ہماری چاہتوں کی بزدلی تھی
ورنہ کیا ہوتا
اگر یہ شوق کے مضموں
وفا کے عہد نامے
اور دلوں کے مرثیے
اک دوسرے کے نام کر دیتے
زیادہ سے زیادہ
چاہتیں بدنام ہو جاتیں
ہماری دوستی کی داستانیں عام ہو جاتیں
تو کیا ہوتا
یہ ہم جو زیست کے ھر عشق میں سچائیاں سوچیں
یہ ھم جن کا اثاثہ تشنگی،تنہائیاں،سوچیں
یہ تحریریں
ہماری آرزومندی کی تحریریں
بہم پیوستگی اور خواب پیوندی کی تحریریں
فراق و وصل و محرومی و خورسندی
ہم ان پر منفعل کیوں ہوں
یہ تحریریں
اگر اک دوسرے کے نام ہو جائیں
تو کیا اس سے ہمارے فن کے رسیا
شعر کے مداح
ہم پر تہمتیں دھرتے
ہماری ہمدمی پر طنز کرتے
اور یہ باتیں
اور یہ افواہیں
کسی پیلی نگارش میں
ہمیشہ کے لیے مرقوم ہو جاتیں
ہماری ہستیاں مزموم ہو جاتیں
نہیں ایسا نہ ہوتا
اور اگر بالفرض ہوتا بھی
تو پھر ہم کیا
ُسبک سارانِ شہرِ حرف کی چالوں سے ڈرتے ہیں؟
سگانِ کوچہء شہرت کے غوغا
کالے بازاروں کے دلالوں سے ڈرتے ہیں؟
ہمارے حرف جذبوں کی طرح
سچے ہیں،پاکیزہ ہیں،زندہ ہیں
بلا سے ہم اگر مصلوب ہو جاتے
یہ سودا کیا برا تھا
گر ہماری قبر کے کتبے
تمہارے اور ہمارے نام سے منسوب ہو جاتے!!

اور اگر بالفرض ہوتا بھی تو پھر ہم کیا ُسبک سارانِ شہرِ حرف کی چالوں سے ڈرتے ہیں؟ سگانِ کوچہء شہرت کے غوغا کالے بازاروں کے دلالوں سے ڈرتے ہیں؟ ہمارے حرف جذبوں کی طرح سچے ہیں،پاکیزہ ہیں،زندہ ہیں بلا سے ہم اگر مصلوب ہو جاتے یہ سودا کیا برا تھا گر ہماری قبر کے کتبے تمہارے اور ہمارے نام سے منسوب ہو جاتے!!

اصل مراسلہ منجانب : راجہ اکرام بہت خوبصورت ہے دانی بھائی میرے پسندیدہ شعراء میں سے ایک ہے احمد فراز

اصل مراسلہ منجانب : راجہ اکرام بھائی مداح تو میں اس کا بہت پرانا ہوں ۔۔ اس کا الفاظ کا انتخاب، استعارے و تمثیلات ، تشبیہات کیا کہنے یار۔ وہ صرف ہجر و وصال کا ہی نہیں انقلاب کا بھی شاعر ہے، اقبال کے بعد اگر کوئی مجھے پسند ہے تو ان میں فراز کا نام بہت اوپر ہے۔ لیکن صرف اس کی شاعری سے ۔۔۔۔۔ اس کی ذات سے نہیں