عرفان حیدر

سلام،

چلو بحث کسی نتیجہ پر تو پہنچی۔

وسلام

ابوشامل

السلام علیکم محترم و عزیز ساتھیو!
اردو وکیپیڈیا کے حوالے سے آپ کی شکایات بالکل بجا ہیں۔ اردو وکیپیڈیا کے منتظم کی حیثیت سے میں نے اپنی حیثیت کے مطابق پوری کوشش کی لیکن چونکہ طب، ریاضی اور دیگر سائنسی شعبہ جات میرا میدان نہیں اس لیے ایک تو اس حوالے سے علم کی کمی آڑے آئی اور دوسری بات کہ میری دلچسپی بھی اس سلسلے میں نہیں تھی کہ اصطلاحات سازی کے عمل میں ہاتھ ڈالا جائے۔ بہرحال آپ لوگ اردو وکیپیڈیا سے نالاں ہو کر اپنی ڈیڑھ اینٹ کی مسجد بنا رہے ہیں تو ست بسم اللہ۔ کوشش کر کے دیکھ لیں کیونکہ کوشش کرنے میں کوئی برائی نہيں اگر آپ وکیپیڈیا کے مقابلے میں زیادہ صارفین کی توجہ اپنی جانب مبذول کرانے میں کامیاب ہوتے ہیں تو مجھے اس پر بے انتہا خوشی ہوگی۔ میں نے آپ کے انسائیکلوپیڈیا کے حوالے سے نیچے ایک تجویز بھی پیش کی ہیں، ضرور ملاحظہ کیجیے۔
ایک التجا میں آپ سے کرنا چاہوں گا کہ کسی ایک کام سے عدم اتفاق کے باعث پورے کام پر خط تنسیخ مت پھیریے۔ اردو وکیپیڈیا پر اصطلاحات کے علاوہ بھی اتنا کچھ ہے کہ وہ اردو کی مقبول ترین ویب سائٹ بن سکتی ہے اور غالباً ہے بھی۔

محترم ! آپ مجھے اردو کا وہ بلاگ بتا دیجیے کہ روزانہ کی حاضری وکیپیڈیا سے زیادہ ہو۔ بھائی یہ ہم ہی ہیں جو بلاگ پڑھتے ہیں وہی افراد وکی پر بھی جاتے ہیں، وکی پر کوئی آسمان سے تو صارف نہیں ٹپکتے۔ دوسری بات یہ کہ میں نے کہا تھا کہ اعداد و شمار کی اس سائٹ پر اردو وکیپیڈیا کے اعدادوشمار پیش نہیں کیے گئے بلکہ "جگاڑ" کے ذریعے یہ دیکھے گئے ہیں اس لیے ان کی صحت پر اعتبار کرنا مجھے ایسے کم علم آدمی کے لیے تو جائز ہو سکتا ہے لیکن آپ کے لیے درست نہیں۔ بہرحال اس حوالے سے بات کی گئی ہے تو کچھ مزید انکشافات کرتا ہی چلوں کہ وکیپیڈیا پر صارفین کی آمد کے اعداد و شمار اکٹھے کرنے والی ایک دوسری سائٹ (wikistics.falsikon.de) کا کہنا ہے کہ اردو وکیپیڈيا کے روزانہ وزیٹرز کی تعداد 21 ہزار 350 ہے۔ دیکھیں کسی کی غلط بات کا مذاق اڑا لینا تو بہت آسان ہوتا ہے لیکن اس کی اصلاح کرنا اور بعد ازاں عملی طور پر کچھ کر دکھانا بہت مشکل۔
اس طرز عمل کے باوجود میں آپ کے دائرۃ المعارف کے لیے چند تجاویز پیش کرنا چاہوں گا حالانکہ مجھے سنجیدگی کا پورا پورا احساس ہو چکا ہے کہ اردو کا کتنا درد ہمارے اردو کے "چاہنے والوں" کے دلوں میں ہے۔

