عفو و درگزر کے معنی ہیں معاف کرنا اور درگزر کرنا ۔ اللہ کی رضا کی خاطر کسی کو معاف کرنا جس سے آپ کو تکلیف پہنچی ہو اللہ کے پاس مقبول عمل ہے اور اسطرح زندگی میں سکون اور کامیابی نصیب ہوتی ہے ۔
حضور اکرم صلی اللہ علیہ وسلم نے زندگی بھر اپنی ذات کی وجہ سے کبھی کسی سے بدلہ نہ لیا ۔ ہمیشہ سب سے عفو و درگزر کا معاملہ کیا ۔ یہی حضوراکرم صلی اللہ علیہ وسلم کا طریقہ ہے ۔
حضوراکرم صلی اللہ علیہ وسلم نے فرمایا جس کا مفہوم ہے ۔
جو میرے طریقے پر نہیں وہ ہم میں سے نہیں ۔
مکہ میں حضور اکرم صلی اللہ علیہ وسلم اور تمام مسلمانوں نے تیرہ سال کفار کی طرف سے پہنچائی گئی تکالیف صبر اور ہمت سے برداشت کی ۔ اور جب فتح مکہ کے وقت مسلمانوں نے ان کفار پر قابو پایا ۔ تو حضور اکرم صلی اللہ علیہ وسلم نے عام معافی کا اعلان کیا ۔
طائف میں کفار نے حضو اکرم صلی اللہ علیہ وسلم کی شان میں گستاخی کی آپ صلی اللہ علیہ وسلم کو تکلیف پہنچائی ۔ تب بھی فرشتوں کے کہنے کے باوجود آپ صلی اللہ علیہ وسلم نے ان کفار سے بدلہ نہ لیا ۔ ناصرف ان کو معاف کیا بلکہ ان کے حق میں دعا کی ۔
صحابہ اکرام رضی اللہ عنہ بھی ایک دوسرے سے عفو درگزر کا معاملہ کرتے اور اپنے دل میں کسی کے لیے کوئی برائی نہ رکھتے ، صحابہ رضی اللہ عنہ کے دل شیشہ کی طرح صاف ہوتے تھے ۔
آئیں ہم بھی حضور اکرم صلی اللہ علیہ وسلم کے طریقے ہر عمل کرتے ہوئے عفو درگزر کو اپنی زندگی کا حصہ بنالیں ۔ ہم اللہ کی رضا کی خاطر کسی کو معاف کریں گے تو انشاءاللہ اللہ ہماری مغفرت فرمائے گا اور ہم کو دنیا اور آخرت کی کامیابی نصیب ہوگی انشاءاللہ

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے