کلک رضا

اگر آپ کو واقعی تحقیق کا شوق ہے اور مطالعہ کا وقت میّسر ہے تو یہ کتب ضرور پڑھئیے گا۔

Moderated Message:

معذرت کے ساتھ اسلامی سیکشن میں لنک دینے پر پابندی ہے شکریہ !

__________________

طلحہ

جی نہیں۔ مجھے کوئی شوق نہیں ہے ان تحقیقوں‌کا۔
یہ سب پیٹ‌کے جھگڑے ہیں مولویوں‌کے اور کچھ نہیں۔ لڑاؤ‌اور کھاؤ۔

Moderated Message:

اوپر کے مراسلوں کی ماڈریشن کے بعد اس پوسٹ کا جواز تو نہیں ہے لیکن قارئین آپس کی چپقلشوں کا کیا نتیجہ نکالتے ہیں اس کو واضح رکھنے کے لئے چھوڑ دیا ہے

علامہ

بہت بہت شکریہ کلک رضا صاحب میری باتوں کا احسن انداز میں جواب دینے کا۔
جناب اتنا وقت تو میسر نہیں‌کہ کتب کا مطالعہ کر سکوں، لیکن ہاں‌کافی عرصہ قبل کچھ حضرات سے اس موضوع پر بات ہوتی رہی ہے۔ لیکن مجھے اپنے اس سوال کا جواب نہ ہی کسی کتاب میں مل سکا اور نہ ہی کسی شخص‌سے ۔ اس ہی لیے یہ سوال یہاں‌پوچھا کہ صرف ایک صریح دلیل جو کہ میرے لیے حجت کا کام کرے کہ اللہ کے نبی صلی اللہ علیہ وسلم کو غیب کا علم ارضی کلی موجود تھا، یہ ارضی کلی ایک عالم دین نے کہا تھا کہ نبی صلی اللہ علیہ وسلم کو ارضی کلی علم تھا پوری کائنات کا نہیں‌اور ہمارا (یعنی ان عالم صاحب کا عقیدہ( ہے۔ لیکن اس پر وہ کوئی صریح‌دلیل نہیں‌پیش کر سکے۔ انہوں‌نے وہ احادیث‌تو بتائیں جن میں‌کہ نبی صلی اللہ علیہ وسلم نے غیب خبریں‌دیں، لیکن جب ان سے یہ پوچھا گیا کہ نبی صلی اللہ علیہ وسلم نے بعض‌مقامات پر عدم علم کا اظہار فرمایا جو کہ ثابت کرتا ہے کہ آپ کے پاس ارضی کلی علم بھی موجود نہیں تھا۔ تو ان کے پاس کوئی دلیل نہیں‌تھی یہ ثابت کرنے کے لیے آپ کے ارضی کلی علم موجود تھا۔
اور آپ نے جو اللہ کے متعلق سوچنے کی بات کی تو اس پر عرض‌ہے کہ خالق اور مخلوق کا معاملہ بالکل مختلف ہے۔ اللہ تعالیٰ خالق ہے اور محمد صلی اللہ علیہ وسلم مخلوق ہیں۔
نبی صلی اللہ علیہ وسلم کے متعلق قرآن مجید میں‌ارشاد ہے کہ :
اگر مجھے غیب کا علم ہوتا تو میں بہت سے فائدے حاصل کر لیتا اور مجھے کوئی نقصان نہیں پہنچتا۔
اس سے یہی ثابت ہوتا ہے کہ جو بھی نقصان ہوا وہ عدم علم کی بنیاد پر ہوا۔ یہ تو ہے نبی صلی اللہ علیہ وسلم کا معاملہ۔
اور اللہ تعالیٰ نفع اور نقصان سے پاک ہے اس لیے ان واقعات سے اللہ کی شان اور بادشاہت میں کوئی فرق نہیں پڑتا۔
بلکہ قرآن مجید میں ذکر ہے کہ بدر کے موقع پر صحابہ جب بہت پریشان ہوئے اور ان کے دل حلق میں آگئے اور انہوں‌نے کہا کہ اللہ کی مدد کب آئے گی، جس کا وعدہ نبی صلی اللہ علیہ وسلم نے ان سے کیا تھا۔
تو اس سے ثابت ہوتا ہے کہ اللہ تعالیٰ دیکھ رہا تھا اور جانتا بھی تھا ان کی حالت کو اس کے باوجود اللہ تعالیٰ‌نے ان سے اپنی مدد کو روکے رکھا جس کے متعلق اس آیت میں ارشاد ہے۔ اور اللہ تعالیٰ‌ان کی مدد کرنے کی طاقت بھی رکھتا ۔
اللہ تعالیٰ خالق ہے اور نبی صلی اللہ علیہ وسلم مخلوق۔ اس لیے فرق لازم ہے۔ اور دونوں‌کا ایک ساتھ موازنہ ہر گز نہیں کیا جا سکتا۔ اگر ہم موازنہ کرنے بیٹھ جائیں‌تو پھر بہت سارے اعتراضات اور سوالات پیدا ہو جائیں‌گے۔ جیسا کہ :
اللہ تعالیٰ‌کہ متعلق ہمارا عقیدہ ہے کہ وہ سب کچھ کرنے کی طاقت رکھتا ہے تو پھر اس نے انسانوں‌تک اپنی بات پہنچانے کے لیے نبیوں کا انتخاب کیوں‌کیا؟‌وہ ہر انسان کو خود بھی تو بتا سکتا تھا؟‌
اللہ تعالیٰ‌ہر انسان سے بے شمار محبت کرتا ہے لیکن اس کے باوجود وہ ان کو جہنم میں کیوں‌جلائے گا؟ حالانکہ وہ چاہے تو وہ ایک گناہ گار کو بھی جنت میں بھیج سکتا ہے ۔اس پر کسی کا زور نہیں‌کہ یہ شخص‌گناہ گار تھا اس کو جہنم میں‌ہی جانا چاہیے۔
اس طرح بے شمار اعتراضات کیے جا سکتے ہیں‌اگر ہم خالق اور مخلوق کو ایک ساتھ دیکھیں اور ان کا ایک ساتھ موازنہ کریں تو۔
اس ہی لیے اللہ تعالیٰ‌نے اپنی مثال دینے سے بھی منع فرمایا ہے، کیونکہ اس کی مثل موجود ہی نہیں۔
امید ہے میری باتوں‌کو مثبت انداز میں سمجھنے کی کوشش کریں گے، اور زیادہ طویل گفتگو سے پرہیز کرتے ہوئے صرف ایک صریح دلیل جس سے ثابت ہو کہ اللہ کے نبی جتنا بھی آپ کے نزدیک علم غیب رکھتے تھے وہ ثابت ہو جائے۔

