درجہ بندی: (2 votes - 5.00 average)

انسانیت کے سب سے بڑے محسن ( فداہ ابی و امی صلی اللہ علیہ و آلہ وسلم کی شان میں گستاخی کرنے والوں کو شاید ادراک ہی نہیں کہ وہ کس ہستی پر اپنی زبانیں اور قلم دراز کر رہے ہیں۔ قلمی دہشت گردی کو اظہار رائے کی آزادی کا نام دے کر اس طرح کی شرمناک حرکات کی مثال اس سے قبل نہیں ملتی۔ اس وقت ایک طرف ان مکروہ حرکات پر درست طریقے سے احتجاج کرنے کی ضرورت ہے تو دوسری جانب رحمت اللعالمین صلی اللہ علیہ و آلہ وسلم کی مبارک سیرت اور ان کے اصل پیغام کو عام کرنا تقاضائے وقت ہے۔ اس سے بڑھ کر ہماری خوش نصیبی کیا ہو سکتی ہے کہ ہم کسی انسان کو محسن انسانیت صلی اللہ علیہ و آلہ وسلم کا تعارف کرا دیں، ان صلی اللہ علیہ و آلہ وسلم کا مثالی اور روشن اسوہ دنیا کے سامنے اس طرح پیش کر دیں کہ انسانیت پھر کسی بدبخت کی دشنام طرازیوں اور ذلیل حرکات کا نوٹس ہی نہ لے اور اگر کوئی ایسا کرے تو ساری انسانیت کی نظر میں گر کر رہ جائے۔
ذیل میں دی گئی ویب سائٹ پر رحمت للعالمین صلی اللہ علیہ و آلہ وسلم کی حیات طیبہ 10 مختلف زبانوں میں پیش کی گئی ہے۔ قارئین سے گزارش ہے کہ اسے زیادہ سے زیادہ پھیلائیں۔ جو لوگ مغربی ممالک میں قیام پذیر ہیں یا جن کے عزیزواقارب وہاں ہیں، ان سے خصوصی درخواست ہے کہ نبی اکرم صلی اللہ علیہ و آلہ وسلم کی سیرت کو خود پڑھیں اور اردگرد کے لوگوں تک پہنچائیں۔ اپنی املاک نذر آتش کرنے اور اپنے مسلمان بھائیوں کی زندگی سے کھیلنے کی بجائے نبی رحمت صلی اللہ علیہ و آلہ وسلم کی سیرت اور پیغام کو عام کرنا ہمارے لیے بہترین طرز عمل ہے۔

سیرت رحمۃ اللعالمین صلی اللہ علیہ و آلہ وسلم دس بین الاقوامی زبانوں میں

اللہ تعالیٰ ہمیں اس کام کی توفیق عطا فرمائے اور آخرت میں رسول اللہ صلی اللہ علیہ و آلہ وسلم کی شفاعت نصیب فرمائے۔ آمین۔
اس دھاگے پر آپ اپنے جذبات کا اظہار کر سکتے ہیں۔