اداس ساحل

آندھی

شہر سے تھوڑا سا باہر گلشن کالونی سے 5 یا 6 کلو میٹردور ایک کچی سے دو راہے پر آموں کی خوشبو نے اس قدر معیوب کیا کہ منہ میں ایک دم سے پانی آ گیا۔ وقت کی کمی کے باوجود گاڑی کو کھڑی کر کے تھوڑی سی سیر کرنے کو جی چاہا۔ زندگی میں اکثر دل کی آرزو کو دماغ کے حقائق پر ترجیح دی اور سیر آموں کے اس خوشبو سے سحر آمیز ہونے کو نکل ہی پڑا۔ دائیں اور بائیں پیڑوں پر لٹکے ہوئے آم ایک دم سے لڑکپن کی یاد دلانے لگے۔ جب مالی کو دیکھ کر دھیرے دھیرے عقب سے باغ میں گھس کر پتھر سے آم کا نشانہ لینا اور آم کے گرتے ہی، اس تھام کر، پوری توانائی سے نو دو گیارہ ہونا۔ عمر کے اس حصے میں بھی ایسی ہی شرارت کرنے کو دل کر رہا تھا۔

ابھی لڑکپن کی اس ہی یاد میں تھا کہ بدن کے دائیں جانب سے ایک پر سوز گیت گنگنایا، "یہ وادیاں چھپنے لگیں" ، تب ایک جھٹکے سے خیال آیا کہ موبائل فون بج رہا ہے۔ فون کے اٹھاتے ہی اویس نے تزبزب لہجے میں پوچھا کہ "کہاں رہ گئے ہو"۔ میں نے اویس کو کہا کہ مجھے کچھ دیر ہو جائے گی۔ اویس بولا کہ خانیوال سے ایک پارٹی آئی ہے جو کچھ جلدی میں ہے اور فرنیچر کی ڈیلیوری 2 دن میں چاہتی ہے۔ میں نے بہت چڑ کر کہا کہ اویس ان سے کہو کہ انتظار کریں، اور فرنیچر کی ڈیلیوری دو دن میں کسیے ممکن ہے، اس پارٹی سے خود ہی اس کا حل پوچھ لو

__________________

اداس ساحل

ظہر کا وقت ہو گیا تھا۔ واپسی پر آم خریدنے کا ارادہ کر لیا تھا اور پھر اویس کے پیغام نے رنگ میں بھنگ بھی ڈال دیا تھا۔ خیر، میں اپنی گاڑی کو آفس کی طرف دوڑا دیا۔ راستے میں جب فوارہ چوک آیا تو واقعی سر پکڑ کر رہ گیا۔ سکول کا رش، گدھا گاڑی، بسوں کے غیر ضروری ہارن اور پیدل لوگوں کے غول در غول ایک دوسرے پر چڑھ رہے تھے اور میں گاڑی میں بیٹھا کبھی لوگوں کو دیکھ رہا تھا اور کبھی اپنا چہرہ شیشے میں بار بار دیکھ رہا تھا اور سوچ رہا تھا کہ چوک کے عقب میں سکول کی کیا تک ہے؟ سوچ رہا تھا کہ لوگوں کی یہ بے چینی اسلام کے خلاف عمل نہ کرنے سے ہے یا قانون کے خلاف عمل نہ کرنے سے ہے۔

پون گھنٹے کے بعد جب آفس پہنچا تو وہ ہی بات ہوئی جس کا ڈر تھا۔ وہ گاہک جو فرنیچر لینے آئے تھے وہ لوٹ گئے اور آموں کے چکر میں ایک گاہک گنوا بیٹھا۔ خیر، آموں کی خوشبو بالکل بھی دماغ سے نہیں جا رہی تھی اور گھر جاتے جاتے دو کلو چونسے آم تلوا لیے اور انگور اور کیلوں کے ساتھ جب دوکاندار نے 520 روپے کہا تو ایک لمحے کے لیے جیسے دماغ منجمند سا ہو گیا۔ لیکن پھر حواس پر قابو پا کر 1000 کا نوٹ نکال کر دے دیا۔ بقیہ پیسے لیکر جب گاڑی کے پیٹرول ٹینک کودیکھا تو 470 روپے ایندھن پر خرچ کر دیئے کیونکہ سی این جی کی توتین دن تک امید ہی نہیں تھی