منتظمین

سلام!
قسیم بھائی اپ نے ایک بہت اہم مسلے کی طرف توجہ دلائی ہے جناب ساگر صاحب پہلے ہی اس موضوع پر "اپکے کالم "‌میں ایک کالم لکھ چکے ہیں۔
میں نے اس کالم میں بھی یہی لکھا تھا کہ ہمارے معاشرے اور مذہب کے ٹھیکدار ہر معاملے میں اور ہر کام میں اپنا حصہ ڈالنا ایک ضروری اور لازمی فریضہ تصور کرتے ہیں۔ لیکن میرا ان سب سے ایک سوال تھا کہ ہم پچھلی کئی دہائیوں سے مختلف "جماعتوں"‌کے دھرنے اور جلسے جلوس دیکھ رہے ہیں۔ کیا ان جماعتوں کو اللہ نے اتنی توفیق کبھی دی کہ وہ انسانوں‌اور غریبوں کے مسائل پر کوئی جلسہ جلوس نکالا ہو؟ کسی سڑک پر "دھرنا"‌ دیا ہو؟ صرف ذخیرہ اندوزی اور ناجائز منافع خوری ہی ملک کے مسائل نہیں‌ہیں۔ ملک میں رشوت ستانی، اقربا پروری، لوٹ مار، پولیس اور دوسرے بہت سارے مسائل ہیں کیا آپ مجھے پورے پاکستان کی تاریخ میں‌ ان "جماعتوں" کا کوئی ایک جلسہ جلوس اور کوئ ایک دھرنا ایسا ڈھونڈ کر دیکھائیں جو انسانیت اور غریبوں‌کے نام پر ہو؟

میں امید کروں‌گا کہ میری یہ بد گمانی ختم ہو اور اپکو کوئی ایسی مثال مل سکے۔

والسلام

__________________
تم سپاہی نہیں ہو پیشہ ور قاتلو!

عبداللہ حیدر

دینی جماعتوں کے طریقہ کار میں یقینا اصلاح کی گنجائش موجود ہے لیکن میرا خیال ہے کہ جن مسائل کا آپ نے تذکرہ کیا ہے وہ دھرنے یا احتجاج سے حل نہیں ہو سکتے۔ اس کے لیے بہترین انتظامی صلاحیتیں اور احتساب کا کڑا نظام درکار ہے۔ متحدہ مجلس عمل سے لاکھ اختلاف سہی لیکن یہ حقیقت ہے کہ صوبہ سرحد میں انہوں نے وزراء اور پروٹوکول پر اٹھنے والے اخراجات میں بے مثال کمی کی ہے۔

منتظمین

تو اسکا واضح‌مطلب یہی ہوا کہ اپ کو پوری پاکستانی تاریخ میں‌ایسا کچھ نہیں‌ملا ہے۔ کہ ان نام نہاد ٹھیکداروں‌ نے عوام کے لیے کوئی نیک کام کیا ہو- مجلس عمل نے اس کے علاوہ بھی اگر عوام کے لیے کچھ کیا ہو تو ذرا روشنی ڈالیں۔ رشوت ستانی کے متعلق کیا کیا ہے؟ کیا لوگ بھوک سے مرنے ختم ہو گئے ہیں؟ کیا اقربا پروری کا صوبہ سرحد سے مکمل خاتمہ کر دیا گیا ہے؟ کیا ہر شخص کو تعلیم کے یکساں‌ مواقع میسر ہیں؟ کیا کارنامہ کیا ہے انھوں نے جس کی بنیاد پر وہ اگلے 5 سال کے لیے ووٹ مانگنا چاہ رہے ہیں؟ قران کو بیچ میں‌رکھ کر ووٹ ڈالنے والوں‌نے کیا قران پر عمل کروایا ہے؟ فضل الرحمان جو کچھ کر رہا ہے یہ کونسی سیاست ہے؟ کیا اس کو "تھالی" کی سیاست نہیں بولتے کیا؟

