مرزا عامر

اہ شکاری بھائی یہاں کوئی شرک نہیں کر رہا یار چند الفاظ میں دوبارہ سمجھا دوں
جب آپ کرسمس کی مبارک دیتے ہیں تو آپ جانتے ہیں کہ خدا نے بیٹا نہیں جنا۔ جسے آپ مبارک دیتے ہیں وہ بھی یہ جانتا ہے کہ آپ اس عقیدے کے حامی ہو کہ خدا نے بیٹا نہیں جنا۔ بات دونوں طرف واضح ہے۔ پریشانی کس بات کی ؟

__________________

میں اک دن لَوٹ کے آوں گا

شکاری

عزیز بھائی،
میں نے ہرگز یہ نہیں‌کہا کہ جو کسی عیسائی کو کرسمس کی مبارکباد دیتا ہے، وہ شرک کرتا ہے یا کافر ہو جاتا ہے۔ اس لئے ازراہ کرم پوسٹ کا دوبارہ مطالعہ کر لیجئے۔ میں‌نے کچھ مثالیں‌بتائی ہیں کہ باپ کو گالی دینے والے کی خوشی میں‌ہم شریک نہیں‌ہوتے، رسول اللہ صلی اللہ علیہ وسلم کی توہین کرنے والے شخص‌کو ایک عمومی خوشی کی رسم پر مبارکباد نہیں دیتے، تو کیا وجہ ہے کہ ہم اللہ تعالیٰ‌کی شدید توہین کرنے والوں‌کو ایک ایسی رسم پر مبارکباد پیش کرتے پھریں جو اسی توہین کی یاد میں‌منائی جا رہی ہے؟؟

ہم مسلمانوں کے درمیان لاکھ اختلافات ہوں، لیکن اللہ کا بیٹا کوئی نہیں بناتا، اس کی ذات کے ساتھ شرک کو ہر غیور مسلمان اللہ کی توہین اور اللہ کو گالی دینے کے مترادف ہی مانتا ہے۔ جب یہاں‌تک ہمارا اتفاق ہے، اور رسول اللہ صلی اللہ علیہ وسلم کی توہین کرنے والے کے ساتھ سماجی بائیکاٹ پر بھی اتفاق ہے، تو اللہ تعالیٰ‌کی توہین کرنے والے کے ساتھ عمومی نہ سہی، خاص‌اس رسم میں جو کہ اس توہین کی یاد دہانی کے لئے ایجاد کی گئی ہے، شرکت نہ کرنے، بائیکاٹ کرنے اور مبارکباد نہ دینے پر بھلا اختلاف کی کیا گنجائش بنتی ہے۔

ہمارا مسئلہ یہ ہے کہ ہم شرعی مسائل کے حل کے لئے مستند علمائے کرام کی جانب رجوع کو ضروری نہیں‌سمجھتے۔ جو شخص دین پر چند کتابیں‌پڑھ لے وہ خود مسند افتاء سنبھال لیتا ہے۔ اور کسی بھی چیز کے جائز ناجائز کا تعین عقل کی روشنی میں‌متعین کرنا شروع کر دیتا ہے۔ یہ رویہ ہرگز درست نہیں۔

کرسمس کی مبارکباد کے موضوع پر عرب کے کبار علمائے کرام کے فتاویٰ‌جات بمعہ آن لائن لنکس کے لئے یہ دھاگا ملاحظہ کیجئے۔

اہل سنت کے چاروں‌مشہور ائمہ کے نزدیک کرسمس کی مبارکباد دینا حرام ہے۔ تفصیلات کے لئے یہ دھاگا ملاحظہ کیجئے۔

__________________
نہیں، اے محمدؐ، تمہارے رب کی قسم یہ کبھی مومن نہیں ہوسکتے جب تک کہ اپنے باہمی اختلافات میں یہ تم کو فیصلہ کرنے والا نہ مان لیں،پھر جو کچھ تم فیصلہ کرو اس پر اپنے دلوں میں بھی کوئی تنگی نہ محسوس کریں، بلکہ سر بسر تسلیم کر لیں۔ [النساء: 65]

مرزا عامر

تعلقات بڑھا کر ان میں شامل ہوا جاتا ہے اور اسی طرح اسلام پھیلتا ہے۔
گزارش آپ سے ہے کہ ازراہ کرم پچھلے مراسلات کا مطالعہ کر لیجیئے

شکاری

معذرت، میں‌واقعی گزشتہ تمام مراسلات کا مطالعہ نہ کر سکا تھا۔ آپ کے توجہ دلانے پر سارے مراسلہ جات ایک ایک کر کے پڑھ ڈالے ہیں۔ لیکن معافی چاہتا ہوں اس بات کی کوئی شرعی دلیل کہیں‌نہیں‌دی گئی کہ تعلقات بڑھانے کے لئے اللہ تعالیٰ‌اور رسول اللہ صلی اللہ علیہ وسلم کی توہین کرنے والوں‌ کے ساتھ گھل مل کر رہا جا سکتا ہے اور انہیں عین ان کی توہین کی محفلوں اور رسموں کی خوشیوں کی مبارکبادیاں‌دی جا سکتی ہیں۔ ازراہ کرم اس کی کوئی شرعی دلیل عنایت فرما دیں جیسے کہ عبداللہ آدم صاحب نے شرعی دلیل سے ثابت کیا ہے کہ شرکیہ محفلوں میں‌شرکت یا ان پر مبارکباد دینا تو کجا جس جگہ شرک کا کام کبھی ماضی میں بھی کیا گیا ہو، وہاں خالص اللہ کے لئے نذر ماننا بھی حرام ہے، نیز،