تجویز: سب سے پہلا مرحلہ یہ طے کریں کہ اردو وکیپیڈيا پر جتنے مضامین واضح شکل و صورت کے ساتھ موجود ہیں یا جن میں بنیادی معلومات فراہم کی گئی ہیں انہیں اپنے دائرۃ المعارف کا حصہ بنائیں۔ پھر ان پر صرف اتنا کام رہ جائے گا کہ ان کی متنازع اصطلاحات کی جگہ آپ اپنی اصلاحات استعمال کر سکیں گے۔ جیسے ترتاش کے مضمون میں آپ کو صرف ترتاش کی جگہ لیزر لکھنا ہوگا اور مضمون کے مندرجات میں جہاں بھی غیر معروف اصطلاحات ہیں ان کی جگہ معروف اصطلاحات استعمال کرنا ہوں گی۔ اس کے علاوہ تاریخ، مذہب، فلسفے اور دیگر موضوعات پر جو ہزاروں نہیں تو سینکڑوں مضامین موجود ہیں ان کو ویسے کا ویسا ہی شامل کیا جا سکتا ہے اس سے آپ کو بنے بنائے ہزاروں مضامین مل سکتے ہیں۔ اس بنیاد پر آپ ایک اچھے دائرۃ المعارف کو قائم کر سکتے ہیں۔ اللہ آپ کو ہمت و قوت دے اور جزائے خیر عطا فرمائے۔

باذوق

السلام علیکم۔
مجھے ایک ساتھی نے اس بحث کے متعلق بتایا تھا۔ میں ان دنوں کچھ دوسرے معاملات میں مصروف تھا۔ اب کچھ فرصت ملی ہے تو پہلے یہ دھاگہ شروع سے آخر تک تفصیل سے پڑھنے کی کوشش کر رہا ہوں۔
فی الحال اس ضمن میں میرے کچھ خیالات
یہاں ملاحظہ کئے جا سکتے ہیں۔

Aam Insan

مجھے تو بس یه بات سمجھ آتی هے که "کوا چلا هنس کی چال اٻنی چال بھی بھول گیا" بے چاره اُردو بولنا آتا نهیں اور چلے جناب انگریزی کو شامل کرنے، بھائی صاحب اردو کو اردو هی رهنے دیں تحقیق/محنت کرنے سے ڈرتے کیوں هو ۔ هر ملک اٻنی زبان کو ترقی دیتا هے اور هم غلامانه ذهن کے مالک ٬ فرفر انگریزی بولنے والوں سے مرعوب لوگ احساسِ کمتری کا شکار رهتے هیں۔
یار ذرا سوچو اگر صرف کمٻیوٹر سے متعلق تمام کتب همیں اردو میں میسر هوں تو صرف اردو جاننے والا (لکھنے اور ٻڑھنے والا) کمٻیوٹر سے متعلق کتنی معلومات رکھتا هو گا (کیونکه همیں انٹر یا گریجویٹ کر کے بھی انگریزی نهیں آتی ایسوں کے لیے مشهور هے که اِن سے صرف ایک درخواست لکھوا کر دیکھ لیں ٻول کھل جائے گی)
دعا کریں که کوئی مردِ مجاهد اردو کا عاشق اٻنے ملک اور قوم سے محبت کرنے والا اور اِن کو ٻستی سے بلندی ٻر لانے کی جستجو کرنے والا تمام مضامین کو اردو میں ترجمه کرا کے اس قوم کو تحفه دے تم دیکھ لینا وه دن اِس قوم کی تبدیلی اور حقیقی ترقی کی طرف ٻهلا قدم هو گا۔
نوٹ : یاد رهے میں خدانخواسته انگریزی یا کسی اور زبان کے خلاف نهیں هوں بس اٻنی قومی زبان کے بارے میں متفقر رهتاهوں۔

Aam Insan

میری آخری تحریر میں غلطی سے متفقر تحریر هو گیا هے درست لفظ متفکر هے ۔ ممکن هے صرفِ نظر فرمائیں گے۔ شکریه

احمد بلال

اردو لشکری زبان ہے۔۔۔ پھرعربی اور فارسی کے جو الفاظ استعمال کیے جاتے ھیں ان پہ اعتراض کیوں؟؟؟ اور جب عربی فارسی استعمال ہو سکتئ ہے تو انگلش کیوں نہیں ۔۔۔۔۔

"فی الوقت پاکستان میں جو اردو بولتے ہیں اگر وہی اردو صحیح بول لیں تو بہت ہے"

صحیح اردو کون سی ہے ؟؟؟؟

shafresha

مس ثوبیہ میں نے اس تھریڈ کو ڈھونڈ لیا اسی کے لیئے میں‌نے میسج کیا تھا!

