عبدالرحمن سید

میری ایک برسوں پرانی تحریر، اخلاقیات کے موضوع پر،

ھم ویسے تو کافی بحث اور مباحثہ کرتے رھتے ھیں لیکن ھم چھوٹی چھوٹی نیکیوں کو بھول جاتے ھیں، اس کی طرف بالکل دھیان نہیں دیتے، آپس میں بھائی چارہ اور اخوت یکجہتی اسی وقت آسکتی ھے کہ ھم ایک دوسرے کی غلطیوں کو دل سے معاف کردیں، اگر ھم حقوق العباد کےچند آسان اور سہل اصولوں کو ھی اپنا لیں، تو ھم کبھی بھی ایک دوسرے سے ناراض نہیں ھو سکتے، اور نہ ھی کوئی ھمارا دشمن ھوسکتا ھے،

ھم بہت سے اکثر بحث اور مباحثہ میں شریک رھتے ھیں اور ایک دوسرے کو اپنی بات منوانے کیلئے اکثر غصہ اور جھگڑا بھی کرنے لگتے ھیں، جبکہ غصٌہ اسلام میں حرام ھے،

اچھی باتوں کو پھیلانا اور معلومات فراھم کرنا بہت اچھی بات ھے، لیکن پرخلوص طریقے اور مودبانہ انداز سے اس طرح مطمئن کریں کہ دوسرا آپکی بات کو دل و دماغ سے سوچ سمجھ کر قبول کرے، اگر دوسرا نہیں سمجھتا تو اسے اس کے حال پر چھوڑدیں، اور اس کے ساتھ اپنا رویہ ھمیشہ پرخلوص رکھیں اور جب بھی سامنا ھو، اسے سلام ضرور کریں، جو ایک ھمارا ایک فریضہ بھی ھے، اس کے ساتھ اس طرح لاتعلقی نہ برتیں کہ وہ آگے چل کر آپ کے ساتھ مکمل طور سے دشمنی پر آمادہ نہ ھوجائے،

سلام کرتے وقت پہل کرنے میں ایک لطف اور ذہنی سکون ملتا ھے، اور ثواب بھی ھے، چاھے وہ آپ کا دشمن یا ناراض دوست ھی کیوں نہ ھو، آپ دیکھیں گے کہ بار بار آپکے اس پرخلوص رویہ سے ایک دن ایسا آئے گا کہ وہ آپ سے خود آکر مودبانہ معذرت کرے گا، کیونکہ اس کادل اسے ھمیشہ ملامت کرتا رھتا ھے کہ دیکھو میں تو اس سے دشمنی کئے بیٹھا ھوں اور یہ تو مجھے روز سلام کرتا ھے، جبکہ میں اسے جواب بھی نہیں دیتا ھوں،

دیکھئے صرف ایک دوسرے کو سلام کرنے سے دل کے میل کیسے دھل جاتے ھیں، تو اگر ھم کچھ تھوڑی سی خوش اخلاقی کی طرف بڑھیں، تو اس کا کیا اثر ھوگا، اگر ھم اپنے اللٌہ کو خوش کرنا چاھتے ھیں تو اسکے بندوں سے خوش اخلاقی سے پیش آنا چاھئے، چاھے وہ آپ کا اپنا ھو دشمن ھو یا کسی بھی مذہب سے تعلق رکھتا ھو، ھوسکتا ھے کہ وہ اگر غیر مسلم ھو تو آپ کے بااخلاق کردار سے متاثر ھوکر مسلمان ھی ھوجائے،

ھمارا اسلام کس طرح اتنی تیزی کے ساتھ پروان چڑھا، کافروں نے مسلمانوں کے کرداروں انکے اصولوں کو دیکھ کر ھی اسلام کو قبول کیا، ھم مسلمانوں کو قران اور سنت رسول (ص) پر عمل کرنے پر کیوں کہا جاتا ھے، اس لئے کہ قران ھمارے لئے ایک مکمل ضابطہ حیات ھے اور سیرت نبوی(ص) ھمارے لئے مشعل راہ ھے، کیونکہ اگر ھم سیرت نبوی (ص) کی بنیادی اور بہت ھی آسان اصولوں پر اگر عمل کریں تو کوئی بھی ھمارا دشمن بن ھی نہیں سکتا اور اگر کوئی دشمن ھے بھی تو وہ فوراً آپ سے دست و بستہ معذرت کرنے چلا آئے گا، ھم اپنے بااخلاق کردار اور بہتر عمل سے ھی کوئی دشمن ھو یا کوئی اپنا ھو، اس کے دل میں اپنے لئے نرمی اور اسکے دل کو جیت سکتے ھیں،

