نورالدین

مجھے ایک ڈاکومنٹری اسائنمنٹ کے لئے ایک آرٹیکل چاہیے
جو مستند معلومات پر مبنی ہو
کراچی ٹریفک پولیس کے حالات اور موٹر سائیکل کے اعداد و شمار سے متعلق

میں نے نیٹ پر بہت سرچ کیا اردو (یونیکوڈ) اور انگلش میں لکھ کر
مگر مطلوبہ نتائج کے بجائے دہشت گردی کی خبریں آ رہی ہيں
جب کہ مجھے موٹر سائیکل ڈبل سواری اور پولیس کا اس معاملے میں رویے سے متعلق
ایک جامع اور معلومات سے بھرپور مضمون چاہیے

فی الحال جنگ کے مختلف قسم کے میگزین جو کہ تصویری فارمیٹ میں ہے
اس کو ہر ہفتے کے حساب سے ویب پیج کھول کر دیکھ رہا ہوں ۔
لیکن اس میں بھی بہت ٹائم لگے گا ۔

کیا کوئی بھائی اس بارے میں مواد یا اس کا لنک فراہم کر سکتا ہے ؟؟؟؟

جزا ک اللہ ۔

__________________
انسان کو زندگی میں وہی کام کرنا چاہیے جس کی اسے ضرورت ہو ۔

فرحان دانش

ڈبل سواری پرمیرے بلاگ کی دو پوسٹیں بھی دیکھیں۔

ڈبل سواری پر پابندی

صرف کراچی اور حیدر آباد میں ڈبل سواری پر پابندی کیوں

__________________

نورالدین

بہت بہت شکریہ دانش بھائی
بہت بہترین معلومات ملی ہیں

ان شا ء اللہ ان سے فائدہ ہوگا میرے کام کا ۔

آپ کے لئے جزاک اللہ
اور دعائے خیر کہ اللہ آپکو آسانیاں عطا فرمائے
اور آسانیاں تقسیم کرنے کی توفیق دے ۔

نورالدین

مزید یہ معلومات چاہیئں کہ ڈبل سواری پر پابندی کو اب تک کتنا عرصہ ہوچکا ہے ۔
درمیاں میں ایک دو دن کے لئے اٹھائے گئے پابندی کے عرصے کو چھوڑ کر

shafresha

السلام علیکم،
ایک محتاط اندازے کے مطابق کراچی میں‌چھ لاکھ افراد ڈبل سواری کے ذریعے سفر کرتے تھے۔ ایک طرف کا کرایہ تقریبا 15 روپے ہے اور اگر ایک فرد آنے جانے کے لیئے کم از کم 30 روپے خرچ کرتا تھا تو تقریبا 18000000 (ایک کروڑ اسی لاکھ) روپے روازنہ کے کرائے کی مد میں‌خرچ ہوتے تھے۔
مہینے میں‌کم از کم 26 دن ورکنگ کے ہوتے ہیں‌تو گویا 468000000 روپے (چھالیس کروڑ اسی لاکھ روپے) ماہانہ کے "ٹرانسپورٹ مافیا" کو اضافی آمدنی ہورہی ہے۔

یقینا اس بہتی گنگا میں‌ہمارے وزیر اور سیکریٹری ٹرانسپورٹ بھی ہاتھ دھو رہے ہیں کیونکہ "ٹرانسپورٹ مافیا" اُنہیں ‌بھی پابندی سے "منتھلی" پہنچاتی ہے۔

نوٹ: اب کراچی میں‌کوچ کا کم از کم کرایہ 17 روپے اور منی بس کا 14 روپے ہو گیا ہے۔ مجھ سمیت ہزاروں افراد ایک کے بجائے 2 یا 3 بسوں یا ویگنز میں‌سفر کرتے ہیں‌اب زرا اوپر دیئے گئے اعداد و شماد کو 2 یا 3 سے ضرب دے کر دیکھیں‌تو پتہ چل جائے گا کہ ڈبل سواری پر پابندی "دہشت گردی" سے بچنے کے لیئے لگائی گئی ہے یا یہ ظلم کراچی کی عوام پر "زبردستی" کیا جا رہا ہے۔

پچھے کئی سال کے اعداد و شمار بتاتے ہیں‌کہ اب ڈبل سواری کے ذریعے نہیں‌بلکہ کاروں اور خود کش بمباروں‌کے ذریعے دہشت گردی کی جا رہی ہے۔

نورالدین

اقتباس:

ایک محتاط اندازے کے مطابق کراچی میں‌چھ لاکھ افراد ڈبل سواری کے ذریعے سفر کرتے تھے۔ ایک طرف کا کرایہ تقریبا 15 روپے ہے اور اگر ایک فرد آنے جانے کے لیئے کم از کم 30 روپے خرچ کرتا تھا تو تقریبا 18000000 (ایک کروڑ اسی لاکھ) روپے روازنہ کے کرائے کی مد میں‌خرچ ہوتے تھے۔ مہینے میں‌کم از کم 26 دن ورکنگ کے ہوتے ہیں‌تو گویا 468000000 روپے (چھالیس کروڑ اسی لاکھ روپے) ماہانہ کے "ٹرانسپورٹ مافیا" کو اضافی آمدنی ہورہی ہے۔

