زارا

سنو، مجھے دیکھو، میں یہاں ہو۔ گندی، بدبو میں نہائی اور غلیظ کپڑے پہنے۔ قریب آؤ اور میرے دانتوں کی بساند کو سونگھو۔ میں کہتی ہوں۔ سنو، اور مجھ پر رحم کئے بغیر سنو۔ مجھےتمہارا افسوس کرنا نہیں چاہیے۔ سنو، سمجھے بغیرسنو۔ میرےگندے، گِھسے اور کوڑے میں پائے ہوے جوتوں میں اپنے پاوں رکھو۔ پھرمجھےسنو۔

اب تمہیں کیسا لگتا ہے۔

غُربت، ہر صبح ایک بدبودار، جراثیم سے بھرے بستر سے اُٹھنے کا نام ہے۔ غُربت، اُس بدبو میں دن رات رہنا ہے جو کبھی نہیں جاتی۔ یہ بدبو پیشاب، بگڑے ہوے دودھ ، پھپھوندی لگےچاول اور جلی پیاز کی ہے۔ اگر تم کو کبھی یہ باس آئی بھی ہے تو تمہیں یہ نہیں پتہ ہوگا کہ یہ کہاں سے آئی۔ یہ بو، اس بستر سے آتی ہےجہاں دسویں بار بیماری میں میرا پیشاب خطا ہوچکا ہے ۔یہ اس فضلہ کی بو ہے جو ہمشہ رہےگا اور جو میرے پاس کدال نہ ہونے کی وجہ سے کبھی زمین میں نہیں گڑھےگا۔

غُربت تھکاوٹ ہے۔ میں اپنےآپ کو ہر وقت تھکا محسوس کرتی ہوں۔ جب میرا آخری بچہ ہوا تو انہوں نے ۔ ۔ ۔ سرکاری اسپتال کے ڈاکٹروں نے مجھ سے کہا کہ غیر متوازن غذا کی وجہ سےتمہیں خون کی بیماری ہے۔ تمہیں خون کی کمی کا عارضہ ہے اور تمہارے پیٹ میں کینچوے ہیں۔ تمہیں آپریشن کی ضرورت ہے۔ میں اُنہیں ادب سےسنتی ہوں۔ ہم غریب ہمیشہ اخلاق سے پیش آتے ہیں۔ ہم ہمیشہ سنتے ہیں۔ وہ یہ نہیں جانتے کہ میرے پاس آئرن کی گولیوں کے لیے یا اچھے کھانے یا کینچوؤں کی دواؤں کے لیے پیسہ نہیں ہے۔

آپریش کا خیال ہی مجھےخوف ذدہ کردیتا ہے اور آپریشن کی قیمت ۔ ۔ ۔ اگر مجھ میں ہنسنے کی قوت ہوتی تو ضرور ہنستی۔ آپریشن سےصحت یابی ایک مدت لیتی ہے۔ میرے بچوں کی کون دیکھ بھال کرےگا۔ میرے تین بچے ہیں۔ میں ایک دفعہ نوکری پرجانے کے لیے ان کو دادی کے پاس چھوڑگئی تھی۔ جب میں واپس آئی تو بےبی پر مکھیاں بھنبھنا رہی تھیں۔ اور اس کا پوتڑا سُکھ کر اس کےکولوں سے چپک گیا تھا جب میں نے پوتڑا علحیدہ کرنے کی کوشش کی تو اس کےساتھ بےبی کی کھال کی جھلی بھی اتر آئی۔ میری دوسری بچی ایک شیشہ کے ٹکڑے سے کھیل رہی تھی۔ میرا بڑا ۔ ۔ ۔ میرا بڑا، بہتے ہوئے گہرے نالے کے کنارے پر اکیلا کھیل رہا تھا۔

سید تفسیر احمد

__________________

عروج

آہ۔۔۔۔۔۔ غربت۔ ۔ ۔ ۔ ۔ ۔اس بے چاری ماں کا قصور؟؟؟؟؟

محمدعدنان

بہت اچھی شئیرنگ ہے
شکریہ زارا

زارا

آپ دونوں کا شُکریہ ۔۔۔