ابن ضیاء

تحریر: معاذ رؤف۔ لاھور

"تمام حضرات کھڑے ہو جائیں۔ بچے پیچھے چلے جائیں۔ بڑے آگے آجائیں۔"

مجھے اس اعلان سے سخت چڑ تھی۔ میں بوجھل قدموں کے ساتھ پچھلی صف میں جا کھڑا ہوا اور جمعے کی نماز کے شروع ہونے کا انتظار کرنے لگا، ساتھ ہی یہ سوچنے بھی لگا کہ مولوی صاحب بچوں کو پچھلی صفوں میں جانے کے لیے کیوں کہتے ہیں۔ کیا اگلی صفوں پر صرف بڑوں ہی کا حق ہے۔ حالانکہ اللہ تعالی کو ہم نے بھی اسی جذبے سے یاد کرنا ہوتا ہے جس جذبے سے بڑے کرتے ہیں اور اللہ تعالی سے ہم نے بھی ویسے ہی دعا کرنی ہوتی ہے جیسے بڑوں نے۔ تو پھریہ فرق کیوں؟ اور تو اور، کئی دفعہ ایسا بھی ہوتا ہے کہ میری عمر کے لڑکے، بڑے دھیان سے نماز پڑھ رہے ہوتے، مگر انھیں ہاتھ سے پکڑ کر پچھلی صفت میں دھکیل دیا جاتا ہے۔

اس طرح کی نجانے کتنی سوچیں میرے ذہن پر اس قدر چھائی ہوئی تھیں کہ میں ٹھیک طریقے سے نماز بھی نہ پڑھ سکا۔ نماز ختم ہونے کے بعد میں دوستوں اور محلے داروں سے بات کیے بغیر تیز تیز قدم اٹھاتا گھر پہنچا۔ امی کچن میں کام کر رہی تھیں، میں سیدھا ان ہی کے پاس گیا۔

"امی، مولوی صاحب آخر ہمارے ساتھ ایسا سلوک کیوں کرتے ہیں۔" میں نے بلا تمہید کہا۔

"کیسا؟" امی نے حیرت سے پوچھا۔

"نماز شروع ہوتے ہی وہ بچوں کو پیچھے جانے کے لیے کہہ دیتے ہیں۔" میری بات کے جواب میں امی کچھ کہنے ہی والی تھیں کہ ابو کچن میں داخل ہوئے۔ وہ بھی نماز پڑھ کر لوٹے تھے۔ انھیں دیکھ کر امی نے کہا: "لو، تمھارے ابو آ گئے۔ یہ سوال اب انھی سے پوچھو، میں کھانا لگاتی ہوں۔"

کھانے کے دوران میں، میں نے اپنا مسئلہ ابو کے سامنے پیش کیا۔ ابو کچھ دیر تو سوچتے رہے پھر بولے: "یہ اس لیے ہے کہ بچوں کے مقابلے میں بڑے زیادہ معزز سمجھے جاتے ہیں، اور پھر بچے شرارتیں بھی تو کرتے ہیں۔ اس لیے امام صاحب اور دوسرے بزرگ انھیں پیچھے جانے کا حکم دیتے ہیں۔"

ان کی بات میرے دل کو نہ لگی۔ کہنے لگا: "لیکن اسلام ہمیں مساوات کا سبق دیتا ہے۔ اس کے نزدیک سب برابر ہیں اور نماز جیسی عبادت میں تو مساوات کا سب سے زیادہ عمل دخل ہے۔ دیکھیں نا، ہمارے قومی شاعر علامہ اقبال نے بھی تو کہا ہے کہ:

ایک ہی صف میں کھڑے ہو گئے محمود و ایاز

نہ کوئی بندہ رہا، نہ بندہ نواز

"اور ابو، آپ کو تو معلوم ہے کہ میں شرارتیں نہیں کرتا۔ مولوی صاحب سمیت سارے نمازی مجھے روزانہ مسجد میں نماز پڑھتا دیکھتے ہیں۔ پھر وہ مجھ سے ایسا سلوک کیوں کرتے ہیں جیسے میں کوئی دودھ پیتا بچہ ہوں۔"

میں نے محسوس کیا کہ میری باتیں ابو کو خاصا متاثر کر رہی تھیں۔ میں نے بات جاری رکھتے ہوئے کہا: "اباجان، میں نے پڑھا تھا کہ حضرت امام حسین رضی اللہ عنہ اور امام حسن رضی اللہ عنہ بھی تو اپنے نانا یعنی ہمارے پیارے نبی صلی اللہ علیہ وسلم کے ساتھ شرارتیں کیا کرتے تھے۔ آپ صلی اللہ علیہ وسلم سجدہ کرتے تو ان کے کندھوں پر چڑھ جاتے۔ آپ صلی اللہ علیہ وسلم سجدہ لمبا کر دیتے لیکن انھیں منع نہیں کرتے تھے۔ یہ اس لیے نہیں تھا کہ وہ آپ صلی اللہ علیہ وسلم کے نواسے تھے بلکہ آپ صلی اللہ علیہ وسلم نے فرمایا تھا کہ سب بچے جنت کے پھول ہیں اور ان کے ساتھ شفقت اور نرمی سے پیش آؤ۔ آپ صلی اللہ علیہ وسلم نے ان کا دل توڑنے اور دکھانے سے منع کیا تھا!"

