The Great

ہر کوئی دل کی ہتھیلی پہ ھے صحرا رکھے
کس کو سیراب کرے وہ کسے پیاسا رکھے

عمر بھر کون نبھاتا ھے تعلق اتنا
اے مری جان کے دشمن تجھے اللہ رکھے

ہم کو اچھا نہیں لگتا کوئی ہم نام ترا
کوئی تجھ سا ھو تو پھر نام بھی تجھ سا رکھے

دل بھی پاگل ھے کہ اس شخص سے وابستہ ھے
جو کسی اور کا ھونے دے نہ اپنا رکھے

کم نہیں طمع عبادت بھی تو حرص زر سے
فقر تو وہ ھے کہ جو دین نہ دنیا رکھے

ہنس نہ اتنا بھی فقیروں کے اکیلے پن پر
جا ، خدا میری طرح تجھ کو بھی تنہا رکھے

یہ قناعت ھے اطاعت ھے کہ چاہت ھے فراز
ہم تو راضی ھیں وہ جس حال میں جیسا رکھے