خالص توحید ، دُنیا اور آخرت میں عزت کا واحد بُنیادی ذریعہ

**عادل سہیل** · 14-11-07, 06:54 AM

السلام علیکم و رحمۃُ اللہ و برکاتہُ ،
مصرکے ادیب ، مصطفی المنفلوطی نے لکھا ''' اِسلام میں توحید کا عقیدہ اِس لیے بھیجا گیا کہ( دُنیا میں بھی ) مُسلمانوں کے عِزت میں اضافہ ہو ، اور اُن کے دِلوں میں خودی ،عِزت اور حمیت پیدا ہو ، اور (اللہ کے عِلاوہ کِسی کی بھی ) بندگی کے طوق سے اُن کی گردنیں آزاد ہو جائیں ، پس اُن کے معاشرے میں کوئی کمتر معاشرتی اور معاشی حیثیت والا کِسی برتر حیثیت والے کے سامنے ذلیل نہ ہو ، اور نہ ہی کوئی کمزور حیثیت والا کِسی طاقتور سے خوف زدہ ہو ، اور نہ ہی کِسی حُکمران کا کِسی محکوم پر کوئی زور چلتا ہو سوائے حق اور اِنصاف کرنے کے ،
اِسلام کے اِس عقیدہِ توحید کا اثر پہلے زمانوں کے مُسلمانوں میںبڑی اچھی طرح پایا جاتا تھا ، وہ لوگ عقیدہ توحید پر فخر کرتے تھے اور اُس پر قائم رہنے میں عِزت محسوس کرتے تھے اور اُس کے بارے میں بہت زیادہ غیرت مند تھے لہذا اُس کے ہر مُخلاف کو انتہائی شدت سے رد کرتے تھے ، ظُلم کرنے والے کے ہاتھ پر مار کر اُسے روکتے تھے ، اور اگر حُکمران اپنی حد سے تجاوز کرتا تو اُسے منع کرتے تھے ، اور کہتے ''' اپنی حد میں رُکے رہو اور اپنی حیثیت کے بارے میں خوش فہمی کا شِکار مت ہو ، کیونکہ تُم ایک مُخلوق ہو ، خالق کے غُلام بندے ہو ، نہ کہ رب جِس کی عِبادت کی جاتی ہے ، اور یاد رکھو کہ لا اِلہَ اِلَّا اللَّہ ، اللہ کے سِوا کوئی عِبادت کا حق دار نہیں ،
یہ تو معاملہ اُن مُسلمانوں کا تھا جو توحید کے زمانے میں تھے ، آج کے مُسلمانوں کا معاملہ یہ ہے کہ اُن کے عقیدے میں شرک داخل چُکا ہے ، جو کبھی کُھل کر ظاہر ہوتا ہے ، کبھی کچھ کچھ ظاہر ہوتا اورکبھی اندر ہی اندر چُھپ چُھپ کر کام کرتا ہے ، لہذا اُن کی گردنیں جُھک چکی ہیں ، اور پیشانیاں ذلیل ہو چکی ہیں ، اور اُن کی شخصیات رُسوا ہو چُکی ہیں ، اور اُن کی قوتِ مدافعت خراب ہو چُکی ہے ، اور وہ پستی و ذِلت پر راضی ہو کر دُنیا کی زندگی میں آرام کرنے پر آمادہ ہو چُکے ہیں ، لہذا اُن کے دُشمنوں کو اُن پر غالب ہونے کے راستے مل گئے ہیں ، اور وہ مُسلمانوں کے اموال ، عِزتیں ، شخصیات ، وطن ، گھر ، حتیٰ کہ ذاتیات پر بھی غالب ہو گئے ہیں ، اور مُسلمان دُنیا اور آخرت میں خَسارے والے ہو گئے ہیں ،
