محمد الیاس

'میں نے اپنی آنکھ کے پردے کی جرّاحی شعائی علاج سے کروائی ہے'۔
کتنی سیدھی سی بات ہے۔ جناب شاف ریشہ! کیا آپ یہاں وکیل ہیں؟

shafresha

الیاس بھائی السلام علیکم،
اگر آپ کے خیال میں‌اس فورم پر کسی ًمراسلے پر تبصرہ کرنا "وکالت کرنا" ہوتا ہے تو یقیناً میں یہاں تنہا "وکیل" نہیں ہوں۔ میں نے ایک بات کو نامُناسب سمجھا تو کہہ دیا اگر آپ کے خیال میں‌یہ غلط یا نامُناسب ہے تو ہوا کرے، میں اپنی بات پر قائم ہوں۔ ہم سب یہاں کچھ سیکھنے/ سکھانے کے لیئے ہی جمع ہوتے ہیں اگر کوئی صرف سکھانے کے لیئے آتا ہے تو آیا کرے۔
میرے دل میں آپ کے لیئے بھی وہی جذبات ہیں جو فیصل بھائی کے لیئے ہیں۔
آخر میں: اگر میرے لہجے کی تلخی بری لگ ہو تو پیشگی معذرت!

محمد الیاس

یہ سب ایک اہم قدم ہے اگر ہم اُردو کی ترویج کی طرف اُٹھائیں۔ میری نظر میں چند الفاظ متبادل کے طور پر پہلے سے تھے جنکو شائد آپ لوگ بھی پسند فرمائیں۔
internet - رابطہ جال
options/option - مرضی
computer - حسابی
forum - بیٹھک
keyboard- گُھنڈ تختی۔
log in and log out - درج ہونا اور باہر ہونا

محمد الیاس

شاف ریشہ صاحب وعلیکم سلام!
اگر مُجھ سے لکھائی میں کوئی غلطی ہو تو مہربانی کر کے نشاندھی کیا کیجئے کیونکہ یہاں لکھتے بعض دفعہ الفاظ میں کُچھ بُھول چوک ہو جاتی ہے۔اسکے علاوہ بھی زبان کے علم میں کمی سے غلطی ہو سکتی ہے آپکی اس نشاندھی سے میرا علم زیادہ ہوگا۔ اُردو بڑی زبان ہے۔

ریختہ کے تمہی اُستاد نہیں ہو غالب
کہتے ہیں اگلے زمانے میں کوئی میر بھی تھا۔

فیصل ناصر

میرا خیال ہے الیاس بھائی
ہر شخص کو اپنا موقف بیان کرنے کی آزادی ہے
میری کس بات سے آپ کو غصہ آیا مجھے لاکھ کوشش کے باوجود نہیں معلوم ہو سکا میں نے کہیں بھی اپنی مرضی آپ یا کسی اور پر ٹھوسنے کی کوشش نہیں کی آپ اپنی رائے رکھنے پر آزاد ہیں اور میں بھی
رہا سوال شاہد بھائی کی وکالت کا تو اگر وہ آپ کی کسی زیادتی کی نشاندہی کریں وہ میرے وکیل سے زیادہ آپ کے دوست ہی کہلائیں گے
اگر آپ میرے کسی خیال سے متفق نہیں اس پر اپنی رائے ضرور دیں لیکن آپ کا رویہ مناسب نہیں ہے اسی بات کی شاہد بھائی آپ کو نشاندہی کی
اگر اردو پرآپ اپنی اجاراداری رکھنا چاہتے ہیں تو بخوشی رکھئے
مجھے جسقدر بھی اردو آتی ہے میں اُس پر ہی مطمئن ہوں
اس تھریڈ میں آنا اگر میری غلطی ہے تو معذرت خواہ ہوں

ع ، میرے سامنے آسماں اور بھی ہیں

آپ گنجلگ اور مشکل ترین الفاظ ایجاد کرتے رہئے
میں اپنا موضوع آسان زبان میں بیان کرتا رہوں گا


ویسی عام بول چال میں استعمال ہو نے والے الفاظ کے کچھ اردو ورجن بھی بتادیں تو عوام الناس کا بھلا ہوگا
جگ
گلاس
کپ
ٹی وی
فریج
واٹر کولر
پرنٹر
اسکرین
بوتل