محمد آصف

میں اپ سب سے متفق ہوںہم کو اپنی قو می زبان اردو کو ترقی دینی چاہیے۔ شاید آپ کو بھی پتہ ہو کہ ایک اردو میں سرچ انجن آپٹیمایزیشن کی ویب سایٹ بھی ہے۔ اور یہ بڑی خوشی کی بات ہے کہ اس طرح کے ایڈوانس ٹاپکس پر اردو میں بھی سایٹس ہیں۔ ہم سب کو اردو سایٹس کو پروموٹ کرنا چاہیے۔ آپ اس سایٹ‌کو یہاں کلک کر کے کھول سکتے ہیں

الطاف ذکی

معزز شرکاء و قارئین پاک فورمز،
السلام و علیکم،

مذکورہ بالا مراسلات نظر سے گزرے جس کا آغاز محبوب عالم صاحب نے کیا۔

عرض یہ ہے کہ اُردو ترقی یا تنزلی کا تعین کرنے سے قبل، اُردو زبان کی لغوی تاریخ، فطرت اور جدت نو سے متعلق تصورات و نظریات کو اگر باہمی اتفاق کیلئے زیرِ بحث لائے جائیں تو یہ شاید مقصود بحث کی جانب بہتر قدم ثابت ہو۔

اس بات میں کوئی تشکیک نہیں کہ اُردو بذات خود کوئی زبان نہیں مگر برصغیر کی کئی زبانوں کی بنیادی ساخت پر عربی اور فارسی، ترکی اور انگریزی زبان کے الفاظ و اصطلاحات (خصوصاً علوم جدید کے الفاظ) کی بتدریج غالب کثرت سے اس نئی زبان "اُردو" کا وجود پروان چڑھا۔

لہذا نئے اور دیگر زبانوں کے الفاظ بالخصوص جدید علوم کی اصطلاحات کی خودکار شمولیت اردو زبان کی فطرت ٹھہری۔ چونکہ ہمارے سماج میں عربی اور فارسی کی ترویج و ابلاغ اس قدر مؤثر نہیں رہی جس قدر 1900ء سے قبل تھیں، لہذا آج کے دور میں جس میں تمام ابلاغ عامہ اور علوم جدید بذریعہ انگریزی رائج و غالب ہوچکے ہیں، جس کے باعث اکثر اصطلاحات اُردو میں رائج ہیں۔ مثلاً کمپیوٹر کے حوالے سے لفظ کمپیوٹر انگریزی لفظ ہے، جس سے وہ لوگ بھی جو اُردو پڑھنا لکھنا نہیں جانتے، لیکن لفظ کمپیوٹر اچھی طرح واقف ہیں۔ لہذا صنعتی انقلاب کے 60 تا 70 سال بعد "ترقی اُردو" کے نام پر تمام اصطلاحات کو عربی-فارسی کے رنگ میں رنگنا گویا جدید اُردو کو قدیم اُردو سے بدلنا ہوگا، جسے میں نہیں سمجھتا کہ عربی و فارسی سے نابلد لوگ قبول کرسکیں۔ بلکہ میری نظر میں اگر ایسا اقدام لیا گیا تو یہ اُردو کی تنزلی کی طرف ایک انتہائی شدید قدم ہوگا۔

مذکور بالا یہ چند سطور اُردو سے متعلق میری ناچیز رائے ہے جس سے آپ کا متفق ہونا ضروری نہیں۔

مخلص

الطاف ذکی

محمد الیاس

میں نے اس موضوع پر صفحہ اول - وکیپیڈیا کے لئے لکھا تھا، پہلی دفعہ پورا لکھا بجلی جانے سے ختم ہو گیا۔ دوسری دفعہ کے لکھے کا شوشہ اس میں صحیح طور پر نہیں چھوڑا جا سکا کیونکہ شائد اس میں کوئی کمی ہے۔ اس موضوع کو آپ قلم پر دیکھ سکتے ہیں۔

گلز

بہت اچھے جناب-- جزاک اللہ----

shafresha

عنقریب اس مباحثے میں حصہ لوں گا۔ پہلے دیگر لوگوں کے پیش کردہ نکات و آراء پڑھ لوں۔ کچھ وقت درکار ہے اُمید ہے آپ لوگوں کو منتظر پاؤں گا۔
شکریہ
والسلام