ھمیں صرف پہلے یہ سوچنا ھے کہ سلام کرنے میں اور خوش اخلاقی سے پیش آنے میں ھمیں کیا پریشانی ھے اور ھمارا کیا حرج ھوتا ھے،

اگر ھم اپنی صرف یہ اپنی خوش اخلاقی سے پیش آنے اور سلام کرنے کی عادت بنا لیں تو آپ دیکھئے گا کہ کچھ دنوں بعد آپکے غصٌہ کرنے کی عادت بالکل ھی ختم ھوجائے گی، جو ھمارے اسلام میں حرام ھے، اور کئی بیماریوں سے بھی نجات مل جائے گی،

اللٌہ تعالیٰ ھم سب کو قران اور سرت نبوی(ص) پر چلنے کی توفیق عطا فرمائے، آمین

ھم بہت گنہگار ھیں کم از کم ھم اپنے اعمال کو ھی کچھ سدھار لیں تو ھمارے کچھ تو گناہ کم ھوسکتے ھیں،

ھمیں چاھئے کہ ھم سب سے پہلے اپنے لوگوں کو ھماری بنیادی ذاتی اخلاق کی کوتاھیوں کی طرف پہلے توجہ دلائیں، جب تک ھم اپنی ذاتی اخلاق اور اخوت، بھائی چارے کو خوب سے خوب تر کی طرف اور اپنا مثبت رویہ اختیار نہیں کریں گے، اس وقت تک ھم کسی بھی طرح سے ھم اپنے آپ کو بدل نہیں سکتے،
چھوٹی چھوٹی سی عام مثالیں ھیں، جن کا اخلاقیات سے تعلق ھے، جنہیں ھم جان بوجھ کر اپنی خودی اور انا کا مسئلہ بنا کر اس پر دھیان نہیں دیتے، اور جان بوجھ کر ترک کردیتے ھیں

- سلام نہ کرنا اور سلام کا جواب نہ دینا،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔
کچھ لوگ اپنے دنیاؤی رتبہ کو دیکھتے ھوئے اپنے سے کم حیثیت کے درجے والے کو سلام میں پہل کرنے کو اپنی توھین سمجھتے ھیں، اور کچھ تو اس لئے سلام نہیں کرتے کیونکہ وہ سمجھتے ہیں کہ اس آدمی نے مجھے نقصان پہنچایا تھا،

- ایک دوسرے مسلمان بھائی سے تین دن سے زائد ناراضگی،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لوگ اکثر دوستی کے بجائے دشمنی مول لینے پر ترجیح دیتے ھیں، کیونکہ کئی لوگوں کی دشمنی پالنا ایک عادت ھے، اور کچھ تو اگر ناراض ھوگئے تو زندگی بھر ایک دوسرے سے بات نہیں کرتے،

- ایک دوسرے کی برائی یعنی غیبت کرنا،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔
یہ تو ایک ھم لوگوں میں ایک عام بیماری ھے، مردوں سے زیادہ عورتوں میں اسکا تناسب زیادہ ھے، کیونکہ جب بھی کسی دوسرے سے ملتی ھیں تو اپنے ھی گھر کے افراد یا اڑوسی پڑوسی کی برائیوں میں مصروف ھو جاتیں ھیں، کچھ نہیں تو کوئی اپنی نند یا ساس کی اور کوئی اپنی بہو یا اسکے میکے کی برائیاں خوب طیش میں آکر جذباتی انداز میں کرتیں ھیں،