اللہ کی قَسم ، مُسلمان ہر گِز اپنی کھوئی ہوئی عِزت اور آزادی ، اور دُنیا اور آخرت کی کامیابی اُس وقت تک حاصل نہیں کر سکتے جب تک کہ وہ اُسی عقیدہِ توحید پر واپس نہیں پلٹے جِس کو وہ کھوچکے ہیں، لیکن جب تک مُسلمان اللہ کے عِلاوہ دوسروں کے( حُکمرانوں ، پیروں ، نام نہاد ولیوں ، جاھل عالموں اور مُفتوں وغیرہ ) کے سامنے اُس طرح کھڑے ہوں گے جِس طرح اللہ کے سامنے کھڑا ہونا چاہیئے ، اور اِن کے بارے میں یہ کچھ کہیں گے (جو اللہ کا حق ہے کہ صِرف اُس کے بارے میں کہا جائے) کہ ،آپ تو دُنیا کے سردار اور بادشاہ ہیں ( آپ کی طاقت میں سب کچھ ہے ، آپ جو چاہیں کر سکتے ہیں ) آپ کائنات میں تصرف کر سکتے ہیں ،( آپ رزق کو بڑھا گھٹا سکتے ہیں ، اولاد دے سکتے ہیں ، شِفاء دے سکتے ہیں وغیرہ وغیرہ ، جب تک یہ کچھ ہوتا رہے گا ) اُس وقت تک مُسلمانوں کا اپنی کھوئی ہوئی عِزت و حشمت کو پا لینا سورج کے مغرب سے طُلُوع ہونے اور دریا کے اپنے منبع میں واپس داخل ہو جانے سے زیادہ مشکل ہے ، ''' (مصطفیٰ المنفلوطی کی بات ختم ہوئی)
مُسلمانو ، اللہ تعالیٰ اپنی ذاتِ پاک و لا شریک کے بارے میں بہت ہی غیرت مند ہے اور اُسے اِس بات پر بہت غیرت آتی ہے کہ ایسی قوموں کی عِزت کی جائے کہ جِن پر اگر کوئی مُصیبت آن پڑے تو وہ اللہ کے عِلاوہ دوسرے کی طرف بھاگیں ، کوئی کِسی پتھر کو پُکارے تو کوئی کِسی قبر پر کھڑے ہو کر اند ر پڑے مُردے کو ، اور کوئی کِسی غائب زندہ یا مَر چکے کو کہ المدد المدد یا فُلان یا فُلان ، اور اللہ کے عِلاوہ کِسی اور کے نام کی نِدا بُلند کرے جیسے نادِ علی ، نادِ علی ، وغیرہ ،
پس جِن قوموں کا حال یہ ہوچُکا ہو اُن کو دِن بھر میں لا اِلہَ اِلَّا اللَّہ کی لاکھوں تسبیحات بھی کوئی فائدہ دینے والی نہیں ، نہ دُنیا میں اور نہ ہی آخرت میں ، کیونکہ یہ صِرف زُبانی جمع خرچ ہے ، اِس میں عقیدہِ توحید نہیں ، اگر عقیدہِ توحید ہو تو پھر عمل بھی اُس کے مطابق ہو گا نہ کہ کہنے کے ساتھ اللہ کے حقوق دوسروں کو دیے جائیں گے ،پس جب تک عقیدہِ توحید دِلوں اور شخصیات میں راسخ نہیں ، عمل بھی اُس کے مُطابق نہیں اور دُنیا اور آخرت کی کوئی عِزت اور کامیابی مُیسر نہیں ،
کیونکہ عقیدہِ توحید کے اہم اور بُنیادی فضائل میں سے یہ ہے کہ ::: اللہ کی توحید کو ماننے اور اُس پر عمل کرنے والے بندے کی گردن اللہ کے عِلاوہ کِسی کے سامنے جھکنے سے بچ جاتی ہے ، اور مخلوق میں سے کِسی کا خوف ، کِسی سے اُمید ، کِسی کی رضا مندی کے لیے کوئی کام کرنا ، ایسے تمام معاملات سے وہ آزاد ہو جاتا ہے ، صِرف اللہ کی ہی عِبادت کرتا ہے ، صِرف خالق سے ہی ڈرتا ہے ، ہر نفع کی اُمید صِرف اللہ سے ہی رکھتا ہے ، اپنی بد عملی پر نظر رکھتا ہوئے اللہ کی ناراضگی کے سبب کِسی بھی نُقصان کا خوف صِرف اللہ کی طرف سے رکھتا ہے ، پس صِرف اللہ کی طرف ہی رجوع کرتا ہے ، اور یہ ہی حقیقی عِزت اور سب سے بُلند بُزرگی ہے، اور صِرف اِسی طرح بندے کی دُنیا اور آخرت کی بھلائی اور کامیابی یقینی ہوسکتی ہے ،
[COLOR="darkred"] دُنیا کی عِزت و شان و شوکت کے بارے میںاللہ تعالیٰ کا یہ وعدہ ملاحظہ فرمائیے [/COLOR](وَعَدَ اللَّہُ الَّذِینَ آمَنُوا مِنکُم وَعَمِلُوا الصَّالِحَاتِ لَیَستَخلِفَنَّہُم فِی الاَرضِ کَمَا استَخلَفَ الَّذِینَ مِن قَبلِہِم وَلَیُمَکِّنَنَّ لَہُم دِینَہُمُ الَّذِی ارتَضَی لَہُم وَلَیُبَدِّلَنَّہُم مِّن بَعدِ خَوفِہِم اَمناً یَعبُدُونَنِی لَا یُشرِکُونَ بِی شَیاءً وَمَن کَفَرَ بَعدَ ذَلِکَ فَاءُولَئِکَ ہُمُ الفَاسِقُونَ ) ( تُم لوگوں میں سے جو اِیمان لائیں گے اور نیک عمل کریں گے اُن سے اللہ وعدہ کرتا ہے کہ ضرور اُن لوگوں کو زمین کی خِلافت دے گا جِس طرح اُن سے پہلے (اِیمان لانے اور نیک عمل کرنے ) والوں کو دِی اور ضرور اُن کے لیے اُن کے اِس دِین کو مضبوط کر دے گا جِسے اُس نے اُن کے لیے پسند کیا ہے ، اور ضرور اُن کے خوف کو امن سے بدل گا (لہذا ) وہ صِرف میری ہی عِبادت کریں اور میرے ساتھ کِسی بھی چیز کو شریک نہ کریں ، اور جو اِس ( واضح اور عظیم وعدے ) کے بعد بھی اِنکار کرتا ہے ( قولاً یا عملاً) تو ایسا کرنے والے یقینا فاسق ہیں )سورت النُور/ آیت ٥٥
اور آخرت کے بارے میں یہ فیصلہ سنیئے ( اِنَّہُ مَن یُشرِک بِاللّہِ فَقَد حَرَّمَ اللّہُ عَلَیہِ الجَنَّۃَ وَمَاءوَاہُ النَّارُ وَمَا لِلظَّالِمِینَ مِن اَنصَار) ( بے شک کو اللہ کے ساتھ شرک کرے گا یقینا اللہ نے اُس پر جنّت حرام کر دِی ہے اور اُس کا ٹھکانا جہنم ہے اور (آخرت میں) ظالموں ( شرک کرنے والوں) کا کوئی مدد گار نہیں ہوگا) سورت المائدہ / آیت ٧٢
جب عقیدہِ توحید اپنے صحیح معنیٰ اور مفہوم کے ساتھ دِل میں قائم اور شخصیت پر نافذ ہو جاتا ہے تب ہی اُس کا کوئی فائدہ ہوتا ہے ، جیسا کہ رسول اللہ صلی اللہ علیہ وسلم نے سمجھایا ہے کہ ( اَشہَدُ اَن لَا اِلَہَ اِلا اللہ وَاَنِّی رسول اللَّہِ لَا یَلقَی اللَّہَ بِہِمَا عَبدٌ غیر شَاکٍّ فِیہِمَا اِلا دخل الجَنَّۃَ ) ( میں گواہی دیتا ہوں کہ اللہ کے عِلاوہ کوئی سچا حقیقی معبود نہیں اور میں اللہ کا رسول ہوں ، جو بندہ اِن دونوں (گواہیوں) میں شک کے بغیر اللہ سے مِلا تو وہ ضرور جنّت میں داخل ہو گا ) صحیح مُسلم / حدیث ٢٧/ کتاب الاِیمان / باب ١٠ ، پس جو کوئی تو اِن دونوں کلماتِ توحید کے بارے میں کوئی شک رکھے بغیر اِن کے مُطابق زندگی بسر کرے گا اللہ تعالیٰ یقینا اُسے جنّت میں داخل فرمائے گا ،
