو کوئی نہ کوئی کاندھا چاہئیے ہوتا ہے جس پر سر رکھہ کر رو سکے ، اپنا دکھہ درد بیان کر سکے ۔
تو صاحب چلئیے ہمارے ساتھہ ڈسٹرکٹ ہیڈ کوارٹر ہسپتال اٹک
کیوں کہ علاج کے لیئے اگر ہمیں لمبی چھٹی چاہئیے تو انہی صاحبان کشف کرامات کے دو حروف سے مل سکے گی ۔
ہم صبح صبح DHQ اٹک پہنچے اور جاتے ہی ڈاکٹر وجاحت حسین کا پتا کیا ، کہ ہماری نظر میں وہی ایسے تھے جو کہ ہماری مدد کر سکتے تھے ، لیکن بد قسمتی سے وہ دستیاب نہ تھےاور ہمارا پالا پڑا ایک مرد ناہنجار ڈاکٹر نور حسین سے جو کہ بلا تردد ڈاکٹر کی بجائے ایک بے رحم قصائی کہلانے کا مستحق ہے ، اس شخص کی آنکھوں سے پیسے کی بھوک ٹپکتی تھی اور لالچ نے اس کے وجود کے گرد ایک ہالہ سا بن رکھا تھا ۔
ہمارے سامنے اس نے ایک معمر خاتون کا معائنہ کیا اور اسے خوشخبری سنائی کہ اگر اس نے باقائدہ کسی اچھے ڈاکٹر سے علاج نہ کروایا تو بہت جلد اس کی چھٹی ہو سکتی ہے ۔ وہ بے چاری بہت ڈر گئیں ، ان کے میاں انہیں تسلی دلاسے دے رہے تھے ۔ ساتھہ ہی انہوں نے ڈاکٹر کے پرائیویٹ کلینک پر حاضر ہونے کا عہد کیا تب کہیں جا کر ڈاکٹر نے اپنی خوفناک باتیں بند کیں اور انہیں علاج اور پرہیز کے بارے میں تھوڑا بریف کیا ۔
ہم اپنی حماقت پر صاد کر چکے ہیں کہ اس وقت ہی حالات کو دیکھتے ہوے ہمیں ان کے کمرے سے نکل جانا چاہئیے تھا ۔
لیکن یک دم ہی انہوں نے ہم سے سوالات شروع کیئے اور دو تین سوالوں کے بعد جو پہلی گل افشانی کی وہ یہ تھی
آگ لگ چکی ہے بجھانے کی فکر کریں
اور مریضہ یعنی ہماری زوجہ محترمہ کے سامنے ہی ان کے مرض کی خوفناکی اور اثرات پر تبادلہ خیال شورع کر دیا ۔ جو ہم سے برداشت نہ ہو سکا اور ہم دونوں ان کے کمرے سے نکل آئے ۔ اس دوران وہ ہمیں RGH ریفر کر چکے تھے پرچی ہمارے پاس تھی ۔
مجھے محسوس ہوا کہ جیسے میں اپنے ساتھہ کوئی زندہ انسان نہیں بلکہ ایک بے جان وجود کو لے کر چل رہا ہوں ، راستے میں تو ہماری بیگم نے کافی کنٹرول کیا لیکن گھر میں داخل ہوتے ہی ان کی جو حالت ہوئی وہ بیان سے باہر ہے ، ہمارا بس نہیں چل رہا تھا کہ ڈاکٹر نور حسین کو کچا چبا جائیں ، جس کے بھیانک انداز نے ہماری بیگم کو کافی سے زیادہ خوفزدہ کر دیا تھا اور وہ اپنی زندگی سے ناامید ہو چکی تھیں ۔
خیر ہم اسی شام کو ڈاکٹر وجاحت حسین سے ملے اور ان کے مشورے سے سی ایم ایچ راولپنڈی سے بائیوپسی کروانے کا فیصلہ کیا ۔
سی ایم ایچ کے حالات جو کہ اونچی دکان پھیکے پکوان والے ہیں انشااللہ جلد لے کر حاضر ہوں گا۔

محو حیرت ہوں کہ پارٹ 1

محو حیرت ہوں کہ ۔ ۔ ۔ ۔ ۔ ۔ ۔ ۔ ۔Part 2
محو حیرت ہوں کہ ۔ ۔ ۔ ۔ ۔ ۔ ۔ ۔ ۔ پارٹ تھری
محو حیرت ہوں کہ ۔ ۔ ۔ ۔ ۔ ۔ ۔ ۔ ۔ پارٹ 4
محو حیرت ہوں کہ ۔ ۔ ۔ ۔ ۔ ۔ ۔ ۔ ۔ ۔ ۔ ۔ Part 5

محو حیرت ہوں کہ ۔ ۔ ۔ ۔ ۔ ۔ ۔ ۔ ۔ ۔part 6

محو حیرت ہوں کہ ۔ ۔ ۔ ۔ ۔ ۔ ۔ ۔ پارٹ 7

محمدعدنان

معظم بھائی مزید کا انتظار رہے گا۔
اللہ پاک بھابی جی کو صحت دے آمین اور ان بے رحم لوگوں کے شر سے سب کو محفوظ رکھے۔
آمین

__________________

بزم خیال

معظم بھائی کچھ ڈا - کٹر ، ایسے مہربان بھی ہوتے ہیں ۔ مشہور کہاوت ہے ۔ واہ پیا جانے تے راہ پیا جانے ۔

__________________
شائد میرا سفر یہیں تک تھا

شاہ جی 90

بھائیو اور بہنو آپ سب کی محبتوں کا بہت شکریہ
طوالت کی وجہ سے دوسرا حصہ لکھہ کر اس کا لنک اوپر دے دیا ہے ، اب اسی طرح اسے مکمل کروں گا ۔