اپنے دل کی بھڑاس نکال چکا تو مجھے یہ دیکھ کر اطمینان ہوا کہ ابو نے میری باتوں کو سراہا ہے۔ اگلے دن میں نے دیکھا کہ ابو، مولوی صاحب سے بات کر رہے تھے اور مولوی صاحب میری طرف دیکھ رہے تھے۔ آج ان کی آنکھوں میں سختی کے بجائے پیار اور محبت تھا۔

Real_Light

السلام علیکم و رحمتہ اللہ و برکاتہ
بہت اچھی شئرنگ ہے
امید ہے آپ یہ سلسلہ جاری رکھیں گے
صدا سلامت رہیں
ماشااللہ- جزاک اللہ خیر
خدا حافظ

__________________

ابن ضیاء

پسندیدگی کا شکریہ

The Great

اچھا لکھا ھے اپ نے جناب۔

مباح

السلام علیکم برادر
بہت اچھی تحریر ہے صرف ایک عرض ہے مختلف علماء کرام نے اللہ رب العزت کے نام کے ساتھ اللہ میاں ، اللہ سائیں، اور اللہ جی لگانے سے منع فرمایا ہے کیوں کہ اکثر ہم یہ القابات آپس کی بات چیت میں ایک دوسرے کے ساتھ استعمال کرتے ہیں امید کرتا ہوں کہ دوبارہ آپ اللہ تعالٰی کے نامِ پاک کے ساتھ میاں نہیں لگائیں!

__________________
دیتی ہے قتیل اکثر چہرے کی چمک دھوکا
ہر کانچ کے ٹکڑے کو ہیرا نہ کہا جائے

مباح

السلام علیکم برادر
بہت اچھی تحریر ہے صرف ایک عرض ہے مختلف علماء کرام نے اللہ رب العزت کے نام کے ساتھ اللہ میاں ، اللہ سائیں، اور اللہ جی لگانے سے منع فرمایا ہے کیوں کہ اکثر ہم یہ القابات آپس کی بات چیت میں ایک دوسرے کے ساتھ استعمال کرتے ہیں امید کرتا ہوں کہ دوبارہ آپ اللہ تعالٰی کے نامِ پاک کے ساتھ میاں نہیں لگائیں!

منتظمین

سرورق کے لیے پیش کریں۔

منتظمین

سرورق کے لیے پیش کریں۔

ایس اے نقوی

ایک بہت ہی خوبصورت شئیرنگ
اس خوبصورت پوسٹ پر آپکا دل کی گہرائیوں سے شکریہ ادا کرتا ہوں الفاظ کا چنائو بہت خوبصورت تھا

__________________
دستخط:
کل شب مجھے بے شکل کی آواز نے چونکا دیا
میں نے کہا تو کون ہے اس نے کہا آوارگی.....!

نیلم خان

ابن ضیا بہت خوبصورت شئیرنگ اللہ پاک آپکو مزید برکتوں‌سے نوازے آمین

فیصل ناصر

مباح بھائی

میرے لئے یہ نئی بات ہے میں خود بھی کبھی کبھار اللہ میاں کہہ دیتا ہوں اور اللہ سائیں بھی بہت سننے میں آتا ہے
اس سلسلے میں کچھ علماء کے نام و اقتباسات مل سکتے ہیں کے کس دلیل کی بنیاد پر وہ صاحبان ایسا کرنے سے منع فرماتے ہیں ؟

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

عامرشہزاد

بہت اچھی شیئرنگ ہیں۔۔۔۔۔۔۔۔۔۔۔۔۔۔۔۔

nomannoman

السلام علیکم اللہ میاں نہیں کہنا چاہیے باقی بعد میں اپ کی شئیرنگ پر بات ہوگی

نیلم خان

جی نعمان بھائ درست فرمایا آپ نے ۔

nomannoman

السلام علیکم ورحمۃ اللہ وبرکاتہ حوصلہ افزائی کرنے پر شکریہ اللہ تعالی آپ کو جزائے خیر عطافرمائے اٰمین