مزید واضح طور پر فرمایا ( مَن مَاتَ لاَ یُشرِکُ بِِاللَّہِ شیئًا دَخَلَ الجَنَّۃَ وَمَن مَاتَ یُشرِکُ بِِاللَّہِِ دَخَلَ النَّارَ ) ( جو اِس حال میں مرا کہ وہ اللہ کے ساتھ کِسی بھی چیز کو شریک نہ بناتا تھا تو وہ جنّت میں داخل ہو گا ، اور جو اِس حال میں مرا کہ وہ اللہ کے ساتھ (کِسی بھی ) چیز کو شریک بناتا تھا جہنم میں داخل ہو گا ) صحیح مُسلم / حدیث ٩٣ / کتاب الاِیمان /باب ٤٠ ، اب اگر کوئی لاکھوں دفعہ ''' اَشھدُ اِن لا اِلہ اِلا اللہ و اَشھد اَن مُحمدا عبدہ و رسولہ ''' کہتا رہے لیکن اللہ کے ساتھ دوسروں کو حاجت روا ، مشکل کُشا ، داتا ، غوث ، دستگیر ، ہر جگہ حاضر و ناظر ، اللہ کا نُور ، وغیرہ سمجھتا رہے اور اِسی کے مطابق عمل کرتا ہوا مر جائے تو اُسے زُبانی کلمہ توحید ادا کرتے رہنے کا آخرت میں کوئی فائدہ نہیں ہو گا ،
اِسی طرف اِشارہ فرماتے ہوئے رسول اللہ صلی اللہ علیہ وسلم نے فرمایا (اَسعَدُ الناس بِشَفَاعَتِی یوم القِیَامَۃِ من قال لَا اِلَہَ اِلا اللَّہَ خَالِصًا من قَلبِہِ اَو نَفسِہِ ) ( قیامت والے دِن میری شفاعت کا سب سے زیادہ فائدہ حاصل کرنے والے لوگ وہ ہوں گے جِنہوں نے سچے دِل یا جان سے لا اِلہ اِللہ کہا ہو گا ) صحیح البُخاری / حدیث٩٩ / کتاب العِلم / باب ٣٣ ،
پس اگر کوئی سچے دِل سے اِس شہادت کو جاننے سمجھنے کے بعد ادا کرتا ہو تو اللہ کے حق دوسروں کو نہ دے ، اور نہ ہی رسول اللہ صلی اللہ علیہ وسلم کی نا فرمانی کرے ،
اِس مسئلہ کے حق میں قُران و سُنّت میں بہت دلائل ہیں ، کہ خلوص کے ساتھ اپنائی گئی ، اللہ کی توحیدِ، ہی دُنیا اور آخرت میں کامیابی اور عِزت اور نفع مندی کا ذریعہ ہے ، لیکن بات کو مختصر رکھتے ہوئے میں اِس مضمون کو یہیں روکتا ہوں،
اللہ تعالیٰ اپنی توحید کا کلمہ پڑہنے والے ہر ایک کو اُس کلمہ کی مکمل سمجھ عطاء فرمائے اُس کے تقاضے پورے کرنے کی توفیق عطا فرمائے اور قُبُول فرمائے۔
والسلام علیکم و رحمۃُ اللہ و برکاتہُ ۔
طلبگارِ دُعا ، عادل سہیل ظفر ۔
اسلامی عقیدے کے بارے میں سوال و جواب کا ایک سلسلہ جلد ہی شروع کروں گا ، انشاء اللہ تعالیٰ ۔

