ایم بلال

میں چاہتا ہوں کہ اردو اور کمپیوٹر کے متعلق بنیادی معلومات کو ایک جگہ پر جمع کر سکوں اور چند کلک کے فاصلے پر سب کچھ مہیا کروں کیونکہ مجھے لگتا ہے اردو کمپیوٹنگ کے ذریعے ہم اپنے معاشرے میں قدرے آسانی سے بہتری لا سکتے ہیں۔ ہو سکتا ہے کہ میں غلط ہوں لیکن فی الحال میں کچھ ایسا ہی سوچتا ہوں۔
میرے پہلے کتابچے”اردو اور کمپیوٹر“ کو جب دوست احباب نے بہت زیادہ اہمیت دی اور مزید لوگوں نے اردو بلاگنگ کے بارے میں پوچھنا شروع کیا تو مجھے تکنیکی حوالے سے اردو بلاگنگ پر لکھنے کے لئے مزید تحریک ملی اور آج اللہ کے فضل سے ایک اور چھوٹی سی کتاب ”اردو اور بلاگ“ کے عنوان سے پیش کر رہا ہوں۔
اس کتاب کو لکھنے کا مقصد صرف اور صرف اردو بلاگنگ کی ترویج ہے تاکہ زیادہ سے زیادہ لوگ آسانی سے اردو بلاگ بنا سکیں اور پھر اچھے سے اچھا لکھ کر ملک و قوم کی ترقی کے ساتھ ساتھ معلومات کے خزانے انٹرنیٹ پر ہر ایک کے لئے آسانی سے اور وہ بھی ”اردو“ میں مہیا کر سکیں۔ اس کتاب کی سافٹ کاپی مفت میں دستیاب ہے۔ اگر کوئی چاہے تو اسے اپنی ویب سائیٹ یا بلاگ پر بھی شائع کر سکتا ہے۔

آن لائن پڑھنے کے لئے درج ذیل فہرست دیکھیں۔

باب اول: بلاگ

• بلاگ کیا ہے؟
• بلاگنگ کے فوائد
• بلاگ پر کیا اور کیسے لکھا جائے؟
• اردو بلاگرز کے لئے چند تکنیکی مشورے

باب دوم: اردو بلاگ

• اردو بلاگ بنانا
• مفت بلاگنگ سروس فراہم کرنے والی ویب سائٹس
• ذاتی ڈومین نیم اور ہوسٹنگ پر اردو بلاگ بنانا

باب سوم: ورڈپریس انسٹالیشن

• سی پینل (cPanel) کے فائل مینیجر کا استعمال
• سی پینل (cPanel) میں مائی ایس کیو ایل ڈیٹابیس بنانا
• ورڈپریس کی انسٹالیشن (Installation)

باب چہارم: ورڈ پریس کی سیٹنگ

• ورڈپریس بلاگ اور بلاگ کا ایڈمن پینل
• ورڈپریس بلاگ - عمومی ترتیبات (General Settings)
• ورڈپریس بلاگ - لکھنے کی ترتیبات (Writing Settings)
• ورڈپریس بلاگ - پڑھنے کی ترتیبات (Reading Settings)
• ورڈپریس بلاگ - مباحثہ کی ترتیبات (Discussion Settings)
• ورڈپریس بلاگ - میڈیا کی ترتیبات (Media Settings)
• ورڈپریس بلاگ - پرما لنک کی ترتیبات (Permalink Settings)
• ورڈپریس بلاگ – بیک اپ، ریسٹور اور منتقلی (Import and Export)

باب پنجم: ورڈ پریس کا استعمال

• ورڈپریس تھیم انسٹال کرنا اور لگانا
• ورڈپریس بلاگ اور تھیم کوڈ میں تبدیلی کرنا
• ورڈپریس پلگ ان انسٹال کرنا اور چلانا
• ورڈ پریس بلاگ کے یوزر اور ان کے اختیارات
• ورڈ پریس بلاگ کا یوزر بنانا، تبدیل اور ختم کرنا
• ورڈپریس بلاگ پر لنک شامل، تبدیل اور ختم کرنا
• ورڈپریس بلاگ - میڈیا لائبریری (Media Library)
• ورڈپریس بلاگ - پوسٹ کے زمرہ جات (Categories)
• ورڈپریس بلاگ پوسٹ - ٹیکسٹ ایڈیٹر کا استعمال
• ورڈپریس بلاگ - پوسٹ لکھنا اور شائع کرنا
• ورڈپریس بلاگ - کمنٹس کی دیکھ بھال
• ورڈپریس بلاگ - ایڈمن پینل کا عمومی جائزہ

