عادل سہیل

الحَمدُ لِلَّہِ وَحدَہُ و الصَّلاۃُ و السَّلامُ عَلیٰ مَن لا نَبِيَّ وَ لا مَعصُومَ بَعدَہُ ، وَ عَلیٰ آلہِ وَ ازوَاجِہِ وَ اصَحَابِہِ وَ مَن تَبعَھُم باِحسَانٍ اِلیٰ یَومِ الدِین،
خالص اور حقیقی تعریف اکیلے اللہ کے لیے ہے ، اور اللہ کی رحمتیں اور سلامتی ہو محمد پر جِنکے بعد کوئی نبی اور معصوم نہیں ، اور اُن صلی اللہ علیہ وسلم کی آل پر ، اور مقدس بیگمات پر اور تمام اصحاب پر اور جو اُن سب کی ٹھیک طرح سے مکمل پیروی کریں اُن سب پر ،
دس محرم کے روزے کی فضیلت بیان کرنے سے پہلے مُناسب معلوم ہوتا ہے کہ مختصراً دس محرم کے روزے کی تاریخ اور سبب بھی ذِکر کرتا چلوں، تا کہ پڑہنے والے اِنشاء اللہ یہ سمجھ جائیں کہ دس محرم کی فضیلت یا اِس دِن روزہ رکھنے کے اجر کا نواسہء رسول صلی اللہ علیہ وسلم ، حسین بن علی رضی اللہ عنہما کی شہادت جس کے واقع ہونے کی تاریخ دس محرم بتائی جاتی ہے ، کوئی تعلق نہیں ہے ،
:::::دس محرم کا روزہ :::::
آئیے دیکھتے ہیں کہ اللہ کے رسول صلی اللہ علیہ وسلم کی طرف سے اِس ماہ یا اِس کے کِسی خاص دِن کے
بارے میں ہمیں کیا بتایا ، سیکھایا گیا ہے ۔
(عبداللہ ابنِ عباس رضی اللہ عنہما کا کہنا ہے کہ ''' جب رسول اللہ صلی اللہ علیہ وسلم مدینہ تشریف لائے تو یہودی دس محرم کا روزہ رکھا کرتے تھے رسول اللہ صلی اللہ علیہ وسلم نے پوچھا کہ (مَا ھَذا؟)( یہ کیا ہے؟ ) تو اُنہیں بتایا گیا کہ ''' یہ دِن نیک ہے ، اِس دِن اللہ نے بنی اسرائیل کو اُن کے دشمن ( فرعون ) سے نجات دِی تھی تو اُنہوں نے روزہ رکھا تھا '' ' تو رسول اللہ صلی اللہ علیہ وسلم نے فرمایا (فَانَا احقُ بِمُوسیٰ مِنکُم )( میرا حق موسیٰ پر تُم لوگوں سے زیادہ ہے ) اور رسول اللہ صلی اللہ علیہ وسلم نے اِس دِن کا روزہ رکھا اور روزہ رکھنے کا حُکم دِیا ) ''' صحیح البُخاری /حدیث٢٠٠٤/کتاب الصوم/باب٦٩ ۔
[ ابو موسی رضی اللہ عنہُ کا کہنا ہے کہ ''' دس محرم کے دِن کو یہودی عید جانتے تھے تو نبی صلی اللہ علیہ وسلم نے فرمایا ( تُم لوگ اِس دِن کا روزہ رکھو ) صحیح البُخاری /حدیث ٢٠٠٥/کتاب الصوم/باب٦٩۔
::::: دس محرم کا روزہ رمضان کے روزوں سے پہلے بھی تھا ، لیکن فرض نہیں تھا :::::
اِیمان والوں کی والدہ عائشہ ، عبداللہ ابنِ عُمر، عبداللہ ابنِ مسعود رضی اللہ عنہم سے روایات ہیں کہ ( اِس دس محرم کا روزہ اہلِ جاہلیت بھی رکھا کرتے تھے اور رمضان کے روزے فرض ہونے سے پہلے رسول اللہ صلی اللہ علیہ وسلم بھی رکھا کرتے تھے اور اِسکا حُکم بھی دِیا کرتے تھے اور اِسکی ترغیب دِیا کرتے تھے ، جب رمضان کے روزے فرض ہوئے تو رسول اللہ صلی اللہ علیہ وسلم نے ہمیں نہ اِسکا حُکم دِیا ، نہ اِس کی ترغیب دِی اور نہ ہی اِس سے منع کیا ) صحیح مُسلم /کتاب الصیام /باب صوم یوم عاشوراء
معاویہ رضی اللہ عنہُ کا کہنا ہے کہ اُنہوں نے رسول اللہ صلی اللہ علیہ وسلم کو فرماتے ہوئے سُنا کہ (ہذا یَومُ عَاشُورَاء َ ولَم یَکتُب اللہ عَلَیکُم صِیَامَہُ وانا صَائِمٌ فَمَن شَاء َ فَلیَصُم وَمَن شَاء َ فَلیُفطِر) ( یہ دس محرم کا دِن ہے اور اللہ نے تُم لوگوں پر اِس کا روزہ فرض نہیں کِیا ، اور میں روزے میں ہوں تو جو چاہے وہ روزہ رکھے اور جو چاہے وہ افطار کرے )
صحیح البُخاری حدیث ٢٠٠٣ /کتاب الصوم/باب٦٩، صحیح مُسلم حدیث ١١٢٩/کتاب الصیام/باب١٩ ۔
::::: دس محرم کے روزے کی فضلیت اور اجر :::::
عبداللہ ابن عباس رضی اللہ عنہما کا کہنا ہے ( میں نے رسول اللہ صلی اللہ علیہ وسلم کو دیکھاکہ نہ تو وہ(صلی اللہ علیہ وسلم) کِسی بھی اور دِن کے (نفلی)روزے کواِس دس محرم کے روزے کے عِلاوہ، زیادہ فضلیت والا جانتے تھے اور نہ کِسی اور مہینے کو اِس مہینے سے زیادہ ( فضیلت والاجانتے تھے ) یعنی رمضان کے مہینے کو ) صحیح البُخاری /حدیث ٢٠٠٦/کتاب الصوم/باب٢٩۔
ابو قتادہ رضی اللہ عنہُ ایک لمبی حدیث میں روایت کرتے ہیں کہ ( خلیفہ دوئم بلا فصل امیر المؤمنین عُمر ابن الخطاب رضی اللہ عنہُ ) نے رسول اللہ صلی اللہ علیہ وسلم سے عاشوراء (دس محرم) کے روزے کے بارے میںپوچھا گیا تو فرمایا(اَحتَسِبُ علی اللَّہِ اَن یُکَفِّرُ السَّنَۃَ المَاضِیَۃَ)( میں اللہ سے یہ اُمید رکھتا ہوں کہ (یہ عاشوراء کا ) روزہ پچھلے ایک سال کے گُناہ
معاف کروا دے گا ) صحیح مُسلم حدیث ١١٦٢/کتاب الصیام/باب٣٦، صحیح ابن حبان /حدیث٣٢٣٦ ۔
السلام علیکم و رحمۃُ اللہ وبرکاتہُ
عادل سُہیل ظفر