آخر میں طلحہ صاحب سے کچھ کہنا چاہوں‌گا:

محترم آپ کی بات درست ہے کہ یہاں‌فارم پر یہی دیکھنے میں آتا ہے کہ ہر شخص‌اپنی بات کو مسلط کرنے پر تلا ہوا ہے، اور اخلاق کے دائرے باہر نکل کر بدتمیزی کرتے ہوئے ایک دوسرے کو مخاطب کیا جاتا ہے۔ جو کہ انتہائی غیر مناسب طریقہ ہے۔ اللہ تعالیٰ‌نے کسی بھی شخص مکلف نہیں‌بنایا کہ اس نے ہر شخص‌کو راہ راست پر لانا ہے بلکہ مکلف اتنا ہے سہی بات دوسروں تک پہنچا دے آگے وہ مانے یا نہ مانے، اس لیے کسی پر تھونپنے کے لیے بدتمیزی یا غیر اخلاقی گفتگو سے اجتناب ہی درست طریقہ ہے۔ امید ہے ہر داعی اس بات پر غور کرے گا اور نبی صلی اللہ علیہ وسلم کے طریقے کے مطابق احسن انداز میں لوگوں‌کو دعوت دے گا۔

Moderated Message:

علامہ بھائی معذرت آپ کا طلحہ بھائی کو دیا گیا جواب بہت مناسب ہے مجھے اس کی تدوین پر خود بھی بہت افسوس ہے لیکن تھریڈ کو ٹھیک طور پر چلانے کے لئے مجبورا اس جواب کو ڈیلیٹ کررہا ہوں تاکہ ایک اور نئی بحث کا آغاز نا ہوجائے امید ہے آپ برا محسوس نہیں کریں گے طلحہ بھائی کے اوپر دئے گئے جوابات بھی کچھ دنوں میں ختم کردونگا ان کو فلحال چھوڑنے کا مقصد صرف ایک مثال ہے کے آپس میں ایکدوسرے کو برا بھلا کہنے پر ایک عام آدمی کیا رائے قائم کرسکتا ہے یہ ذہن میں رہے

