اسلامی شریعت کے تین بنیادی پہلو ہیں، جنہیں اسلام، ایمان اور احسان کہا جا سکتا ہے۔
پہلے دو شریعت اور تیسرا، یعنی احسان، طریقت کے زمرے میں آتا ہے۔
شریعت کی تفصیلات کے بارے میں تو اتنا زیادہ اختلاف نہیں‌پایا جاتا جتنا طریقت کے حوالے سے مختلف آراء سننے کو ملتی ہیں
عام اصطلاح میں طریقت کو تصوف کی اصطلاح سے جانا جاتا ہے۔
تصوف کیا ہے۔؟؟
در حقیقت یہ قرآنی اصطلاح ’’تزکیہ‘‘ کی تعبیر ہے۔ نبی کریم صلی اللہ علیہ و سلم کے زمانہ سے ہی تزکیہ اور احسان کے مختلف مدارج چلے آرہے ہیں۔
کائنات میں سب سے محترم وجود انسان ہے جس کا خود رب کائنات نے قرآن میں‌ ذکر کیا ہے۔ اللہ تعالی نے انسان کی نہ صرف ظاہر ی اصلاح بلکہ باطنی اصلاح کے لئے بھی ہدایات و احکامات نازل فرمائے۔

تصوف کی اصطلاح چونکہ زمانہ رسالت میں رائج نہیں تھی اور نہ ہی خلافت راشدہ یا اس کے بعد کے زمانے میں اس کا استعمال دیکھنے کو ملتا ہے۔ دوسری صدی ہجری کے بعد سے جب دیگر علوم و فنون نے ادارارتی شکل اختیار کی تو تصوف کا فن بھی معرض وجود میں آیا۔ اصطلاحات اور مراتب کا تعین کیا گیا۔ ۔۔۔۔۔۔۔اس کی تفصیلات اس وقت ہمارا موضوع بحث نہیں ہے۔

جہاں بہت سارے اکابرین نے تصوف کو اختیار کیا، اور تربیت کے لئے مختلف طرق وضع کئے، بے شمار لوگوں کو اللہ سے قریب کرنے کے لئے اپنی زندگیاں وقف کیں،
وہیں ایک طبقہ تصوف سے گریزاں بھی نظر آتا ہے۔
ان کے خیال میں یہ عجمی بدعت ہے جس کا وجود زمانہ اطہر میں نہیں تھا۔ یہ اباحیت اور باطنیت کے فروغ کی کوشش ہے جس کا مقصد شریعت اسلامی کے عملی احکامات کو محدود کر کے باطنیت کے فروغ کے ذریعے غلبہ اسلام کی کوشوں کو روکنا ہے۔
یہ بات کس حد تک درست ہے اس کا فیصلہ تو اہل علم ہی کر سکتے ہیں۔ جنہوں نے اس میدان میں زندگیاں گزاری ہیں اور اس علم کی جزئیات سے حقیقی واقفیت رکھتے ہیں۔

میری رائے میں یہ دونوں ایک دوسرے کے لئے تکمیل کا ذریعہ ہیں ، کیوں کہ شریعت ظاہری اعمال کا نام ہے جس کے بغیر ایمان صرف ایک دعوی ہے ، جبکہ طریقت باطنی اصلاح اور اخلاص کا نام ہے جس کے بغیر ظاہری اعمال کا کوئی فائدہ نہیں ، اس لئے دونوں معاون اور ایک ایمان کو مکمل کرنے والے ہیں۔

اس حوالے سے اہل علم کی آراء کا انتظار رہے گا۔۔

و السلام

__________________
محتاج اصلاح و دعا