مجھے بہت افسوس ہوا کہ میری "بد گمانی" نہ ختم ہو سکی۔

عبداللہ حیدر

عنقریب اعدادوشمار کے ساتھ حاضر ہوتا ہوں ان شاء اللہ۔

عبداللہ حیدر

ادارہ خدمتِ خلق جماعت الدعوۃ کی خدمات
1۔ملک بھر میں 140 فری ڈسپنسریز کا قیام جن سے ڈیڑھ لاکھ افراد مستفید ہو چکے ہیں۔
2۔ الدعوۃ میڈیکل مشن کے تحت 6 ہسپتال کام کر رہے ہیں۔
3۔ میڈیکل کیمپننگ کے ذریے دوردراز علاقوں میں طبی سہولیات فراہم کی جا رہی ہیں۔ اب تک تین لاکھ کے قریب لوگوں کو فائدہ پہنچا ہے۔
4۔ ملک بھر میں 68 ایمولینسز عوام کی خدمت کے لیے موجود رہتی ہیں۔ حالیہ زلزلے کے بعد ان کی خدمات ناقابل فراموش ہیں۔تیس ہزار مریض فیض یاب ہو چکے ہیں۔
5۔تھرپارکر، اندرون سندھ اور بلوچستان کے وہ علاقے جہاں لوگ جوہڑوں کا پانی پینے پر مجبور تھے فراہمی آب کے 104 منصوبے مکمل کیے جا چکے ہیں۔
6۔مستحق لوگوں کی کفالت کے پروگرام کے تحت 12480 افراد کو لباس، 2295 خاندانوں کو بستر اور 2075 افراد کو ماہانہ بنیادوں پر خوراک پہنچائی جا رہی ہے۔
7۔ 170 خاندانوں کی مدد خود کفالت پروگرام کے تحت کی گئی۔
8۔ ملک بھر میں ہیپاٹائٹس سے بچاؤ کے لیے آٹھ لاکھ افراد کو ویکیسسن انجکشن دی گئی۔
الرشید ٹرسٹ
الرشید ٹرسٹ پر پابندی لگی تو اس کے مضمرات کو اس طرح بیان کیا گیا:
اس پابندی کے باعث 50 ہزار سے زائد افراد معاشی طور پر مفلوج ہوں گے ۔ 14لاکھ سے زائد افراد کا اب تک علاج کیا جاچکا ہے جبکہ پابندی کے باعث ماہانہ 15ہزار مریض علاج کی سہولتوں سے محروم ہوں گے ۔ 11ایمبولینس سینٹر میں سے روزانہ 100لاشیں ، زخمی اور مریضوں کی منتقلی ہوتی ہے جو اب ختم ہوجائے گا ۔ جبکہ 60میڈیکل کیمپوں کے ذریعے اب تک 80 ہزار سے زائد مریضوں کا علاج کیا جاچکا ہے ۔ پابندی کے بعد یہ سلسلہ جاری نہ رہے سکے گا ۔ 30ہزار سے زائد بیوائیں اور یتیم بچوں کو وقتاً فوقتاً خوراک فراہم کی جاتی ہے اس پابندی کے بعد یہ منصوبہ بھی ختم ہوجائے گا جبکہ اب تک مجموعی طور پر 35لاکھ افراد کو خوراک فراہم کی جاچکی ہے ۔ الرشید ٹرسٹ نے تعمیر مساجد پروجیکٹ کے تحت ایک سو 42مساجد کی تعمیر کا منصوبہ بنایا جن میں سے 42کی تعمیر مکمل ہوچکی ہے جبکہ پابندی کی باعث اب 100مساجد کی تعمیر بھی متاثر ہوگی ۔ الرشید ٹرسٹ نے اب تک 10لاکھ افراد کو لباس فراہم کیا ہے اور اس سال مزید ایک لاکھ افراد کو لباس فراہم کرنے کا منصوبہ تھا جو متاثر ہوگا ۔ بلوچستان کے ضلع باغ ناڑی میں پانی کی قلت کے خاتمے کے لئے 107 تالاب تعمیر کرنے کے منصوبے کا آغاز کیا گیا تھا جن میں سے 12تالاب کی تعمیر مکمل ہوچکی تھی پابندی کے باعث 95تالاب تعمیر نہ ہوسکیں گے ۔ 50سے زائد مکاتب اور اسکول میں 2ہزار سے زائد زیر تعلیم بچوں پر یہ پابندی اثر انداز ہوگی ۔ اس کے علاوہ 30 ہزار سے زائد زلزلہ متاثرہ افراد بھی متاثر ہوں گے ۔
الخدمت فاؤنڈیشن
چند روزناموں کی خبریں ملاحظہ کیجیے:
الخدمت فاؤنڈیشن پاکستان نے بلوچستان اور سندھ کے شدید متاثرہ علاقوں کے لئے 20لاکھ روپے مالیت کی ادویات کی دوسری کھیپ روانہ کر دی گئی ہے جبکہ متاثرین کی بحالی اور امداد کے لئے الخدمت پنجاب کی جانب سے 25 ہزار خیمے‘ 5 ٹرک راشن جس میں آٹا‘ چاول‘ گھی ‘ چائے کی پتی‘ نمک ‘ مرچ شامل ہیں روانہ کر دیا گیا ہے۔