فیصل ناصر

میرا اپنا خیال یہ ہے کہ اردو میں ہر قسم کی اصطلاحات کی گنجائش موجود ہے
بوجہ لشکری زبان
اور وقت کے ساتھ ساتھ دنیا کی ہر زبان میں تبدیلی آتی ہے
شاید اب انگریزی اور دوسری زبانیں بھی وہ نہیں رہیں جو کبھی ہوا کرتی تھیں
جس قسم کی اصطلاحات محبوب عالم صاب نے دی ہیں ان کو استعمال کے لئے ہر وقت ایک لغت جیب میں رکھ کر گھومنا پڑے گا
اور خاص طور پر کمپیوٹر " شمارندہ" کی اصطلاحات تو اتنی زودعام ہوچکی ہیں کہ بچے بھی ان کو سمجھتے ہیں
زبان کا مقصد یہی ہوتا ہے کہ آپ اپنا موقف اچھی طرح بیان کر پا ئیں
اتنی شدید اصطلاحات کو سمجھنے کے لئے تو ایک تربیتی ادارہ کی ضرورت ہوگی
کیا ضروری ہے کہ لشکری میں صرف عربی یا فارسی الفاظ کی ہی ترویج ہو اگر انگلش ،فرنچ و دیگر زبان کے الفاظ بھی اس میں سما سکتے ہیں تو کیا مضائقہ ہے
اب اگر آسان فہم الفاظ کو نکال کر غیر مستعمل الفاظ سے بدلنے کی کوشش کی جائے یہ بجائے خدمت کے ایک زیادتی ہی ہوگی (ایڈیٹر کا مراسلہ نگار کی رائے سے متفق ہونا ضروری نہیں)
اور وہ زبانیں ہمیشہ زیادہ ترقی کرتی ہیں جو آسان اورمانوس ہوں

میں نے اپنی آنکھ کے پردے کا آپریشن لیزر تھراپی سے کروایا ہے
اب اگر اس جملے کو اردو میں لکھنا ہو تو کیسے لکھیں گے

محمد الیاس

جناب آپکا کلیہ بالکل غلط ہے یعنی بجائے اسکے کہ آپ اُردو کو ترقّی دے کر ان الفاظ کے معنی نہ نکال کر مزید اُردو کو برباد کرنے کا تہیّہ کریں گے۔ چونکہ آپ اپنی زبان کو پسماندہ خیال کرکے اس کو انگریزی زدہ اور پھر مستقبل میں بالکل گُم کرنے کا ارادہ کئے ہیں اسلئے آپ اس کے لئے کُچھ بہتر نہ کر سکیں گے۔ اُردو میں سنسکرت، ترکی، فارسی اور عربی کے الفاظ ضرور ہیں مگر اسکی اکائی گُم نہیں ہوئی ہے اور ان الفاظ کا بھی ایک اندازہ ہے جس سے انکو بڑھا نہیں سکتے ہیں۔ انگریزی کو اُردو میں ڈھالنا یقینا" ایک کمتر زبان اور کمزوری کی نشانی ہے۔ یہ غلامانہ دور کا ورثہ ہے جس کی روک کے لئے ان علاقوں میں کوئی کوشش نہیں ہو رہی ہے جسکی وجہ یہ ہے کہ حکمران خود مغرب میں پلے بڑھے یا ان کے طریقے اپنائے ہوئے ہیں اور آپ جیسے لوگ ہتھیار ڈالے ہوئے ہیں، آپکو کس نے کہا ہے کہ اُپ نے جو لکھا ہے اسکا ترجمہ نہیں ہو سکتا ۔شائد ہمارے اور ہندوستان کی سی زوال پذیر ادب اور ثقافت کہیں اورنہیں ہے۔ ہندوستان کے لکھنوء اور دلّی کی زبان اُردو ہے اور موجودہ گیتوں میں وہ ایسے اُردو کے الفاظ غلط استعمال کرتے ہیں جو فارسی یا عربی کے ہوں ۔

Obviously اگلی meeting میں national language کے حوالے سے شائد اُردو کی development پر discussion ہوگی۔
یہ ایک آزاد اور باوقار قوم کی نہیں بلکہ غلام بھکاریوں کی زبان ہے۔ جو خود کو کمینہ تصوّر کرے تو دوسرے اسکی کیا عزّت کریں گے۔

shafresha

میری سمجھ میں نہیں آیا کے فیصل بھائی کی تحریر میں آپ کو کہاں سقم نظر آیا ہے؟ اُنہوں نے تو محض ایک تجویز دی تھی، آپ کی تحریر تو خود اغلاط سے پُر ہے۔ پہلے اپنی تحریر کو بہتر کریں پھر دوسروں پر تنقید کرنے کا حق آپ کو حاصل ہوگا۔ فی الحال آپ کے نازیبا/سخت الفاظ کو نشان ذدہ کردیا ہے اُمید ہے کے آپ غور فرمائیں گے۔
شکریہ، والسلام