فیصل ناصر

بہت افسوس کے ساتھ ممبران کو اطلاع دی جاتی ہے کے فورم بہت پیارے ممبر کامران تبسم اسلام آباد میں ہونے والے لانگ مارچ میں پولیس کی شیلنگ اور لاٹھی چارج کے باعث زخمی ہوگئے ہیں


تفصیل اس واقعے کی کچھ یوں ہے
سنی اتحاد کونسل کی جانب سے ملک میں جاری دہشت گردی کے خلاف ایک لانگ مارچ کا اعلان کیا تھا
بری امام سے شروع ہونے والے اس لانگ مارچ نے لاہور داتا تک جانا تھا

بری امام سے دن میں گیارہ بجے یہ لانگ مارچ شروع ہوا 2 بجے کے قریب لانگ مارچ کے شرکاء فیض آباد کے قریب پہنچے جہاں ان کو روکنے کی کوشش کی گئی لیکن شرکاء ساری رکاوٹیں توڑ کر آگے بڑھتے رہے
5:30 پر شرکاء سواں پل تک پہنچے تو پولیس نے کنٹینر لگا کر انکو روک دیا اور شیلنگ و لاٹھی چارج شروع کردیا جس کے باعث بڑی تعداد میں لوگ زخمی ہوگئے

اسی میں کامران تبسم بھی تھے جن کو کمر اور ٹانگ پر چوٹ آئی اور آنسو گیس سے بھی کافی تکلیف ہوئی


آخری اطلاعات آنے تک مظاہرین نے سواں پل کے پاس ہی دھرنا دے رکھا ہے اور مطالبات پورا نا ہونے کی صورت میں ہر حال میں لانگ مارچ کرنے کا اعلان بھی کیا ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

فیصل ناصر

پاکستان میں سنی جماعتوں پر مشتمل سنی اتحاد کونسل کی طرف سے‘ شدت پسندی اور اولیاء کے مزاروں پر حملوں کے خلاف’ شروع کئے گئے لانگ مارچ کو پولیس نے راولپنڈی میں روک دیا ہے۔

یہ لانگ مارچ سنیچر کی صبح اسلام آباد میں بری امام کے مقام سے شروع ہوا تھا اور اتحاد کے مطابق یہ مارچ لاہور میں داتا دربار پر ختم ہونا تھا۔

سنی اتحاد کونسل کے مرکزی ترجمان حسین رضا نے بی بی سی سے بات کرتے ہوئے کہا کہ پنچاب پولیس نے اس مارچ کو آگے بڑھنے سے روکنے کے لئے سواں اڈے کے مقام پر لاہور جانے والی سڑک پر پہلے ہی کنٹینر کھڑے کر رکھے تھے۔

انھوں نے کہا کہ لانگ مارچ کے شرکاء جب وہاں پہنچے تو پولیس ان پر آنسوگیس کے شیل پھینکے اور لاٹھی چارج کیا۔

انھوں نے الزام لگایا کہ پولیس کی کارروائی سے ان کے کوئی ڈیڑھ سو کارکن زخمی ہوئے ہیں جبکہ سنی اتحاد کونسل کے مرکزی سیکریڑی جنرل حنیف طیب سمیت کئی کارکنوں کو گرفتار بھی کیا گیا۔

انھوں نے کہا کہ پولیس کے تشدد کے خلاف اور رکاوٹیں دور کرانے کے لیے لانگ مارچ کے شرکاء سنی اتحاد کونسل کے چیرمین کی قیادت میں ہائی کورٹ کے قریب احتجاجی دھرنے پر بیٹھ گئے ہیں۔

انھوں نے کہا کہ پولیس نے اب دونوں اطراف کنٹینر کھڑے کرکے انھیں محصور کیا ہے اور گرفتاریاں بھی جاری ہیں۔ انھوں نے کہا کہ موقع پر سینکڑوں کی تعداد میں پولیس اہلکار موجود ہیں۔


پاکستان کے نجی ٹی وی چینلز نے لانگ مارچ کے شرکاء کے خلاف پولیس کارروائی کو براہ راست دکھایا جس میں آنسو گیس کی شیلنگ اور لاٹھی چارج کے مناظر بھی شامل تھے۔

کاروں، موٹر سائیکلوں اور بسوں پر مشتمل اس لانگ مارچ کا آغاز اسلام آباد میں واقع بری امام سے شروع کیا گیا تھا جس میں سینکڑوں افراد شریک ہیں۔