- ایک دوسرے کی کسی مشکل میں کام نہ آنا،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔
جو کہ آپ کے بس میں ھے، لیکن آپ کسی کا بھلا اس لئے نہیں کرنا چاھتے، کیونکہ اس کے ساتھ آپ کی ناراضگی ھے، اور اسکو آپ پریشان دیکھ کر آپکو ذھنی تسکین ملتی ھے، بلکہ کچھ تو حالات مزید خراب کرنے کے بہانے تلاش کرتے ھیں،

- نماز میں اپنے رقیب، یا کم حیثیت والے کے ساتھ نہ کھڑا ھونا،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔
اکثر یہ دیکھا گیا ھے کہ نماز باجماعت ھو رھی ھے اور آپ اسکے ساتھ کھڑے ھونے سے اس لئیے گریز کرتے ھیں کیونکہ اس سے آپکی ناراضگی ھے، یا کوئی آپ سے پوزیشن میں کم حیثیت درجہ رکھتا ھے،

- مہمان کے آنے کی اطلاع پا کر کھانے کھاتے ھوئے اٹھ جانا،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
جیسے ھی کسی مہمان کی آنے کی اطلاع ملتی ھے فوراً ھی کچھ لوگ دستر خوان کو سمیٹ دیتے ھیں کہ ایسا نہ ھو کہ کھانا کم پڑ جائے، یا اس کو شریک صرف اس لئے نہیں کرنا چاھتے کیونکہ وہ آپکا مخالف ھے یا کوئی اس سے ناراضگی ھے،

مسافر کو غلط راستہ پر ڈال دینا یا اس سے مذاق کرنا،ِِِِِِِِِِِِِِ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔
کچھ ایسے بھی شوقین مزاج ھیں کہ کسی بھی مسافر کو غلط راستہ پر ڈال کر بہت خوش ھوتے ھیں، اور ذھنی تسکین پاتے ھیں،

- دین اسلام ، سیرت نبوی کے درس اور تدریس سے دوری،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔
اسلامی درس اور تدریس کی تقریب کو چھوڑ کے کسی رقص اور سرور کی محفل یا سینما تھیٹر کی طرف شوقیہ رجوع کرنا تو اکثر لوگوں کا ایک مشغلہ ھے، ساتھ ھی دوسرے ساتھی کو بھی ورغلانا اور کہنا کہ یہ اسلامی تقریب تو ھوتی رھتی ھیں مگر یہ فلم کا یا تھیٹر کا آخری شو ھے، یہ پھر دیکھنے کو نہیں ملے گا،!!!!

ایسی اور بھی اخلاقیات سے جڑی ھوئی بہت سی قدریں ھیں، جنہیں ھم جان بوجھ کر صرف اس لئے گریز کرتے ھیں کہ صرف ھمارا دل نہیں چاھتا، اور یہ نہیں سوچتے کہ اوپر بھی کوئی ھے جو آپکی ھر ایک اچھی بری چیز کا مشاھدہ کررھا ھے جس کا حساب آخرت میں ھوگا،!!!!

زندگی بہت مختصر ھے، منزل طویل ھے، راستہ دشوار ھے، صحیح منزل کو پانا ھے، اور بچ بچا کر بھی جانا ھے، یہی ھماری کامیابی ھے-اگر سمجھ سکو تو؟

میری مشاھدات کی بنا پر جہاں تک سمجھ میں یہ آیا ھے کہ -

ھمارا مذھبِ اسلام بہت آسان اور سہل ھے، خوامخواہ ھی ھمارے لوگوں نے اسے بہت مشکل میں ڈال دیا ھے –

ھمارا دین اسلام ھمیں کیا سکھاتا ھے جس پر ھم سب کا ایمان ھے “ اللّہ ایک ھے، ھماری کتاب قران ایک ھے اور ھمارے آخری نبی حضرت محمّد(صلی اللّہ علیہ وسلم) ھیں اور آخرت پر یقیں“، اور تمام ارکان “توحید، نماز، روزہ، حج، ذکاۃ پر سب کا کامل ایمان ھے-
اور اللٌہ کی وحدانیت پر یقین اور قران اور ھمارے آخری پیارے نبی (صلی اللّہ علیہ وسلم) کے بتائے ھوئے طریقوں پر چلنا ھے اور ساتھ سنٌتِ رسول پر عمل کرنا ھے

اور تمام مسلمان بھائی اس سے متفق بھی ھیں تو کس بات کی فرقہ واریت ھم پھیلا رھے ھیں، صرف اپنے آپ کو گریبان میں جھانک کر دیکھیں، اپنے آپ کو صحیح کرلیں، اور دوسروں پر نکتہ چینی چھوڑ دیں

ھر کوئی اپنے اعمال کا خود ذمہ دار ھے، ھمارا فرض لوگوں تک حقیقت سے روشناس کرانا ھے، احادیث، قران و سنت کی اچھی مستند کتابیں اردو ترجمے کے ساتھ موجود ھیں، مطالعہ کریں اور کم از کم جو ھمارے فرائض ھیں اُنہیں دیانت داری اور ایمانداری سے انجام دیں اور پانچوں وقت کی نمازوں کو قائم رکھیں، رمضان کے پورے روزے رکھیں اور زکاتہ اور حج ادا کریں اگر استطاعت ھو تو !!!!!!!!!! یہ تو سب جانتے ھیں کہ نماز اور روزہ تو کسی صورت میں بھی معاف نہیں ھے اگر کسی وجہ سے نماز میں تاخیر ھو جائے یا روزہ نہ رکھ سکے تو اسکی کی قضا کرنا لازم ھے

اب ھم ان فرض احکامات کو نہ بجا لائیں اور خامخواہ مذھبی عقیدوں ،روایتوں اور ایک دوسروں پر لعن طعن کی بحث میں الجھے رھیں تو کیا فائدہ، !!!!!!!!!
اللٌہ تعالیٰ نے انساں کو اشرف المخلوقات بنایا ھے، ھم اچھائی اور بُرائی سے مکمل طور سے واقف ھیں، ھمارا ضمیر خود ھمیں ھر برائی کی طرف جانے سے باخبر کرتا ھے، لیکن ھم اپنی ضمیر کی آواز جان بوجھ کر در گذر کردیتے ھیں، ھر وہ کام کر گزرتے ھیں، جسکی ھمارے مذھب میں قطعاً ممانعت ھے اور ھم یہ سمجھتے ھیں کہ ھمیں کون دیکھ رھا ھے، اس کا مطلب یہ کہ ھمیں اللٌہ سبحان تعالیٰ (نعوذباللٌہ) پر یقین نہیں ھے اور یہاں ھمارا ایمان بھی ڈگمگا رھا ھے!!!!!!!!!

بس ھم اپنی آخرت کو سنوارنے کے بجائے بگاڑ ھی رھے ھیں –

اللٌہ تعالیٰ ھم سب کو صحیح اسلامی قران اور سنت کی روشنی پر
چلنے کی توفیق عطا فرمائے !!! آمین ثم آمین
_________________
یہ تو اللٌہ تعالی کا لاکھ لاکھ شکر ھے، اور ھمیں اس بات پر فخر ھونا چاھئے کہ ھم نے ایک مسلم گھرانے اور ایک مسلم ریاست کے آزاد مملکت میں آنکھ کھولی ھے، ھمیں اپنے آباؤاجداد کے بارے میں بھی سوچنا چاھئے کہ انہوں نے کس کس مشکل وقت میں کتنی تکلیفوں سے، اپنی جان ومال کی قربانیوں کے بعد ھمیں انگریزوں کی غلامی سے اس ملک کو آزاد کراکے ھمیں سونپا تھا کہ ھم اس اپنے پیارے وطن کو ایک مثالی ملک بنائیں گے، لیکن ھم ان کی قربانیوں کا صلہ اس طرح آپس میں اختلافات اور فرقہ واریت پیدا کرکے اپنے آزاد وطن کو کس طرف لے کر جارھے ھیں، کیا ھم نے کبھی یہ سوچا ھے، ؟؟؟؟؟؟؟؟
__________________

بعض اوقات ھم اپنی انا اور خودی کا بھی مسئلہ بنا لیتے ہیں، کسی نہ کسی کو تو پہل کرنی ہی چاہئے، مگر شاید ہم یہ سمجھتے ہیں کہ اس سے ہماری عزت میں فرق آجائے گا،!!!!!

ایسی صورت میں تیسرے فریق کو مداخلت ضرور کرنی چاہئے، مگر ہماری اکثریت تماشائی بنی رہتی ہے اور شاید کچھ لوگ کسی کے آپس کے لڑائی جھگڑے میں دلچسپی بھی رکھتے ہوں اس لئے وہ اچنگاری کو پانی دے کر بجھانے کے بجائے مزید ہوا دیتے ہیں،!!!!!

اگر ہم سیرت نبوی (ص) کا صحیح طرح مطالعہ کریں تو بہت کچھ ہم جان سکتے ہیں، بلکہ ہم سب کو خاص خاص باتیں تو ویسے بھی معلوم ہیں، کہ ہم صرف اپنے اخلاق اور محبت سے بڑے بڑے آہنی سنگلاخ چٹانوں کو بھی موم کرسکتے ہیں، جبکہ ناراضگی اور دشمنی تو کچھ بھی نہیں ہے، صرف پیار محبت سے ایک فریق کو پہل کرنے کی ضرورت ہے،!!!!

مجھے بھی خود بہت دکھ ہوتا ہے جب مجھ سے کوئی بھی کسی غلط فہمی کی وجہ سے اگر ناراض ہوجاتا ہے، میری اپنی اولین کوشش یہی ہوتی ہے کہ میں کسی بھی طریقے سے اس شخص کو مناؤں، اگر ضرورت پڑے تو ہاتھ جوڑ کر معافی تک مانگ لیتا ہوں، ایک دفعہ نہیں میں بار بار کوشش کرتا ہوں،!!! چاہے وہ مجھ سے عمر میں چھوٹا ہی کیوں نہ ہو،!!!!!!

آپ کی غلطی ہو یا نہ ہو دوسرے فریق کو دل سے معاف کردینا ہی بہادری اور عقلمندی ہے، اور دوستی کا ہاتھ بار بار بڑھانا چاہئے جب تک کہ وہ دل سے اپنی ناراضگی کو ختم نہ کرلے،!!!!! اس میں کوئی بذدلی یا ہار ماننے والی کوئی ایسی بات نہیں ہے،!!!!

خط و کتابت اور ٹیلیفون سے رابطہ رکھیں، بڑوں سے نہیں تو ان کے بچوں سے پیار اور محبت سے پیش آئیں، تحفے تحائف کا تبادلہ کریں، اور ناراض لوگوں کے گھر جاکر ان کے حال چال پوچھیں اور اپنے گھر پر دعوت میں لے جائیں اور خوب خاطر مدارات کریں،!!!!!

آپ خود بہادر اور طاقتور بنیں، اپنے آپ میں کسی کو معاف کردینے کے لئے ہمت اور حوصلہ پیدا کریں،!!!! پھر دیکھیں کہ آپ کا دل کس طرح خوشیوں اور مسرتوں کا گہوارہ بن جاتا ہے،!!!!!
__________________
ھم عشق رسول (ص) میں جان و مال سب کچھ قربان کرنے کو تیار رہتے ہیں، ان کے دربار کی ایک جھلک دیکھنے کیلئے روتے ہیں تڑپتے ہیں، لیکن ان کی طرح صبر و برداشت، خلوص و محبت، اخوت و بھائی چارے کو اپنانے سے دور بھاگتے ہیں،!!!!! یہ ہمارے پیارے نبی (ص) سے ہماری کیسی انسیت ہے،!!!!!!! آخر کیوں، کیا ہم نے کبھی اپنے آپ سے یہ سوال کیا ہے،؟؟؟؟؟؟؟

اللٌہ تعالیٰ ہمیں سنت نبوی (ص) پر عمل کرنے کی توفیق عطا فرمائے، آمین،!!!!

