حیدر

کراچی پلس کا گپ شپ فورم بند ہو گیا۔ میری زندگی کے ایک باب کے صفحے ہمیشہ کے لیے گُم ہو گئے۔
کراچی پلس کا گپ شپ فورم گویا ایک دریچہ تھا جس میں میں کبھی کبھار جھانک کر اپنی زندگی کے گم گشتہ ایام کی یاد تازہ کر لیتا تھا۔اپنے بچھڑے دوستوں اور انکی لکھی باتوں کو پڑھ کر مُسکراتا تھا ۔ وہی باب کہ جس میں کچھ میٹھی میٹھی کسک والی ذو معنی باتیں تھیں تو کہیں جنگ و جدل پر مبنی خون خوار لہجے، کہیں محبت اور خلوص کے جذبات چھلکتے نظر آتے تھے تو کہیں دوستی کے قہقہے۔

جہاں کبھی آصف ہوا کرتا تھا ،جہاں سچی دوستی تھا، جہاں شعیب تھا تو جہاں پراسرار راجیو سنگھ، اسی باب میں بہت سارے پرت ثنا کے تھے تو اتنے ہی صفحے صبح نے بھی لکھے تھے۔ کسی صفحے پر شانی کی معصومیت بھری باتیں تھیں تو کہیں صحیفہ اور ایمان قہقہے بکھیرتی نظر آتی تھیں۔امریکہ سے چیری ہو یا آریان، برطانیہ سےسلمٰی ہو یا فرحان، سبکی محبت بھری باتیں مختلف صفحات پر جگمگا رہیں تھیں۔
اسی باب کے اندر موجود ایک باب میں وہ سیاہ داستانیں بھی موجود تھیں جن کے کردار "لور پوائینٹ، انا20، اور ڈاکٹر چِکنا تھے۔
کراچی پلس بند ہو گیا۔ میری زندگی کے کئی سالوں کی کہانی ریت کی طرح ہواؤں میں بکھر گئی۔
اب میں اپنے دوستوں کو کبھی نہ دیکھ پاؤں گا۔ آپس میں کبھی نہ ملنے، ایک دوسرے سے انتہا کی رنجشیں رکھنے کے باوجود کراچی پلس کو ڈور تھی جو ہم کو جوڑے رکھتی تھی۔ میں گاہے بگاہے اس دریچے کی مدد سے ایام رفتہ میں جھانک لیا کرتا تھا۔ اب وہ دریچہ ہمیشہ کے لیے بند ہو گیا۔

میں اپنی زندگی کے اس باب کو کہاں سے تلاش کروں ؟ میں اپنے دوستوں کو کبھی نہیں دیکھ پایا۔ لیکن کیا ہوا میرے لب کم از کم انکے نام دیکھ کر تو مسکرا پڑتے تھے۔اب تو یہ سہارا بھی گیا۔کیا ثنا مجھے یاد کرتی ہو گیِ؟ کیا وردہ مجھے یاد کرتی ہو گیِ؟ کیا شانی کو میں یاد ہوں گا ؟کیا شعیب کی سوچوں میں میں کھبھی آتا ہوں گا؟کیا چیری، صحیفہ، ایمان، فرحان، آریان کسی بدرالزمان عرف "ڈاکٹر چِکنا" کو کبھی یاد کرتے ہوں گے؟ وہ کیسے ہوں گے؟ وہ کیا کرتے ہوںگے؟ وہ اس وقت کیا کر رہے ہوں گے؟
ظالموں نے مجھ سے ان کے نام ہی چھین لیے۔ کیا جاتا تھا انکا اگر اس فورم کو چلتے رہنے دیتے۔ کیا ہر جگہ پیسہ پیسہ سوچنا ضروری ہوتا ہے۔ کیا کسی کو احساس نہیں ہوتا کہ اس نے تھوڑی سی بچت کی خاطر کسی کو اسکی زندگی کے کتنے اہم دور سے محروم کر دیا؟

مجھے وہ سب یاد آتے ہیں۔ ہاں مجھے ان سے نفرت تھی اور ہے۔شاید انکو بھی مجھ سے نفرت ہو گی لیکن پھر بھی مجھے ان سے محبت تھی۔ میں اپنی نفرت کے باوجود انکے نام دیکھنا پسند کرتا تھا۔
کیوں تم نے مجھ سے انکے نام بھی چھین لیے؟ اب میں انکے ناموں کو کہاں تلاش کروں؟
اک آس تھی کہ شاید پھر ہم کبھی اکھٹے ہوں ، تم نے تو وہ بھی چھین ڈالی۔

کیوں اے انٹرنیٹ کی خیالی دنیا میں رہنے والے تم لوگوں نے میری وہ شناخت کیوں مجھ سے چھین لی؟ میری اس شناخت سے جُڑے بے شمار نم کیوں ختم کر دئیے۔ تم کو ایک لمحے کے لیے بھی سوچ نہ آئی کہ کوئی ان صفحوں پر آتا ہوگا اور کبھی مسکراتے ہوئے اور کبھی نم آنکھوں کے ساتھ چلا جاتا ہوگا۔ کسی کو ضرورت ہو گی ان صفحوں کی۔

آہ۔کراچی پلس کا گپ شپ فورم کہ جہاں میری زندگی یعنی بدرالزمان عرف "ڈاکٹر چکنا" کی زندگی کے 4 سال ، دس ہزار سے زائد پوسٹس ہوں ، ،میری زندگی کا وہ باب ختم ہو گیا۔ اب میں اس باب کو محض اپنی سوچوں میں سوچ سکتا ہوں ۔ اب میں اپنے دوستوں کو کبھی نہیں دیکھ پاؤں گا۔

