Zullu230

اردو زبان ہم پاکستانیوں کی قومی زبان ہے اور اب تو پچھلی کئی دہائیوں سے علاقائی زبانیں بولنے والے گھروں میں بھی بچوں کو اردو سکھانے کی خاطر گھر میں سب اردو بولتے ہیں۔ ان میں کچھ اہل زبان گھرانے ایسے بھی ہیں جو 1947 کے بعد ہندوستان سے پاکستان آئے۔ اردو سے ہماری بے اعتنائی کا یہ عالم ہے کہ انگریزی زبان سیکھنے کےلئے سر دھڑ کی بازی لگا لیتے ہیں لیکن اردو کو بطور زبان سیکھنے کی کوشش نہیں کرتے۔ اور اُسی پر گزارہ کرتے ہیں جو گھریلو ماحول میں سیکھی ہوتی ہے۔

آج میں اسی فورم پر ایک تھرید پڑھ رہا تھا جس میں ایک فقرہ لکھا ہوا ہے۔ "بُرا نہ مانیے گا"۔ اردو زبان کے دانشوروں کے مطابق اس فقرے میں "مانیے گا" بالکل غلط ہے۔ درست فقرہ اس طرح ہے "بُرا نہ منائیے گا" ماننے اور منانے کے معنوں میں بہت فرق ہے۔

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.

عروج

بے حد شکریہ۔ میری پسند کا موضوع چننے کا بھی۔

راجہ اکرام

السلام علیکم
ذولو بھائی بہت اچھے ۔۔ پہلے ایسا ایک تھریڈ تھا جس میں اس طرح کی اغلاط کی نشاندہی کی جاتی تھی لیکن کچھ وقت سے وہ بھی طاق نسیاں کی زینت بنا ہوا ہے۔
ایسی بہت ساری غلطیاں دیکھنے کو ملتی ہیں لیکن اسی دھاگے میں تصحیح کرنا مناسب نہیں لگتا ۔۔ نہ جانے لکھے والا یا سوچے ۔۔ اور موضوع بحث کہیں کا کہیں نکل جائے ۔۔

بہر حال ایک بار پھر اچھی ابتداء ہے۔۔

__________________
محتاج اصلاح و دعا

shafresha

دوستوں مجھے اس فورم پر یہ اختیار دیا گیا ہے کہ میں‌الفاظ‌ میں‌ موجود غلطیاں درست کرسکتا ہوں، لہذا آپ کہیں‌ایسی کوئی غلطی دیکھیں‌تو برائے کرم مجھے ضرور مطلع کیجیئے گا!

(اس میں‌میری غلطیاں بھی شامل ہیں )

__________________
میں‌تمھارے اس حق کے لیئے کہ تم مجھ سے "اختلاف" کرسکو، آخری وقت تک لڑوں‌گا!

Zullu230

بھائی آپ کا شکریہ۔۔۔ دراصل مجھے عادت ہی ایسی ہے اپنی پیاری زبان اردو میں اگر کوئی غلطی دیکھتا ہوں تو جب تک اُسے درست نہ کر لوں چین نہیں آتا۔

Ajmal Anjum

السلام ُ علیکم جی ۔۔۔۔۔
ما شا اللہ جی ۔۔۔۔۔ ہوتا ہے جادہ پیما پھر کارواں ہمارا
کیا ہی خوب ہوتا کہ جس تھریڈ کی جانب راجا اکرام جی نے توجہ مبذول کروائی ہے ، اسی کو جاری رکھا جاتا کہ وہ تھریڈ " شعبہ تدریس" میں ہے اور اغلاط کی تصحیح بات تو درس و تدریس کی ہے نا جی ۔۔۔۔۔ اور یہ سیکشن تو اردو ادب سے شاہکار اقتباسات کے لئے ہے ، لیکن شاید ناظم اعلیٰ اور نائب ناظم یہ بات ہم سے بہتر طور پر جانتے اور سمجھتے ہوں گے ۔۔۔۔۔
بہر حال جی محسوس یوں ہوتا ہے کہ اب کی بار " غلطیوں " کی خیر نہیں ہے ۔۔۔۔۔ کہ ایک نہیں دو دو ناظم اعلیٰ غلطیوں کے پیچھے پڑ گئے ہیں اور ناظم اعلیٰ بھی کوئی ایسے ویسے نہیں ، ایک وہ جنہیں زبان کی غلطیاں درست کرنے کی " عادت " ہے اور دوسرے وہ جنہیں غلطیاں درست کرنے کا " اختیار" ہے ۔۔۔۔۔ سو غلطیو !!! ابھی وقت ہے ۔۔۔۔۔ بھاگ لو یہاں سے
دعا ہے کہ اللہ کریم ہم سب کے علم میں اضافہ فرمائیں ۔۔۔۔۔ آمین