عروج

صفائی نصف ایمان ھے۔ اسی نیت سے مَیں نے بچوں کو بتایا کہ سکول میں گزرتے وقت جو کچرا ھوتا مَیں اٹھا کر ڈسٹ بِن میں ڈال لیا کرتی تھی۔ فاطمہ جناح پارک میں میری بیٹیوں نے میرا دل خوش کردیا۔ لوگ حیران سے ھمیں دیکھ رھے تھے۔ مگر میری بیٹیوں کا دھیان " اجر" کی طرف تھا ۔

منتظمین

ماشاءاللہ بہت ہی عمدہ موضوعات پر اپ نے قلم اٹھایا ہے۔

منتظمین

میں اپکی طرف سے سرورق پر اپلائی کر رہا ہوں۔

والسلام

راجہ اکرام

بہت اچھی تحریر ہے ،،، اللہ جزائے خیر دے اور ہمیں عمل کی توفیق عطا فرمائے ،، آمین

فیصل ناصر

عبدالرحمن سید بھائی آپکی تحاریر بہت اچھی ہیں گذارش ہے کچھ وقت پاک نیٹ کو ضرور دیا کریں تاکہ ممبران میں بھی اچھے جذبات کو فروغ مل سکے
یہ بھی ایک نیکی ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

shafresha

بھائی عبدالرحمن سید السلام علیکم،
آپ کی تحریر بہت اچھی ہے!
شئیرنگ کا بہت بہت شکریہ!

پاک نیٹ‌آپ کی جانب سے مزید شئیرنگ کا متظر رہے گا ۔ ۔ ۔ ۔ ۔

__________________
میں‌تمھارے اس حق کے لیئے کہ تم مجھ سے "اختلاف" کرسکو، آخری وقت تک لڑوں‌گا!

عبدالرحمن سید

آپ سب کا بہت بہت شکریہ، جنہیں مجھ ناچیز کی یہ تحریر پسند آئی، میں اپنی زندگی کے ہر نشیب و فراز کے مختلف ادوار سے بہت سارے تلخ تجربات سے گزرا ہوں، اور انہیں مشاہدات کی روشنی میں کہیں نہ کہیں کچھ نہ کچھ لکھتا رہتا ہوں، نہ تو میں کوئی مستند شاعر یا ادیب ہوں، میری تحریر کا انداز بس اسی طرح بے ربط اور بے محل ہے، جو بھی زباں پر آتا ہے لکھتا چلا جاتا ہوں،!!!!

میں نے اپنی زندگی کی کہانی اپنی زبانی کئی اردو ویب سائٹس پر لکھی تھیں، میں چاہتا ہوں کہ ایک اسی اپنی سنہری بھولی بسری یادوں کو ایک چند تبدیلیوں کے ساتھ پیش کرسکوں، جس میں اس وقت کی اپنی غلطیوں اور اچھائیوں کی طرف بھی ایک حد تک اشارہ بھی کیا ہے، جس سے پڑھنے والے اپنی ائندہ آنے والی نسلوں کی بہترین پرورش کے لئے کچھ نصیحت اور سبق آموز راستے اخذ کرسکتے ہیں،!!!!!

اگر آپ سب کی اجازت ہو تو،؟؟؟؟؟

نیلم خان

آپ کی تحریر بہت اچھی ہے
شئیرنگ کا بہت بہت شکریہ

محمدعدنان

ارے بھائی جی کیوں شرمندہ کررہے ہو یہ سارا فورم آپ کا اپنا ہے جہاں مرضی پوسٹ کریں سو بسم اللہ ہوسکتا ہے آپ کی اتنی اچھی تحاریر پڑھ کر ہمارے اندر کا سویا ہوا اچھا انسان بھی جاگ جائے

__________________

عبدالرحمن سید

بہت شکریہ مجھ ناچیز کی اس حوصلہ افزائی کیلئے،!!!!
خوش رہیں،!!!

راجہ اکرام

السلام علیکم مکرمی عبد الرحمن سید بھائی
ہمیں انتظار رہے گا آپ کی تحاریر کا

عبدالرحمن سید

مجھے یہ تو بتائیں کہ میں اپنی خود نوشت سوانح عمری " میری کہانی اپنی زبانی " کس لڑی کے ذیلی کالم میں لکھوں،؟؟؟ کوئی مشورہ تو دیتے جائیں،!!!

منتظمین

اپکی تحاریر کتنی ہوں گیں اندازا؟