فیصل ناصر

ماڈریشن مکمل ہونے کے بعد تھریڈ کو کھول دیا گیا ہے


آپ یقین کریں اس تھریڈ کے مراسلہ نمبر 116 سے 123 کی تصحیح و تدوین میں کم از کم دو گھنٹے لگے ہونگے
یہاں سارے ہی ممبران ماشااللہ سمجھدار ہیں اور انتظامیہ کی گذارش کو بھی بخوبی سمجھتے ہیں
لیکن اس کے باوجود ۔۔۔۔۔۔۔۔۔۔

امید کرتا ہوں کے ممبران انتظامیہ کو اس بارے میں مزید زحمت اٹھانے پر زور نہیں لگائیں گے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

علامہ

لگتا ہے میرے سوال کا جواب کسی کے پاس نہیں، تو اس سے یہی ثابت ہوتا ہے کہ نبی صلی اللہ علیہ وسلم کو علم غیب مکمل حاصل نہیں تھا، بلکہ جب اور جتنا اللہ چاہتا تھا بتا دیتا تھا۔ اور یہی درست ہے۔

فاروق سرورخان

قرآن حکیم سے یہ ثابت ہے کہ غیب سے محدود معلومات اللہ تعالی نے اپنے پیغامبروں‌‌ کو ہی عطا فرمائیں۔ اور یہ بھی قرآن حکیم سے ہی ثابت ہے کہ رسول اکرم کو غیب سے محدود معلومات فراہم کی گئی ۔۔ اگر آپ کو آیات کے حوالے درکار ہیں تو انشاء اللہ شئیر کرکے خوشی محسوس کروں گا۔

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

علامہ

فاروق بھائی میں‌بھی یہی کہتا ہوں‌کہ اللہ نے اپنے نبی صلی اللہ علیہ وسلم کو علم غیب سے محدود معلومات ہی فراہم کیں تھیں۔

آبی ٹوکول

تو پھر علامہ صاحب اور خان صاحب آپ دونوں ہی ہم کم نصیبوں پر کرم فرمائیں اور اپنے اس محدود کی حدود کا تعین قرآن کی کسی نص قطعی سے فراہم کردیجئے تاکہ ایک تو آپکے اس دعوٰی محدود کا ثبوت باہم پہنچے اور دوسرے ہمیں بھی معلوم ہوکہ آپکے اس محدود کی آخر حدود کیا ہیں ؟؟؟؟

__________________
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔
پیکرِ دلرُبا بن کے‌ آیا ،روحِ ارض و سما بن کے آیا
سب رسولِ خُدا بن کے آئے ،وہ حبیبِ خُدا بن کے آٰیا

عُکاشہ

السلام علیکم ورحمتہ اللہ وبرکاتہ
بہت شکریہ ۔ علی اوڈ بھائی ۔۔ جزاکم اللہ خیرا ۔

علامہ

جناب یہ نو صفحات اس ہی بات پر بحث‌کرتے ہوئے اس تعداد کو پہنچے ہیں، اب آپ چاہتے ہیں‌کہ اس بحث کو دوبارہ الف سے شروع کر دیا جائے۔ اگر آپ کو جاننا ہی ہے تو اس تھریڈ کا بغور مطالعہ کریں ان شاء اللہ آپ کو آپ کے سوال کا جواب مل جائے گا۔

میں‌نہیں چاہتا کہ مجھے میرے سوال کا جواب ملنے سے پہلے اب کوئی اور بحث شروع ہو۔

میرا سوال تھا کہ اگر اللہ کے نبی صلی اللہ علیہ وسلم کو علم غیب مکمل حاصل تھا تو اس کی کوئی صریح دلیل چاہے وہ ایک ہی کیوں‌نہ ہو، بہت طویل دلائل کی لسٹ کی ضرورت نہیں، صرف ایک صریح دلیل پیش کی جائے۔ تو ہم بھی ان شاء اللہ اپنے عقیدے کی اصلاح‌کر سکیں گے۔ لیکن میرے اس سوال کا جواب کوئی نہ دے سکا اور اب بھی میں‌منتظر ہوں، اس لیے پہلے اس سوال کا جواب دیا جائے۔