Ajmal Anjum

زولو جی ۔۔۔۔۔ السلام ُ علیکم
بجا فرمایا آپ نے جی ، کہ ماننے اور منانے میں بہت فرق ہے ۔۔۔۔۔ ایک عام اور سادہ سا فرق تو یہ ہے " ماننا " اپنی ذات میں ہوتا ہے جیسے کہ "میں مان گیا ہوں کہ میں دیر سے آیا تھا " اس کے برعکس " منانا " اپنی ذات سے باہر یا یوں کہ لیں کہ ایک خارجی عمل یا احساس ہے جیسے کہ " میں آپ کو منانے کی کوشش کر رہا ہوں " وغیرہ
تو اس لحاظ سے چونکہ " بُرا ماننا " سراسر ایک داخلی یا اپنی ذات کے اندر کا فعل یا احساس ہے تو یہی بہتر اور موزوں لگتا ہے
مشہور اور مستند اردو لغت " نور اللغات " میں لفظ " بُرا " کی تفصیل اور مشتقات میں بھی " بُرا ماننا " تو موجود ہے لیکن " بُرا منانا " درج نہیں ہے ۔۔۔۔۔اس کے دو مطالب درج کئے گئے ہیں
1۔ بُرا ماننا ۔ ناخوش ہونا ، رنجیدہ ہونا ، خفا ہونا ، بگڑ جانا ۔۔۔۔۔ حوالے کے طور پر راسخ کا یہ شعر درج ہے

اپنی تعریف پہ کیوں اتنا بُرا مانتے ہو
میں سہی ، تم نہ سہی، یوسفِ ثانی نہ سہی

2 ۔ پروا کرنا ( عموماْ سلب کے ساتھ بولا جاتا ہے ) ۔۔۔۔۔ مثال کے طور پہ فقرہ درج کیا گیا ہے

"آپ بُرا نہ مانئے تو میں بھی کچھ عرض کروں "

اس ضمن میں مزید راہنمائی کے طالب اور منتظر رہیں گے۔
اللہ کریم آپ کو اشاعتِ علم کی زیادہ سے زیادہ توفیق عطا فرمائیں ۔۔۔۔۔ آمین

Zullu230

اجمل بھائی ۔۔۔۔ میں اہل زبان تو نہیں ہوں لیکن میں اپنی ریسرچ مکمل کرنے کے بعد ہی تفصیل لکھوں گا۔ انتظار فرمائیے۔ شکریہ

تانیہ رحمان ستارہ

اگر برا نا لگے تو ایک بات کہنا چاہوں گی ۔۔۔۔۔ انسان ساری زندگی سیکھتا ہے ۔۔۔۔۔۔ اچھی بات ہے کہ نشان دہی کی جائے ۔ لیکن سب سے اہم بات یہ دیکھنے والی ہے کہ اب اردو کو دوبارہ وہی مقام ملنے والا ہے ۔۔۔۔ جس کو انگریزی بولنے والوں نے بہت پیچھے دھکیل دیا تھا ۔۔۔۔۔ لوگ اب بھی دوسروں کو متاثر کرنے اور اپنے آپ کو تعلیم یافتہ کہلانے کے چکر میں بھول جاتے ہیں ۔۔۔۔۔ کہ پہچان انگریزی سے نہیں ہمارے رویے سے ہوتی ہے ۔۔۔۔۔ مجھے اردو لکھتے ہوئے سارے تین سال ہوئے ہیں ۔ لیکن اس سے محبت اور اپنے پن سے لگتا ہی نہیں کہ یہ سفر صرف تین سال کا ہے ۔۔۔۔ بس آنے والوں کی حوصلہ افزائی کریں ۔