عادل سہیل

السلام علیکم ورحمۃ اللہ و برکاتہ ،
جی مرزا بھائی ،اگر ہم اس کی حقیقت جان کر اللہ کی رضا کے لیے اس کو چھوڑیں گے تو ان شاء اللہ تعالیٰ اللہ کی رضامندی کے لازمی نتائج میں ایک نتیجے "عظمت " کا حصول بھی ممکن ہو گا ، اور دُنیا اور آخرت کی "عظمت" ملے گی ،
(((((وَعَدَ اللَّهُ الَّذِينَ آمَنُوا مِنكُم وَعَمِلُوا الصَّالِحَاتِ لَيَستَخلِفَنَّهُم فِي الأَرضِ كَمَا استَخلَفَ الَّذِينَ مِن قَبلِهِم وَلَيُمَكِّنَنَّ لَهُم دِينَهُمُ الَّذِي ارتَضَىٰ لَهُم وَلَيُبَدِّلَنَّهُم مِن بَعدِ خَوفِهِم أَمنًا يَعبُدُونَنِي لَا يُشرِكُونَ بِي شَيئًا وَمَن كَفَرَ بَعدَ ذَلِكَ فَأُولَٰئِكَ هُمُ الفَاسِقُونَ ::: اللہ تُم لوگوں میں سے ایمان لا کر نیک عمل کرنے والوں کے ساتھ وعدہ کرتا ہے کہ انہیں دُنیا میں حکومت عطاء فرمائے گا جس طرح اُن سے پہلے والوں کو عطاء فرمائی ،اور ضرور اُن لوگوں کے لیے اُن کے دِین کو مستحکم و مضبوط فرما دے گا جو دِین اللہ نے اُن کے لیے پسند فرمایا ہے ، اور اُنہیں خوف کے بعد أمن عطاء فرمائے گا (لیکن اس کے لیے لازم یہ ہے کہ)وہ لوگ میری (ہی) عِبادت کریں اور میرے ساتھ کسی چیز کو شریک نہ کریں اور جِس نے اس (صاف سچے وعدے اور تنبیہ)کے بعد انکار کیا تو ایسے لوگ بدکردار ہیں)))))سورت النور /آیت 55،
اگر اللہ اور اس کے رسول صلی اللہ علیہ و علی آلہ وسلم کی نافرمانی والے اعمال کی حقیقت جاننے کے بعد بھی ان پر عمل پیرا رہیں تو دُنیا اور آخرت میں اللہ کے کسی بھی عذاب ، کسی بھی گرفت سے محفوظ ہونے کا تصور بھی نادرست ہے ،
(((((وَمَن يَعصِ اللَّهَ وَرَسُولَهُ وَيَتَعَدَّ حُدُودَهُ يُدخِلهُ نَارًا خَالِدًا فِيهَا وَلَهُ عَذَابٌ مُهِينٌ::: اور جو اللہ اور اُس کے رسول کی نافرمانی کرےگا اور اللہ کی مقرر کردہ حدود سے تجاوز کرے گا (تو) اللہ اُسے جہنم میں داخل کرے گا جہاں وہ ہمیشہ ہمیشہ رہے گا اور اُس نافرمان کے لیے شدید ذلت والا عذاب ہوگا )))))سورت النساء/آیت 14،
(((((فَأَمَّا الَّذِينَ كَفَرُوا فَأُعَذِّبُهُم عَذَابًا شَدِيدًا فِي الدُّنيَا وَالآخِرَةِ وَمَا لَهُم مِن نَاصِرِينَ::: لہذا جو تو انکار کرنے والے ہیں تو اللہ انہیں شدید عذاب دے گا دُنیا میں (بھی ) اور آخرت میں (بھی) اور ان کا کوئی مددگار نہ ہوگا )))))سورت آل عمران/آیت 56،
لاشک و لا ریب ، بلا شک و شبہ اللہ تعالیٰ ہم سے ہمارے ہر ایک عمل کے بارے میں پوچھے گا ،
((((( وَلَو شَاءَ اللَّهُ لَجَعَلَكُم أُمَّةً وَاحِدَةً وَلَٰكِن يُضِلُّ مَن يَشَاءُ وَيَهدِي مَن يَشَاءُ وَلَتُسأَلُنَّ عَمَّا كُنتُم تَعمَلُونَ ::: اور اگر اللہ چاہتا تو تم سب لوگوں کو ایک ہی اُمت بنا دیتا لیکن اللہ جِسے چاہتا ہے گُمراہ کرتا ہے اور جِسے چاہتا ہے ہدایت دیتا ہے اور ضرور تُم لوگ جو کچھ کرتے ہو اُس کے بارے میں تُم لوگوں سے سوال کیا جائے گا)))))سورت النحل /آیت 93،
