شاہ جی 90

تو بھائیو اور بہنو
ہم دوسرے دن راولپنڈی پہنچے جہاں کے لیئے ہمیں آٹھہ بجے کا وقت بتایا گیا تھا اور تاکید کی گئی تھی کہ لیٹ نہ ہوں ۔ ہم سوا آٹھہ بجے CMH راولپنڈی پہنچ گئے تھے لیکن ڈاکٹرز کا نام و نشان نہ تھا ۔ ایک بڑے میاں انتظامیہ کا کارڈ لگائے بیٹھے تھے ان سے پتا چلا کہ کوئی دربار ہو رہا ہے اور تمام ڈاکٹرز وہاں گئے ہوے ہیں ۔ اب انتظار شروع ہوا اور قریب 11.30 پر ڈاکٹر آئیں جنہوں نے باری باری سیمپل لینا شروع کیئے ہم لوگ ایک بجے سیمپل دے کر فارغ ہوے ۔ اب پانچ دن بعد ریزلٹ لینے آنا تھا ۔ ہم لوگ اٹک واپس آ گئے ۔ ان دنوں ایک عجیب پریشانی کی کیفیت تھی ۔ گھر میں روزانہ آیہ کریمہ اور درود تنجینہ کا ختم کروایا جا رہا تھا ۔ اور یہی دعا تھی کہ اللہ اس بیماری سے بچا لے ۔ لیکن ہوتا تو وہی ہے جو اس کی منشا میں ہوتا ہے ۔ پانچویں دن ریزلٹ + آ گیا ۔ اور جب ہم ریزلٹ لے کر آ رہے تھے تو بہت کوشش کے باوجود ہمارے آنسو رک نہیں رہے تھے ۔ 14 سال کا ایک ایک لمحہ ہماری آنکھوں کے سامنے تھا ۔
خیر دوسرے دن بیگم کو ساتھہ لے کر پھر سی ایم ایچ کے آنکالوجی ڈیپارٹمنٹ پہنچے تو صدر شعبہ برگیڈئیر ڈاکٹر افتخار سے ملے انہوں نے معائنہ کیا اور علاج اور اس پر اٹھنے والے اخراجات کے بارے میں بتایا ۔
یہاں میں آپ کو ایک بات بتا دوں کہ میرا کم از کم دس سال کا پراپرٹی کا تجربہ ہے ۔ اور میں اچھی طرح جانتا ہوں کہ ڈیلرز جب بندے کو گھیرتے ہیں تو ان کے چہرے پر کیسے تاثرات ہوتے ہیں اور ان کی باڈی لینگویج کیا ہوتی ہے ، اگر آپ ان کے گھیرے میں آ جائیں تو وہ آپ کو پانچ لاکھہ کا پلاٹ 15 لاکھہ میں بھی تھما سکتے ہیں ۔ پتا نہیں کیوں میں نے ڈاکٹر افتخار اور ان کے اسسٹنٹ کے چہرے پر بھی ویسے ہی تاثرات دیکھے ، چونکہ میں کھٹک گیا تھا اس لیئے میں نے باہر نکل کر ان کے سابقہ مریضوں سے انٹر ویو کرنا مناسب سمجھا اسی طرح ہماری بیگم نے بھی کچھہ خواتین سے سوالات کیئے تو صورت حال کچھہ ایسی سامنے آئی کہ ڈاکٹر نے ہمیں ساڑھے چار سے پانچ لاکھہ کا اسٹیمیٹ لگا کر دیا تھا کہ آپ کے علاج پر اتنی رقم خرچ ہو جائے گی ۔ لیکن مریضوں کا یہ کہنا تھا کہ یہ سب کہنے کی باتیں ہیں ۔ مجھے وہ 14/15 سال کا لڑکا کبھی نہیں بھولے گا جس نے بتایا کہ میری والدہ کو بریسٹ کینسر تھا دو سال کے مسلسل علاج میں 40 لاکھہ لگا اور ڈیڑھ دو سال بعد پھر تکلیف شروع ہوئی تو ٹیسٹ کروانے پر پتا چلا کہ اب کینسر لیور اور ایک دو اور جگہوں پر پھیل چکا ہے ۔ اسی طرح کے تاثرات باقی پیشنٹس کے بھی تھے۔ ہم نے فیصلہ کیا کہ مزید ٹیسٹ بھی یہیں سے کروا لیتے ہیں لیکن علاج یہاں سے نہیں کروانا ۔
