طاھر

السلام علیکم،

چاروں اماموں کے اقوال کچھ اس طرح سے ہیں کہ!

امام ابوحنیفہ نے فرمایا !

ا۔ میرے قول کی دلیل دیکھے بغیر فتوی دینا جائز نہیں
2- جب صحیح حدیث آجائے تو میرا مذہب وہی ہے
3- نبی اکرم کی حدیث اور صحابہ کے مقابلے میں میراقول رد کر دو

امام مالک نے فرمایا
1- سب کی بات کو رد کیا جا سکتا ہے سوائے محمد کے

امام شافعی نے فرمایا
1۔ جو بغیر تحقیق کے بات مانے وہ گھر سانپ لے کر جارہا ہے

امام احمد بن حمبل ‌نے فرمایا:
1- نہ میری تقلید کرو نہ مالک کی اور نہ شافعی ‌ کی اور نہ امام اوزاعی کی، دین وہاں سے لو جہاں سے انہوں نے لیا ہے یعنی قرآن اور حدیث۔

جب سب یہی کہتے ہیں تو ہمارے ساتھ کیا مسئلہ ہے؟

ہم کیوں چھوٹے چھوٹے فقہی مسائل میں گھرے ہوئے ہیں۔ ان سب نے تحقیق کی اور ایک فقہی راستہ بتایا جس میں بنیادی تصورات اسلام میں کوئی فرق نہیں۔ ہم ان کی تحقیق کی مشترکہ چیزوں پر کیوں نہیں بحث کر سکتے، نہ ہم عالم ہیں اور نہ اتنا علم رکھتے ہیں کہ ان کی بات کو غلط ثابت کر سکیں پھر کیوں آپس میں ان مسائل میں الجھے ہوئے ہیں جس سے آپس میں اختلافات کو ہوا ملے؟ کیوں نہ ہم فی الحال ان باتوں کی طرف توجہ دیں جو سب میں مشترک ہیں، اگر یہی اچھی باتیں‌اس فورم پر کسی کی سمجھ میں‌آجائیں‌تو سوچیں‌کہ آپ کو کتنا ثواب ملے گا، آپ کی ایک چھوٹی سی بات شیئر کرنے سے شاید اللہ کسی کے دل میں ہدایت ڈال دے؟ کیوں ہم آپس کے اختلافات کو ہوا دے کر ایک بے عمل مسلمان کو دین سے مزید دور کر رہے ہیں؟ کیا ہم اتنے نیک اور متقی ہیں کہ ہم نے سب چیزوں‌کو اپنی زندگیوں کا جز بنا لیا ہے اور اب صرف یہی مسائل رہ گئے ہیں کہ ہم ان پر بحث و مباحثہ کریں؟ کیوں لاعلمی میں گناہ اپنے سر لے رہے ہیں؟ جتنی احادیث‌ پر سب متفق ہیں کیوں‌نہ ان احادیث‌کی روشنی میں ہمارے اندر عمل کا جذبہ جگایا جائے، کیوں نہ عمل کی راہ کی طرف لوگوں کی توجہ دلائی جائے؟ کیوں لڑ لڑ کے ایک دوسرے کے اماموں اور عالموں کو برا بھلا کہاجائے؟

کیوں نہ ہم سب حنفی، شافعی، مالکی اور حنبلی کے بجائے صرف سنت محمدی اور صحابہ کرام رضوان اللہ اجمعین کے راستے پر عمل کر کے سچے مسلمان بن جائیں

اللہ ہمیں اختلافی مسائل سے ہٹا کر اصل اسلام پر عمل کرنے والا بنا دے - آمین !

__________________

منتظمین

طاہر بھائی میرا اسلامی سیکشن کو شروع کرنے کا مقصد بھی عام عوام کے چھوٹے چھوٹے بنیادی مسائل کا حل تھا جیسا کہ وضو، نماز، پاکیزگی جیسی چیزیں جو کہ اسلام کی بنیاد ہیں لیکن عام آدمی ایسی چھوٹی چھوٹی باتیں‌بھی پوچھتا ہوا شرماتا ہے۔ فورمز پر کوئی کسی کو نہیں‌ جانتا اس لیے یہاں پر ایسی باتیں کہی سنی جا سکتیں‌تھیں۔ لیکن بدقسمتی / خوش قسمتی سے ہمارا فورم مسلکی جھگڑوں کا سب سے بڑا اردو کا پلیٹ فارم بن گیا ہے۔ جہاں پر اگر کوئی چھوٹا سا مسلہ کوئی پوچھ لے تو اس کا جواب تو شائد نہیں‌ملے گا لیکن فقہی اور تفرقہ بازی کے جھگڑوں والے موضوعات کی اگر چھپائی کی جائے تو شائد موٹی موٹی کتابیں بن جائیں۔

میں یہ تو نہیں‌کہتا کہ اسلامی سیکشن کو بند کر دیا جائے اور بقول شخصے
کلرکی کر ، ڈبل روٹی کھا
اور خوشی سے پھول جا