**خرم شہزاد خرم** · 01-12-07, 01:02 PM

السلام علیکم جناب
عادل صاحب آپ کا مضمون توحید کے بارے میں پڑھا بہت اچھا لگا لیکن مجھے ایک بات سے اختلاف ہے
مُسلمان اللہ کے عِلاوہ دوسروں کے( حُکمرانوں ، پیروں ، نام نہاد ولیوں ، جاھل عالموں اور مُفتوں وغیرہ ) یہ نام نہاد ولیوں سے آپ کی کیا مراد ہے

**عادل سہیل** · 02-12-07, 07:06 AM

السلام علیکم و رحمۃُ اللہ و برکاتہُ
محترم بھائی فوٹو ٹیک ، انشا اللہ باقی مضامین پڑھ کر آپ اَص بات کو جان جائیں گے ، مختصرا یہ کہ ’’’ نام نہاد ولی ‘‘‘ وہ لوگ ، جو بظاہر دِین دار نظر آتے ہیں ، لیکن اُن کے کام اللہ اور رسول اللہ صلی اللہ علیہ وسلم کی مقرر کردہ حدود سے خآرج اور کسوٹیوں پر ناقص ثابت ہوتے ہیں ، اور لوگ بے چارے اُنہیں ولی اللہ سمجھتے رہتے ہیں ، اور اُن کی خِلافِ سُنـت حرکات و تعلیمات کو درست مان کر اپنی آخرت بگاڑتے چلے جاتے ہیں

**ضِرار Derar** · 23-06-10, 01:02 PM

السلام علیکم
عادل صاحب
یار اس کو پڑھنے کے قابل تو بنا دو
میری تو آپ کا اور فروق خان کا مناظرا پڑھ پڑھ کر آنکھین دکھ رہی ہین
پھر بھی میں نے سوچا اور بھی دیکھتا ہوں
پر یہاں تو حد ہی ہو گئی
جناب ذرا سائز بڑا کردو

**ابرارحسین** · 23-06-10, 03:35 PM

اقتباس:

اصل مراسلہ منجانب : ضِرار Derar

السلام علیکم
عادل صاحب
یار اس کو پڑھنے کے قابل تو بنا دو
میری تو آپ کا اور فروق خان کا مناظرا پڑھ پڑھ کر آنکھین دکھ رہی ہین
پھر بھی میں نے سوچا اور بھی دیکھتا ہوں
پر یہاں تو حد ہی ہو گئی
جناب ذرا سائز بڑا کردو

اتنا پریشان ہونے کی ضرورت نہیں ‌Ctrl اور اس کے ساتھ + (پلس کے بٹن کو) پریس کر کے آپ سائز بڑا کر لیا کریں
اور Ctrl کے ساتھ - (مائنس کے بٹن کو) پریس کر کے سائز چھوٹا بھی کرسکتے ہیں

**ضِرار Derar** · 23-06-10, 05:04 PM

اقتباس:

اصل مراسلہ منجانب : ابرارحسین

اتنا پریشان ہونے کی ضرورت نہیں ‌Ctrl اور اس کے ساتھ + (پلس کے بٹن کو) پریس کر کے آپ سائز بڑا کر لیا کریں
اور Ctrl کے ساتھ - (مائنس کے بٹن کو) پریس کر کے سائز چھوٹا بھی کرسکتے ہیں

واہ جی واہ
یہ تو بڑا نسخہ بتایا ہے
ابرار صاحب خوش رہو
پر ایک مسلہ ہو جاتا ہے
یہ لإئینں ایک دوسرے پر چڑھ جاتی ہین
اس کا بھی کوی نسخہ بتا دو جناب
بہت بہت شکریہ

**Aurangzeb Yousaf** · 06-12-10, 10:38 PM

جزاک اللہ خیرا کثیرا

**ضِرار Derar** · 08-12-10, 05:26 PM

کس کو جزاک اللہ بولا ہے
میرے کو
چلو ٹھیک ہے
آپ کو بھی جزاک اللہ
عادل صاحب فونٹ سإز ٹھیک کر دو جناب

01-12-07, 01:02 PM	#2
خرم شہزاد خرم ناظم اعلی تاریخ شمولیت: Jun 2007 عمر: 30 مراسلات: 12,482 کمائي: 8,120,880,613,326 شکریہ: 7,484 3,660 مراسلہ میں 9,157 بارشکریہ ادا کیا گیا	جواب: خالص توحید ، دُنیا اور آخرت میں عزت کا واحد بُنیادی ذریعہ السلام علیکم جناب عادل صاحب آپ کا مضمون توحید کے بارے میں پڑھا بہت اچھا لگا لیکن مجھے ایک بات سے اختلاف ہے مُسلمان اللہ کے عِلاوہ دوسروں کے( حُکمرانوں ، پیروں ، نام نہاد ولیوں ، جاھل عالموں اور مُفتوں وغیرہ ) یہ نام نہاد ولیوں سے آپ کی کیا مراد ہے Share Share this post on Digg Del.icio.us Technorati Twitter Facebook!

