تيرے قريب آ کے بڑي الجھنوں ميں ہوں
ميں دشمنوں ميں ہوں کہ تيرے دوستوں ميں ہوں

مجھ سے گريز پا ہے تو ہر راستہ بدل
ميں سنگِ راہ ہوں تو سبھي راستوں ميں ہوں

تو آ چکا ہے سطح پہ کب سے خبر نہيں
بے درد ميں ابھي انہي گہرائيوں ميں ہوں

اے يارِ خوش ديار تجھے کيا خبر کہ ميں
کب سے اداسيوں کے گھنے جنگلوں ميں ہوں

تو لُوٹ کر بھي اہل تمنا کو خوش نہيں
ميں لٹ کے بھي وفا کے انہيں قافلوں ميں ہوں

بدلا نہ ميرے بعد بھي موضوعِ گفتگو
ميں جا چکا تھا پھر بھي تيري محفلوں ميں ہوں

مجھ سے بچھڑ کر تو بھي تو روئے گا عمر بھر
يہ سوچ لے کہ ميں تيري خواہشوں ميں ہوں

تو ہنس رہا ہے مجھ پہ ميرا حال ديکھ کر
اور پھر بھي ميں شريک تيرے قہقہوں ميں ہوں

خود بھي مثالِ لال صحرا لہو لہو
اور خود فرازاپنے تماشائيوں ميں ہوں