لیکن اس سب کا کوئی مناسب حل تو تلاش کرنا ہی ہو گا۔ ساتھیوں سے یہی درخواست ہے کہ تبلیغ کریں اسلام کے پھیلاو کی نہ کہ تفرقہ بازی کی۔ اور اس بات کو جھوٹا ثابت کر دیں‌کہ " پہلے علماء لوگوں‌کو دائرہ اسلام میں‌ داخل کیا کرتے تھے اج کل دائرہ اسلام سے خارج کرنے کا کام کرتے ہیں"

والسلام

__________________
"یہ ضروری تو نہیں کہ ہم جن سے محبت کرتے ہیں ان کے ساتھ زندگی بھی بتا سکیں"

عبداللہ حیدر

جزاک اللہ خیرا طاہر بھائی۔
امام مالک رحمۃ اللہ علیہ مسجد نبوی میں‌منبر رسول پر بیٹھ کر نبی صلی اللہ علیہ و علی آلہ وسلم کی قبر کی طرف اشارہ کر کے کہتے تھے:
"ہر شخص کی بات قبول یا رد کی جا سکتی ہے سوائے اس قبر والی ہستی (صلی اللہ علیہ و علی آلہ وسلم)کے"۔
اللہ ان چاروں ائمہ سمیت امت کے تمام علماء پر رحمت کی بارش نازل کرے۔ فقہی مسائل کا اختلاف اتنی اہمیت نہیں رکھتا کہ اس کی بنیاد پر کفر و خارج از اسلام کے فتوے لگا دیئے جائیں۔ امام ابوحنیفہ رحمۃ اللہ علیہ، امام احمد بن حنبل، امام محمد بن ادریس شافعی اور امام مدینہ مالک بن انس رحمہم اللہ، سب امت کے جلیل القدر علماء تھے۔ان علماء نے امت کی راہنمائی کے لیے زندگی وقف کر دی تھیں۔ الحمدللہ پاک فورم پر انہیں برا کہنے والا کوئی بھی موجود نہیں ہے۔ اس وقت گرم موضوعات چھوٹے موضوعات نہیں ہیں بلکہ وہ عقائد ہیں جن پر یہ تمام علماء اور ائمہ متفق تھے۔ مثلا یہ کہ قرآن کی تحریف کا عقیدہ رکھنے والا کافر ہے، صحابہ کو گالیاں دینے والے کا ایمان کوئی نہیں، اللہ تعالیٰ عرش پر ہے اور کسی اوتار کی شکل میں زمین پر نہیں اترا، وغیرہ۔
آپ کے مراسلے نے بہت کچھ سوچنے کو دیا ہے۔ جزاک اللہ خیرا۔ میں کوشش کروں گا کہ جذباتی ردعمل سے ہر ممکن پرہیز کروں اور بامقصد کام کی طرف زیادہ توجہ دوں۔ لیکن صحابہ کے خلاف کوئی بکواس کرے گا تو اس کا جواب ضرور دوں گا۔ بہت شکریہ۔

shafresha

اللہ تعالیٰ‌آپ کو اور ہم سب کو اس کوشش میں‌کامیاب فرمائے!

آمین ثم آمین ۔ ۔ ۔ ۔ ۔ ۔

فیصل ناصر

اس پر غور کریں !

shafresha

نہیں‌میرے بھائی رب تعالیٰ کا فرمان ہے "ھو سمٰکم المسلمین" لہذا اُمت کا مجموعی نام صرف مسلمان ہوگا کوئی اور نہیں۔

فیصل ناصر

ایسے کیا خیال ہے ؟

خرم شہزاد خرم

اس تحریر کو سرورق پر لگایا جائے منتظمین بھائی شکریہ

عبداللہ حیدر

اچھا لکھا ہے آپ نے۔
دی گریٹ یاد آ رہا ہے۔

طاھر

السلام علیکم،

پسندیدگی کا شکریہ

دی گریٹ کون

والسلام

طاہر

عبداللہ حیدر

ہمارے ایک رکن ہوا کرتے تھے "دی گریٹ" جنہوں نے "اچھا لکھا ہے آپ نے جناب" لکھ لکھ کر ہزاروں پوسٹس بنا لی تھیں۔ میری ایک ہزار ستانوے پوسٹس ہوئی تھیں سو دو ہزار کا عدد پورا کرنے کے لیے دی گریٹ کا فارمولا آزمایا ہے۔

طاھر

صحیح یاد دلایا آپ نے

والسلام

طاہر

منتظمین

اپکی تحریر کا کسی پر کوئی اثر ہوا ؟ کسی پر بھی نہیں ہوا۔ سٹاف سیکشن اس وقت میدان جنگ کا ماحول پیش کر رہا ہے۔

طاھر

السلام علیکم،

کچھ سمجھ نہیں آئی

والسلام

طاہر

خرم شہزاد خرم

آپ ذرہ سٹاف میں‌تشریف لائیں پھر آپ سے بات ہوگی