Ajmal Anjum

بچوں کی کہانیوں میں مجھے جرات اور قربانی کا نشان ملا اور لڑکوں کی کتابوں سے مجھے حکمت اور خدمت کا پتا چلا ۔۔۔۔۔ پہلے گروہ کے لوگ شہید کہلاتے ہیں اور اس دوسرے گروہ میں جو لوگ شامل ہیں انہیں محسنین کہا جاتا ہے ۔۔۔۔۔
اہل ِ شہادت اور اہل ِ احسان میں فرق صرف اتنا ہے کہ شہید دوسروں کے لئے جان دیتا ہے اور محسن دوسروں کے لئے زندہ رہتا ہے ۔۔۔۔۔ ایک کا صدقہ جان ہے اور دوسرے کا تحفہ زندگی ۔۔۔۔۔ ایک سے ممکن وجود میں آتا ہے اور دوسرے سے اس وجود کو توانائی ملتی ہے ۔۔۔۔۔
ان کے علاوہ ایک تیسرا گروہ بھی ہوتا ہے جو اس توانا وجود کو تابندگی بخشتا ہے ۔۔۔۔۔ جو لوگ اس آخری گروہ میں شامل ہوتے ہیں انہیں اہل ِ جمال کہتے ہیں ۔۔۔۔ ۔ اہل ِ جمال کی پہچان یہ ہے کہ یہ مسجد ِ قرطبہ تعمیر بھی کرتے ہیں اور تحریر بھی ۔۔۔۔۔ یہ الحکم کی طرح بادشاہ بھی ہوسکتے ہیں اور اقبال کی طرح درویش بھی ۔۔۔۔۔ انہیں تخلیقِ حُسن پر مامور کیا جاتا ہے ۔
نثر ہو کہ شعر ، نقش ہو کہ نغمہ ، رنگ ہو کہ خشت و سنگ ، یہ خونِ جگر سے اسے یوں تمام کرتے ہیں کہ جو نظر ان کی تخلیق پر پڑتی ہے روشن ہو جاتی ہے ، اگر ان کی تخلیق میں حُسن ِ صورت ہے تو ان کی اپنی ذات میں بھی ایک حُسن ہوتا ہے جسے حُسنِ سیرت کہتے ہیں ۔۔۔۔۔ جس کی دولت
اہلِ جمال کو اتنی وافر ملتی ہے کہ وہ اسے دوسروں میں تقسیم کرتے ہیں ۔ یہ تقسیم ان کی زندگی کے بعد بھی جاری رہتی ہے اور اس کی بدولت بدی اور بدنمائی کو پھلنے پھولنے کا موقع ہی نہیں ملتا ۔
زندگی کو ایک گروہ نے ممکن بنایا ، دوسرے نے توانا اور تیسرے نے تابندہ ۔ جہاں یہ تینوں گروہ موجود ہوں وہاں زندگی موت کی دسترس سے محفوظ ہو جاتی ہے اور جس ملک یا عہد کو یہ گروہ میسر نہ آئیں اسے موت سے پہلے بھی کئی بار مرنا پڑتا ہے ۔۔۔۔۔

Miss Khan

واہ ، عمدہ انتخاب ہے جناب،

راجہ اکرام

بہت لوگوں کی اردو تحریر پڑھی، لیکن جو چیز مختار مسعود میں ہے وہ آج تک کہیں نظر نہیں آئی ۔۔ "لوح ایام" بھی پڑھی لیکن جو مزہ "آواز دوست" میں آیا اس کا تو کیا ہی کہنا
آئی لو دس مین

__________________
محتاج اصلاح و دعا

رضی

آئی ایگری۔ میں نے آج تک جتنی بھیکتب پڑھیں ہیں ان میں آواز دوست اس وقت ٹاپ پر ہے ۔ قحط الرجال ۔ پڑھنے والا مضمون ہے۔

