سعود ناصر

لبلبی دبی ۔۔۔۔ پستول سے جھنجھلا کر گولی باہر نکلی۔

کھڑی میں سے باہر جھانکنے والا آدمی اسی جگہ دوہرا ہوگیا۔

لبلبی تھوڑی دیر کے بعد پھر دبی ۔۔۔۔۔۔۔۔۔ دوسری گولی بھنبھناتی ہوئی باہر نکلی۔

سڑک پر ماشکی کی مشک پھٹی۔ اوندھے منہ گرا اور اس کا لہو مشک کے پانی میں حل ہو کر بہنے لگا۔

لبلبی تیسری بار دبی ۔۔۔۔۔۔۔ نشانہ چوک گیا۔ گولی ایک گیلی دیوار میں جذب ہوگئی۔

چوتھی گولی ایک بوڑھی عورت کی پیٹھ میں لگی ۔۔۔۔۔۔۔۔ وہ چیخ بھی نہ سکی اور وہیں ڈھیر ہوگئی۔

پانچویں اور چھٹی گولی بیکار گئی۔ کوئی ہلاک ہوا نہ زخمی۔

گولیاں چلانے والا بھنا گیا۔ دفعتہ سڑک پر ایک چھوٹا سا بچہ دوڑتا دکھائی دیا۔ گولیاں چلانے والے نے پستول کا منہ اس طرف موڑا۔

اس کے ساتھی نے کہا۔ “یہ کیا کرتے ہو؟”

گولیاں چلانے والے نے پوچھا۔ “کیوں؟”

“گولیاں تو ختم ہو چکی ہیں۔”

“تم خاموش رہو ۔۔۔۔۔۔۔۔۔۔ اتنے سے بچے کو کیا معلوم۔”



: سعادت حسن منٹو

__________________
فرشتہ مجھ کو کہنے سے میری تحقیر ہوتی ہے ،
میں مسجود ملائک ہوں مجھے انسان رہنے دو،

سعود ناصر

منٹو تو لدھیانہ کے تھے
مگر حالات و واقعات خیبر پختون خواہ کی عکاسی کر رہے ہیں۔

حیدر

خیبر پختون خواہ ، کراچی، بلوچستان سبھی ایک برابر ۔

سعود ناصر

حیدر جی اس بندے کے آخری جملے پر توجہ فرمائیں زرا۔
اس طرح کی باتیں کون کرسکتا ہے۔۔۔

حیدر

یارا جی آج کل سوچنے سمجھنے کی صلاحیت اس قدر کم ہو گئی ہے کہ ایک صاحب نے مجھے ایک ای میل ایڈریس بھیجا اور کہا کہ اس بندے کا معیار دیکھو۔
میں نے تین چار مرتبہ غور سے پڑھا ککھ سمجھ نہ لگی۔
میں نے پوچھا کہ کیا رولا ہے۔ تو آگے سے صلواتیں سُننے کو مل گئیں۔
خیر بے عزت ہو کر دماغ نے تھوڑا سا کام کیا۔ تو معلوم ہوا کہ معاملہ کیا ہے۔

ادھر بھی بھائی جان بے عزت کیے بغیر ہی سمجھا دو۔ نہیں تو ایس ایم ایس میں سمجھا دو۔

__________________

اب کیوں ڈھونڈوں وہ چشم کرم، ہونے دے ستم بالائے ستم
میں چاہتا ہوں اے جذبہ غم، کہ مشکل پس مشکل آ جائے !