بالکل درست فرمایا مرزا بھائی ، بس آپ کی بات میں کچھ اضافے کی ضرورت ہے جو کہ آپ کی ذِکر کردہ آیات میں بھی مذکور ہے کہ قران کو رسول اللہ صلی اللہ علیہ وعلی آلہ وسلم کے بتائے ہوئے طریقوں پر چل کرسمجھنا ہے اور پھر اس پر عمل کرنا ہے ، اگر اس طرح قران کو سمجھ کر اس پر عمل کیا جائے تو یقیناً دُنیا اور آخرت کی فلاح ملے گی ، اور ہمارا وقت ضائع نہ ہو گا ، اور اگر ہم قران کو اپنی مرضی ، اپنی عقل ، اپنے خود ساختہ فلسفوں کی بنا پر سمجھیں گے تو قران سے ہجرت کرنے والوں میں ہو جائیں گے ،
قران کو رسول اللہ صلی اللہ علیہ وعلی آلہ وسلم کی عملی اور قولی تفیسر کے بغیر سمجھنا یقینی گمراہی کا سبب ہے اس کا مشاہدہ قدیم سے آج تک ہو رہا ہے ، اور یہ بھی قران سے ہجرت میں شمار ہوتا ہے ،
اللہ تعالیٰ ہم سب کو اللہ کی کتاب اُس طرح سمجھنے کی توفیق دے جس طرح اس نے سمجھنے کا راستہ دکھایا ہے ،
(((((بِالبَيِّنَاتِ وَالزُّبُرِ وَأَنزَلنَا إِلَيكَ الذِّكرَ لِتُبَيِّنَ لِلنَّاسِ مَا نُزِّلَ إِلَيهِم وَلَعَلَّهُم يَتَفَكَّرُونَ ::: (اور ہم نے آپ سے پہلے والے رسولوں اور نبیوں کو) دلائل اور کتابیں دے کر (بھیجا تھا) اور ہم نے آپ پر بھی یہ کتاب نازل کی ہے (اور اس لیے نازل کی ہے )کہ آپ لوگوں کو یہ بیان فرمائیں کہ اُن کی طرف کیا نازل کیا گیا ہے ، تاکہ وہ لوگ غور کریں))))) سورت النور /آیت 44،
اور جو لوگ کچھ الفاظ کے تراجم وغیرہ سیکھ کر ، کچھ آٹو میٹیڈ سرچ انجنز کی مدد لے کر لیکن اللہ کے مقرر کردہ راستے کو چھوڑ کر اپنی خواہشات ، عقل ، فلسفوں اور سوچوں کے مطابق قران اور دِین کے احکام سمجھتے یا سمجھاتے ہیں اُن کی مثال اللہ کے اس فرمان میں ملتی ہے ((((( أَفَرَأَيتَ مَنِ اتَّخَذَ إِلَٰهَهُ هَوَاهُ وَأَضَلَّهُ اللَّهُ عَلَىٰ عِلمٍ وَخَتَمَ عَلَىٰ سَمعِهِ وَقَلبِهِ وَجَعَلَ عَلَىٰ بَصَرِهِ غِشَاوَةً فَمَن يَهدِيهِ مِن بَعدِ اللَّهِ أَفَلَا تَذَكَّرُونَ ::: کیا آپ نے ایسے شخص کو دیکھا ہے جِس نے اپنی خواہش کو اپنا معبود بنا رکھا ہو اور اللہ نے اُسے عِلم والا ہونے کے باوجود گمراہ کر دیا ہو اور اُس کے سماعت اور دِل پر مہر لگا دی ہو اور اُس کی بصیرت پر پردہ ڈال دیا ہو تو پھر اُسے اللہ کے عِلاوہ کون ہدایت دے سکتا ہے ، بھلا تُم لوگ نصیحت کیوں نہیں حاصل کرتے ))))) سورت الجاثیہ /آیت 23،
اللہ تعالیٰ ہمیں ہمارے نفوس کی اتباع سے محفوظ رہنے کی ہمت دے اور ہر گمراہی سے محفوظ رکھے ،والسلام علیکم۔

عروج

بھیا اسطرح نیند یا سستی نہیں آتی قرآن کی دفعہ تو نہیں کیونکہ تب میری توجہ معنی کی طرف ھوتی ھے۔ لیکن سکول کی پڑھائی تو میں اسی طرح کر پائی۔ تو پھر حفاظ کامقصد؟

مرزا عامر

قران کو ہل کر پڑھنا کسی قوم سے مشابہت نہیں ہے بلکہ یہ ایک فطری عمل ہے ۔