ولولے پہ ضبط کا قبضہ رھا!

اک طوفاں اس طرح ٹھہرا رھا

یہ وفا کا ایسا سورج ھے کہ جو

ڈوب کر بھی روشنی دیتا رھا

مدحت_عباس تھی پیش_نظر

میں فقط لفظ وفا لکھتا رھا

اک اطاعت ، اک تحمل ، اک وفا

عمر بھر غازی کا سرمایہ رھا

بن گیا خود ایک دریاۓ وفا

چھین کر دریا بھی جو پیاسا رھا

عمر بھر عباس کی تلوار پر

حضرت_شبیر کا قبضہ رھا

یہ بھی ھے اس کی شجاعت کا کمال

اس کو ٹھہرایا تھا وہ ٹھہرا رھا

ھے علمداری بھی سقائی کے ساتھ

رشتئہ مشک و علم یکجا رھا

ھم صدا دیتے رھے عباس کو

کام ھر بگڑتا ھوا بنتا رھا

سب کے جھنڈے سرنگوں ھوتے رھے

پرچم_عباس لہراتا رھا

اب بھی دریا پیاس کا مقروض ھے

اور یہ قرضہ حشر تک قرضہ رھا

شاداں دھلوی

__________________
تم لوگوں کی اس دنیا میں ہر قدم پہ انساں غلط
میں صحیح سمجھ کہ جوبھی کروں تم کہتے ہو غلط
میں غلط ہوں تو پھر کون صحیح؟