زارا

السلام علیکم

وہاں بیٹھے ہوئے زندگی میں پہلی بار میں نے سوچا ۔ ۔ ۔ کیا ضروری تھا کہ میں فوج میں آتا۔ ۔ ۔ اور اس قوم کے لیئے ان پہاڑوں پر اپنے جسم کے حصوں کو باری باری خود سے جدا ہوتے دیکھتا۔ ۔ ۔ جو یہ بھی نہیں جانتی کہ شہید یا غازی کا احترام کیا ہوتا ہے۔

20 سال بعد جب میں بھی ایسے کسی سٹیج پر یہ بتانے جاؤں گا کہ میرے سینے پر ہاتھ کٹوا کر سجایا جانے والا یہ تمغہ میرے لئے کیا معنی رکھتا ہے۔ ۔ ۔ تو شائید میں بھی کریم بخش کی طرح بات کرتے ہوئے لڑکھڑاؤں گا۔ ۔ ۔ اور شائید میرے انٹرویوکے بعد بھی حاضرین اگلے کسی مہمان کی بجائے کسی سنگر کو بلوانے کی فرمائش کریں گے تاکہ اس بوریت کا سد باب ہو سکے جو انھیں پچھلے چند منٹوں کے دوران ہوئی۔ میں کیوں پاکستان کی ان نسلوں کی لیئے اپنا حال قربان کروں جن کے لئے ہر چیز گانے سے شروع ہو کر ناچنے پر ختم ہو جاتی ہے۔ جن کے لئے ہر اہم تہوار چھٹی کا ایک اور دن اور ایک اور میوزیکل ایوننگ سے زیادہ کچھ نہیں ہوتا۔
زندہ قومیں اپنے شہیدوں اور غازیوں کی قربانیوں کو بھلاتی نہیں ہیں مگر ان کے پاس ان قربانیوں کے لئے عزت نہیں ہوتی۔

ہلال جرات ازعمیرہ احمد

__________________

محمدعدنان

بالکل درست کہا ہے عمیرہ احمد نے ۔ لیکن کیا کریں اس ملک کی مٹی ہم سے اپنا قرض مانگتی ہے اور اس مٹی کےلئے تو جان بھی حاضر ہے

بہت اچھی شئیرنگ ہے
شئیر کرنے کا شکریہ

__________________

زارا

اورآپ کے اوراُن تمام نوجوانوں کو جو اس جذبے سے سرشار ہیں، اُنکو دل سے سلام کرتی ہوں۔

عارف اقبال

اچھی شئیرنگ ہے

زارا

شُکریہ بھائی ۔۔۔۔۔۔۔۔

حیدر

بالکل غلط سوچ ہے عمیرہ احمد کے پیش کردہ نوجوان کی۔ میں اس سوچ کی مذمت کرتا ہوں۔ Thumbs Down

M A Ansari

بہت مضبوط بات کی ہے میں اپنے ملک کے فوجی نوجوان کو سلامِ عقیدت پیش کرتا ہوں ہمارے دلوں سے ان کی عظمت کو نکالا جا رہا ہے لیکن یہ ساری چیزیں تقاضہ کرتی ہیں ایک ایسے سانحہ کا جو ہم سب کو واقعی میں ایک کردے اور اللہ کے ساتھ متحد کردے
ہمارے ساتھ المیہ یہ ہے کہ ہمارا رشتہ مسجدوں سے ٹوٹ چکا ہے اور علماء کا رشتہ خدا سے ٹوٹ چکا ہے ہم جائیں تو کہاں ہمارے دانشور کہاں ہیں علماء نے ہمیں اپنے کردار سے اپنے آپ سے بہت دور کردیاہے اس کے پاس کوئی جائے پناہ نہیں رہی جہاں سے یہ اپنا رشتہ اپنے رب سے استوار کرے اس کو صرف ایک صحیح رہنمائی چاہئے جس دن اس کو یہ رہنمائی میسر آگئی اس دن اس قوم کا مستقبل اس کے اپنے ہاتھ میں ہوگا

زارا

ہم کسی اِنسان کی سوچ بدل نہیں سکتے نہ اپنی سوچ اُس پر مسلط کر سکتے ہیں۔ البتہ اُس سے اِتفاق و انحراف کا حق ضرور رکھتے ہیں۔ لہذٰا آپ اُسکی سوچ کی مذمت کرتے ہیں تو یہ آپکی سوچ ہے اورہوسکتا ہے کئی لوگ اُسکی سوچ سے متفق نہ ہوں۔

حیدر

یہ سوچ ایک المیہ ہے ۔ یہ سوچ خود نمائی اور شان و شوکت کے متلاشی کی سوچ تو ہو سکتی ہے کسی اسلامی مجاہد کی نہیں۔
جن کو اللہ سے صلے کی تمنا ہوتی ہے وہ دنیا کی ٹھوکروں اور تھوکوں سے پریشان اور پراگندہ خیال نہیں ہوا کرتے۔
یہ شخص اگر مارا گیا تو "شہید فی سبیل پاکستان" ہو گا اور اگر زندہ رہا تو "غازی پاکستان" ہو گا۔ اس پر اللہ کا وہ حکم لاگو نہیں ہو گا کہ " اور جو لوگ اللہ کی راہ میں مارے جائیں انکو مردہ مت کہو، وہ تو زندہ ہیں مگر تم شعور نہیں رکھتے"۔ یاد کیجیے وہ حدیث جس میں بتایا گیا ہے کہ اگر کوئی شخص مال و دولت یا شہرت یا نیک نامی کی خاطر جہاد کرتا ہوا مارا جائے تو اسکا جہاد قبول نہیں۔

جب تک نیت اللہ کے لیے خالص نہیں ہوتی تب تک ہر عمل اکارت ہے۔

زارا

بجا فرمایا لیکن ہم کسی کی سوچ پربغیرکسی وجہ سے شک بھی تو نہیں کر سکتے۔ کیونکہ دلوں کا حال تو اللہ سوہنا جانتا ہے۔ ہو سکتا ہے آپکی سوچ و نیت نیک ہو لیکن میری سوچ اُس کے برعکس ہوتوایسی صورت میں قصورمیری سوچ کا ہوگا آپکی نیت کا نہیں۔

حیدر

نیت میں جو ہوتا ہے وہی باتوں سے جھلکتا ہے۔ اُس نوجوان کے کہے ہوئے پورے پیرا گراف میں اللہ سے استقامت یا صلے کی بات نہیں ملی۔ اس لیے میں نے یہ بات کہی۔ ہاں البتہ ناول میں کہیں آگے جا کر وہ اللہ کی طرف رجوع کر لیتا ہے تو میں کُچھ نہیں کہہ سکتا۔
ہم کو صرف ظاہر پر معاملہ کرنا ہوتا ہے۔ اور یہی اسلام کا بھی منشا ہے

منتظمین

یہ عظیم نوجوان چند عشروں بعد پاکستان کے ٹی وی پر میرے عزیز ہم وطنو کا الاپ لگا رہا ہو گا۔

والسلام

__________________
تم سپاہی نہیں ہو پیشہ ور قاتلو!

زارا

اورعزیز ہم وطن شششش ہم سو رہے ہیں کی صورت صرف سُننے پر اکتفا کریں گے