یا اللہ رحم
اس قوم کو کیسے کیسے طریقوں سے لوٹا جا رہا ہے
وہ بھی ان رہزنوں کے ہاتھوں
جنہيں ہم نے رہبر بنا رکھا ہے ۔

خود میں بھی بس سے آنا جانا کرتا ہوں
کرایہ کا حساب کرکے میں نے ابھی بائیک لی ہے مگر ابھی رواں کرنے کے لئے
اور نمبر پلیٹ نہ آنے کی وجہ سے صرف اپنے علاقے ہی میں چلا رہا ہوں
حالاں کہ دوست یار کہہ رہے ہیں
کہ دنیا چلا رہی ہے بغیر نمبر پلیٹ کے کوئی مسئلہ نہيں تم بھی چلاؤ

wajee

جب چلاو جیب میں 50 روپے رکھ لینا کیا پتہ کب فارمی انڈے اور کالی پولیس پکڑ لے

نورالدین

بڑی مشکل سے تو بائیک لی ہے
ایسا کوئی کام ہی نہيں چاہتا کہ رشوت دینی پڑے
تمام چیزیں پوری اور صحیح رکھ کر چلاؤں گا
تو پھر دیکھتا ہوں
کہ کیسے رشوت پر مجبور کرتے ہيں ۔

رشوت کی شروعات بھی ہم عوام ہی سے شروع ہوتی ہے
ہم جلد بازی یا لاپرواہانہ کام کرنے کے لئے خود ہی
قانون کے خلاف کام کرتے ہيں
اور پھر پکڑے جانے پر رشوت پیش کر دیتے ہيں

ایسے بھی لوگ دیکھے ہیں جو
پولیس کو روز بھگتتے رہتے ہيں
پولیس والے جب بھی کسی جھوٹے الزام پر پرچی کاٹتے ہيں
وہ رشوت دینے سے صاف منع کر دیتے ہیں

بالآخر وہ فارمی انڈے خود ہی پہنچان جاتے ہيں کہ
ان تلوں میں تیل نہيں

ALI-OAD

یہ لیں جناب لنک
میں نے بھی ابھی مہینہ پہلے نئی گاڑی لی مگر ڈبل سواری کی پابندی کی وجہ سے گھر میں شوپیس بن کر کھڑی ہے کیونکہ میں اپنے بھائی کو ساتھ میں نھیں لے جاسکتا ؟؟؟؟؟؟؟؟؟؟؟
لب تلک آنے تو دو۔۔۔۔۔
ڈبل سواری پر پابندی | اعظم بلاگ
ڈبل سواری پر پابندی ‘نیوکراچی پولیس نے عوام سے پیسہ بٹورنا شروع کردیا

ہائی الرٹ، ڈبل سواری پرپابندی کے باوجود اکتوبر میں ساڑھ ے 4 ہزار سے زائد وارداتیں

Jasarat , Jasarat First Urdu Online Newspaper in Pakistan - Daily Jasarat

ڈبل سواری پر پابندی لاکھوں عوام کے ساتھ ناانصافی ہے، اے پی سی

ڈبل سواری پر پابندی۔ آخرکب ختم ہوگی؟

__________________
"اگرحق کونہیں پہچان سکتے،تو باطل کےتیروں پر نظررکھو،جہاں پرلگ رہے ہوں وہی حق ہے///شیخ الاسلام،،،امام ابن تیمیہ رحمتہ اللہ علیہ. (حافظ سعید زندہ باد)

ALI-OAD

کراچی میں ڈبل سواری پر پابندی انسانی حقوق کی خلاف ورزی ہے
/
/
کراچی…پاسبان کراچی کے صدر سید اشرف حسین نے کہا ہے کہ کراچی میں جمہوری حکومت کی جانب سے ڈبل سواری پر پابندی بنیادی انسانی حقوق کی سنگین خلاف ورزی ہے ۔ پاسبان کی جانب سے ڈبل سواری بحال کرو ریلی کا انعقاد شارع فیصل سے کراچی پریس کلب تک کیا گیا تاہم ریلی کے شرکا کو پولیس کی جانب سے شارع فیصل پر روکنے کی کوشش کی گئی لیکن ریلی کے شرکا کراچی پریس کلب تک پہنچنے میں کامیاب ہوگئے۔ کراچی پریس کلب پر ڈبل سواری کے خلاف احتجاجی مظاہرہ سے خطاب کرتے ہوئے ان کا کہنا تھا کہ کراچی میں جمہوری حکومت کی جانب سے ڈبل سواری پر پابندی بنیادی انسانی حقوق کی سنگین خلاف ورزی ہے۔ ان کا کہنا تھا کہ چیف جسٹس آف پاکستان صوبائی حکومت کے غیر آئینی حکم کو کالعدم قرار دے کر کراچی کے لاکھوں شہریوں کو ان کا بنیادی حق دلوا کر انصاف کریں۔ پاسبان کے ترجمان کے مطابق قیوم آباد سے آنے والی ریلی پر نامعلوم افراد کی فائرنگ سے3 افراد زخمی ہوئے جنہیں طبی امداد کے لئے جناح اسپتال لایا گیا۔

کراچی میں ڈبل سواری پر پابندی انسانی حقوق کی خلاف ورزی ہے، پاسبان - Latest News : Hamariweb.com