عفریت کا آنسو

اسلام و علیکم
ویسے تو بہت سے تھریڈز ہیں اس فارم پر جس میں لوگوں نے اپنے پسندیدہ ناولز،حکایات وغیرہ کا زکر کیا ہے لیکن میرا ایک نیا تھریڈ شروع کرنے کا مقصد یہ ہی کہ یہاں لوگ اپنے ان احساسات کا ذکر کر سکیں کہ جو اپنی پسندیدہ ترین داستان پڑھ کر پیدا ہوئے تھے۔داستان ختم ہونے کا بہت افسوس ہوا تھا اور اس داستان کے کردار زندہ محسوس ہو رہے تھے۔جیسے مولوی نذیر نے جب مراتہ العروس لکھی تھی تو پڑھنے والے قاریئن مولوی صاحب کے پاس پہنچ گئے تھے کہ ہمیں اصغری اکبری کا پتہ بتایا جائے ہم ان سے ملنا چاہتے ہیں۔اس کے علاوہ روز مرہ کی ادبی باتیں بھی یہاں کر سکتے ہیں۔

عفریت کا آنسو

ویسے مجھے بہت سی داستانیں پسند آئی ہیں۔لیکن جو سرور ایم اے راحت کے ایک ڈائجسٹ کے سلسلے "نروان کی تلاش" پڑھ کے آیا تھا اس کا جواب نہیں۔کافی عرصے تک اس ناول کے کردار یاد آتے رہیں تھے۔اس کے علاوہ ممتاز مفتی صاحب کا علی پور کا ایلی،ایم اے راحت کا ہی ایک اور سلسلہ پائل بھی زبردست ترین سلسلے ہیں۔
سعادت حسن منٹو صاحب، عصمت چغتائی،اثر نعمانی،مستنصر حسین تاڑر صاحب کے ہیاں کون کون مداح ہیں؟
اور آپ کے شہر میں میونسپل یہنی گورنمنٹ کی جانب سے بنائی گئی لائبریری ہے کیا اور اگر ہے تو کیا آپ اس کے ممبرز ہیں اور کیا آپ کو اس دور میں بھی وقت مل جاتا ہے اس طرح کی طویل ترین داستانیں پڑھنے کا؟
اور کیا آپ طویل داستانیں پڑھنا پسند کرتے ہیں جیسے سسپینس ڈائجسٹ کا سلسلہ دیوتا اور محترمہ سیما غزل کا سلسلہ چاند کے قیدی۔

عفریت کا آنسو

اور انگریزی ادب کسے پسند ہے۔میں نے جے کے رالنگ کا سات حصوں پر مشتمل ناول "ہیری پورٹر" تھا جس پر اب فلمیں بھی بن چکی ہیں۔کبھی کبھی میں سوچتا ہوں کہ مصنف بہت عظیم لوگ ہیں۔اتنی زبردست داستانیں ان کے ذہن میں تشکیل پاتی ہیں۔اورکبھی کبھی یہ انسان کے خیالات کو بھی بدل دیتے ہیں

منتظمین

بھائی اج کل کے دور میں کون پڑھتا ہے سعادت حسن منٹو، بانو قدسیہ، عصمت چغتائی اور مسنتصر تارڑڑ کو۔۔۔ ابھی تو فاسٹ فوڈ کا دور ہے۔ چھوٹی چھوٹی لچر کہانیاں، جادو اور سسپنس ہی سب کچھ ہے-

قدسیہ بانو کی "راجا گدھ"‌کیا اپ نے پڑھی ہے؟ کیسی لگی؟

جے کے رولنگ نے بہت اچھے لکھے ہیں۔ اس کے تمام کے تمام ناول واقع ہی میں بہت زبردست ہیں۔ اس نے اسکا اختتام بھی اچھا کیا ہے۔

__________________
تم سپاہی نہیں ہو پیشہ ور قاتلو!

خرم شہزاد خرم

یہ بات تو نا کہے منتظمین بھائی میں آج کل منٹو کے افسانے پڑھ رہا ہوں اور بہت شوق سے مستنصر صاحب کے سفر نامے بھی پڑھے ہیں ایسا تو نا کہے کے آج کل ان کو کون پڑھتا ہے ہم نئے لکھنے والوں کو سب سے پہلا سبق ہی یہ دیا جاتا ہےکے ان لکھاریوں کو پڑھو
جی ہاں میں نے پڑھا ہے لیکن مجھے اچھا نہیں لگا ہے میری سوچ کچھ مختلف ہے اس ناول سے

میں نے ابھی تک انگریزی ادب نہیں پڑھا ہے ایک نظم پڑھی تھی جو 2006 اور 2005 میں پہلے نمبر پر آئی تھی ایک بچے نے لکھی تھی افرقہ کا تھا




