زارا

الســـلامُ علیــکم


اس کتاب کا مقصد کسی فرد کی جان بوجھ کرکردارکشی، بت شکنی یا بت تراشی کرنا نہیں ہے۔ جو لوگ تاریخ کا حصہ بن جاتے ہیں، انکی ذات انفرادی نہیں رہتی، بلکہ اپنی طرزکا ایک اِدارہ بن جاتی ہے۔ تاریخ کی سرچ لائٹ نہایت تیزاوربے رحم ہوتی ہے۔ اسکی شعاوں کی روشنی میں ہر شخص اوراِدارے کے حقیقی خدوخال سامنے آجاتے ہیں۔ ان خدوخال کی لطافت یا کثافت کا ذمہ دارمصنف ہے نہ اسکی تصنیف۔ یہ تو محض ان افراد کے ذاتی، صفاتی، ظاہری یا باطنی کردارکا عکس ہے جو اپنے اپنے زمانے میں اسٹیج پراچھا یا بُرا پارٹ ادا کرنے کے بعد زندہ ہیں یا مر چُکے ہیں۔ دونوں صورتوں میں میں کسی معذرت کا طلبگار نہیں۔ میں نے حقائق کو انتہائی احتیاط سے ممکنہ حد تک اسی رنگ میں پیش کرنے کی کوشش کی ہے، جس رنگ میں وہ مجھے نظرآئے ہیں۔ ہرطرح کی احتیاط کے باوجود انسان خطا کا پُتلا ہے اوراسکی بصارت اور بصیرت دونوں دُھندلا سکتے ہیں۔ اسلئے میں حتمی طور پر اپنی پارسائی یا معصومیت کا دعویٰ کرنے سے بھی معذور ہوں اوراللہ تعالیٰ کی شان توابی، ستاری، غفاری اور بے نیازی کا سہارا لیکران جرائم کا اِقرارکرتاہوں، جنکا مجھے علم ہے اورجنکا مجھے علم نہیں ہے۔

محترمہ اَدا جعفری نے اِسلام آباد میں ایک گھریلو قسم کی اَدبی تنظیم “سلسلہ“ کے نام سے قائم کر رکھی تھی۔ اُنہوں نے مجھ پر ایسا دباؤ ڈالا کہ مجھے اس تنظیم کے ماہانہ اجلاس میں “شہاب نامہ“ کا ایک باب سُنانا پڑتا تھا۔ جب وہ کراچی چلی گیئں تومحترمہ نثارعزیزبٹ نے بھی یہی سلسلہ جاری رکھا۔ اس کتاب کے ابتدائی چند باب اِنہی محفلوں کیلئے لکھے گئے تھے۔ اس سے میرا سست رفتار قلم کسی قدر تیزی سے رواں ہو گیا۔ “سلسلہ“ بند ہونے کے بعد جواں سال ادیبوں کی ایک ایسی تنظیم “رابطہ“ نے بھی میری اسی طرح مدد کی۔

حلقہ ارباب ذوقِ اسلام نے مجھے اپنی چند نشستوں میں اس کتاب کے کچھ باب سُنانے کی دعوت دی ۔ ان نشستوں میں پُرانی اورنئی نسل کے ہونہاد ادیبوں کی تنقید اورتعریف اور بحث و مباحثہ نے میری رہنمائی کی۔ اور اس طرح مجھے اپنی تحریرمیں بہت سی اصلاحیں کرنے کا موقع نصیب ہوا۔

نیپا (NIPA) کراچی اورپشاورمیں بھی مجھے کچھ باب سُنانے کا موقع ملا۔ اِن اِداروں میں تربیر پانےوالے سینیئرسرکاری افسران کا ردِ عمل میرے بہت کام آیا۔

سیاری ڈائجسٹ، معاصر، دستاویز، نیا دور اور تخلیقی اَدب جیسے رسالوں میں میرے کچھ باب شائع ہوئے۔ اَنہیں پڑھ کر بہت سے قارئین نے اپنے خطوں سے میری ہمت بڑھائی۔ ان میں سے کچھ خطوط ایسے قدآورادیبوں کی جانب سے بھی تھے جنکی قدر افزائی میرے لئے باعثِ افتخار تھی۔ اس کتاب کا پورا مسودہ ممتاز مفتی، بانو قُدسیہ اوراشفاق احمد نے حرف بہ حرف پڑھ کراپنی مثبت تجاویزسے قدم قدم پر رہنمائی فرمائی ہے۔

اِن سب اَداروں، رسائل اوراحباب کا لفظی شُکریہ اَدا کر کے میں ایک فرسودہ رسم دُہرانا نہیں چاہتا۔ میرا دل ہی جانتا ہے کہ میں ان سب کا کس قدر ممنون ہوں۔ اللہ تعالیٰ ان سب کو خوش اور خوشحال رکھے۔

زارا

عبیداللہ عبید

شکریہ زارا جی !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔

زارا

آلویزویلکم بھائی۔۔۔۔۔۔۔۔۔۔