متعہ کے بارے میں کافی کچھ سن رکھا تھا لیکن کہیں‌سے بھی کوئی مکمل موضوع نہیں‌مل رہا تھا۔ ہر کوئی اپنے اپنے فقہ کے حساب سے ہی بیان کر رہا تھا۔ مجھے ایک ایک جگہ سے یہ موضوع ملا ہے امید ہے اس پر سیر حاصل بحث انسانیت اور اخلاق کے دائرے میں رہتے ہوئی کی جا سکے گی۔ اس موضوع کی احادیث کی صحت اور واقعات کی سچائی درکار ہوگی۔۔

بھائی میرے میرا موضوع متعہ کا ایک تقابلی حوالہ پیش کرتا ہے اور تقریبا اس پر موجود تمام مہذب مواد ایک ہی جگہ پر پیش کرتا ہے تاکہ ہر ایک کو اس کے بارے میں تشنہ سوالات کے جوابات مل جائیں۔
میرا مقصد متعہ کی حمائت / مخالفت نہیں ہے۔ متعہ کو کوئی پسند کرئے یا نہ کرئے اس کی کوئی اہمیت نہیں‌ہے۔ اہمیت اس بات کی ہے کہ اسلام اس بارے میں کیا کہتا ہے اور جو احادیث اور واقعات بیان کیے گئے ہیں‌ ان میں سچائی کتنی ہے۔۔۔۔۔ معاشرتی رسوم و رواج میں الجھے بغیر اسلامی نقطہ نظر واضح کریں

اس تھریڈکو ممنکہ انتشار سے بچانے کے لیے میں‌نے ایک اصول واضح کیا ہے کہ اس تھریڈ میں بحث کے لیے میں موضوع میں‌موجود احادیث اور آیات کو باری باری بحث کے لیے پیش کروں گا۔ تاکہ ہر حدیث اور آیت کے ساتھ ساتھ واقعات کی بھی تخریج ممکن ہو سکے۔ اگر اپ کا علم محدود ہے تو براہ مہربانی اس میں حصہ نہ لیں۔ اگر اپ کاپی پیسٹ کے بغیر کام نہیں‌چلا سکتے تو بھی یہ موضوع اپکے لیے نہیں‌ہے براے مہربانی اس سے دور رہیں۔



اصل موضوع

یعقوب علی

قرآن حکیم میں آتا ہے (ان کے ماسوا جتنی بھی عورتیں ہیں انہیں اپنے اموال کے ذریعے سے حاصل کرنا تمہارے لیے حلال کر دیا گیا ہے بشرطیکہ حصار نکاح میں ان کو محفوظ کرو ،نہ یہ کہ آزاد شہوات رانی کرنے لگو پھر جو ازدواجی زندگی کا لطف تم ان سے اٹھائو ان کے بدلے ان کے مہر بطور فرض کے ادا کرو البتہ مہر کی قرار داد ہو جانے کے بعد آپس کی رضامندی سے تمہارے درمیان اگر کوئی سمجھوتا ہو جائے تو اس میں کوئی حرج نہیں)(ترجمہ تفہیم القرآن جلد اول تفسیر خازن میں ہےایک گروہ کا خیال ہے کہ اس آیت سے نکاح متعہ مراد ہے۔نکاح متعہ کی تفصیل بتانا آپ پسند کریں گے؟

:منصور آفاق

نکاح متتعہ کے باب میں ایک تتفصیلی بحث درج کر رہا ہوں جس میں مکمل طور پر غیر جانب دار رہنے کی کوشش کی گئی ہے اسلام نے بھی کہا ہے کہ شادی سے پہلے مرد اور عورت کو ایک دوسرے کو پرکھ لینا چاہیے۔ ظاہر ہے اس سے یہ مرادہے کہ میاں بیوی کو موقع ملنا چاہیے کہ وہ ایک دوسرے کے کردار کے متلعق پوری معلومات حاصل کریں ایک دوسرے کے مزاج سے واقف ہو لیں ،اوراچھی طرح سوچ سمجھ کر نکاح کا معاہدہ کریں۔ لیکن اسلام میں اس پرکھ لینے سے یہ مطلب نہیں لیا جاتا کہ اسلام مختلف ممالک میں رائج آزمائشی شادیوں Trial Marriagesکی اجازت دیتا ہے یہ رسم بدیورپ کے بعض ممالک میں رائج ہے شادی سے پہلے یہ جنسی تعلقات قائم کر لئے جاتے ہیں اور کہا جاتا ہے کہ یہ ایک تدبیر ہے اس سے نکاح سے قبل ہی آئندہ زندگی کی خوشگواری کا یقین ہو جاتا ہے مختلف علاقوں میں ایسی آزمائشی شادیوں کے لئے مختلف اصطلاحات استعمال ہوتی ہیں جیسے ”Jing“”Kilt“”Sittingup“”Court on Beo“”Bundling“اب اگرچہ ان کا رواج کم ہو گیا ہے لیکن کسی زمانہ میں یہ عام تھا۔ اگر فریقین کے درمیان یہ آزمائشی شادی کامیاب ثابت ہوتی ہے تو باقاعدہ نکاح کر لیا جاتا ہے اور ناکامی کی صورت میں کسی اور کی تلاش شروع کر دی جاتی ہے۔ علامہ نیاز فتحوپوری لکھتے ہیں۔ ”اگر اس طرح (آزمائشی شادی کے دوران) کوئی بچہ پیدا ہوجاتا ہے تو اسے برا نہیں سمجھاجاتااورسوسائٹی میںاس عورت کوذلیل نہیںسمجھاجاتاانگلستان کے علاوہ Staffordshire میں تو یہ رواج بہت عام ہے اور وہاں مشہور ہے کہ ایسی عورتیں(آزمائشی بیویاں) نہایت اچھی رفیق‘ حددرجہ جفاکش بیویاں اور مائیں ثابت ہوتی ہیں“(شہوانیات ص 25) بہرحال اس طرح کی شادیاں کافی عرصہ سے مختلف جگہوں پررواج میں رہی ہیں۔ ایلن کی (Elenkey)نے سویڈن کے متعلق لکھا تھا۔ اس ملک کی غالبا آبادی اس آزمائشی طریقہ نکاح کو پسند کرتی ہے“ (Era lebeund p. 123) ڈنمارک کے متعلق روبین ویسٹر گارڈ(Rubenowester Guard)نے بھی کچھ ایسی ہی معلومات فراہم کرتے ہوئے لکھا تھا“ مرد عورت کے تعلقات قانونی صورت اختیار کرنے نہیں پاتے کہ عورت حاملہ ہوجاتی ہے لیکن اسلام میں محدود مدت کا نکاح (متعہ ) ایک ایسا عمل ہے جس کی بنیاد پر یہ بات کہی جا سکتی ہے کہ اسلام کسی حد تک نکاح سے پہلے بھی مرد اور عورت آزمائشی مراسم کی اجازت دیتا ہے عربوں میں نکاح قبل از اسلام اسلام سے پہلے عربوں میں شادی کے جو طریقے رائج تھے ان کی تفصیل امام بخاری ”ام المومنین “عائشہ صدیقہ سے منسوب ایک روایت میںلائے ہیں۔ ”ام المومنین عائشہ صدیقہ نے فرمایا جاہلیت کے زمانہ میں عرب لوگ چار طرح پر نکاح کیا کرتے تھے ایک تو اسی طرح جیسے لوگ آج کل کیا کرتے ہیں یعنی ایک مرد دوسرے مرد کو اس کی بیٹی، بھانجی، بھتیجی، بہن کے لئے پیغام بھیجتا وہ اس کا مہر ٹھہرا کر نکاح کر دیتا دوسری صورت یہ تھی کہ شوہر اپنی بیوی سے جب حیض سے پاک ہوتی یوں کہتا تو فلاں مرد کو بلا بھیج اور اس سے لپٹ جا(اس سے بدکاری کرا) جب وہ ایسا کرتی تو اس کا اپنا خاوند اس سے الگ رہنے لگ جاتا حتیٰ کہ اس غیر مرد سے اس عورت کا حمل نمایاں ہو جاتا جب اچھی طرح حمل نمایاں ہو جاتا تو شوہر اگر چاہتا اب اس سے صحبت کرتا اس فعل سے خاوند کا مطلب یہ ہوتا کہ بچہ اچھی نسل کا پیدا ہواور اس کی ناموری کا باعث ہو وہ اپنی بیوی کے لیے انتخاب ہی کسی ایسے مرد کا کرتا۔ تیسری قسم کا نکاح یہ تھا کہ مرد مل کر جنکی تعداد دس سے کم ہوتی ایک عورت رکھ لیتے سب کے سب اس سے صحبت کیا کرتے اس کو حمل ٹھہر جاتا اور بچہ پیدا ہوتا تو کئی راتیں گزر جاتیں وہ ان سب مردوں کو بلا بھیجتی اور ان سب کو آنا پڑتا کیا مجال کہ کوئی نہ آئے یہ عورت ان سے کہتی تمیں معلوم ہے تم نے جو کیا ہے اب میرا بچہ پیدا ہوا ہے یہ تم میں سے فلاں کا بچہ ہے وہ جس کا نام لے لیتی بچہ اس کے ذمہ لگ جاتا، اس کو انکار کی مجال نہ ہوتی کیونکہ سماجی رسم یونہی ٹھہری ہوئی تھی۔ چوتھی صورت رنڈیوں والی تھی ایک عورت کے دروازے پر جھنڈا لگا دیتے جس کا مطلب ہوتا کہ ہر مرد یہاں آسکتا ہے چنانچہ مرد اس کے ہاں آنے جانے لگتے یہاں تعداد کی کوئی قید نہ تھی، اگر اسے حمل ہو جاتا اور بچہ پیدا ہوجاتا تو اس کے پاس آنے جانے والے سب مرد اکٹھے ہوجاتے اور کسی قیافہ شناس کو بلا لاتے قیافہ شناس اپنے علم کی رو سے جو فیصلہ کرتا وہ جس کے ذمے لگاتا۔سب کو قبول کرنا پڑتا“ (صحیح بخاری پارہ 21باب66) نکاح متعہ یہ انتہائی نازک موضوع ہے اور اکثر حضرات جنہوں نے اسلام اور جنسی مسائل پر قلم اٹھایا اس سے کنی کترا گئے، متعہ کی تعریف یہ ہے کہ مرد عورت کو کچھ اجرت کے طور پر ادا کرے اور وقت مقرر یعنی اتنے دن وغیرہ کے لئے اسے جنسی اختلاط کے لیے راضی کر لے اس میں بھی نکاح کی طرح ایجاب و قبول ہوتا ہے مدت ختم ہونے پر طلاق کی ضرورت نہیں ہوتی نکاح خود بخود ختم ہو جاتا ہے عورت کو عدت گزارنی پڑتی تھی تاکہ واضح ہو جائے کہ کہیں حمل تو نہیں ہوگیاعام طور پر متعہ کی عدت کم از کم45دن یعنی دوسری عدت سے نصف سمجھی جاتی ہے۔ لیکن عدت کا معاملہ چونکہ حمل کے اظہار کے ساتھ وابستہ ہے اس لئے موجودہ میں اس کی کوئی ضرورت نہیں رہی کیونکہ اس بات کا فوری طور پر پتہ چل جاتا ہے کہ عورت حاملہ ہے یا نہیں ۔۔متعہ کے جواز اور عدم جواز کے سلسلہ میں مسلمانوں میں بنیادی طور پر دو مکاتب فکر ہیں:۔ ایک وہ جو متعہ کے قائل ہیں اہل تشیع ہیں:۔ دوسرے وہ جو متعہ کوناجائز سمجھتے ہیں اس میں اہل سنت کہلانے والے گروہ ہیں جن میں حنفی‘ مالکی‘ شافعی‘ حنبلی‘ اہلحدیث اور جدید خیال کے لوگ جو اپنے آپ کو فکر قرانی سے وابستہ سمجھتے ہیں۔ اس دوسرے گروہ کے پھر دو گروہ ہیں، حنفی، مالکی شافعی، حنبلی اور اہلحدیث کہتے ہیں کہ متعہ اسلام میں جائز تھا حتیٰ کہ جنگ خیبر میں حرام ہوا پھر فتح مکہ یا اس کے متصل بعدغزہ اوطاس میں تین روز کے لئے حلال ہوا پھر دائمی طور پر حرام ہو گیا اب متعہ زنا ہے۔ اور متعہ کرنے والوںکو زنا کی سزاءدی جائے گی فکر قرآنی سے و ابستہ لوگ کہتے ہیں متعہ زنا ہی کی صورت ہے اور یہ اسلام میں کبھی جائز نہیں رہا اس طرح کی جو روایات ہیں وہ دوسری بہت سے روایات کی طرح موضوع ہیں۔ ہم پوری تفصیل کے ساتھ ان تینوں مکاتب فکر کے دلائل بیان کریں گے کوشش کریں گے کے کسی بھی دلیل کو نظر انداز نہ کریں۔ ہم نے کوشش کی ہے کہ ان تینوں مکاتب فکر کی مستند کتابوں میں بیان کردہ دلائل کا استقصا کر لیں ہماری یہ کوشش بھی رہی ہے کہ حتیٰ الامکان اپنی رائے سے پرہیز کریں اور ہرگروہ کے دلائل بیان کرکے فیصلہ قارئین پر چھوڑ دیں ۔ پہلے ہم شیعہ اور اہل سنت کے دلائل بیان کرینگے۔ قرآن حکیم اور متعہ سورئہ نساءکی ابتدا میں عورتوں کے مسائل کی بات شروع ہوئی ہے اس سلسلہ میں پہلے یہ کہا گیا : (اے ایمان لانے والو تمہار ے لیے حلال نہیں کہ تم عورتوں کے زبردستی وارث بن جائو(یعنی مالک بن جائو) اور نہیں روک کے نہ رکھو اس نیت سے جو کہ مہر ان کو دیا تھا۔ اس میں سے کچھ لے لو مگر اس صورت میں کہ صریح بے حیائی کا کام کرےں اور ان کے ساتھ اچھا برتائو کرو چاہے وہ تمہیں پسند نہ آئیں بہت ممکن ہے کہ تم کسی چیز کو ناپسند کرو اور اللہ نے اسی میں تمہاری لیے بھلائی رکھی ہو بہت بڑی۔(4/19) اس میں بتایا گیا کہ نکاح کے لئے عورت کی رضامندی بھی ضروری ہے جب ایسی صورت حال ہو کہ مرد شادی تو کر لے لیکن عورت اسے ناپسند ہو وہ اس سے الگ ہونا چاہتا ہو لیکن اس کے حق مہر کی ادائیگی کے خوف سے طلاق بھی نہ دیتا ہو یوں وہ یہ رویہ اختیار کرے کہ اسے ستاتا رہے اس پر ظلم کرے تاکہ وہ تنگ آکر خلع کی خواہش مند ہو اور اسے اپنا حق مہر چھوڑنا پڑے یا تنگ آکر اسے طلاق دینے کو کہے اور حق مہر کے کچھ حصہ سے دستبردار ہونے پر بھی تیار ہو جائے قرآن ایسے مردوں کو کہتا ہے عورتوں کے ساتھ اچھا سلوک کرو چاہیے وہ تمہیں کسی وجہ سے ناپسند بھی ہوں کیونکہ انسان کی سوچ آفاقی نہیں بہت سی ایسی چیزیں ہیں جنہیں تم ناپسند کرتے ہو اللہ نے اس میں تمہارے لیے خیرکثیر رکھی ہو اسکے بعد یہ کہا گیا اگر تم ایک عورت کی جگہ دوسری عورت لانا چاہتے ہو تو اس کے ساتھ جس حق مہر کا وعدہ کیا ہے چاہیے وہ ڈھیروں مال (قنظار) ہو تو بھی اسے پورا پورا ادا کرو یاد کرو تم نے نکاح کر کے انہیں اپنے لیے حلال کیا تھا اور اس طرح ان عورتوں نے نکاح کی صورت میں تم سے عہد (میثاق غلیظ) لے لیا تھا پھر قرآن محرمات کی طویل فہرست پوری تفصیل سے پیش کرتا ہے کیونکہ جاہلیت میں رشتوں کا یہ احترام موجود نہ تھا اور اس کے بعد کہتا ہے کہ ان محرمات کے سوا باقی عورتیں تمہارے لیے حلال ہیں مگر یہ بھی یونہی حلال نہیں ہوجاتیں کہ تم نے جس عورت پر ہاتھ کھڑا کیا وہ تمہاری ہو گی ، نہیں اس کے لئے بھی کچھ شرائط ہیں اور وہ یہ ہیں کہ (ان کے ماسوا جتنی بھی عورتیں ہیں انہیں اپنے اموال کے ذریعے سے حاصل کرنا تمہارے لیے حلال کر دیا گیا ہے بشرطیکہ حصار نکاح میں ان کو محفوظ کرو ،نہ یہ کہ آزاد شہوات رانی کرنے لگو پھر جو ازدواجی زندگی کا لطف تم ان سے اٹھاﺅ ان کے بدلے ان کے مہر بطور فرض کے ادا کرو البتہ مہر کی قرار داد ہو جانے کے بعد آپس کی رضامندی سے تمہارے درمیان اگر کوئی سمجھوتا ہو جائے تو اس میں کوئی حرج نہیں)(ترجمہ تفہیم القرآن جلد اول ص369.341) اس آیت کا ترجمہ ہم نے وہی درج کیا ہے جو مولانا مودودی نے لکھا ہے فَمَااسکے معنی انہوں نے کئے ہیں ”پھر جو ازدواجی زندگی کا لطف تم ان سے اٹھائو“ انہی الفاظ کا ترجمہ مولانا احمد رضا خان بریلوی نے یہ لکھا”تو جن عورتوں کو نکاح میں لانا چاہو“ (کنز الایمان آیت ھذا)دونوں نے ایک ہی بات کہی ہے۔ لیکن فَمَا اس کے یہی الفاظ ہیں جن سے ”متعہ “کا لفظ نکالا گیا اور اس آیت کے یہ معنی کیے گئے اور جن عورتوں سے تم نے ”متعہ“ کیا شیعہ علماءکہتے ہیں پہلے محرمات کا ذکر کیا گیا پھرکہا گیا۔ ”ان کے سوا جتنی بھی عورتیں ہیں انہیں اپنے اموال کے ذریعے حاصل کرنا تمہارے لئے حلال کر دیا گیا ہے بشرطیکہ حصار نکاح میں لائوجو دائمی ہے اور معروف ہے حق مہر کا ذکر بھی آگیا ، نکاح کا بھی پھر اس معاہدہ کا مقصد بھی آگیا کہ یہ آزادانہ شہوات رانی یا ”پانی گرانا“ نہیں پھر اس کے بعد جس استمبتاع اور حق مہر کا ذکر ہے وہ کیا ہے ان کے نزدیک یہی متعہ ہے اہل سنت کے بعض مفسرین بھی اس بات کے قائل ہیں کہ اس آیت سے متعہ کا حکم نکلتا ہے۔ تفسیر خازن میں ہے ایک گروہ کا خیال ہے کہ آیت سے نکاح متعہ مراد ہے۔ ( خازن مطبوعہ ج ص 423) تفسیر خازن کے حاشیہ پر تفسیر معالم التزیل طبع ہوئی چنانچہ اسی صفحہ پر تفسیر معالم کے الفاظ ہیں اس آیت کے معانی میں اختلاف ہوا ہے حسن اور مجاہد کا قول ہے کہ اس سے مراد یہ ہے کہ جن عورتوں کے ساتھ تم نکاح دائمی و صحیح کے ذریعے مہرادا کر کے انتقاع اور لذت حاصل کرو اور دوسرے لوگوں نے کہا اس سے مراد متعہ ہے‘ ”دوسرے لوگوں“کے لفظ استعمال ہوئے تو دوسرے لوگ کون ہیں؟ قاضی ثناءاللہ پانی پتی لکھتے ہیں۔ علماءمیں سے ایک جماعت کا یہ خیال ہے کہ استمتاع سے مراد ”متعہ “ ہے تفسیر مظہری ص 572)یہ علماءقلیل ہیں یا کثیر ؟تواہل سنت میں سے ہی علماءنے کہا یہ بہت سے ہیں بلکہ ان کے لئے”جمہور“ کا لفظ استعمال کیا جو بڑی اکثریت کے معنوں میں آتا ہے نواب صدیق حسن خا ن جو اہل حدیث حضرات کے مدار المہام ہیں لکھتے ہیں۔ اس آیت کے معنی میںاہل علم میں اختلاف ہوا ہے حسن مجاہد و غزہ کا قول ہے کہ اس کے معنی یہ ہیں کہ جن عورتوں سے تم نفع اٹھائو اور لذت حاصل کرواور جمہور کا خیال ہے کہ اس آیت سے مراد متعہ ہے۔ (نیل المرام میں تفسیر آیات الاحکام ص 75) دوسری جگہ اس کتاب کے ص 76پر بھی اسی طرح قائلین متعہ کے لئے جمہور کا لفظ استعمال کیا ہے۔ انہی نواب صدیق حسن خان نے اپنی ایک دوسری کتاب میں بتایا ہے کہ فقہ حنفی کی کتاب فتح القدیر میں بھی یہی کہا گیا ہے ”جمہور گویند مراد بایں نکاح متعہ است“ (افادہ الشیوخ بمقدار الناسخ والمنسوخ ص 37) سر سید احمد خان اگرچہ متعہ کے مخالف ہیں لیکن وہ بتاتے ہیں کہ اکثر مفسرین اور علمائے متقدمین اس آیت سے”متعہ“ مراد لیتے ہیں چنانچہ لکھتے ہیں ”یہ آیت بھی منجملہ ان آیتوں کے ہے جس کی تفسیر میں مجھکو تمام مفسرین اور علمائے متقدمین سے اختلاف ہے تمام مفسرین اس آیت کو آیت متعہ کہتے ہیں“ (تفسیر القران ج 2ص216) سرسید مرحوم نے تمام مفسرین اسلئے لکھدیا کہ جس مجاہد کا اختلاف نقل کیا جاتا ہے اس سے یہ بھی نقل ہوا ہے کہ وہ اسے نکاح متعہ کی آیت کہتے تھے حافظ محمد بن جریر طبری لکھتے ہیں ”مجاہد سے روایت ہے کہ فَمَااس سے مراد نکاح متعہ ہے (تفسیر جامع البیان 5 ص 9)“ اس طرح یہاں تک شیعہ علما اور اکثر علمائے اہل سنت متفق ہیں کہ متعہ کا جواز قرآن کی مذکورہ بالاآیت سے ملتا ہے۔ قرآن کی آیت میں اضافی الفاظ وہ مفسرین بھی ہیں جنہوں نے ”فمااستمتعتم“کے معنی ہی یہی کئے ہیں کہ حصول لذت کے لئے نکاح کرنا چنانچہ پہلے باقاعدہ مفسراور باقاعدہ مورخ حافظ محمد بن جریر طبری نے اس آیت کی تفسےر میں جب یہاں سے متعہ کی اجازت اخذ کرنے والے لوگوں کے اقوال لکھے ہیں تو ابتدا یوں کی ہے۔ ”دوسرے اشخاص نے کہا ہے اس آیت کے معنی ہیں کہ جن عورتوں سے تم اجرت دے کر لذت حاصل کرنے کے لئے متعہ کرو“(جامع البےان المعروف تفسےر طبری مطبوعہ مصر قرآن حکیم کے ایسے نسخے بھی تلاش کر لئے گئے جن میں فمااستمتعتم بہ منھنکے بعد الی اجل مسمی (یعنی جن سے تم مدت مقرر تک کے لئے نکاح کرو) کے الفاظ بھی لکھے ہوئے تھے چنانچہ ”ابو ثابت کا بےان ہے کہ حضرت ابن عباس نے مجھے ایک مصحف دیا اور کہا کہ یہ حضرت ابی کی قرات کے مطابق مصحف ہے ۔ یحییٰ بن عیسی جواس روایت کے ناقل ہیں کہتے ہیں میں نے نصیر کے پاس وہ مصحف دےکھا اس میں فمااستمتعتم بہ مھننکے بعد الی اجل مسمی کے الفاظ لکھے ہوئے تھے“۔ ابو نضرہ کی روایت ہے میں نے ابن عباس سے متعہ النساءکے متعلق سوال کیا انہوں نے کہا تم قرآن میں سورہ نساءکی تلاوت نہیں کرتے کہ اس میں فما استمتعتم بہ منھن الی اجل مسمی لکھا ہوا ہے میں نے کہا نہیں اگر اس طرح لکھا ہوا پڑھتا تو آپ سے کیوں پوچھتا انہوں نے کہا تو تمہیں معلوم ہو نا چاہیے کہ اصل آیت یونہی ہے ۔ ایک اور روایت میں یہی راوی ابو نضرہ کہتا ہے میں نے ابن عباس کے سامنے آیت پڑھی تو انہوں نے اس میں ”وہی الی اجل مسمی و الا اضافہ کر دے کہا میں تو اس طرح نہیں پڑھتا انہوں نے کےا خدا کی قسم خدا نے یہ آیت اسی طرح نازل کی ہے“(اےضاً) کہا گےا کہ ابی بن کعب کی قرات یونہی ہے ۔ ممکن ہے بعض لوگوں نے اپنی ذاتی رائے کے مطابق اپنے مصحف میں تفسیری الفاظ کے طور پر کچھ اضافہ کر دےا ہو مگر آج پوری دنےا جس کتاب کو قرآن مانتی ہے جو اہل تشیع اور اہل سنت اور سب فرقوں کے نزدیک متفق علیہ ہے اس میں کہیں یہ الفاظ نہیں ۔ کیا یہ آیت منسوخ ہے؟ قرآن حکیم کی بعض آیات کو منسوخ بھی سمجھاجاتا ہے جہاں تک ہمیں معلوم ہے پرانے زمانہ میں معتزلہ اور خاص طور پر ابو مسلم اصفہانی اور جدید دور کے بعض مفسرین کے سوا سبھی لوگ کہتے ہیں کہ قرآن کے بعض احکام منسوخ ہو چکے ہیں پھر منسوخ کی قسمیں بےان کی گئی ہیں کہ 1۔کچھ وہ احکام تھے جن کی تلاوت منسوخ ہو گئی یعنی قرآن میں تھے نکال دیئے گئے اب ان احکام کے الفاظ قرآن میں موجود نہیں مگر ان کا حکم باقی ہے ۔ اس سلسلہ میں شادی شدہ زانی زانیہ کو سنگسار کر دےنے کا حکم لایا جاتا ہے کہاجاتا ہے کہ ”آیہ رحم “قرآن میں تھی پھر خدا نے منسوخ التلاوت کر دی مگر حکم باقی ہے ۔ اس عجیب بات کا مفہوم ہم تو نہیں سمجھ سکے کہ جب حکم باقی رکھنا تھا تو قرآن سے آیت کو خارج کردےنے کی کیا ضرورت تھی ۔ 2۔کچھ احکام تھے جن کی تلاوت بھی منسوخ ہو گئی حکم بھی منسوخ ہو گےا یعنی قرآن سے ان آیات کو نکال دیا گیا ۔ 3۔کچھ آیات ہیں جن کی تلاوت تو ہوتی ہے مگر حکم منسوخ ہو چکا ہے ۔ ایسی آیات کے متعلق کہاجاتا ہے کہ انہیں یا قرآن سے منسوخ کیا گیا ہے اور دوسری آیت لائی گئی ہے اور یا پھر حدیث سے قرآن کا حکم منسوخ ہو گیا ہے ۔ آج اہل سنت چونکہ متعہ کا انکار کر تے ہیں ذہن پر روایات کا غلبہ بھی ہے اس لئے آیت زیر بحث سے متعہ کا مفہوم بھی اخذ کرتے ہیں وہ اس بات کے قائل ہیں کہ یہ آیت منسوخ ہو چکی ہے اب سوال اٹھا کہ اگر یہ آیت منسوخ ہو چکی ہے تو اس کی ناسخ کونسی آیت ہے؟اس میں بھی اختلاف ہوا ذرا یہ تفصیل ملاحظہ فرمائیں ۔ ”امام شافعی کہتے ہیں آیت متعہ کی ناسخ یہ آیت ہے والذین ھم لفرو جھم حافظون الا علی ازواجھم اوماعلکت اےمانھم الخ(اور مسلمان وہ لوگ ہیں جو اپنی شرمگاہوں کی حفاظت کرنے والے ہوتے ہیں سوا اس کے کہ وہ اپنی بیوی یا ملک یمین یعنی لونڈی کے پاس جائیں کہ اس میں ملامت نہیں اور جو اس کے سوا کوئی راستہ تلاش کریں تو ایسے لوگ حد سے گزرنے والے ہیں)اس میں حلال ہونے کا انحصار اس پر ہے کہ عورت یا بیوی ہو یا شرعی لونڈی، اور متعہ کی عورت نہ بیوی ہو تی ہے نہ ملک یمین“(لباب التاویل المعروف تفسیر خازن علامہ ابو عبد اللہ محمد بن حزم بھی امام شافعی سے یہی بات روایت کرتے ہیں دیکھئے معرفة الناسخ والمنسوخ مطبوعہ مصر بر حاشیہ تنویر المقیاس صفحہ،علامہ ابن حزم بڑے یقین سے بھی کہتے ہیں کہ ”سب متفق ہیں کہ زن ممتوعہ نہ زوجہ ہے نہ ملک یمین“ نواب صدیق حسن خان بھی اسی آیت کو ناسخ قرار دیتے ہیں اور پھر لکھتے ہیں ۔ ”عائشہ اور قاسم بن محمد اسی آیت کو ناسخ اس لئے قرار دیتے ہیں کہ زن ممتوعہ نہ زوجہ ہے ، نہ ملک یمین اور نہ وراثت حاصل کرسکتی ہے“ شاہ عبد العزیز صاحب بھی اسی آیت سے حرمت متعہ کے لئے استدلال کر تے ہیں اور پھر کہتے ہیں ۔ ”ظاہر ہے کہ جس عورت کے ساتھ متعہ کیا جائے اس کو نہ شیعہ زوجہ کہتے ہیں نہ ان کے مخالفین اور کوئی حکم جو زوجہ کے بارے میں ہے اس عورت کے بارے میں نہیں نہ نان نفقہ ، نہ رہنے کا مکان ، نہ طلاق، نہ عدت ، نہ میراث“(فتاویٰ عزیزی کا مل شائع کردہ ایچ ایم سعید کمپنی کراچی طبع جدید ان دلائل کے جواب میں شیعہ حضرات کہتے ہیں کہ ان کے ہاں زن ممتوعہ کو زوجہ کہاجاتا ہے رہی میراث تو ضروری نہیں کہ ہر زوجہ میراث پائے مثال کے طور پر وہ زوجہ جو اپنے شوہر کو قتل کرے میراث سے محروم ہو جا تی ہے اور بعض علماءشیعہ کے نزدیک تو جب پہلے سے شرط نہ کر لی گئی ہو اسے میراث ملے گی کہ متعہ اگر نکاح تسلیم کیاجائے تو عورت یقیناً زوجہ ہو گئی ۔ اس لئے وہ آیت مذکورہ بالا کو ناسخ نہیں مانتے ادھر صاحب تفسیر کشاف علامہ جاراللہ زنحشری بھی ان کے ہمنوا ہیں لکھتے ہیں ۔ ”اگر تم دریافت کرنا چاہو کہ اس آیت(وہی مذکورہ آیت) میں حرمت متعہ کی کوئی دلیل ہے میں کہونگا نہیں ، کیونکہ نکاح متعہ صحیح قرار دیا جائے تو وہ عورت ازواج میں داخل ہو جاتی ہے“ (تفسیر کشاف مطبوعہ بولاق مصر) ناسخ آیت کو منسوخ کے بعد نازل ہونا چاہیے مگر یہاں کیا کیفیت ہے ؟مذکورہ بالا آیت سورہ مومنون اور سورہ معارج میں آئی ہے اور مفسر حضرات کہتے ہیں یہ دونوں سورتیں تمام کی تمام مکی ہیں جبکہ فمااستمتعتم والی آیت جس سے متعہ کا استدلال کیا گیا ہے بالاتفاق مدنی ہے ۔ شاہ عبد العزیز صاحب اس کے جواب میں کہتے ہیں ۔ ”اگرچہ یہ دونوں سورتیں مکی ہیں مگر یہ آیت (جسے ناسخ کہا گیا ہے ) مدنی اور ”اتقان“ میں جو یہ لکھا ہے کہ مدنی نہیں تو جواب اس کا یہ ہے کہ صحابہ اور مشاہیر تابعین ناسخ منسوخ اور مقدم موخر سے زیادہ واقف تھے ۔ جب انہوں نے اس آیت کو ناسخ کہا ہے تو یہ قوی دلیل اس امر کی ہے کہ یہ آیت مدنی ہے“ (فتاویٰ عزیزی حضرت ابن عباس جن سے متعہ کی حلت کی بہت سی روایات ہیں ایک روایت اس کی حرمت کی بھی ہے عطاءخراسانی روایت کرتے ہیں کہ ابن عباس کہتے تھے آیت طلاق متعہ والی آیت کی ناسخ ہے(تفسیر خازن بغدادی کچھ لوگ کہتے ہیں کہ جس آیت سے متعہ ثابت کیا جاتا ہے وہ قرآن سے نہیں حدیث سے منسوخ ہے خیال رہے کہ امام شافعی اس کے قائل نہیں کہ حدیث قرآن کی آیت کو منسوخ کر سکتی ہے ۔وہ لوگ اس سلسلہ میں مختلف روایات بےان کر تے ہیں ۔ حدیث اور متعہ اب ان احادیث کو دیکھئے جن میں متعہ کی اجازت دی گئی ہے ۔ ”حضرت عبد اللہ بن مسعود کی روایت ہے کہ ہم حضور صلی اللہ علیہ وسلم کے ساتھ لڑائیوں پر جایاکرتے تھے اور ہمارے لئے کوئی سامان نہ ہوتا تھا ( جس سے جنسی خواہش پوری کی جاتی ) تو ہم نے کہا ہم خصی نہ ہو جائیں ( اعضائے شہوانی کو بےکار نہ کر الیں ) حضورصلی اللہ علیہ وسلم نے اس سے منع فرمایا اور ہمیں اجازت دی کہ ہم عورتوں سے کچھ لباس( کپڑے ) وغیرہ کے عوض متعہ کر لیا کریں“ (صحیح بخاری مطبوعہ مصر ج3ص۶۴1) یہی روایت صحیح مسلم میں تین طریقے سے موجود ہے یہی جمع الفوائد، مسند امام شافعی میں بھی معمولی لفظی اختلاف کے ساتھ نقل ہوئی ۔ علامہ ابن تیمیہ نے ”منتقی الاخبار“ میں یہی روایت نقل کی ہے اور اسے متفق علےہ قرار دیا ہے ۔ اس کی تائیدی روایت حضرت قیس سے بھی مروی ہے جسے ”کنز العمال “ میں نقل کیا گیا ہے ۔ جابر بن عبد اللہ اور سلمہ بن الاکوع سے روایت میں بتایا گیا ہے کہ وہ کسی لشکر میں تھے اور حضور کی طرف سے ایک آدمی نے آکر کہا ”متعہ کی اجازت ہے “(صحیح بخاری ج3ص50۱ ، صحیح مسلم ص50۴) صحیح مسلم کی دوسری روایت میں ہے کہ حضور خود آئے اور انہوں نے متعہ کی اجازت کی بات کی۔ انہی سلمہ بن الاکوع سے ایک اور روایت میں بتایا گیا کہ آپ نے فرمایا متعہ کی مدت تین دن ہونی چاہیے (صحیح بخاری ج3ص051) صحیح مسلم میں سلمہ بن الاکوع بتاتے ہیں کہ یہ اجازت اوطاس والے سال ہوئی تھی (صحیح مسلم ص15۴) ”سبرہ جہنی کی روایت ہے کہ ہمیں حضور صلی اللہ علیہ وسلم نے متعہ کی اجازت دی میں اور ایک دوسرا شخص ساتھ ساتھ گئے ہم بنو عامر کی ایک عورت کے پاس پہنچے اور اس سے اپنی خواہش کا اظہار کیا اس نے اجرت کے متعلق دریافت کیا میں نے اپنی چادر اور میرے ساتھی نے اپنی چادر کی پیشکش کی اس آدمی کی چادر مجھ سے بہتر تھی مگر میں اس کی نسبت بہتر جوان تھا عورت کبھی مجھے دیکھتی کبھی اسے چادر پر نظر ڈالتی تو اس کی طرف راغب ہوتی چہروں پر نظر ڈالتی تو مجھے پسند کرتی پھر اس نے میرے حق میں فیصلہ دیا اور کہا تمہاری چادر میرے لئے کافی ہے میں تین روز تک اس کے ساتھ رہا“۔ (صحیح مسلم ص15۴) اس کے بعد انہی سبرہ جہنی کی یہ روایت بھی دیکھئے اس میں کچھ اور تفصیلات بھی ہیں ”سبرہ جہی کا بےان ہے کہ فتح مکہ میں حضور صلی اللہ علیہ وسلم کے ساتھ پورے پندرہ دن مکہ میں رہنا پڑا تو آپ نے ہمیں متعہ کی اجازت دی میں اور میری ہی قوم کا ایک شخص دونوں ایک ساتھ نکلے میں اپنے ساتھی کی نسبت خوبصورت تھاوہ ذرا بدصورت تھا مگر میری چادر پرانی تھی اور اسکی نئی یہاں تک کہ جب ہم مکہ کے آخری حصہ میں پہنچے تو ایک عورت ہم کو نہایت حسین و جمیل ملی ہم نے اس سے متعہ کی خواہش کی اس نے اجرت کا سوال کیا ہم دونوں نے اپنی اپنی چادر پھیلا دی اس نے ہم دونوں کے چہروں پر نظر ڈالی میرے ساتھی نے کہا دیکھو اس کی چادر پرانی ہے اور میری بالکل نئی ہے عورت نے کہا اس کی چادر مجھے منظور ہے یہ الفاظ اس نے دو یا تین بار کہے اور میں نے اس سے متعہ کیا“(ایضاً) یہاں سے ہمیں معلوم ہوا کہ یہ اجازت فتح مکہ کے دوران ہوئی اور یہ عجیب بات بھی سامنے آئی کہ صرف”پندرہ دن“ہوئے تھے اور اجازت ہوئی یہ روایات اور طرق سے بھی صحیح مسلم میں آئی ہے انہی سبرہ سے کنزالعمال میں یوں روایت ہے کہ ”ہم حضور صلی اللہ علیہ وسلم کے ساتھ حجة الوداع کے لئے مدینہ سے نکلے اور مکہ معظمہ پہنچے کعبہ کا طواف کیا صفا اور مروہ کے درمیانی سعی کرچکے اس کے بعد ہمیں متعہ کی اجازت دی گئی ہم نے پھر آکر عرض کی کہ عورتیں متعہ کے لئے راضی نہیں ہوتیں جب تک میعاد نہ مقرر کر لی جائے آپ نے فرمایا میعاد مقرر کر کے متعہ کرو“(کنز العمال ص۴92) اس سے اگلی روایت میں راوی نے وضاحت کی کہ انہی مکہ کی عورتوں سے متعہ کی اجازت دی گئی تھی ۔ ہم غیر جانبدار رہتے ہوئے یہ لکھنے پر مجبور ہیں کہ صحابہ کے متعلق تقویٰ اور تقدس کے جو جذبات ہمارے دل میں موجود ہیں ایسی روایات سے انہیں بہت ٹھیس پہنچتی ہے کیا یہ لوگ پندرہ روز تک بھی صبر نہیں کر سکتے تھے؟(خدا ہمیں معاف کرے) حرمت متعہ کی روایات عام خیال یہی ہے کہ متعہ جاہلیت کی ایک رسم تھی جسے اسلام نے بھی عرصہ تک گوارا کیے رکھا حتیٰ کہ اس کی حرمت کے واضح احکام حضور صلی اللہ علیہ وسلم نے دے دیئے شاہ عبد العزیز محدث دہلوی لکھتے ہیں ۔ ”ابتدائے اسلام میں حلال و حرام کے احکام رفتہ رفتہ نازل ہوئے تھے چنانچہ شراب اور سود کی حرمت کا حکم نبوت کے اکیسویں سال میں صادر ہوا اور ہجرت سے آٹھویں سال میں ہوا تھا ایسا ہی جب تک متعہ کے بارے میں حکم نازل نہ ہوا تھا اس وقت تک جاہلیت کی عادت کے موافق متعہ کیا کرتے تھے خیبر کی لڑائی میں متعہ حرام ہوا ۔ چنانچہ یہ روایت حضرت امیر المومنین علی المرتضیٰ کرم اللہ وجہہ سے صحیح طور پر ثابت ہے اور وہ وقت ساتواں سال ہجرت کا تھا پھر اس کے بعد آٹھویں سال کے آخر میں جنگ اوطاس میں تین دن تک متعہ کی شرعاً اجازت دی اس کے بعد آنحضرت صلی اللہ علیہ وسلم عمرہ کے واسطے مکہ تشریف لے آئے تو کعبہ شریف سے تشریف لے جانے کا ارادہ ہوا تو کعبہ شریف کے دروازہ کے دونوں بازو دونوں ہاتھوں سے پکڑ کر فرمایا کہ ”متعہ قیامت تک کے لئے ہمیشہ کے واسطے حرام کیا گیا ۔ یہ کلام مبارک رات کے وقت فرمایا کہ کم لوگ حاضر تھے یہ حکم جیسا کہ چاہیے تھا مشتہر نہ ہونے پایا تھا“ (فتاویٰ عزیزی کا مل طبع جدید 80۴۱ھ ص7۴5) اس عبارت میں شاہ صاحب واضح طور پر لکھ رہی ہیں کہ ”آٹھویں سال کی آخر میں جنگ اوطاس میں تین دن تک شرعاً اجازت رہی“ لیکن وہی شاہ صاحب اپنے اسی فتویٰ میں چند صفحے آگے جا کر یہ الفاظ لکھتے ہیں ۔ ”آنحضرت صلی اللہ علیہ وسلم نے غزوہ اوطاس کے وقت اشد ضرورت کی حالت میں اجازت فرمائی تھی کہ”نکاح موقت کیا جائے اور اس وقت بھی“ متعہ کے لئے اجازت نہ فرمائی تھی چنانچہ اس کی تصریح عمران ابن حصین اور ابو موسیٰ اشعری وغیرہ کی روایت میں ہے جو کہ صحیح مسلم وغیرہ کتب صحاح میں مذکور ہے قدرخصی لنا رسول اللہ صلی اللہ علیہ وسلم عام اوطاس ان تنکحو المراة بالتوب والی اجل ترجمہ: یعنی آنحضرت صلی اللہ علیہ وسلم نے ہم لوگوں کے لئے غزوہ اوطاس کے سال بوجہ ضرورت اجازت فرمائی تھی کہ عورت کے ساتھ کپڑے کے عوض کسی وقت تک کے لئے نکاح کر لیا جائے اس سے صراحةً معلوم ہو تا ہے کہ نکاح موقت کے لئے اجازت فرمائی تھی اور متعہ کے لئے اجازت نہ فرمائی تھی“ (فتاویٰ عزیزی کامل ۴55) اوپر شاہ صاحب اسے متعہ لکھ چکی ہیں اب اسے ”نکاح موقت“قرار دے کر بات کو پھیرنا چاہتے ہیں ۔ حالانکہ شیعہ حضرات جو متعہ کو نکاح شمار کر تے ہیں ایک دلیل اسی روایت کو بھی بناتے ہیں دوسرے اس میں شاہ صاحب نے لکھا ہے حضور نے یہ اجازت اشد ضرورت کے تحت دی تھی یہ وضاحت نہیں کی کہ خدانخواستہ وہ کونسی ایسی اشد ضرورت پیش آگئی تھی روایت لکھ کر ترجمہ میں بھی مترجم نے بھی ”اشد ضرورت“ تو نہیں لکھا ”بوجہ ضرورت“ لکھ دیا جو روایت کے کسی لفظ کا ترجمہ نہیں ذرا آگے چل کر شاہ صاحب لکھتے ہیں کہ حضور نے اجتہادی طور پر نکاح موقت کو جائز سمجھ لیا تھا بعد میں وحی نے صراحت کر دی کہ یہ نکاح جائز نہیں وہی ناک کو گردن کے پیچھے سے ہاتھ گھما کر پکڑنے والی بات ہے بہر حال اس روایت سے معلوم ہوا کہ متعہ جنگ خیبر میں حرام کیا گیا ۔ یہی بات حضرت علی سے بھی منسوب ہے امام مالک اپنی سند سے روایت لاتے ہیں ۔ ”حضرت علی بن ابی طالب سے روایت ہے کہ رسول اللہ صلی اللہ علیہ وسلم نے خیبر کے روز متعہ سے منع کیا اور پالتو گدھوں کے گوشت سے “ (موطا امام مالک مطبع مجتہائی پاکستان ص705) قیس کی روایت میں بھی خیبر میں ممانعت کر دینے کی بات کی گئی ہے (کنز العمال ج8ص2۴9) سبرہ جہنی کی ایک روایت میں ممانعت فتح مکہ سے متعلق کی گئی (صحیح مسلم مطبوعہ دہلی ص15۴) اور ایک دوسری روایت میں بتایا گیا کہ یہ واقعہ حجة الوداع میں ہوا یہ روایت ہم پوری درج کئے دیتے ہیں کیونکہ باقی روایتوں میں صرف متعہ کی ممانعت ( نہیٰ) کا ذکر ہے لیکن اس میں حرمت کی بات آئی ہے اور اسی سے باقی روایات کی ممانعت کو بھی حرمت سمجھا گیا روایت ہے کہ حجة الوداع کے موقع پر ”صبح ہوئی میں مسجد میں گیا تو دیکھا کہ حضور صلی اللہ علیہ وسلم منبر پر خطبہ دے رہے ہیں میں نے سنا آپ نے فرمایا جس نے کسی عورت کو کسی خاص مدت تک کے لئے اپنی زوجیت میں لے وہ اس کو اس کی مقررہ اجرت ادا کرے اور جو کچھ دے چکا ہے اس میں سے کچھ واپس نہ لے خدا نے اب اس متعہ کو تم پر قیامت تک کے لئے حرام کر دیاہے“ (کنزالعمال ج8ص۴92) اسحاق بن راشد نے حضرت علی سے منسوب یہ قول روایت کیا ہے کہ علی المرتضی رضی اللہ تعالیٰ عنہ نے فرمایا۔ ”رسول اکرم نے متعہ سے جنگ تبوک میں منع فرمایا“(نووی شرح مسلم ج1ص50۴) حسن بصری سے ایک روایت ہے کہ انہوں نے کہا”متعہ کبھی حلال نہیں ہوا سوائے عمرہ القضاءکے “ سلمہ بن اکوع کی روایت میں بتایا گیا ہے کہ ”متعہ کی ممانعت جنگ اوطاس والے سال تین دن کی اجازت دینے کے بعد ہوئی“ (صحیح مسلم ص15۴) علامہ نووی نے قاضی عیاض سے یہی مختلف روایات نقل کر کے یہ فیصلہ دیا ہے ۔ ”قول مجتارا اور صحیح بات ہمارے نزدیک یہ ہے کہ متعہ کی ممانعت اور اس کی اباحت دو مرتبہ ہوئی ۔ یہ خیبر سے پہلے حلال تھا خیبر کے روز اس کی ممانعت ہوئی پھر وہ فتح مکہ کے دن جسے یوم اوطاس بھی کہا جا تا ہے اس لئے کہ دونوں متصل ہیں مباح کیا گیا پھر تین دن کے بعد وہ ہمیشہ کے لئے حرام ہو گیا اور اس کے بعد سے حرمت باقی رہی (نووی شرح صحیح مسلم ج۱ص50۴،15۴) علامہ نووی نے قاضی عیاض کی جو طویل عبارت نقل کی ہے اس میں قاضی صاحب تمام روایات بےان کر نے کے بعد کہتے ہیں کہ اصل میں متعہ کی ممانعت جنگ خیبر کے روز ہوئی تھی باقی مواقع پر صرف اسی ممانعت کی تجدید وتاکید ہو تی رہی مگر امام نووی نے کہا کہ خیبر کے بعد اس کے جواز کی روایات بھی آئی ہیں اس لئے تمام روایات کو تطبیق اسی طرح دی جا سکتی ہے کہ تسلیم کر لیا جائے متعہ دو مرتبہ مباح ہوا اور دومرتبہ اس کی ممانعت آئی اےسی ہی رائے پہلے امام شافعی نے بھی قائم کی تھی قاضی ثناءاللہ پانی پتی لکھتے ہیں ۔ ”امام شافعی کا قول تھا کہ مجھے اسلام میں کسی چیز کا علم نہیں جو ایک مرتبہ حلال تھی پھر حرام ہوئی پھر حلال ہوئی پھر حرام ہوئی سوائے متعہ کے کہ یہ اسی طرح ہوتا رہا بعض علماءنے کہا وہ تین دفعہ منسوخ ہوا بعض نے کہا اس سے زیادہ دفعہ ایسا ہوا ہے“ (تفسیر مظہری ص۲۷۵) بخاری کے مشہور شارح علامہ ابن حجر عسقلانی نے تمام روایات پر طویل بحث کی ہے مگر آخر یہی نتیجہ اخذہوتا ہے کہ متعہ دو دفعہ مباح ہوا اور دو دفعہ ممنوع (فتح الباری شرح صحیح بخاری مطبوعہ مصر ج9 ص331) علامہ ابن قیم جوزی تمام روایات نقل کر کے آخر میں لکھتے ہیں کہ ”صحیح یہ ہے کہ متعہ فتح مکہ والے سال حرام ہوا ہے اس لئے کہ صحیح مسلم سے ثابت ہے کہ صحابہ نے فتح مکہ میں حضور صلی اللہ علیہ وسلم کی معیت میں حضرت کی اجازت سے متعہ کیا اور اگر ممانعت خیبر میں ہو چکی تھی تو اس کے معنی یہ ہونگے کہ متعہ دو مرتبہ منسوخ ہوا اور یہ ایسی بات ہے جس کی نظیر شرع میں ملنا ناممکن ہے اور ایسا شریعت میں ہوتا بھی نہیں نیز خیبر میں مسلمان عورتیں نہیں تھیں اور اہل کتاب سے نکاح اس وقت جائز نہیں ہوا تھا“ (زادالمعاد مطبوعہ مصرج1ص2۴۴) متعہ اور جناب عمر فاروق رضی اللہ تعالیٰ عنہ ہمیں روایات نے اس نتیجہ پر پہنچایا تھا کہ حضور صلی اللہ علیہ وسلم نے آخر فتح مکہ میں متعہ ہمیشہ کے لئے ممنوع قرار دے دیا ۔ روایات یہیں تک آئیں تو بھی قابل اعتراض تھیں مگر انہوں نے تو بات کو آگے بڑھا دیا اور بتایا کہ حضور صلی اللہ علیہ وسلم کی ممانعت کے باوجود متعہ ہوتا رہا تاآنکہ جناب فاروق رضی اللہ تعالیٰ عنہ نے اسے ختم کیا اور یہ سب کچھ شیعہ حضرات کے ہاں نہیں خود اہل سنت کی کتابوں میں ہے ۔ سب سے پہلے صحیح مسلم کی روایات ملاحظہ فرمائیے۔ عطا کی روایت ہے کہ حضرت جابر بن عبد اللہ عمرہ کے ارادہ سے مکہ معظمہ آئے تو ہم ان کی ملاقات کو گئے مختلف لوگوں نے ان سے مختلف مسائل دریافت کئے پھر متعہ کا ذکر چل نکلا انہوں نے کہا ”ہم لوگوں نے(صحابہ کرام ) عہد رسول اللہ صلی اللہ علیہ وسلم اور پھر ابو بکرو عمر رضی اللہ تعالیٰ عنہ کے زمانہ میں برابر متعہ کیا ہے“ (صحیح مسلم ج۱ص15۴) ایک اورروایت میں ہے کہ انہی حضرت جابر بن عبد اللہ نے کہا ۔ ”ہم لوگ عہد رسالت مآب صلی اللہ علیہ وسلم اور عہد ابو بکر میں مٹھی بھر جو یا آٹے کے بدلے متعہ کرتے رہے ہیں حتیٰ کہ حضرت عمر فاروق رضی اللہ تعالیٰ عنہ نے عمرو بن حریث والے واقعہ میں اس سے ممانعت کر دی“ (صحیح مسلم ج۱ص۴52،جمع الفوائد ج۱ص323) حضرت جابر بن عبد اللہ سے اس طرح کی اور روایات کنزل العمال ج۸ص۳۹۲۔۴۹۲ پر مذکور ہوئی ہیں ۔ ایک دوسرے مقتدر صحابی حضرت ابو سعید خدری سے روایت ہے کہ انہوں نے فرمایا”ہم میں سے جب کوئی چاہتا پیالہ بھر ستوکے عوض متعہ کر لیاکرتا“ (کنزالعمال ج8ص592،فتح الباری ج9ص88 1 ) کنز العمال کی اگلی روایت میں حضرت ابو سعید خدر ی نے پیالہ بھر ستو کی جگہ کپڑے کے عوض متعہ کرنا بیان کیا ہے ۔ اب ایک نظر ان روایات کو دیکھئے جن میں بتایا گیا ہے کہ متعہ کے نتائج بھی برآمد ہوئے اور حضرت عمر فاروق ناراض بھی ہونے لگے ۔ ”سلمہ بن امیہ نے ایک عورت سے متعہ کیا یہ خبر حضرت عمر کو پہنچی تو انہوں نے اس کی تہدیدکی“ (بحوالہ تفسیر مظہری ص275،فتح الباری ج9ص831) ”سلمہ نے حکیم بن امیہ کی کنیز سے متعہ کیا تھا اور اس سے لڑکا پیدا ہو گیا“(اصابہ فی معرفة صحابہ ج6ص3۶) ”محدث عبد الرزاق نے اپنی کتاب میں ذکر کیا ہے کہ معاویہ نے طائف میں ایک عورت سے متعہ کیا“(تفسیر مظہری ص275) اب ایک تفصیلی روایت دیکھئے ۔ ”ام عبد اللہ بن ابی خیثمہ کی ایک روایت ہے کہ ایک بزرگ (صحابی) شام سے تشریف لائے اور ان کے مکان پر قیام کیا اور ان سے کہا”عورت کے بغیر مجھے بڑی تکلیف ہے میرے لئے عورت تلاش کر لاﺅ جس سے میں متعہ کروں“ وہ کہتی ہیں اس نے ایک عورت کا پتہ دیا اور انہوں نے اس سے متعہ کیا اور کچھ عادل لوگوں کو گواہ ٹھہرایا ایک طویل عرصہ تک اس کے ساتھ رہے پھر شام چلے گئے کسی نے حضرت عمر رضی اللہ تعالیٰ عنہ کو اطلاع دی انہوں نے مجھے بلایا اور واقعہ کی تصدیق چاہی میں نے تصدیق کر دی انہوں نے فرمایا اب یہ صاحب آئیں تو مجھے اطلاع دینا پھر جب وہ آئے تو میں نے حضرت عمر کو اطلاع دی انہوں نے انہیں بلوابھیجا اور پوچھا”تم نے کیا کیا تھا“ انہوں نے کہا”میں نے اس کو حضور صلی اللہ علیہ وسلم کے سامنے کیا تھا انہوں نے منع نہ فرمایا پھر یہاں تک کہ انتقال فرمایا پھر حضرت ابو بکر کے زمانہ میں ایسا ہوا اور انہوں نے منع نہ کیا پھر آپ کے زمانہ میں ایسا ہوتا رہا اور آپ نے منع نہ کیا حضرت عمر رضی اللہ تعالیٰ عنہ نے کہا قسم اس خدا کی جس کے قبضہ میری جان ہے اگر میں پہلے سے ممانعت کر چکا ہوتا تو تمہیں سنگسار کردیتا اچھا اب جدائی کر لو تا کہ نکاح اور زنا میں فرق رہے“(کنز العمال ص۴92) روایات تو بات کو یہاں تک لے گئی ہیں کہ متعہ معززگھرانوں کی خواتین تک سے ہوتا رہا ۔ قاضی ثناءاللہ پانی پتی لکھتے ہیں ۔ ”نسائی اور صحاوی نے روایت کیا کہ حضرت اسماءبنت ابی بکر رضی اللہ تعالیٰ عنہ نے فرمایا ہم نے رسول اللہ صلی اللہ علیہ وسلم کے عہد میں متعہ کیا“(تفسیر مظہری ص۶75) ہم لکھ آئی ہیں کہ حضرت ابن عباس تو اس آیت میں جس سے متعہ کی بات چلی ہے اضافی الفاظ پڑھتے تھے اور کہتے تھے آیت یونہی نازل ہوئی یعنی متعہ کے بہت زیادہ قائل تھے ان سے حضرت عروہ رضہ اللہ تعالی عنہ بن زبیررضہ اللہ تعالی عنہ نے کہا ”تمہیں خدا کا خوف نہیں متعہ کی اجازت دیتے ہو تو ابن عباس نے کہا اے عروہ اپنی ماں سے پو چھ اور جب انہوں نے اپنی والدہ حضرت اسماءسے پو چھا تو آپ نے وہی جملہ ارشاد فرمایا جو اوپر لکھا جاچکا ہے“(زاد المعاد ابن قیم ج1ص912) بعض روایات کے الفاظ ایسے ہیں جن سے معلوم ہوتا ہے کہ متعہ سے ممانعت کا فیصلہ پہلے نہیں ہوا حضرت عمر رضی اللہ تعالیٰ عنہ نے اپنی طرف سے یہ فیصلہ کیا ہے ۔ ملاحظہ فرمائیے۔ ”حضرت عمر رضی اللہ تعالیٰ عنہ فاروق نے فرمایا“ دو قسم کے متعے حضورصلی اللہ علیہ وسلم کے عہد میں موجود تھے ۔ میں ان دونوں سے ممانعت کر تا ہوں ایک عورتوں سے متعہ کرنا اور دوسرے متعة الحج“ (کنز العمال ج8ص392)”ابو قلابہ کی روایت ہے کہ حضرت عمر نے کہا دو قسم کے متعے حضور کے زمانہ میں تھے اورمیں ان سے ممانعت کر تا ہوں اور ان کے کرنے والوں کو سزا دلواﺅنگا “(ابن جریر ، ابن عساکر ، کنز العمال ج8ص۴92 ، تفسیر کبیر ج3ص591) اسی طرح کی روایت زاد المعادج 1ص3۴2 پر بھی ہے اور علامہ توشجی نے شرح تجرید میں بھی ایسی ہی روایت بیان کی ہے ۔ ان روایات سے استدلال کرتے ہوئے شیعہ حضرات کہتے ہیں کہ متعہ سے حضور نے منع نہیں کیا تھا یہ حضرت عمر کا تعزیری حکم تھا جو آپ نے وقتی طور پر بعض مفاسد دیکھ کر نا فذ فرمایا تھا اور وہ مفاسد یہ تھے کہ ”سلمہ بن امیہ نے حکیم بن امیہ اسلمی کی کنیز سے متعہ کیا ار اس کے لڑکے پیدا ہو گیا مگر سلم نے لڑکے سے انکار کیا یہ خبر حضرت عمر کو پہنچی تو انہوں نے ممانعت فرمائی“ (اصابہ فی معرفة صحابہ ج2ص3۶) ”عمرو بن زبیر کی روایت ہے کہ خولہ بنت حکیم حضرت عمر کے پاس آئیں اور بیان کیا کہ ربیعہ نے ایک کمسن لڑکی سے متعہ کیا اور وہ حاملہ ہو گئی یہ سن کر حضرت عمر پریشان ہو گئے اور گھبراہٹ میں اپنی چادر گھسیٹتے باہر آئے اورکہا یہ ہوتا ہے متعہ؟اگر میں پہلے سے ممانعت کر چکا ہوتا تو سنگسار کرنے کا حکم دے دیتا“ (موطاامام مالک مطبوعہ مصرج۲ص30) عہد رسالت کے بعد متعہ کیوں؟ سوال پیداہوتا ہے کہ جب حضور صلی اللہ علیہ وسلم اس سے ممانعت فرما چکے تھے بلکہ ایک روایت کے مطابق حرام کر چکے تھے تو پھر متعہ عملاً کیوں چلتا رہا حتیٰ کہ حضرت عمر کے زمانہ میں بھی ہورہا تھا اور آپ نے اس کی ممانعت کی اس کے جواب میں شیعہ حضرات کے نمائندہ عالم جناب سید علی نقی النقوی رقمطراز ہیں ۔ ”حضرت (رسول اکرم صلی اللہ علیہ وسلم ) کو وقتی ومصالح کے لحاظ سے ہر چیز کا اسی وقت حکم دینا ممکن تھا جب اس کی ضرورت ہو اور اسی وقت تک جب تک اس کی ضرورت باقی رہی،اس بنا ءپر متعہ کے حکم میں بھی اس خصوصیت کو مد نظر رکھنا ضروری تھا لہذا جب کوئی سفر ہوا اور ضرورت پیش آئی تو حضرت کی جانب سے صحابہ کرام کو اجازت متعہ کی دی گئی اور جب روانگی کا موقع آیا اور وہ ضرورت محدود ہونے کے باعث ختم ہو گئی تو حضرت کی جانب سے متعہ کو ترک کر نے کی ہدایت ہوئی“(متعہ اور اسلام ص151) اگر بات اتنی کچھ تھی تو پھر یہ روایات کیوں وارد ہوئی ہیں؟ اس کے جواب میں علامہ نقویٰ صاحب لکھتے ہیں ۔ ”بعض راویوں کو دھوکا ہوا اور بیان کرنے میں کچھ کا کچھ ہو گیا اباحت کو ایک مستقل حکم بنادیا اور ممانعت کو اس حکم کی منسوخیت اور حرمت شرعی کا اعلان قرار دے دیا اور بعض غیر محتاط راویوں نے اس میں ”حرمہ علےکم الی ےوم القےامة کا فقرہ بڑھا کر ( اپنی طرف سے ) جو کچھ کسر باقی تھی اسے تحریم ابدی کی شکل میں پورا کر دیا اور ان تمام مشکلات کا باعث ہو گئے جو ایک خلاف واقعہ غلط فہمی سے پیدا ہو سکتے ہیں“(ایضاً ص251) گویا ان کی تحقیق کے مطابق متعہ کبھی حرام نہیں ہوا تھا راویوں نے غلطی سے حرام کا لفظ استعمال کر دیا حضور صلی اللہ علیہ وسلم نے جب ضرورت دیکھی متعہ کی اجازت دےدی جب دیکھا کہ ضرورت ختم ہو گئی متعہ سے منع کر دیا اسی لئے آپ کے بعد بھی صحابہ متعہ کرتے رہے حضرت عمر رضی اللہ تعالیٰ عنہ نے جب دیکھا کہ اس کے برے نتائج ظاہر ہونے لگے ہیں تو وقتی طور پر اس پر پابندی عائد کر دی اب اسی سوال کا جواب(کہ حضور صلی اللہ علیہ وسلم کی ممانعت کے بعد بعض صحابہ سے متعہ کے جاری رہنے کی روایات کیوں آتی ہیں )اہل سنت سے سنئے شاہ عبد العزیز صاحب محدث دہلوی لکھتے ہیں ۔ ”خیبر کی لڑائی میں متعہ حرام ہوا چنانچہ یہ روایت امیر المومنین حضرت علی المرتضیٰ کرم اللہ وجہہ سے صحیح طور پر ثابت ہے اور وہ وقت ساتواں سال ہجرت کا تھا پھر اس کے بعد آٹھویں سال کے آخر میں جنگ اوطاس کا واقعہ ہوا اور اس میں تین دن تک متعہ کی شرعا اجازت رہی اس کے بعد آنحضرت صلی اللہ علیہ وسلم کے لئے مکہ تشریف لے آئے تو کعبہ شریف سے تشریف لے جانے کا ارادہ ہوا تو کعبہ شریف کے دروازہ کے دونوں بازو دونوں ہاتھوں سے پکڑ کر فرمایا کہ متعہ قیامت تک کے لئے ہمیشہ کے واسطے حرام کیا گیا“(یہ تفصیل ہم پہلے لکھ چکے ہیں اب سوال کا جواب شروع ہو تا ہے شاہ صاحب سلسلہ کلام کو آگے بڑھاتے ہوئے فرماتے ہیں”یہ کلام مبارک (حرمت کا حکم ) رات کے وقت فرمایا کم لوگ حاضر تھے یہ حکم جیسا چاہیے تھا مشتہر نہ ہونے پایا تھا کہ بعض لوگوں نے ناواقفیت میں حضرت عمر کی خلافت میں اس فعل کا ارتکاب کیا جب حضرت عمر امیر المومنین کو یہ خبر پہنچی تو آپ منبر پر چڑھے اور خطبہ فرمایا کہ متعہ گاہ گاہ آنحضرت صلی اللہ علیہ وسلم کے زمانے میں ہوا تھا لیکن آخر میں اس کی حرمت ثابت ہوئی ہے چونکہ میں نے اس سے قبل یہ حکم نہ دیا تھا ۔ لہذا اس مرتبہ درگذر کرتا ہوں لیکن اب اگر کوئی ایسی حرکت کرے گا تو اس پر زنا کی حد جاری کرونگا جس سے پھر یہ کام موقوف ہو گیا“(فتاویٰ عزیزی کامل ص7۴5) شاہ صاحب کا جواب آپ نے پڑھ لیا اس سے مزید کچھ اشکالات پیدا ہو تے ہیں ۔ ۱۔ یہ حکم جنگ اوطاس 8ھ کے معاً بعد صادر ہوا حضور صلی اللہ علیہ وسلم کی وفات بقول علامہ شبلی ربیع الاول ۱۱ھ میں ہوئی اس کے بعد حضرت صدیق کا عہد خلافت تقریباً دو سال رہا پھر حضرت عمر فاروق کا دور آیا حلال و حرام کی بات ہے اور خود صحابہ کرام میں سے بعض مقتدر لوگ اس سے اتنے سال لا علم رہیں یہ بات ناقابل فہیم ہے انہی صحابہ کے توسط سے حضور کی زندگی کا ایک ایک لمحہ محفوظ ہو گیا ۔ ۲۔حضرت عمر رضی اللہ تعالیٰ عنہ کی تقریر میں یہ باتیں ”متعہ گاہ گاہ “ آنحضرت صلی اللہ علیہ وسلم کے زمانے میں ہوا تھا لیکن آخر میں اس کی حرمت ثابت ہوئی ہے “ شاہ صاحب کے اپنے شامل کردہ الفاظ ہیں کسی روایت میں یوں نہیں ۔ ۳۔اگر حرمت ثابت ہو چکی تھی تو قانون بھی وجود میں آگیا ہو گا پھر یہ کہنا کہ” میں نے اس سے قبل یہ حکم نہ دیا تھا لہذا اس مرتبہ درگذر کرتا ہوں“ یہ الفاظ بھی عجیب معلوم ہو تے ہیں جب ایک چیز ۵،۶ سال پہلے حرام کردی گئی اور ایسی حرام کہ آج حضرت عمر اس پر زنا کی سزا دے رہے ہیں اس پر اتنا عرصہ خاموشی کیوں ؟اور پھر یہ درگذر کیسا؟عام اصول ہے ۔ Ignorance of law is no excuse قانون سے لاعلمی کوئی بہانہ نہیں ۔ ۴۔پھر یہ کہ حضور جب حکم دے چکے حضرت عمر کا حکم کیسا؟علامہ ابن قیم جوزی نے بھی سوال کا تفصیلی جواب دیا ہے ان کے الفاظ کا ترجمہ یہ ہے ۔ ”اگر کوئی دریافت کر ے کہ کیا صراحت کرو گے اس روایت کے متعلق جو مسلم نے اپنی صحیح میں جابر بن تعالیٰ عنہ عبد اللہ سے نقل کی ہے کہ ہم ایک مٹھی خرمے اور آٹے کے عوض میں برابر متعہ کرتے رہے حضور کے زمانہ میں پھر حضرت صدیق رضہ اللہ تعالی عنہ کے زمانہ میں یہاں تک کہ عمر نے اس سے ممانعت کی عمرو بن حریث کے سلسلہ میں اور اس روایت کے بارے کیا کرو گے جو حضرت عمررضہ اللہ تعالی عنہ سے منقول ہے کہ انہوں نے کہا ” عہد رسول میں دو متعے تھے متعة النساءاور متعة الحج اور میں ان سے ممانعت کر تا ہوں“ تو جواب میں کہا جائے گا کہ لوگ اس کے متعلق دو گروہوں میں منقسم ہیں ایک گروہ کا خیال ہے حضرت عمر ہی ہیں جنہوں نے متعہ کو حرام کیا اور اس سے منع کیا اور جناب سرور انبیاءصلی اللہ علیہ وسلم نے حکم دیا تھاکہ ” میری اور خلفائے راشدین کی سنتوں پر عمل کرو“(پس حضرت عمررضہ اللہ تعالی عنہ کا حکم واجب العمل ہوا) اس گروہ کے نزدیک سبرہ بن معبد کی روایت جو بتائی ہے کہ ”فتح مکہ میں متعہ حرام ہوا“صحیح السند نہیں اس لئے کہ وہ عبد الملک بن ربیع بن سمرہ کے واسطے سے ہے اور اس کے متعلق ابن معین نے کلام کیا ہے اور امام بخاری نے ان کی روایت کو اپنی صحیح میں درج نہیں کیا حالانکہ بہت سخت ضروری تھا کیونکہ یہ سیاسی حکم تھا اور اگر یہ روایت صحیح ہوتی تو وہ ضرور اسے اپنی کتاب میں نقل کر تے نیز اگر سبرہ کی روایت صحیح ہوئی تو حضرت عبد اللہ بن مسعود سے مخفی نہ ہو تی اور وہ یہ روایت نہ کرتے کہ صحابہ نے متعہ کیا اور نہ وہ آیہ مبارکہ لا تحر مو الطیبات مارحل اللہ لکم سے استدلال کرتے نیز اگر یہ روایت صحیح ہوتی تو حضرت عمر نہ کہتے کہ متعہ حضور کے زمانہ میں ہوتا تھا اور میں ممانعت کرتا ہوں نیز اگر وہ صحیح ہوتی تو حضرت صدیق رضہ اللہ تعالی عنہ کے دور میں جو حقیقی معنوں میں خلافت رسول کا دورتھا متعہ نہ کیا جاتا اور دوسرا گروہ وہ ہے کہ جس کی نظر میں سبرہ کی حدیث صحیح ہے اور اگر وہ صحیح نہیں تو حضرت علی کی حدیث تو صحیح ہے کہ حضور نے متعہ حرام قرار دیا لہذا جابر رضہ اللہ تعالی عنہ کی روایت کو اس بات پر محمول کرنا ضروری ہے کہ وہ صحابہ جن کے متعلق روایت کی گئی کہ وہ متعہ پر قائم رہے ان کو اس حرام ہونے کی اطلاع نہیں ہوئی تھی اور حضور کی ممانعت کو حضرت عمررضہ اللہ تعالی عنہ کے دور تک شہرت نہ ہوئی تھی لےکن جب حضرت عمر کے زمانہ میں اختلاف سامنے آیا تو حرمت کا انکشاف ہوا اور اس کو شہرت ملی“(زاد المعاد مطبوعہ مصرج1ص3۴3) اسی طرح کی بات علامہ شوکافی نے بھی نیل و الاوطار مطبوعہ مصر ج6ص7۴،8۴ پر لکھی ہے ۔ حضرت عمر نے یہ فرمایا کہ ” اب اگر کوئی متعہ کرنے والا میرے پاس لایا گیا تو میں اسے سنگسار کرونگا“ اس پر معروف مفسر قرآن امام فخر الدین رازی لکھتے ہیں ۔ ”اگر کوئی شخص کہے کہ روایت میں بھی آیا ہے کہ حضرت عمر رضہ اللہ تعالی عنہ نے فرمایا میرے پاس اب جو متعہ کرنے والا لایا جائے گا تو میں اسے سنگسار کردونگا حالانکہ یقیناً سنگسار کرنا جائز نہیں ، باوجود اس کے صحابہ نے اعتراض نہیں کیا جس سے معلوم ہو تا ہے کہ صحابہ باطل کے اوپر اعتراض کرنے سے خاموش رہتے تھے اس کا جواب یہ دیا جائے گا کہ بظاہر جناب عمررضہ اللہ تعالی عنہ نے یہ بات بطور تہدید اور سےاست و انتظام کہی تھی اور انتظامی و سیاست کے طور پر ایسے امور حاکم کے لئے جائز ہیں“(تفسیر کبیر ج3ص۶91 مطبوعہ مصر) علامہ نےشا پوری لکھتے ہیں ۔ ”کہا جائے گا کہ حضرت عمررضہ اللہ تعالی عنہ نے متعہ کرنے والے کو سنگسار کر دینے کی جوبات کی اس پر صحابہ نے کیوں اعتراض نہیں کیا باوجودیکہ متعہ کے لئے سنگسار کرنا جائز نہیں تو عین ممکن ہے کہ حضرت عمر رضہ اللہ تعالی عنہ نے بطور سےاست و انتظام کہا ہو اور حاکم کے لئے بوقت ضرورت یہ بات جائز ہے“(تفسیر غرائب القرآن و رغائب الفرقان ص12۴) ان حضرات کا خیال ہے کہ حاکم بوقت ضرورت کسی مباح سے روک سکتا ہے ۔ بعض صحابہ اور متعہ علامہ ابن حجر عسقلانی نے لکھا ہے ۔ ”ابن جزم نے کہا ہے کہ حضور کے بعد بھی جواز متعہ پر بعض صحابہ مثلاً عبد اللہ رضہ اللہ تعالی عنہ بن مسعود ، معاویہ رضہ اللہ تعالی عنہ اور ابو سعیدرضہ اللہ تعالی عنہ خدری اور ابن عباس رضہ اللہ تعالی عنہ اور سلمہ رضہ اللہ تعالی عنہ اور معبد اور جابر اور عمرو بن حریث قائم رہے ۔ امام شو کافی نے اس فہرست میں ان ناموں کا اضافہ کیا ہے حضرت اسماءبنت ابی بکر، عمران بن حصین ، ابی بن کعب( نیل الاوطارج۶ص۴۴)جناب علی المرتضیٰ سے متعہ کے متعلق متضاد روایات بیان ہوئی ہیں ۔

__________________
تم سپاہی نہیں ہو پیشہ ور قاتلو!