حضرت حسن بصری رحمہ اللہ فرماتے ہیں کہ : اللہ تعالی نے حضرت آدم علیہ السلام کو وحی کے ذریعے فرمایا : تجھے چار چیزیں دی جارہی ہیں جن میں تیری اور تیری اولاد کی بھلائی ہے ان میں سے ایک کا تعلق میری ذات سے ہے اور دوسری کا تعلق تیری ذات سے ہے تیسری وہ ہے جس کا تعلق تجھ سے اور مجھ سے مشترک ہے چوتھی وہ جس کا تعلق تجھ سے اور عام مخلوق سے ہے - 1: وہ جس کا تعلق صرف میری ذات سے ہے : میری ہی عبادت کر اور کسی کو میرے ساتھ شریک نہ کر -
2: وہ جس کا تعلق تیری اپنی ذات سے ہے : عمل کر میں تجھے اُس وقت اس کی جزاء دونگا جب تجھے اس کی سب سے زیادہ ضرورت ھوگی ، یعنی قیامت کے روز -
3: وہ جو مجھ میں اور تجھ میں مشترک ھے : تو دُعا کر میں اسے قبول کرونگا -
4: وہ جسکا تعلق تجھ سے اور عام لوگوں سے ہے -اُن سے اس طرح پیش آؤ جس طرح تم اُن سے اپنے ساتھ پیش آنے کی اُمید رکھتے ھو -