Ajmal Anjum

السلام ُ علیکم جی ۔۔۔۔۔
عظیم دانشور ، مفکر ، ادیب اور شاعر جون ایلیا کی آج برسی ہے ۔۔۔۔۔ ان کی یاد کو تازہ کرنے کے لئے ان کا ایک مختصر سا انشایئہ


میری نسل کے سوچنے اور لکھنے والے لوگوں تک ایک مثالی معاشرے کے خواب دیکھنے کا رواج اور رحجان عام تھا بلکہ میری کے بعد کے لوگوں میں بھی یہ رحجان باقی رہا مگر اب کئی برس سے یہ رحجان زوال پذیر ہے ۔
نو خیز نسل نے خواب دیکھنے چھوڑ دیے ہیں ۔۔۔۔۔ یہاں ایک سوال پیدا ہوتا ہے اور وہ یہ کہ کیا نوخیز نسل کٹپر ہے ، کیا اس کا ذہن کاچڑ ہے ، کیا وہ کذہب ہے ، آخر بات کیا ہے ؟
بات یہ ہے کہ حالات کئی برس سے خواب دیکھنے اور خواب دکھانے کی حالت کے لئے سازگار نہیں ہیں ۔۔۔۔۔ یہ حالت صرف پاکستان کی نوخیز نسل کا معاملہ نہیں ہے بلکہ بہت قابلِ ذکر حد تک ایک عالمگیر معاملہ ہے ، اور " سوویت یونین " کا خاتمہ اس بارے میں سب سے زیادہ موثر ثابت ہوا ہے۔
یہاں تھوڑی دیر رُک کر یہ سوچنا چاہیے کہ آیا کسی مثالی معاشرے کے خواب دیکھنا ایک بے بنیاد بات تو نہیں ہے اور یہ کہ کیا زمین پر جنت کا وجود میں آنا ممکن بھی ہے یا نہیں ؟
یہ ایک بہت درہم پیچیدہ سوال ہے ۔ یہ سوال اس صدی کی نویں دہائی کے تمام ہونے سے چند سال پہلے تک کوئی درہم پیچیدہ سوال نہیں تھا لیکن اس کے بعد جو حقیقت سامنے آئی وہ بہت خلافِ توقع ثابت ہوئی اور " خواب و خیال " کے لوگ ایک ایسی واقفیت سے دوچار ہوئے جو ان کے لیے ناقابل ِ برداشت تھی اور ہے ۔۔۔۔۔
میں اپنے آپ کو قنوطیت اور یاسیت کا بیوپاری کہلائے جانے کی ہتک کو کسی بھی حالت میں تسلیم نہیں کر سکتا ۔ میں نے تو اپنی نوجوانی اور جوانی کے سب سے زیادہ بیش قیمت ماہ و سال پُر امیدی کی حالت کو فروغ دینے میں گزارے ہیں ۔ کوئی شبہ نہیں کہ میں اپنے ذاتی معاملوں اور ان کے تجربوں کے دائرے میں ایک قنوطی اور یاسیت زدہ آدمی رہا ہوں لیکن جہاں تک " غیر ذاتی " اور اجتماعی معاملوں کا تعلق ہے تو میری لکھت کے لاکھوں پڑھنے والے اس حقیقت کی گواہی دیں گے کہ میں نے ان کے دلوں میں ہمیشہ جاں فزا امیدوں کی تخم ریزی کی ہے ۔۔۔۔۔
میں نے جو سوال اٹھایا تھا ، اب اس عہد میں اس سوال کا حقیقت پسندانہ جواب دینے کی اذیت میرے دل کو خون کیے دے رہی ہے اور وہ جواب یہ ہے کہ اس دنیا میں کوئی جنت وجود میں نہیں آ سکتی ۔۔۔۔۔ لیکن اگر حقیقت پسندی ہی کے ساتھ سوچا جائے تو جنت ِ ارضی کا وجود میں نہ آ سکنا کوئی سوگ منانے کی بات ہر گز نہیں ہے ۔ آ خر ہم اپنے دلوں کو اوہام سے کیوں بہلائیں ؟ ہم اپنے آپ میں واقفیت سے ایک خوشگوار سروکار رکھنے کی صلاحیت آخر کیوں نہیں پیدا کر سکتے ؟
اگر اس دنیا میں کسی جنت کا وجود میں آنا ممکن نہیں ہے تو یہ کوئی منہ بسورنے کی بات نہیں ۔ اگر اس دنیا میں شہد اور شیر کی نہریں نہیں بہہ سکتیں تو شفاف اور شیریں پانی کی نہریں تو بہہ سکتی ہیں ۔ کیا جوہڑوں کا پانی پینے والوں کے لیے شفاف اور شیریں پانی کی نہریں شہد اور شیر کی نہروں سے کچھ کم ہیں ؟ سو ہمیں اپنی دنیا میں ایسی ایسی ہی نہروں کا جال پھیلانے کے لیے اپنے ذہن اور اپنے جسم کی محنت کشی کا ، ارجمند ترین محنت کشی کا فرض انجام دینا چاہیے ۔ ہمیں اپنی اس محنت کشی کا جو ثمرہ نصیب ہوگا ، دراصل اسی کا نام جنت ِ ارضی ہے ۔۔۔۔۔

wajee

پتہ نہیں کیوں مجھے فلاسفی سمجھ نہیں آتی

Ajmal Anjum

السلام ُ علیکم جی ۔۔۔۔۔ کوئی بات نہیں جی
آپ ہی تنہا نہیں ، فلاسفی کسی کی بھی سمجھ میں نہیں آتی ہے ، یہاں تک کہ خود فلاسفروں کی بھی ۔۔۔۔۔
ایک عالمی عمومی تبصرہ کچھ یوں کیا جاتا ہے کہ ( ماسوائے چند ایک استثنےٰ کے )
A philosospher is a blind man looking for a black cat in a dark room , which is not there .

( فلاسفرز سے معذرت کے ساتھ ، کیونکہ " نقل ِ کفر کفر نہ باشد " )

wajee

اندھا بھی ہے کالی بلی اندھیرے کمرے میں دیکھا رہا ہے جو وہاں ہے ہی نہیں ( یہ ہوئی نا فلاسفی والی بات)

__________________