The Great

مزاج ہم سے زیادہ جدا نہ تھا اس کا
جب اپنے طور یہی تھے تو کیا گلہ اس کا

وہ اپنے زعم میں تھا، بےخبر رہا مجھ سے
اسے گماں بھی نہیں‌، میں‌نہیں رہا اس کا

وہ برق رو تھا مگر رہ گیا کہاں جانے
اب انتظار کریں گے شکستہ پا اس کا

چلو یہ سیلِ بلاخیز ہی بنے اپنا
سفینہ اُس کا، خدا اسکا، ناخدا اس کا

یہ اہلِ درد بھی کس کی دہائی دیتے ہیں
وہ چپ بھی ہوتو زمانہ ہے ہمنوا اس کا

ہمی نے ترکِ تعلق میں پہل کی کہ فراز
وہ چاہتا تھا مگر حوصلہ نہ تھا اس کا


احمد فراز

Miss Khan

بہت بہت خوبصورت غزل اور یہ شعر تو کسی زمانے میں ہر وقت زبان پہ رہتا تھا

وہ اپنے زعم میں تھا، بےخبر رہا مجھ سے
اسے گماں بھی نہیں‌، میں‌نہیں رہا اس کا