عرفان حیدر

سلام،
دس محرم کا روزہ نہیں رکھا جاسکتا کیوں کہ اس دن جو روزہ رکھا گیا تھا وہ امام حسین علیہ السلام کو شہید کرنے کی خوشی میں رکھا گیا تھا۔اور یہ کوئی بات نہیں کہ دس محرم کا روزہ رکھیں اور اپنے ایک سال کے گناہ معاف کرلیں۔ جناب لوگوں کو کربلا کا فلسفہ بتائیں نہ کہ وہ کام جو نہیں کرنے چاہیں۔
وسلام

عادل سہیل

السلام علیکم و رحمۃُ‌اللہ و برکاتہُ
بھائی عرفان حیدر صاحب ،
دس محرم کے روزے کی تاریخ اور سبب اور اُس دن روزہ رکھنے پر ایک سال کے گنا معاف ہونے کی خبر ، یہ سب کچھ میں نے اپنی طرف سے نہیں کہا ، غور سے پڑہیئے ، یہ سب رسول اللہ صلی اللہ علیہ وسلم کی احادیث ہیں ، اور صحیح البُخاری اور صحیح مُسلم کی احادیث ہیں ،
افسوس کی بات ہے ، کہ کس جرات مندی سے آپ رسول اللہ صلی اللہ علیہ وسلم کی بات کو ’’’ یہ کوئی بات نہیں ‘‘‘ کہہ رہے ہیں ، اور دس محرم کے روزے کی حقیقت کو بدل کر ایک اسے واقعے سے جوڑ رہے ہیں‌ جو اُس دن کا روزے رکھنے کی عادت و عبادت سے صدیوں و سالوں بعد ہوا ،
اور حیرت کی بات ہے کہ دوسرے مراسلے میں تو آپ مجھے تاریخ پڑہنے کا مشورہ دے رہے ہیں اور یہان خود ایک بڑی تاریخی حقیقت سے انکار کر رہے ہیں ، ایسی تاریخی حقیقت کو تاریخ کی کہانیوں سے نہیں حدیث کی با سند اور صحیح سند والی روایت سے ثابت ہے کہ دس محرم کا روزہ قبل از اسلام بھی رکھا جاتا تھا ،
میرے کملہ گو بھائی ، آپ کے مزاج میں اگر کوئی بات نہیں‌ آ پاتی تو اُس بات کا انکار کرنے سے پہلے یہ ضرور دیکھ لیجیئے کہ وہ بات ہے کس کی ؟؟؟
اللہ تعالیٰ ہم سب کی اصلاح فرمائے
السلام علیکم و رحمۃُ اللہ و برکاتہُ