مولانا فضل کریم نے اسلام آباد میں نامہ نگاروں سے گفتگو کرتے ہوئے کہا کہ‘ملک میں دہشت گردی، غنڈہ گردی، لاقانونیت ، بم حملوں، مہنگائی اور سیاسی شورش کا خاتمہ ہو اور ملک میں قانون کی بالادستی اور نظام مصطفیٰ کا نفاذ ہو۔‘

انھوں نے کہا کہ حکومت توہین رسالت کے قانون میں ترمیم کا ارداہ رکھتی ہے اور آج کے لانگ مارچ اس کے خلاف بھی ہے۔

سنی اتحاد کونسل کے چیرمین نے الزام عائد کیا ہے پنچاب کی حکومت نے ان کے خلاف تاریخ کا بدترین کریک ڈاون کیا اور صوبے بھر سے ان کے ہزار کارکنوں کو گرفتار کیا گیا اور ان کے کارکنوں کو ہراساں کیا گیا۔

انھوں نے کہا وفاقی حکومت نے بھی رکاوٹیں ڈالی تھیں اور اس نے جو سکیورٹی کے انتظامات کرنے تھے وہ نہیں کیے گئے ہیں۔

انھوں نے اعلان کیا کہ وہ تمام رکاوٹوں کو توڑ ڈالیں گے خواہ وہ مرکز کی طرف سے ہوں یا پھر صوبے کی طرف سے۔

گلاب خان

اللہ پاک رحم فرمائے اور تندرستی عطا فرمائے

تانیہ رحمان ستارہ

اللہ پاک ہم کو سیدھے راستے پر چلنے کی توفیق عطا فرمائے ۔۔۔۔ اور کامران کو صحت کاملہ آمین

عبدالقدوس

اللہ تعالٰی کامران بھائی کو صحت عطافرمائیں اور ہماری عوام و حکومت کو ہدایت عطافرمائے آمین

ابو عمار

اللہ کامران بھائی کو صحت عطا فرمائیں۔

یاسر عمران مرزا

حکومت کی طرف سے پر امن لانگ مارچ کو روکنے کی کیا تک ہے ؟
یہی پنجاب حکومت ہے جس نے حکومت میں ہوتے ہوے خود لانگ مارچ کیا۔ اور اب یہ خود ہی ایسے احتجاج کو روک رہی ہے جس کا مقصد فقط انصاف کی طلب ہے۔

بہر حال اس طرح کی چیزیں دبانے سے اور ابھر کر سامنے آتی ہیں۔

بقیہ۔ کامران بھائی اور دیگر تمام پاکستانی بھائی جو زخمی ہوے اللہ ان کو صحت کاملہ عطا فرمائے۔ اور تکلیفوں سے آرام عطا فرمائے۔

اور اللہ تعالی حکومت کو بھی عقل عطا کرے، آمین

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

محمدعدنان

کامران بھائی اور دیگر تمام پاکستانی بھائی جو زخمی ہوے اللہ ان کو صحت کاملہ عطا فرمائے۔ اور تکلیفوں سے آرام عطا فرمائے۔

__________________

فرحان دانش

اللہ پاک تندرستی عطا فرمائے

حیدر

اللہ انکو اپنی حفظ و امان میں رکھے

چلو شکر ہے ہم سے کوئی تو عملی طور پر بھی ایکٹو ہے۔

J.S

اللہ پاک کامران بھائی کو صحت و تندرستی عطا فرمائے آمین

فیصل ناصر

تازہ ترین اطلاع کے مطابق ریلی جی ٹی روڈ پر لاہور کی جانب رواں دواں ہے

عامرشہزاد

اللہ پاک رحم فرمائے اور تندرستی عطا فرمائے

عبدالقدوس

زرا بھابھی جی سے کامران بھائی کے بارے میں معلومات حاصل کرکے اپڈیٹ کریں۔۔۔۔ اور اگر کامران بھائی کا ڈئریکٹ رابطہ نمبر ہے تو اُن سے ہی پتا کرلیں

__________________

Real_Light

کامران بھائی آپ تو پائیوڈین اور سکاٹرین لگا کر صحت یاب ہوہی جائیں گے انشاء اللہ۔۔۔۔
لیکن مسئلہ تو پوری اُمت کا، ملت کا ہے؟
اس عوام کا کیا ہوگا؟
اللہ تعالیٰ آپ کو صحت یاب فرمائے۔

__________________