آبی ٹوکول

حضرت علامہ صاحب چاہیے تو یہ تھا کہ آپ ہمارے سوال کا جواب دیتے مگر الٹا آپ نے اپنا سوال پھر سے دہرا دیا تو اس سلسلہ میں عرض یہ ہے کہ آپ ہی وضاحت فرمادیں کہ اس مکمل علم غیب سے آپکی مراد کیا ہے ؟؟؟
اگر اس سے آپکی مراد اللہ پاک کا علم ذاتی اور اسکی صفت علم ہے تو اس سلسلے میں اہلسنت کا عقیدہ یہ ہے کہ اللہ پاک کا علم لامتناہی ہے لہذا اسکا احاطہ کسی بھی مخلوق کے لیے محال ہے کیونکہ مخلوق کا اپنا وجود عطائی اور محدود ہوتا ہے سو محدود لا محدود کی صفات کا احاطہ نہیں کرسکتا البتہ ہاں اسے لامحدود کی صفات سے آشنائی درجہ بدرجہ ملتی رہتی ہے اور اس میں اضافہ ہوتا رہتا ہے اور رسول کریم صلی اللہ علیہ وسلم چونکہ مخلوق میں سب سے بالا و اعلٰی ہیں سو آپ اللہ پاک کی صفات کو سب سے زیادہ جاننے والے اور انکا مظہر ہیں لہذا یہی وجہ ہے آپ صلی اللہ علیہ وسلم کہ بارے میں اہل سنت کا جو عقیدہ علم غیب ہے وہ یہ ہے کہ آپ کو بداء الخلق سے لیکر دخل الجنۃ والنار تک تمام ماکان وما یکون کا علم بتدریجا عطا کردیا گیا اور جیسے ہی وحی متلو کا سلسلہ نزول قرآن پاک کی تکمیل کی صورت میں مکمل ہوا تو آپ صلی اللہ علیہ وسلم کی صفت علم بھی درجہ کمال کو پہنچ گئی لہذا اب جبکہ آپ صلی اللہ علیہ وسلم کا ظاہری وصال مبارک ہوچکا ہے اب کوئی یہ نہیں کہہ سکتا کہ آپ کو معاذ اللہ فلان شئے کا علم نہیں ہے اور آپکے علم مبارک کی حد کیا ہے یہ آپ صلی اللہ علیہ وسلم جانیں اور آپ کو علم عطا کرنے والی ذات باری تعالٰی جانے کیونکہ آپ کے علم شریف کا احاطہ مخلوق میں سے کوئی نہیں کر سکتا اور یہی عقیدہ اہل سنت ہے آپکو اگر اس پر کوئی اعتراض تو پیش کریں ۔ ۔ ۔ والسلام

عبداللہ آدم

آپ صلی اللہ علیہ وسلم کہ بارے میں اہل سنت کا جو عقیدہ علم غیب ہے وہ یہ ہے کہ آپ کو بداء الخلق سے لیکر دخل الجنۃ والنار تک تمام ماکان وما یکون کا علم بتدریجا عطا کردیا گی

سر جی صرف معلومات کے لیے::

اس بات کو ائمہ سنت نے کہاں کہاں کیا ہے..............عقیدہ کی کتابوب کے حوالے وغیرہ دے دیں اگر مناسب ہو تو.

اور اپنی بات جاری رکھیں..............میں دخل اندازی پر معذرت چاہتا ہوں سبھی بھائیوں سے.

والسلام

ناصر نعمان

جہاں تک ہماری ناقص معلومات کا تعلق ہے تو ہماری اس موضوع پر مختلف فورمز پو کافی لوگوں سے بات چیت ہوچکی ہے ۔۔۔لیکن ہمیں آج تک کوئی بھی دوست کسی ایک بھی اہل سنت والجماعت کے معتبر بزرگ کے حوالے سے صراحت کے ساتھ ایک بھی عبارت نہیں پیش کرسکا ۔۔۔۔۔ سوائے تاویلات کے ۔۔۔دیکھیں عابد صاحب کیا جواب دیتے ہیں؟

ALI-OAD

شکریہ ،

مہتاب

اللہ تعالٰی آپکو جزائے خیر عطا فرمائے (آمین)