سونو میمو ٹیسٹ کے لیئے ہمیں اسی شام کا وقت دیا گیا ، اس دوران بلڈ ، یورین وغیرہ کا ٹیسٹ ہوا اور ہم صبر کی انتہائوں کے ساتھہ ان مراحل سے گزرتے رہے ۔ وجہ آخر میں بتائوں گا ۔
تو جناب شام کو سونو میمو گرافی کے لیئے پہنچے ایک کرنل ڈاکٹر تھیں جنہوں نے ٹیسٹ لینا تھا ، شام 5 بجے کا وقت دیا گیا تھا اور ان کے عملے نے ہمیں یقین دلایا تھا کہ ڈاکٹر صاحبہ شام چار بجے تک آ جاتی ہیں ، ہم 4.40 پر پہنچ گئے اب ڈاکٹر صاحبہ کا کوئی پتا نہیں ، بار بار پوچھنے پر ریسپشن کا عملہ ہمیں دس دس منٹ کا کہ کر ٹالتا رہا ۔ اور سات بجے کے قریب ڈاکٹر آئیں ، میں سمجھتا تھا کہ فوجی ہسپتال ہے اور یہاں اگر سپاہیوں کا رویہ عوام کے ساتھہ خراب ہے تو اس لیئے کہ ان کی زہنے سطح ہی اتنی ہوتی ہے ، لیکن اب پتا چلا کہ یہاں بھی کم از کم سفارش تو اپنے پورے جوبن کے ساتھہ داخل ہو چکی ہے، بڑے دھڑلے کے ساتھہ ہمارے بعد آنے والے کم از کم 3 مریضوں کا ہم سے پہلے ٹیسٹ لیا گیا ، اور اس کے بعد ان تین مریضوں کی باری آئی جو ہم سے پہلے سے بیٹھے انتظار کر رہے تھے ، ساتویں نمبر پر جب ہم ٹیسٹ دے کر باہر نکلے تو رات کے ساڑھے نو بج رہے تھے ۔
سی ایم ایچ سے نکلتے ہوے ہم اچھی طرح جان چکے تھے کہ یہاں مریضوں کو کسٹمر سمجھہ کر پھانسا جاتا ہے ، ڈاکٹرز میڈیسن کمپنیوں کے پے رول پر ہیں اور 80 ہزار سے ایک لاکھہ تک کا ایک انجیکشن لکھہ کر دے دینا عام رواج ہے ، اسی طرح یہاں اگر آپ کی کوئی سفارش ہے تو آپ کو انسان سمجھا جائے گا ورنہ اللہ حافظ ہے ۔
اس تلخ تجربے کے دوسرے دن ہمیں نوری ہسپتال اسلام آباد جانا تھا ۔
محو حیرت ہوں کہ ۔ ۔ ۔ ۔ ۔ ۔ حصہ سوئم

shafresha

شاہ صاحب بہت خوب!!!!
جاری رکھیئے، مجھے انتظار رہے گا!

شاہ جی 90

شکریہ شافریشہ بھائی
انشااللہ جلد ہی تیسرے حصے کے ساتھہ حاضر ہوں گا

رضی

لیکن مجھے اچھی خبر سننے کا انتظار ہے بس۔

شاہ جی 90

رضی اس اچھی خبر کے لیئے دعا کرو نا یار اللہ تعالی تو بچوں کی دعا جلدی سنتا ہے