نوٹ : ایک مرتبہ میری سابقہ پوسٹ اور اس پر اپنے جواب کو دوبارہ ضرور پڑھیےگا

shafresha

الیاس بھائی السلام علیکم،
میرے عزیز اگرچہ میں‌نہ ہی میر ہوں اور نہ ہی غالب کا ہم سر۔ وہ اُردو زبان کے محسنین تھے ہم کہاں اور وہ لوگ کہاں۔
جہاں تک بات تحریر کی ہے تو آپ کی یہ بات درست ہے کے فورم پر اُردو ٹائپ کرتے وقت اکثر اعراب و ہجّے وغیرہ کی غلطیاں ہو جاتی ہیں۔ اس بات سے آپ اور میں کہاں خود اس فورم کے ناظمین تک محفوظ‌ نہیں۔ آپ فورم کے مین پیچ پر لکھی ہوئی عبارت "تنبہیہ مذاہب اور انسانی زندگی کے سیکشن میں حصہ لینےوالے تمام اراکین سے درخواست ہے کہ مندرجہ بالا آئت کی روشنی میں اپنی تحاریر میں بہتر لائیں ورنہ فورم کی انتظامیہ کی طرف سے ایکشن لیا جائے گا۔" پڑھ لیں اسی میں‌دو غلطیاں ہجّے کی نکل آئیں گی۔
مگر جب آپ خصوصاً اُردو زبان کی ساخت، ترویج و بناوٹ وغیرہ جیسے دقیق موضوعات پر علمی گفتگو کررہے ہوں تو خود آپ کا بھی درست اردو بولنا اور لکھنا لازم ہے۔
اگر آپ چاہیں‌تو آپ کی تحریر کی اغلاط کی نشاندہی آپ کو ذاتی پیغام کی صورت میں کردوں گا۔
نوٹ: میں فیصل بھائی ہی کا نہیں آپ سب ہی کا دوست اور بھائی ہوں۔
شکریہ، والسلام،

محمد الیاس

فیصل ناصر صاحب! اُردو لفّاظی دیکھئے باقی دھمکیاں چلتی رہیں گی۔
صراحی/کوزہ، جام، پیالہ،تارجھلک، یخچال، جل ٹھنڈاوَن، چھپاوَن، پردہ، زُجاجہ۔
ان میں‌سے یخچال فارسی اور زُجاجہ عربی ہے۔ یہ میں‌نے ابھی لکھے ہیں ہو سکتا ہے آپ ان سے بہتر لفظ بھی پائیں۔

منتظمین

عام صارفین کے لیے ہم کوشش کرتے ہیں‌کہ ان کا نقطہ نظر پہنچ سکے لیکن املاء اور گرائمر کی غلطیاں درست ہونی چاہیں۔

__________________
تم سپاہی نہیں ہو پیشہ ور قاتلو!

محمد الیاس

یقینا" ہر ایک چیز قوّت مانگتی ہے۔ اس وقت انگریزی زدہ اُردو چل رہی ہے۔ اس طرح اُردو کو عام کرنا آسان نہیں ہے۔ جب تک سب پر اپنی زبان تھوپی نہ جائے یہ کامیاب نہ ہوگا۔

فیصل ناصر

متفق ہوں
لیکن شاہد صدیقی کو شافی ریشہ کہنا چھوڑ دیں ورنہ ۔۔۔۔۔۔۔۔۔

ریموٹ remote کےلئے کیا لفظ بنے گا

shafresha

تو پھر آپ میری نشاندہی کردہ مین پیج کی غلطیاں درست کردیں۔

فاروق سرورخان

اگر آپ کے ذہن میں سوال اُبھر رہا ہے کہ اگر ہم ایسی اُردو استعمال کریں گے کسی چوپال پہ (جیسے یہ چوپال) تو کسی کو سمجھ نہیں آئے گی. تو جواب یہ ہے جناب کہ آپ اگر خالصاً اُردو استعمال کریں گے تو لوگوں کو وُہ اُردو سیکھنی ہوگی.

