Farrukh

السلام و علیکم
الحمد للہ رب العالمین۔۔ واصلاۃ والسلام و اعلٰی رسولہ الکریم
ابھی اس تھریڈ پر عبداللہ آدم بھائی نے اپنے موسمی سانس کے مسئلے کی شکاءیت کی تو مجھے اپنا ہی ایک واقعہ یاد آگیا جب میں خود بھی ایک سانس کے مسئلے میں گرفتار ہوا تھا اور اللہ سبحان و تعالٰی نے میری بڑی ہی زبردست طریقے سے مدد فرمائی اور آج تقریبا 10 سال گزر جانے کے بعد بھی میں بالکل ٹھیک ٹھاک ہوں۔ الحمد للہ۔۔۔۔۔ثم الحمدللہ۔۔

میں نے سوچا کہ یہ واقعہ یاد آنے کے بعد باقی ساتھیوں سے بھی شیئر کرنا چاہئیے۔۔۔۔
--------------------------------------------------------------
میں اسلام آباد کا رہائیشی ہوں اور یہیں جما، پلا بڑھا ہوں
آج سے تقریبآ 10 سال پہلے، کالج کے زمانے میں مجھے بھی اس قسم کا مسئلہ شروع ہوا تھا، یوں لگتا تھا جیسے آکسیجن ختم ہوگئی ہو اور سانس بہت کھینچ کھینچ کر لیتا تھا۔ اس سے پہلے کہ میں ڈاکٹر کے پاس جاتا ایک چھوٹا سا واقعہ ایسا ہوا آج تک میرا سانس ٹھیک چل رہا ہے۔
میں سکول کے زمانے میں قاری رہ چُکا ہوں اور قرآت، نعت وغیرہ کا شوق رکھتا تھا۔ ایک رات ہوا کچھ یوں کہ تقریبا 11 بجے میں اسلام آباد کے سیکٹر ایچ ایٹ سے اپنے پرانے موٹر سائیکل پر آرہا تھا اور ان دنوں کچھ پریشانیوں کی وجہ سے بہت ڈپریشن کا شکار بھی تھا اور شائید اسی وجہ سے سانس بھی خراب ہو رہا تھا۔۔ کہ اچانک موٹر سائیکل بند ہوگئی۔ اس سڑک پر گھُپ اندھیرا ہوتا ہے۔ ایک اور موٹر سائیکل والے صاحب نے رک کر میری مدد کی کوشش کی، مگر بے سود کیونکہ موٹر سائیکل میں پٹرول بھی موجود تھا اور اس میں ظاہری طور پر ایسی کوئی خرابی بھی نہیں تھی جس کی وجہ سے وہ بند ہو جاتی۔۔
بہرحال میں اس سڑک پر تنہا گھپ اندھیرے میں موٹر سائیکل کو گھسیٹا جا رہا تھا اور سانس کی خرابی کے باعث کچھ مشکل محسوس کر رہا تھا

بس ایسے ہی ذھن میں آیا کہ تلاوت کی جائے۔۔۔اور میں نے اونچی آواز میں سورہء اخلاص، سورۃ الناس اوردیگر سورتیں جو زیادہ تر تیسویں پارے میں ہیں، کی تلاوت شروع کر دی۔۔۔۔۔
قاری حضرات اس چیز سےبہت اچھی طرح واقف ہیں کہ قراءت کے لئے کئی مرتبہ سانس پر دباؤ ڈالنا پڑتا ہے جس کی وجہ سے پھیپھڑوں پر بھی دباؤ پڑتا ہے۔۔۔۔۔
یقین کریں اسکے تھوڑی دیر میں مجھے اسی ماحول میں‌سانس ٹھیک آنا شروع ہوگیا۔ کچھ دیر بعد میری موٹر سائیکل بھی سٹارٹ ہو گئی۔ آج تک الحمد للہ، ثم الحمد للہ، میرا سانس بھی ٹھیک ہے اور اگر کبھی ہلکا پھلکا مسئلہ ہو بھی تو میں قراءت کے ذریعے پھر ٹھیک کر لیتا ہوں۔۔۔ آور آج کل بھی جب اسلام آباد میں پولن کا مسئلہ عروج پر ہے، میں اللہ سبحان و تعالٰی کی بیش بہا نعتموں جن میں طرح طرح کے پھول بھی شامل ہیں سے لطف اندوز ہوتا ہوں اور آج تک کم از کم سانس کی وجہ سے کسی ڈاکٹر کے پاس جانے کی نوبت بھی نہیں‌ آئی۔

میں یہ بھی بتاتا چلوں کہ بچپن سے ہی میں بلیوں کے ساتھ بھی کھیلتا آیا ہوں جس کے بالوں کے بارے میں اکثر کہا جاتا ہے کہ ان سے دمہ ہوجاتا ہے۔ مگر ہمارے گھر میں‌آج تک کسی کو ایسا کوئی مسئلہ نہیں ہوا۔۔۔