عرفان حیدر

سلام،
میں دیکھ بھی چکا ہوں اور پڑھ بھی چکا ہوں۔ لوگ پہلے رمضان کے روزے صحیح سے رکھ لیں اسکے بعد محرم کا روزہ رکھیں (جو غلط کیوں کہ دس محرم روزہ امام حسین علیہ السلام کی شہادت کی خوشی میں رکھا گیا تھا)۔
وسلام

عبداللہ حیدر

دس محرم کے روزے کی فضیلت صحیح البخاری کتاب الصوم میں بیان کی گئی ہے جو اہل سنت کے تمام مکاتب فکر کے نزدیک حدیث کی معتبر ترین کتاب ہے۔ اس لیے یہ بات درست نہیں ہے کہ اس دن روزہ نہیں رکھا جا سکتا۔
جہاں تک شہادت کی خوشی میں روزہ رکھنے کا تعلق ہے تو یہ بات سمجھ میں نہیں آتی۔ گناہگار کبھی بھی اپنے گناہ کی خوشی میں عبادت نہیں کرتا۔

champion_pakistani

ماشااللہ آپ نے بہت زبردست لکھا ہے

عادل سہیل

السلام علیکم
چیمین بھائی ، کِس نے کیا زبردست لکھا ہے ؟

سرمد

بہت بہت شکریہ عادل بھائی آپ نے اس مسئلے کو واضح کیا۔

ویسے مجھ جیسے کم علم کے لیے عبداللہ حیدر بھائی کی یہ مثال ہی کافی ہے۔

عادل سہیل

السلام علیکم و رحمۃُ اللہ و برکاتہ
جزاک اللہ خیر بھائی سرمد ، اللہ ہی ہدایت و سمجھ دینے والا ہے جسے چاہے دے اور جس سے چاہے روک لے ، اللہ ہمیں دوسری قسم میں سے نہ بنائے ۔
و السلام علیکم و رحمۃُ اللہ و برکاتہ

عرفان حیدر

جناب گناہ سمجھا ہو تب نا۔ یزید لعنتہ اللہ جب بازار شام سجا سکتا ہے، اپنا محل سجا سکتا ہے اس جیسے ملعون سے کیا بعید۔

عادل سہیل

السلام علیکم و رحمۃُ‌اللہ و برکاتہُ
بھائی عرفان حیدر صاحب ، ایک طرف اللہ کے رسول صلی اللہ علیہ وسلم کاثابت شدہ فرمان ہو اور ایک طرف تاریخ کی غیر ثابت شدہ کہانیاں تو آپ کس بات کو قبول کریں گے ؟؟؟

عرفان حیدر

سلام،
کیا گارنٹی ہے کہ آپ جس فرمان کو حوالہ دے رہے ہیں وہ درست ہے۔ ہمارے یہاں تو یزید ملعون تھا اور ہے اور رہے گا قیامت تک اور قیامت کے بعد بھی۔ تاریخ کے حوالے سے اگر میں آپکی بات پر یقین کروں تو بالکل یہی جملہ اگر میں آپ کو بولوں وہ بھی الٹا کر کے تو آپکا کا کیا جواب ہوگا؟
وسلام

عادل سہیل

سلام علیکم ،
بھائی عرفان ، میں نے جو پوچھا تھا اُس کا جواب تو آپ نے دیا نہیں ، اب آپ جس طرح جو فقرہ بولنا چاہتے ہیں ، بولیئے ، پھر ہی کوئی جواب دوں گا ، انشا اللہ

زاھد نور

اسلام و علیکم برادران اسلام میرا تعلق روزہ رکھنے یا نہ رکھنے سے نہیں بلکہ اس سے ھے کے ثواب کی مقدار ہم کہاں سے اخذ کرتے ہیں یعنی ایک سال کے گناہ معاف 40 حج کا ثواب وغیرہ وغیرہ ثواب دینے والی تو اللہ کی ذات ھے اس ذات پرحق نے تو کہیں کوئ سکیل نہیں بیان کی سوائے نیت کے یا تقوی کے ھم لوگوں نے یہ مقداریں کہاں سے نکالی ہیں برائے مہربانی وضاحت فرما دیں جزاکم اللہ خیر

زاھد نور

ایک چیز اور نہ ہی کسی ذی روح نے اپنی موت کا وقت مقرر کیا ھے اور نہ ہی ڈیزائن یہ دونوں چیزیں اللہ سبحان و تعالی کی ڈیزائن کردہ اور مقرر کردہ ہیں اگر کوئی خود اپنی موت کا وقت اور ڈیزائن تیار کرتا ھے تو وہ خود کشی کے زمرے میں آتا ھے لھذا جناب حسین رضی اللہ عنہ کی شہادت نہ کسی مخلوق کی مقرر کردہ ھے نہ ڈیزاین کردہ اور اگر یہ اللہ کی رضا ھے تو ھمیں اللہ کی رضا مہں راضی رہنا چاہیے نہ بحث ذیب دیتی ھے نہ ماتم ذیب دیتا ھے