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟

راجہ اکرام

پہلی مرتبہ ایگری کیا تھا تو شکریے کا بٹن ہی دبا دیتے
اور قحط الرجال واقعی پڑھنے سے تعلق رکھتا ہے،
آواز دوست میں، الفاظ کا انتخاب، جملوں کی ساخت ۔۔۔۔۔۔۔ انسان پڑھتا جاتا ہے اور سحر زدہ ہوتا جاتا ہے
ایسے الفاظ جو کہ اکثر مترادفات ہی سمجھے جاتے ہیں لیکن ان میں بہت ہی دقیق سا فرق ضرور ہوتا ہے
مختار مسعود نے آواز دوست میں ان الفاظ کا ایسے خوبصورت انداز سے استعمال کیا کہ کیا کہنے

راجہ اکرام

ویسے میں کوئی کتاب ایک بار پڑھ لوں تو یہ میرے لیے بہت بڑا معرکہ ہوتا ہے
لیکن آواز دوست کو بار بار پڑھنے کا دل کرتا ہے

محمد یاسرعلی

ہم نے تو فی الحال اس اقتباس کو ہی پڑھا ہے ان شاء اللہ اب ہم آواز دوست کو اپنی مطلوب کتابوں کی فہرست میں دوسرے یا تیسرےنمبر پہ حاصل کرنے کی کوشش کریں گئے فی الحال تو " زاویہ " ہماری پہلی ترجیع ہے

__________________
فیس بک پہ پاک نیٹ کا حلقہ احباب

https://www.facebook.com/groups/pak.net

دوستوں سے گزارش ہے کہ اپنے شائع کردہ موضوع کو یہاں بھی شئیر کردیا کریں تاکہ زیادہ سے زیادہ لوگوں کو پاک نیٹ کی فیملی کا حصہ بنایا جاسکے۔

Ajmal Anjum

السلام ُ علیکم جی ۔۔۔۔۔
ماشا اللہ ۔۔۔۔۔ " زاویہ " تو ایک خاصا بڑا سیٹ بن چکا ہے کتب کا اب تک ۔۔۔۔۔ لیکن " آواز ِ دوست " تو مختصر سی کتاب ہے ، ایک نشست میں پڑھی جانے والی ، اور ایک بار پڑھنا شروع کردیں تو پھر وہ خود ہی اختتام سے پہلے اٹھنے نہیں دیتی ۔۔۔۔۔ ہماری شیلف میں " آوازِ دوست " کا جو نسخہ رکھا ہے ، محض 245 صفحات کا ہے ۔۔۔۔۔

عروج

اچھی باتیں شئیر ھوئیں اجمل انجم بھائی کے توسّط سے۔ بڑے عرصے بعد اب دیکھ رھے ھیں انجم بھائی آپ کو ۔ کدھر مصروف تھے؟ خیریت تھی نا؟

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔

Ajmal Anjum

السلام ُ علیکم جی ۔۔۔۔۔
سب سے پہلے تو ہم آپ کا شکریہ اد کرنے کے ساتھ ساتھ آپ کے خلوص ِ نظر کو سلیوٹ کرتے ہیں کہ آپ نے ہمارے جیسے بہت کم ایکٹو اور غیر معروف قسم کے رُکن کی غیر حاضری کو بھی نوٹ فرما لیا ۔۔۔۔۔ہماری دعا ہے رب کریم آپ کی صلاحیتوں کو جلا بخشیں ۔۔۔۔۔ آمین
رہا آپ کا استفسار ، تو ہم نے " کتاب گھر " میں اپنا تھریڈ " ہماری بُک شیلف " شروع کرتے ہوئے عرض کیا تھا کہ ہم پچھلے 3 ماہ بیمار رہے ہیں اور کم و بیش یہ تمام عرصہ ہسپتالوں ہی میں گزرا ، کبھی داخل تو کبھی " آنیاں جانیاں " ۔۔۔۔۔ لیکن الحمد للہ اکتوبر سے ہم رو بصحت ہیں اور اب بہت حد تک اپنی نارمل ایکٹیوٹیز میں حصہ لے رہے ہیں ۔۔۔۔۔ ایک بار پھر دلی شکریہ جی

بنت حوا

بہت اچھی شئیرنگ ہے ۔

محمد یاسرعلی

اجمل انجم بھائی اللہ آپ کو صحت و تندرستگی دے آمین اورآپ ہمیشہ خوش رہیں۔