وہ موٹر سائیکل کافی عرصہ میرے پاس رہی اور اس کی وہ خرابی بھی پتا چل گئی جس سے وہ بند ہوتی تھی۔ اور وہ یہ تھی کہ اسکی پٹرول کی ٹنکی میں ایک چھوٹا سا سوراخ تھا جس سے قطرہ قطرہ پٹرول نکلتا اور ہوا داخل ہوتی اور پھر ایک ایسا دباؤ بنتا کہ پٹرول انجن میں جانا بند ہوجاتا تھا نتیجہ میں موٹر سائیکل بھی رک جاتی تھی۔

اس کے بعد اللہ نےمجھے اور بہت پریشانیوں سے نجات عطا فرمائی اور الحمد للہ، دوبارہ وہ پریشانیاں کبھی حائل نہیں‌ہوئیں۔۔۔

اللہ سبحان و تعالی کے کلام میں اور اسے ادا کرنے کے طریقے یعنی قرات میں اللہ نے بہت برکت رکھی ہے۔۔

میں اپنے مسلمان ساتھیوں سے یہ التماس کرتا ہوں کہ قرآن و حدیث کا مطالعہ کیا کریں۔ تنہائی میں گانے گنگنانے کی بجائے، قرآت کیا کریں اور قرآت سیکھا بھی کریں۔۔۔۔

اگر آپ چاہیں تو جب آپ کے سانس پر برا اثر پڑے تو اسوقت قرات کرنے کی کوشش بھی کیا کریں جس سے آپ کے سانس پر بھی اثر پڑتا ہو۔۔

اللہ تعالٰی آپ کو اور تمام مسلم امہ کو بہترین صحت و تندرستی عطا فرمائے اور اپنی بہترین رحمتوں میں رکھے ۔ آمین، ثم آمین۔


جزاکم اللہ خیرا و کثیرا۔۔۔

shafirajput

سبحان اللہ

جزاک اللہ خیراً

عبداللہ آدم

جزاک اللہ خیرا یا اخی المکرم و احسن الجزاء.

زارا

وعلیکم السلام

جزاک اللہ خیر

shafresha

اللہ آپ کو خوش رکھے، آمین ثم آمین ۔ ۔ ۔ ۔

سحر

آپ نے قرات سے سانس کا ٹھیک ہونا لکھا لیکن میرے ساتھ ایک مسئلہ ہے
کہ میرے چار سال کے بیٹے کو سانس کا مسئلہ ہے تو جب اس کو سانس نہیں آتی تو وہ رونے لگتا ہے ۔ اور پہر نیبولایز کرنے سے ہی ٹھیک ہوتا ہے ۔
کچھ مشورہ دیں گے کہ بچوں کو ایسے وقت میں کیا کریں یا اس کو کیا کرنے کو کہوں کہ اس کو تکلیف کم ہو ۔

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

Farrukh

میری بہن،
بیماریاں اللہ ہی کی طرف سے ہوتی ہیں اور انکا علاج بھی اللہ جل شانہُ کی طرف سے ہوتاہے
ً
قرآت سے علاج مجھے کسی نہیں بتایا نہیں تھا بلکہ اللہ سبحان و تعالٰی نے اپنی رحمت سے مجھے قراءت کے ذریعے سے صحتِ کاملہ عطا فرمائی تھی۔۔

باقی یہ بیماریوں کی قسم قسم پر ہوتا ہے۔ بعض بیماریاں اتنی شدید ہوتی ہیں کہ ان کے مقابلے کے لئے مادی دواؤں کی ضرورت ہوتی ہے تاکہ جسم کو بیماریوں کے خلاف مدافعت فراہم کی جاسکے۔

یہاں کچھ ساتھیوں نے ہومیو پیتھی کے علاج کا بھی ذکر کیا تھا اور میں نے خود بھی یہ سُنا ہے کہ ہومیو پیتھی کا علاج اس سانس کے معاملے میں کافی کارآمد ثابت ہوتا رہا ہے، مگر یہ اس ڈاکٹر پر بھی مبنی ہے جو دوا تجویز کرتا ہے۔

البتہ سانس کے لئے خاص طور پر تو نہیں، مگر عمومی طور پر احادیث میں سورہ فاتحہ کا دم اور اسکا ورد بہت اچھی خصوصیات کا حامل ہے اور روایات میں سورہ فاتحہ کے دم سے رو بصحت ہونے کا تزکرہ بھی ملتا ہے۔

تو بچے کو اس کی عادت ڈلوائیں۔ اور اگر اسے فارغ اوقات میں قرآن کی تلاوت (جب اسکا سانس ٹھیک ہو۔۔ کروایا کریں۔ اور یہ سکھانے کے لئے کسی اچھے قاری صاحب کی خدمات بھی حاصل کی جاسکتی ہے۔

مگر بیماری کے علاج کے لئے مادی دوائیں بھی جاری رکھیں اور اللہ سے پر اُمید رہیں۔ بے شک شفاء بھی اللہ ہی کی طرف سے ہوتی ہے۔

Farrukh

سورۃالفاتحہ کی اہمیت آپ کو اس حدیث سے معلوم ہوگی:

حسن بن ربیع، احمد بن جو اس حنفی، ابوالاحوص، عمار بن رزیق، عبداللہ بن عیسی، سعد بن جبیر، حضرت ابن عباس رضی اللہ تعالیٰ عنہ فرماتے ہیں کہ
ہمارے درمیان حضرت جبرائیل علیہ السلام نبی صلی اللہ علیہ وآلہ وسلم کے پاس بیٹھے ہوئے تھے کہ اچانک اوپر سے ایک آواز سنی تو آپ صلی اللہ علیہ وآلہ وسلم نے اپنا سر مبارک اٹھایا حضرت جبرائیل علیہ السلام نے فرمایا کہ یہ دروازہ آسمان کا ہے جسے صرف آج کے دن کھولا گیا اس سے پہلے کبھی نہیں کھولا گیا پھر اس سے ایک فرشتہ اترا حضرت جبرائیل علیہ السلام نے فرمایا کہ یہ فرشتہ جو زمین کی طرف اترا ہے یہ آج سے پہلے کبھی نہیں اترا اس فرشتے نے سلام کیا اور کہا کہ آپ صلی اللہ علیہ وآلہ وسلم کو ان دو نوروں کی خوشخبری ہو جو آپ صلی اللہ علیہ وآلہ وسلم کو دیے گئے جو کہ آپ صلی اللہ علیہ وآلہ وسلم سے پہلے کسی نبی کو نہیں دیئے گئے ایک سورة الفاتحہ اور دوسری سورة البقرہ کی آخری آیات آپ صلی اللہ علیہ وآلہ وسلم ان میں سے جو حرف بھی پڑھیں گے آپ صلی اللہ علیہ وآلہ وسلم کو اس کے مطابق دیا جائے گا۔
صحیح مسلم:جلد اول:حدیث نمبر 1871 حدیث مرفوع مکررات 2 متفق علیہ 1

اور سورۃ الفاتحہ سے ایک صحابی نے سانپ کے کاٹے کا علاج کیا تھا اور یہ واقعہ متعدد بار احادیث کی کتابوں میں‌آیا ہے۔ میں‌ایک حوالہ پیش کئے دیتا ہوں:۔

یحیی بن یحیی، تیمی ہشیم ابن بشر ابن متوکل ابوسعید خدری حضرت ابوسعید رضی اللہ تعالیٰ عنہ خدری سے روایت ہے کہ رسول اللہ صلی اللہ علیہ وسلم کے اصحاب میں سے بعض صحابہ ایک سفر میں جا رہے تھے وہ عرب قبائل میں سے ایک قبیلہ کے پاس سے گزرے تو انہوں نے ان قبیلہ والوں سے مہمانی طلب کی لیکن انہوں نے مہمان نوازی نہ کی پھر انہوں نے صحابہ کرام سے پوچھا کیا تم میں کوئی دم کرنے والا ہے کیونکہ قبیلہ کے سردار کو (کسی جانور نے) ڈس لیا ہے یا کوئی تکلیف ہے صحابہ میں سے کسی نے کہا جی ہاں پس وہ اس کے پاس آئے اور اسے سورة فاتحہ کے ساتھ دم کیا تو وہ آدمی تندرست ہوگیا انہیں بکریوں کا ریوڑ دیا گیا لیکن اس صحابی نے اسے قبول کرنے سے انکار کردیا اور کہا کہ جب تک اس کا ذکر میں نبی صلی اللہ علیہ وسلم سے نہ کرلوں نہیں لوں گا، وہ نبی صلی اللہ علیہ وسلم کے پاس حاضر ہوا اور آپ صلی اللہ علیہ وسلم سے یہ سارا واقعہ ذکر کیا اور عرض کیا اے اللہ کے رسول اللہ کی قسم میں نے سور رة فاتحہ ہی کے ذریعے دم کیا ہے آپ صلی اللہ علیہ وسلم مسکرائے اور فرمایا تمہیں یہ کیسے معلوم ہو کہ یہ دم ہے پھر فرمایا ان سے لے لو اور ان میں سے اپنے ساتھ میرا حصہ بھی رکھو۔

صحیح مسلم:جلد سوم:حدیث نمبر 1236 حدیث مرفوع مکررات 17 متفق علیہ 9

صحیح بخاری میں اسی واقعے میں سانپ کے کاٹے کا ذکر ہے۔۔۔ مگر مقصد وہی ہے۔۔

سحر

جزاک اللہ فرخ بھائی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زارا

سسٹرآپکوفرح بھائی نے بتا دیا۔ لیکن ایک آپ ایک اورکام کر سکتی ہیں۔

سورۃ الفاتحہ 24 بار پڑھ کراول وآخر گیارہ بار درودشریف، پانی میں دم کرکے بیٹے کوپلائیں۔ نیزکسی بھی وقت 100 یا اللہُ مقصد دل میں رکھ کرپڑھیں اوردُعاکریں۔ اللہ سوہنا سُننے والا ہے۔