wajee

ايک تھا کچھوا، ايک تھا خرگوش، دونوں نے آپس ميں دوڑ کي شرط لگائي۔ کوئي کچھوے سے پوچھے کہ تو نے کيوں لگائي؟ کيا سوچ کر لگائي؟ دنيا میں احمقوں کي کمي نہیں۔ ايک ڈھونڈو ہزار ملتے ہیں ۔ طے يہ ہوا کہ دونوں میں سے جو نيم کے ٹيلے تک پہلے پہنچے وہ ميري سمجھا جائے۔ اسے اختيار ہے کہ ہارنے والے کے کان کاٹ لے۔
دوڑ شروع ہوئي۔ خرگوش تو يہ جا وہ جا۔ پلک جھپکنے ميں خاصي دور نکل گيا۔ مياں کچھوے وضعداري کي چال چلتے منزل کي طرف رواں ہوئے، تھوڑي دور پہنچے تو سوچا بہت چل لئے اب آرام بھي کرنا چاہئيے۔ ايک درخت کے نيچے بيٹھ کر اپنے شاندار ماضي کي يادوں میں کھوگئے جب اس دنيا میں کچھوے راج کيا کرتے تھے۔ سائنس اور فنون لطيفہ ميں بھي ان کا بڑا نام تھا۔ يونہي سوچتے ميں آنکھ لگ گئي۔ کيا ديکھتے ہيں کہ خود تو تخت شاہي پر بيٹھے ہيں۔ باقي زميني مخلوق، شير چيتے، خرگوش آدمي وغيرہ ہاتھ باندھے کھڑے ہيں يا فرشي سلام کر رہے ہيں۔ آنکھ کھلي تو ابھي سستي باقي تھي۔ بولے ابھي کيا جلدي ہے ؟
اس خرگوش کے بچے کي کيا اوقات ہے ميں بھي کتنے عظيم ورثے کا مالک ہوں؟ واہ بھئي واہ ميرے کيا کہنے۔
جانے کتنا زمانہ سوئے رہے تھے جب جي بھر کے سستالئے تو پھر ٹيلے کي طرف رواں ہوئے ، وہاں خرگوش کو نہ پايا بہت خوش ہوئے۔ اپنے کو داد دي کہ واہ رے مستعدي ميں پہلے پہنچ گيا۔ بھلا کوئي ميرا مقابلہ کر سکتا ہے؟
اتنے ميں ان کي نظر خرگوش کے ايک پلے پر پڑي جو ٹيلے کے دامن ميں کھيل رہا تھا۔ کچھوے نے کہا اے برخوردار تو خرگوش خاں کو جانتا ہے؟
خرگوش کے بچے نے کہا جي ہاں جانتا ہوں ميرے ابا حضور تھے معلوم ہوتا ہے ، آپ ہيں وہ کچھوے مياں جنہوں نے ابا جان سے شرط لگائي تھي ۔ وہ تو پانچ منٹ ميں يہاں پہنچ گئے تھے۔
اس کے بعد مدتوں آپ کا انتظار کرتے رہے۔ آخر انتقال کرگئے۔ جاتے ہوئے وصيت کر گئے تھے کہ کچھوے مياں آئیں تو ان کے کان کاٹ لينا۔
اب لائيے ادھر کان۔
کچھوے نے فورا اپنے کان اپنے سري خول کے اندر کر لي۔ آج تک چھپائے پھرتا ہے۔

__________________

منتظمین

سر ورق کے لیے اپلائی کریں۔ بہت ہی سبق افروز ہے۔

wajee

شکریہ بھائی جان ابھی کرتا ہو

فیصل ناصر

نیا ٹچ ہے کچھوا اور خرگوش کی کہانی کا
بہت اچھے

wajee

شکریہ فیصل بھائی
__________________

ام غزل

ہا ہا ہا ہا
زبردست !
وقاص بھائی جدید کہانی پڑھ کر مزہ آیا ۔
بہت بہت شکریہ۔

فاروق سرورخان

ابن انشا ء کی اس چھوٹی سی کہانی کی ایک پنچ لائین بھی تھی وہ یہ کہ کچھوے سے کہہ دینا کہ " ہر روز سنڈے نہیں‌ہوتا"

wajee

پسند کرنے کا شکریہ
جی سرور فاروق بھائی ہر روز واقعی میں اتوار نہیں ہوتا

راجہ اکرام

بہت خوب وقاص بھائی۔
کچھوے اور خرگوش کی یہ کہانی ایک اور انداز میں بھی ہے جو کہ انتہائی مثبت ہے۔ کسی وقت ملا تو انشاء اللہ ضرور ذکر کروں گا۔


۔

__________________
محتاج اصلاح و دعا

راشد احمد

بہت خوب وقاص بھائی۔
بہت عمدہ

طاھر

السلام علیکم،

وقاص علی ! بہت اچھی کہانی ہے۔

مسلمانوں کو اس کہانی سے سبق حاصل کرنا چاہیئے کہ بیٹھ کر صرف اپنے اسلاف کے کارناموں کو یاد کرنے سے جیتا نہیں جا سکتا بلکہ اس کے لیئے انہی کی طرح ہمت کرنی پڑتی ہے۔

کیا کہتے ہیں جناب فاروق سرور صاحب !

والسلام

طاہر

__________________
ہمیں خبر ہے لٹیروں کے سب ٹھکانوں کی
شریک جرم نہ ہوتے تو مخبری کرتے

wajee

لیکن آخر ہم مسلمان ہے نہ کون سبق حاصل کرے گا اس سے ۔۔۔