الخدمت فاؤنڈیشن پاکستان اب تک ملک کے مختلف حصوں میں سیلاب سے متاثرہ افراد تک پانچ کروڑ روپے کا امدادی سامان پہنچا چکی ہے۔ اس امر کا اظہار الخدمت فاؤنڈیشن پاکستان کے سیکریٹری جنرل احسان اللہ وقاص نے پریس کانفرنس سے خطاب کرتے ہوئے کیا۔ انہوں نے بتایا کہ الخدمت فاؤنڈیشن اب تک 25ہزار خاندانوں کو تین کروڑ 75لاکھ کا راشن، 30ہزار خاندانوں کو خیمے، 10ہزار خاندانوں کو جھونپڑیاں، 10ہزار افراد کو روزانہ پکا ہوا کھانا خصوصی طور پر سانپ کے کاٹنے کی ویکسین انجیکشن 18ہزار لیٹر صاف پانی، 5ہزار خاندانوں کیلئے برتنوں کے سیٹ، 1500 پانی کی ٹینکیاں اور اینٹی بائیوٹک ودیگر ادویات فراہم کرچکی ہے۔
سندھ میں گزشتہ تین ماہ میں 23 مراکز صحت کے ذریعے 74 ہزار 399 مریضوں کو علاج کی سہولت مہیا کی گئی۔
الخدمت کی جانب سے گزشتہ تین ماہ کے دوران جھڈو، کوٹ غلام محمد، ٹنڈو الہ یار، حیدرآباد اور سکرنڈ میں 8 فری میڈیکل کیمپ لگائے گئے جن سے 2949 مریضوں نے استفادہ کیا۔ کی۔دریں اثناء ماڈل کالونی مں اتوار کو الخدمت کی جانب سے ہپاٹائٹس کیے انجیکشن لگانے کے لیے کیمپ کا افتتاح ہوا۔ اس موقع پر علامہ ناظم پرویز احمد اور لوگوں کی بڑی تعداد موجود تھی۔ کیمپ کے انچارج ظفر احمد نے بتایا کہ ضرورت مند افراد کو انجیکشن لگائے جا رہے ہیں اور ہیپاٹائٹس کے مرض کے بارے میں لوگوں کو باخبر رکھنے کے لیے خصوصی لٹریچر بھی تقسیم کیا جا رہا ہے۔ کیمپ ماڈل کالونی ریلوے اسٹیشن کے قریب لگایا گیا ہے
صوبہ سرحد کی حکومت کے روشن پہلو
شعبہ تعلیم
سالانہ بجٹ کا 22 فیصد (جی ہاں 22 فیصد) تعلیم کے لیے مختص کیا گیا ہے جس میں خواتین کی تعلیم کا بجٹ 70 فیصد رکھا گیا ہے۔ اساتذہ کی کمی کو دور کرنے کے لیے 40 ہزار نئی بھرتیاں کی گئی ہیں۔ طلباء کو میڑک تک مفت کتابیں فراہم کی جا رہی ہیں۔ صوبہ سرحد کی حکومت نے صوبے کی تاریخ میں پہلی مرتبہ 44 نئے کالج کھولے ہیں جن میں سے 28 خواتین کے لیے ہیں جبکہ صوبے میں خواتین کی الگ یونیورسٹی بھی قائم کی گئی ہے۔ اس سے قبل 60 سالہ ملکی تاریخ میں کالجز کی کل تعداد 4 تھی۔
غیر سودی بینکاری
ملکی تاریخ میں پہلی دفعہ غیر سودی بینکاری کا باقاعدہ آغاز کیا گیا ہے۔
پراپرٹی ٹیکس کا خاتمہ
پانچ مرلے سے کم رقبے کے مکانات پر سے پراپرٹی ٹیکس ختم کر دیا گیا۔
مزدوروں کے لیےرہائشگاہوں کا انتظام
وہ مزدور جو دوسرے شہروں سے مزدوری کے لیے آتے تھے اور رہائش نہ ہونے کی وجہ سے سڑکوں پر رات بسر کرتے تھے ان کے لیے سرکاری مہمان سرائے تعمیر کیے گئے ہیں جن میں سینکڑوں مزدور رہائش اور زندگی کی دوسری ضروریات سے مستفید ہو رہے ہیں۔
انتظامی اخراجات میں مثالی کمی
وزراء اور حکومتی ارکان کو ملنے والی مراعات، گاڑیوں اور وظائف وغیرہ میں مثالی کمی کی گئی ہے اور انتظامی امور پر اٹھنے والے اخراجات سابقہ حکومتوں کے مقابلے میں صرف 9 فیصد رہ گئے ہیں۔
خلاصہ کلام
مندرجہ بالا اعداد و شمار سے یہ بات واضح ہو جاتی ہے کہ دینی طبقے سے تعلق رکھنے والے لوگ دعوت کے ساتھ ساتھ خدمتِ خلق کا کام بھی حسبِ استطاعت کر رہے ہیں۔ اصلاح کی گنجائش تو ہر کام میں ہوتی ہے۔
دو چار تھپیڑے ان کو بھی اے موجِ بلا
کچھ لوگ ساحل سے موجوں کا نظارہ کرتے ہیں