میں ایک بار پھر ہار گیا۔

خرم شہزاد خرم

میں سوچ رہا تھا کچھ لکھوں لیکن کیا کچھ بھی تو نہیں ہے لکھنے کے لیے بس خاموش ہوگیا ہوں پڑھ کر

__________________

فیصل ناصر

افسوس ہوا آپ کے دکھ کو دیکھ کر
محنت ہو یا نفرت دونوں تعلق ضرور پیدا کرتی ہیں
کسی تعلق کے ٹوٹنے کا دکھ ہوتا ہی ہے
دوبارہ نا ملنے کا احساس تو بڑا ہی تکلیف دہ ہے
اللہ آپ کو صبر دے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

عبدالقدوس

Microsoft JET Database Engine error '80004005'

Unrecognized database format 'C:\W3Sites\kpluscom\www\db\users.mdb'.

/gupshup/common.asp, line 129

shafresha

بدر بھائی اس پر تبصرہ اُدھار رہا!

منتظمین

رابطہ کرکے دیکھ لیں اگر مالی / تیکنیکی مشکل ہے تو ہم اس فورم کو ایڈآپٹ کر لیتے ہیں

ARHAM

السلام علیکم!
بدر بھائی رلا دیا آپ نے ۔۔۔۔
تبصرہ کیا کروں بہت سارے بیتے دن اور یادیں میری بھی تازہ ہوگئیں ۔۔۔ !!!
واقعی بہت مشکل ہے تبصرہ کرنا ۔۔۔ بھلایا جا سکتا ہے کسی کو نہ دل و دماغ سے محو ہو سکتے ہیں
لیکن امید پر دینا قائم ہے آگے تو بڑھانا ہوتا ہے ۔۔۔
اگر آپ کے اندر واقعی خلوص موجود ہے تو میرا نہیں خیال کہ
کوئی آپ کو بھلانا بھی چاہے تو بھلا سکے ۔۔۔۔۔
اور یہاں تو ۔۔۔۔امید ہے کہ بند کیا گیا باب دوبارہ کھل بھی جائے

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

راجہ اکرام

ارے بدر بھیا واہ
واقعی بڑا دردناک ہے افسانہ تیرا
یہی وہ انسیت کا عنصر کے جو انسان کی سرشت میں شامل ہے۔ جہاں کچھ دن گزرے ، کچھ لوگوں سے پیار اور خلوص ملا اور کچھ لوگوں سے دکھ بھی لے۔ بس دل وہیں کا ہو کر رہ گیا۔

اللہ خیر کرے گا
اور امید ہے کہ یہ بند باب ایک بار پھر وا ہو گا اور ڈاکٹر چکنا کی کلینک دوبارہ پہلے کی طرح پر رونق ہو گی

__________________
محتاج اصلاح و دعا

حیدر

منتظمین بھائی اور باقی بھائیو آپکا بہت بہت شکریہ۔ آپ کے خلوص نے میری آنکھوں میں ایک بار پھر نمی بھر دی۔میں اس قابل نہیں ہوں۔

shafresha

بدر بھائی پاک نیٹ اپنے دوستوں سے محبت کرتا ہے یار !

حیدر

معلوم نہیں راجا بھائی نے مزاقاً "ڈاکٹر چِکنا کا کلینک" کہا یا اسکے پیچھے کوئی "معلومات" ہیں۔ تاہم اس فورم پر واقعی یہ کلینک موجود تھا اور میں کافی عرصہ تک اس میں "پریکٹس" بھی کرتا رہا۔ کیا یاد کروا دیا ظالم۔
۔۔۔۔۔۔۔۔۔۔۔۔۔۔۔۔۔۔۔۔۔۔
معذرت کہ میں نے یہاں سے بھی اپنی زندگی کا وہ صفحہ ڈیلیٹ کر دیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔

wajee

یار افسانے میرے سر کے اوپر سے گزر جاتے ہیں

راجہ اکرام

بدر بھائی مزاقا ہی کہا ہے
بس ڈاکٹر کی نسبت سے کلینک یاد آ گیا ورنہ میں نے “کراچی پلس” کا نام ہی آج سنا ہے ۔ اس سے پہلے مجھے اس سے کوئی شناسائی ہی نہیں تھی

خرم شہزاد خرم

میں سوچتا ہوں بدر بھائی آپ اس ساری داستان کو قسط وار شائع کرتے جائیں پڑھ کر اچھا لگ رہا ہے اور کچھ سیکھنے کوبھی مل رہا ہے

حیدر

شہزاد بھائی اس فورم کی کہانی بہت طویل ہے۔اس میں بہت سی "کہانیاں" ہیں ،بہت سے تلخ حقائق ہیں، وہ حقائق جن سے میں آج تک سامنا کرنے سے گھبراتا ہوں۔
اس فورم سے وابستہ وہ کہانی بھی ہے جو مجھے ایک انجانی دلدل میں گھسیٹ کر لے جا رہی تھی اور وہ کہانی بھی اُسی فورم سے ہے کہ جس کی وجہ سے میرا کیریر تباہ ہو گیا اور مجھے دو سال تک باقاعدہ مفرور ہو کر زندگی گزارنی پڑی۔در بدر پھرنا پڑا۔
میری حماقتوں کی عجب کہانی ہے جو کئی سال کے صفحوں پر پھیلی ہوئی ہے۔ انکو اتنے مختصر وقت میں پڑھ کر سمجھنا مشکل ہی نہیں ناممکن بھی ہے۔