Miss Khan

دُعا کے بارے میں مجھے کامل یقین ہے کہ خلوصِ دل سے نکلی دُعا ہمیشہ قبول ہوتی ہے۔ یہ الگ بات ہے کہ قبولیت انسان کی مرضی کے مطابق یا اللہ کی رضا کے مطابق ہو۔ خوش قسمت لوگ اپنی خواہشات کو اللہ کے تابع رکھتے ہیں اور کامیاب ہو جاتے ہیں۔ ان کی دُعا اپنی مرضی کے مطابق پوری ہو یا نہ ہو، ان کے نزدیک دونوں صورتیں برابر ہوتی ہیں۔ عبدیت کی یہ شان اگر مستحکم ہو کر ترقی پاتی رہے تو رفتہ رفتہ اِنسان کی رسائی کسی حد تک مقامِ مرادیت تک بھی ممکن ہو سکتی ہے۔

شہاب نامہ…قدرت اللہ شہاب

زارا

السلامُ علیکم!!

خوبصورت اقتباس پیش کرنے کا شُکریہ سسٹر۔

سحر

مجھے ایک بات سمجھ نہیں آتی ہے
ایک طرف دعا مانگنے کی طرف ترغیب کی گئی ہے اور دوسری طرف اللہ کی رضا میں راضی ہونے کو کہا گیا ہے ۔
اگر انسان اللہ کی رضا میں راضی رہتا ہے تو وہ دعا کیا مانگے گا ؟

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

زارا

سحرسسٹردُعا مانگنااوراللہ کی رضا میں راضی رہنادو الگ باتیں ہیں لیکن انکا آپس میں گہرا ربط ہے کیونکہ بندہ اللہ کی رضا میں راضی اُس وقت ہوتا ہے جب وہ اپنی دُعا کے پورا نہ ہونے پرناشکرا پن نہیں کرتا۔ دُعانہ صرف ایک بہترین ہتھیاربلکہ پوری عبادت کا مغزبھی ہے اوراللہ کو اِنسان کا دُعا مانگنابہت پسند ہے اوریہ کہ دُعا س تقدیربدلی جا سکتی ہے۔ دُعائیں اللہ کی بارگاہ میں سُنی جاتی ہیں لیکن وہ اُسی طرح پوری ہو جیسے ہم چاہتے ہیں ضروری نہیں اسلئے اُس طرح اُس دُعا نہ "پورا" ہونااللہ کی رضا یا مرضی بن جاتا ہے کہ اللہ کی یہی مرضی تھی میرا یہ کام ایسے نہیں ایسے ہو۔

اسکی مثال یوں لیں کہ ایک جوڑا بیٹے کا خواہشمندہے اور اُسکے لئے وہ ہرطرح سے دُعائیں کرتے ہیں۔ لیکن اُنکو بیٹی ہو جائے تو یہی کہیں گے نہ کہ اللہ کی مرضی مجھے اُس کی رضا میں راضی رہنا ہے۔ درحقیقت یہ رضاشُکرکی دوسری شکل ہے۔

__________________

حیدر

جب تک مانگیں گے نہیں تب تک کیسے علم ہو گا کہ اللہ کی رضا کیا ہے ۔

سحر

میں اپنی بات ذرا تفصیل سے کرتی ہوں ۔
ایک انسان اللہ کی رضا میں راضی رہتا ہے ۔ اس کی زندگی میں اس کو جو ملا ہے اور جو نہیں ملا اس پر اللہ کی رضا سمجھ کر راضی رہتا ہے ۔
اور اس کے دل میں کوئی خواہش آتی بھی ہے تو دعا کرنے سے پہلے سوچتا ہے کہ پتا نہیں میری خواہش اللہ کی رضا کے مطابق ہے کہ بھی نہیں ۔ اگر نہیں تو مجھے ایسی خواہش نہیں کرنی چاہیے ۔
یعنی خواہش اللہ کی رضا کے تابع کرلے ۔
تو پہر دعا کیا مانگے گا ۔