02-12-07, 07:06 AM	#3
عادل سہیل Senior Member تاریخ شمولیت: Jul 2007 عمر: 48 مراسلات: 4,389 کمائي: 88,841 شکریہ: 2,077 3,583 مراسلہ میں 12,686 بارشکریہ ادا کیا گیا	جواب: خالص توحید ، دُنیا اور آخرت میں عزت کا واحد بُنیادی ذریعہ السلام علیکم و رحمۃُ اللہ و برکاتہُ محترم بھائی فوٹو ٹیک ، انشا اللہ باقی مضامین پڑھ کر آپ اَص بات کو جان جائیں گے ، مختصرا یہ کہ ’’’ نام نہاد ولی ‘‘‘ وہ لوگ ، جو بظاہر دِین دار نظر آتے ہیں ، لیکن اُن کے کام اللہ اور رسول اللہ صلی اللہ علیہ وسلم کی مقرر کردہ حدود سے خآرج اور کسوٹیوں پر ناقص ثابت ہوتے ہیں ، اور لوگ بے چارے اُنہیں ولی اللہ سمجھتے رہتے ہیں ، اور اُن کی خِلافِ سُنـت حرکات و تعلیمات کو درست مان کر اپنی آخرت بگاڑتے چلے جاتے ہیں Share Share this post on Digg Del.icio.us Technorati Twitter Facebook!

23-06-10, 01:02 PM	#4
ضِرار Derar Senior Member تاریخ شمولیت: Apr 2010 مراسلات: 448 کمائي: 7,749 شکریہ: 1,120 345 مراسلہ میں 974 بارشکریہ ادا کیا گیا	السلام علیکم عادل صاحب یار اس کو پڑھنے کے قابل تو بنا دو میری تو آپ کا اور فروق خان کا مناظرا پڑھ پڑھ کر آنکھین دکھ رہی ہین پھر بھی میں نے سوچا اور بھی دیکھتا ہوں پر یہاں تو حد ہی ہو گئی جناب ذرا سائز بڑا کردو Share Share this post on Digg Del.icio.us Technorati Twitter Facebook!

06-12-10, 10:38 PM	#7
Aurangzeb Yousaf Member اجنبی تاریخ شمولیت: Apr 2009 مقام: Pakistan مراسلات: 84 کمائي: 3,500 شکریہ: 103 78 مراسلہ میں 284 بارشکریہ ادا کیا گیا	جزاک اللہ خیرا کثیرا Share Share this post on Digg Del.icio.us Technorati Twitter Facebook!

08-12-10, 05:26 PM	#8
ضِرار Derar Senior Member تاریخ شمولیت: Apr 2010 مراسلات: 448 کمائي: 7,749 شکریہ: 1,120 345 مراسلہ میں 974 بارشکریہ ادا کیا گیا	کس کو جزاک اللہ بولا ہے میرے کو چلو ٹھیک ہے آپ کو بھی جزاک اللہ عادل صاحب فونٹ سإز ٹھیک کر دو جناب Share Share this post on Digg Del.icio.us Technorati Twitter Facebook!

Currently Active Users Viewing This Thread: 1 (0 members and 1 guests)

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
معافی مانگنے سے عزت کم نہیں ہوتی	زارا	کرکٹ	4	29-10-10 06:53 PM
ایران میں آج انقلاب اسلامی کی تیسویں سالگرہ عزت و احترام اور بھر پورعقیدت و جذبے کے ساتھ منائی جارہی	عارف اقبال	خبریں	1	06-02-10 09:40 PM
توبہ یعنی اللہ کی طرف بازگشت	حیدر Rehan	متفرقات	10	02-02-10 02:28 PM
عزت کی تلاش میں	فیصل ناصر	اسلامی عقیدہ	3	12-12-08 06:57 PM