سارے جہاں میں دھوم ہماری زباں کی ہے۔

بھائی ، میں آپ کے نظریہ قدیمیت یا نظریہ خالصیت سے قطعا متفق نہیں ہوں۔ زندہ زبانوں کی یہ نشانی ہیں کہ وہ پھلتی پھولتی رہتی ہیں۔ نئے نئے الفاظ اس طرح اپنے اندر سمولیتی ہیں۔ نئے سے نیا استعارہ، ایسے زبان زد عام ہوجاتا ہے کہ جیسے یہ اردو کا استعارہ ہی تھا۔ انگریزی کی اچھال ہو یا بنگالی کا بگھار، پنجابی کی پنگے بازی ہو یا سندھی کا سوندھا سوندھا نکھار، صاحب یہ اردو ہی ہے کہ ہندی کے سامنے ہنس ہنس کر اتراتی ، آنکھ مچولی کھیلتی بڑھتی اور چڑھتی چلی جارہی ہے۔ جوبن ایسا کہ بنجاری زبانیں شرماجائیں۔ یہ تو مردہ زبانوں کی نشانی ہے کہ وہ اپنے اور پرائے میں‌امتیاز کرتی ہیں ، الفاظ کے ساتھ چپک جاتی ہیں جیسے خصیص ورثہ سے ، مردہ زبانوں کی ایک خاصیت یہ بھی ہے کہ اس کو صرف اور صرف بوڑھی عورتیں ہی بولتی اور سمجھتی ہیں ۔ اگر بوڑھی عورتیں آج کی زبان سمجھ سکتی ہیں اور آپ ان کی تو صاحب فکر کس بات کی، اردو کا کچھ کھویا نہیں ۔ اردو کو دنیا بھر کے الفاظ سے سینچئیے ، نوک پلک سنوارئیے ، تیر وتفنگ سے آراستہ کیجیئیے، زمانے کے ساتھ ساتھ زقند بھرئیے۔ یہ کیا کھونٹے سے باندھنے بیٹھ گئے آپ؟ اردو تو پہلے ہی کوئی اصول نہیں رکھتی ، یہ تو وہ آوارہ ہے کہ دنیا کے ہر خطے میں‌پائی جاتی ہے ۔ آج دنیا کی دوسری سب سے بڑی بولی جانے والی زبان اور دو رسم الخط میں لکھی جانے والی دنیا کی واحد زبان ہے۔ آوارگی تو رنگ لائے گی صاحب۔ آپ لاکھ تحریر میں اردو اور انگریزی الفاظ‌گنتے رہئیے

رنگی کو نارنگی کہیں اور بنے دودھ کو کھویا
چلتی کو وہ گاڑی کہیں ، یہ دیکھ کبیرا رویا

پہلے اردو کے الٹے موزے تو سیدھے ہوجانے دیجئے ، پھر انگریزی، فارسی، عربی ، ہندی، پشتو، بنگالی، سندھی، بلوچی، پنجابی کے تانے بانے اردو سے الگ کریں گے ۔۔۔۔۔ کہ الفاظ کو سمو لینے کی اسی خاصیت کا نام اردو ہے

فیصل ناصر

الفاظ کو سمو لینے کی اسی خاصیت کا نام اردو ہے

جواب نہیں فاروق بھائی
دل موہ لینے والی تحریر اور دل میں اترنے والی دلیل
بہت عرصہ بعد پڑھنے کا لطف آیا
ایک وہ ۔۔۔۔۔۔۔۔۔ shafresha کبھی کبھی مزہ دیتا اور آج آپ نے ! (خالی جگہ مسٹر shafresha خود ہی بھرلیں )

اسی طرح لکھتے رہا کیجئے

محمد الیاس

مجھے کسی نے نہیں بتایا ہے کہ شاف ریشہ صاحب کا اصل دوسرا نام کیا ہے۔
مرکزی صفحہ چھوڑ فی الحال آپکا یہی لکھا دُرست نہیں ہے۔
فاروق سرور خان صاحب کی اپنی لکھی اچھّی ہے مگر انہوں نے جو حکمت بیان کی ہے وہ درست نہیں ہے۔ فارسی، ترکی، سنسکرت، عربی وغیرہ کا براہ راست اُردو سے تعلق ہے جبکہ انگریزی کا نہیں ہے۔ ٹھیک ہے اگر انگریزی کےکُچھ الفاظ اُردو میں کھپ گئے ہیں تو وہ رہیں مگر انکی ایک حد ہونی چاہئے۔ اگر اُن کے کہے کے مطابق اُردو کا دامن تمام زبانوں کے لئے کھُلا چھوڑ دیا جائے تو اسکی اپنی حیثیت اور کُلیہ غائب ہو جائے گا۔
دوسری غلط بات انہوں نے یہ کی ہے کہ اُردو پہلے سے کوئی اُصول نہیں رکھتی۔ آپکو جن لوگوں نے اس لکھے کو سراہا ہے اُردو کے قواعد کی کتاب بغل میں‌لے کر ایک گھنٹہ کھڑا رہنا چاہئے۔

فیصل ناصر

ٹھیک ہے ماسٹر جی