shafirajput

آپ ذرا کوئی دعا کی مثال دینگی کے کیسی دعا کہ وقت خیال آئے گا۔۔۔

دعائیں تو بہت ھیں جو مانگی جاسکتی ھیں۔۔۔اللہ کی رضا میں راضی رہتے ہوئے۔۔۔

__________________
رب میرا اللہ، دین میرا اسلام، محمد صلی اللہ علیہ وسلم میرے نبی ھیں۔۔۔!!

سحر

دنیاوی دعائیں مستقبل کے بارے میں ہوتی ہیں ، اور مستقبل کا ہم کو علم نہیں کہ ہمارے ساتھ کیا ہونے والا ہے اور یاد رہے انسان کے ساتھ جو کچھ بھی ہوتا ہے وہ اللہ کی مرضی سے ہی ہوتا ہے ۔ اور انسان کو یہ بھی علم نہیں کہ جو وہ دعا مانگ رہا ہے وہ اس کے حق میں بہتر بھی ہے کہ نہیں ۔
مثال میں زارا والی ہی دیتی ہوں
ایک شخص کو بیٹے کی خواہش ہے وہ بیٹے کے لیے دعا کرنے سے پہلے سوچتا ہے کہ ہوسکتا ہے کہ اللہ کی رضا یہ ہو کہ میرے یہاں بیٹی ہواور میرے حق میں بیٹی ہی بہتر ہو ۔
تو وہ بیٹے کی دعا کرنے کے بجائے یہ کہتا ہے کہ جو اللہ کی مرضی ۔
اسی مثال کو آپ اپنی ہر دعا پر فٹ کرلیں ۔

shafirajput

دعائےاستخارہ کا ترجمہ پڑھیں۔۔۔میں کہتی ھوں اسی انداز میں دعا مانگنی چاہیے۔۔ اگر کسی کو بیٹے کی خواہش بھی ہے تو وہ بھی یوں مانگ لے۔۔۔نبی کریم صلی اللہ علیہ وسلم نے ہر دعا کا طریقہ بتایا۔۔۔۔

''' اِستخارہ ''' سُنّت میں اور کہانیوں میں

فیصل ناصر

اللہ کی رضا یہ ہے کے مجھے جس حال میں بھی رکھے میں اس پر راضی ہوں
دعا بھی دراصل عبودیت کا اظہار ہے
مالک تو قادر ہے اور میں تیرا محتاج ہوں
مانگنا اللہ کو پسند ہے کیونکہ مانگنا عجز ہے
دعا اللہ کی تعریف ہے اس کی بڑائی ہے
اس لئے دعا مانگنا چاہئے اور خوب مانگنا چاہئے مانگتے رہنا چاہئے
مجھے فخر ہے میرا مالک اسقدر عظیم ہے ، مجھے خوشی ہے کے میرا رب رحمان ہے رحیم ہے
کتنا اطمینان ہے کے اللہ ، اللہ میرا مالک ہے
اللہ جس نے ہمیشہ مجھ پر کرم کیا
میں تو کہتا ہوں دعا ایسے مانگنی چاہئے جیسے اللہ میرا مان ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

Miss Khan

آپ سب کا شکریہ ، ارے واہ ، عادل صاحب کا مضمون وہ بھی استخارے کے بارے میں ، جزاک اللہ خیراً عزیزم ، اللہ ہر مشکل کس طرح آسان کرتا ہے ، جو مانگو مل جاتا ہے ! خوش رہو لڑکی

سیپ

السلام علیکم ورحمتہ اللہ و برکاتہ
بہت اچھی تحریر ہے

Miss Khan

وعلیکم السلام ، بہت شکریہ سیپ صاحبہ

فیاض انصاری

خوبصورت شئیرنگ۔ اور اس خوبصورت شئیرنگ کے لیے شکریہ