The Great

میں نے آغاز سے انجام کا سفر جانا ھے
سب کو دو چار قدم چل کے ٹھہر جانا ھے

غم وہ صحرائے تمنا کہ بگولے کی طرح
جس کو منزل نہ ملی اس کو بکھر جانا ھے

تیری نظروں میں مرے درد کی قیمت کیا تھی
میرے دامن نے تو آنسو کو گہر جانا ھے

اب کے بچھڑے تو نہ پہچان سکیں گے چہرے
میری چاہت ترے پندار کو مر جانا ھے

جانے والے کو نہ روکو کہ بھرم رہ جائے
تم پکارو بھی تو کب اس نے ٹھہر جانا ھے

تیز سورج میں چلے آتے ھیں مری جانب
دوستوں نے مجھے صحرا کا شجر جانا ھے

زندگی کو بھی ترے در سے بھکاری کی طرح
ایک پل کے لئے رکنا ھے گزر جانا ھے

اپنی افسردہ مزاجی کا برا ہو کہ فراز
واقعہ کوئی بھی ہو آنکھ کو بھر جانا ھے

Miss Khan

بہت عمدہ اور یہ اشعار تو بہترین


اب کے بچھڑے تو نہ پہچان سکیں گے چہرے
میری چاہت ترے پندار کو مر جانا ھے

جانے والے کو نہ روکو کہ بھرم رہ جائے
تم پکارو بھی تو کب اس نے ٹھہر جانا ھے