مجھے بہت سارے ناول پسند ہے کچھ کا زکر کرتا ہون پیرِ کامل بہت اچھا ناول ہے داستان ایمان فروشوں کی ، اور نیل بہتا رہا ، خالی گھر ، یہ ناول بہت اچھے لگے اس کے علاوہ ایک ناول میں ایک جاسوس تھا وہ بھی اچھا لگا

__________________

منتظمین

سعادت حسن کے کونسے افسانے پڑھے رہے ہیں؟

خرم شہزاد خرم

حج اکبر ،بابو گوپي ناتھ ، ٹوبہ ٹیک سنگھ ،موذيل وغیرہ پڑھ رہا ہوں

منتظمین

ٹھنڈا گوشت نہیں پڑھا ہے اپ نے؟
دیکھیں کیا کمال کا لکھا ہے-

خرم شہزاد خرم

نہیں ابھی تک نہیں پڑھا ہے میرے پاس جو کتاب ہے اس میں یہ والا نہیں ہے چلے میں تلاش کرتا ہوں پھر بتاوں گا

عفریت کا آنسو

ارے جناب میں بی بی اے کر رہا ہوں اور مجھے پتا ہے واقعی ٹائم نہیں ہوتا۔پتہ نہیں وقت کو کیا ہو گیا ہے ۔ویسے قیامت کے نزدیک یہی ہو گا کہ وقت گزرنے کا پتہ نہیں چلے گا۔اور یہی ہو رہا ہے۔ایک جمعہ کے بعد دوسرا جمعہ اتنی سرعت سے آتا ہے کہ پتہ ہی نہیں چلتا۔
لیکن میرا خیال ہے جس نے ان لوگوں کو پڑھا ہوا ہے اس کی سوچ میں یقینًا تبدیلی اور گہرائی ہوتی ہے۔
میں نے اصل میں خواتین لکھنے والیوں میں سے قرتہ العین حیدر اور عصمت چغتائی کے علاوہ کسی اور کو کم ہی پڑھا ہے۔
اصل میں مجھے ناول یا کہیں بھی مرد ہی مرکزی کردار کے طور پر پسند ہے پتا نہیں کیوں

عفریت کا آنسو

جناب آپ کی پسند تو کمال قسم کی ہے ۔یہ بھی بتا دیں نا کہ زرا احتیاط سے پڑھا جائے اس افسانے کو ؛)

عفریت کا آنسو

میرا یہ خیال ہے یا واقعی صحیح بات ہے کہ نئے لکھنے والوں میں وہ بات نہیں رہی اب۔عجیب بے ڈھنگا لکھتے ہیں۔میں تو کتاب کے دو یا تین صفحات پڑھتے ہی کتاب رکھ دیتا ہوں۔لکھنے کا انداز اور الفاظ کا استمعال بھی کچھ خاص نہیں ہوتا۔
منتظمین صاحب جادو والی کہانیوں کو برا نہ کہیں۔طلسم ہوشربا اور اس کے کردار عمرو عیار،امیر حمزہ،شہنشاہ افراسیاب لازوال ہیں۔الف لیلہ بھی ایک شاندار داستان ہے۔
ہاں یہ ٹھیک ہے کہ نئے لکھنے والے نِست ہی مارتے ہیں۔
عمران سیریز کا کون کون دلدادہ ہے؟اور کس کس کا خیال ہے کہ اب نئے آنے والے عمران سیریز کے ناولز میں وہ بات نہیں جو پہلے پہل کے ابن صفی اور مظہر کلیم کے ناولز میں تھی۔

خرم شہزاد خرم

کیوں بھائی اس افسانے میں کیا ہے جو احتیاط سے پڑھا جائے

منتظمین

قدسیہ بانو بھی اچھا لکھتی ہیں۔ عصمت چغتائی کی تو بات ہی کیا ہے۔ قراہ العین نے بھی اچھا اردو تخلیق کیا ہے۔

عمران سیریز تو بالکل ہی فضول ہو کر رہ گیا ہے۔ ہر چیز حاظر ہے اور ہر کامیابی قدم چومے گی۔ کیا یہ اصل زندگی ہے؟
یار اتنا بھی خاص کچھ نہیں اس سے زیادہ تو اب پی ٹی وی پر پیش کیا جاتا ہے۔۔۔۔۔

شہاب نامہ کس کس نے پڑھا ہے؟

عفریت کا آنسو

کچھ ایسا خاص بھی نہیں بس منٹو صاحب نے الفاظ ذرا adult استعمال کیئے ہیں ؛)