باب ششم: متفرقات

• بنیادی ایچ ٹی ایم ایل (HTML)
• معلوماتی ویب سائیٹ کے لنک

مکمل کتاب پی ڈی ایف فائل میں یہاں سے ڈاؤن لوڈ کر سکتے ہیں۔

یاسر عمران مرزا

پہلے بلال بھائی کا مشہور و معروف کتابچہ دیکھا اور سنا تھا۔ جس کی وجہ سے بہت سارے لوگ انٹرنیٹ پر اردو لکھنے ، پڑھنے، اردو ویب سائٹ بنانے میں‌کامیاب ہوے۔ اب کی بار تو بلال بھائی نے کمال ہی کر دیا۔مجھے یقین ہے اس کتاب کے پیچھے بلال بھائی کی بے پناہ محنت پوشیدہ ہے۔۔۔۔۔

انٹرنیٹ پر انگریزی میں تو پہلے ہی بہت سارا معلوماتی مواد موجود ہے مگر اردو میں موجود مواد ، آٹے میں نمک کے تناسب سے بھی کم ہے۔۔۔۔۔ ایسے میں اردو بلاگنگ کے حوالے سے ایک کتاب کا دستیاب ہونا ایک بہت ہی عمدہ امر ہے۔ اللہ تعالی بلال بھائی کو جزائے خیر دے۔

کیا اس کتاب کی پرنٹنگ کا انتظام بھی کیا گیا ہے ؟ یا مستقبل میں ایسا کوئی ارادہ؟

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

ایم بلال

تمام دوستوں کا میرا کام پسند کرنے کا بہت بہت شکریہ۔
یاسر عمران بھائی یہ تو آپ کا بڑا پن ہے کہ آپ نے اس ناچیز کو اتنی اہمیت دی اور کچھ زیادہ ہی تعریف کر دی ورنہ میں اس قابل کہاں۔
رہی بات پرنٹنگ کی تو جب میں یہ سب لکھ رہا بلکہ آن لائن شائع کرنے تک کوئی ارادہ نہیں تھا لیکن اب دوست احباب نے مشورہ دیا ہے کہ اسے پرنٹنگ بھی کروایا جائے تو اس معاملے میں سوچ رہا ہوں اور دوست احباب سے مشورہ لے رہا ہوں۔ دیکھیں کیا ہوتا ہے۔
ویسے اس کو چھپوانے پر خرچہ خود ہی کرنا پڑے گا کیونکہ یہ آن لائن شائع کر دی ہے اس لئے شاید ہی کوئی پبلشر اس کو شائع کرنے پر راضی ہو۔ ویسے آپ اس بارے میں کیا کہتے ہیں؟

عبدالقدوس

بلاشبہ ایک اچھی کاوش ہے
پی ڈی ایف کا سائز کم کرنے کے لئے آپ نے شامل تصاویر کی ریزولیشن کم کردی ہے جس سے اچھا تاثر نہیں آرہا۔ میں مشورہ دوں گا کہ اس کو ٹھیک کرلیں۔

__________________

shafresha

شئیرنگ کا بہت بہت شکریہ!
اللہ آپ کو جزائے خیر دے۔ آپ کی کاوش کی قدر کی جائے گی!!!!

یاسر عمران مرزا

بلال بھائی یہ کافی عمدہ کاوش ہے۔۔۔۔ اگر تو آپ اس سلسلے میں مزید مواد بھی لکھ رہے ہیں مثلا جوملہ سی ایم ایس پر یا کسی اور چیز پر تو وہ مکمل کرنے کے بعد آپ پرنٹنگ کا سوچیں تو مزید اچھا ہو گا۔۔۔۔ ویسے مجھے قوی امید ہے کہ مواد کی کوالٹی دیکھ کر کوئی نہ کوئی پبلشر لازمی اسے پرنٹ کرنے پر راضی ہو جائے گا۔۔۔۔۔

محمدعدنان

بلال بھائی بہت زبردست کام کیا ہے آپ نے
ماشاءاللہ

طارق راحیل

بہت خوب۔۔۔۔۔۔۔۔۔۔۔۔۔۔

ابن جمال

میں نے پوراپڑھانہیں ہے لیکن اتنی ہی بات میرے لئے کافی ہے کہ جدید ٹکنالوجی پر کسی نے ارد میں کچھ لکھاہے