اللہ تعالیٰ اپنی مقدس کتاب میں فرماتا ہے:
والذین لا یشھدون الزور واذا مروا باللغو مروا کراما
ایمان والے وہ ہیں جو باطل مجلسوں میں حاضر نہیں ہوتے اور جب لغویات پر سے ان کا گزر ہوتا ہے تو وہ عزت اور شرافت کے ساتھ گزر جاتے ہیں۔
یعنی وہ اس باطل میں شرکت نہیں کرتے ۔
(الزور ) کے مفہوم میں عبداللہ بن عباسؓ فرماتے ہیں کہ اس سے مشرکین کے مذہبی تہوار مراد ہیں ۔ جیساکہ تفسیرِ قرطبی میں ہے(ج ۱۳، ص۷۹) اور بدائع التفسیر (ج۳،ص۳۱۶)میں امام ابن قیم ؒ فرماتے ہیں :
المعنیٰ لایحضرون مجالس الباطل و اذا مروا بکل ما یلغی من قول او عمل اکرموا انفسھم ان یقفوا علیہ أو یمیلوا إلیہ،ویدخل فی ھذا اعیاد المشرکین کما فسرھا بہ السلف والغناء انواع الباطل کلہا۔

اور آپ نے گزشتہ مراسلہ میں‌جو یہ فرمایا:

یہ بہت ہی غلط طرز استدلال ہے۔ ایک تو وہ لوگ ویسے ہی مذہب سے دور ہیں اور دوسرے یہ کہ ان کا مذہب اگر انہیں ہمارے تہواروں‌میں مبارکباد دینے سے نہیں‌روکتا، تو اس کا یہ معنی تو نہیں کہ ان کی محبت میں‌اللہ تعالیٰ‌کے فرامین ہم بھی بھلا بیٹھیں۔ گزشتہ پوسٹ میں سورہ مریم کی جو آیات شیئر کی گئی ہیں، ان میں‌اللہ تعالیٰ‌کے قہر و جلال کے کلمات ایسے ہیں کہ خوف آنا چاہئے ہمیں‌کہ کسی بھی طرح‌ سے ایسی محفلوں کے نزدیک بھی جائیں۔

نیز یہ بھی نوٹ‌کیجئے کہ آپ کا کسی کو یہ کہنا کہ ’’مبارک ہو‘‘ دراصل دعائیہ کلمات ہیں۔ جس کا مطلب یہ ہوتا ہے کہ ’’خدا کرے اس میں برکت آئے‘‘۔ اب چاہے اس تہنیت کے پیغام کو آپ میری کرسمس کہہ کر ادا کریں، یا اردو میں‌آپ کو کرسمس مبارک ہو کہیں، مطلب ہمیشہ غلط ہی آئے گا۔

ضمنا یہ بھی عرض کر دوں‌کہ یہ سخت ترین بات ہے جو آپ نے اوپر مراسلہ میں‌ پیش کی ہے کہ رسول اللہ صلی اللہ علیہ وسلم کی توہین کرنے والوں‌کے ساتھ آپ گھل مل کر رہیں‌گے تاکہ دین اسلام کو پھیلایا جا سکے۔ محترم، ہمیں‌دین پھیلانے کے لئے اپنی اسٹریٹجی اس طرح سے ڈیفائن کرنی ہے جو مبادیات اسلام کے مخالف نہ ہو۔ بہت زیادہ لچک اور جھکاؤ ایمانی غیرت کے مردہ ہونے کا سبب بن جاتا ہے ۔

پھر ائمہ اربعہ اور موجودہ دور میں‌بھی علمائے عرب اور علمائے برصغیر کی اکثریت عیسائیوں کو کرسمس کی مبارکباد دینے کے حرام ہونے پر متفق ہے۔امت کے اکثر علمإ کے اتفاق کے مقابلے میں‌ہما شما کی کیا حیثیت ہے کہ ان کی عقلی تک بندیوں‌ پر ایمان لے آیا جائے۔ عجیب بات تو یہ ہے کہ جب یہ علمائے کرام آپس میں‌باہم مختلف ہوتے ہیں‌، تو ہم ہی ان علمإ کو کوستے رہتے ہیں‌ کہ دین اتنا مشکل کر دیا ہے اور جن معاملات میں‌ ان کی اکثریت کسی مسئلہ پر متفق ہوتی ہے تو ہم ہی اختلاف کھڑا کرنا چاہتے ہیں۔

اللہ تعالیٰ ہم سب کی شرک اور اس کے اسباب و ذرائع سے حفاظت فرمائیں۔ آمین یا رب العالمین۔

مرزا عامر

حضور صلی اللہ علیہ وسلم نے عیسائی بادشاہ کا کھڑے ہو کر استقبال کیا تھا جبکہ وہ اپنے عقیدہ پر قائم تھا۔
مسلمانوں کی پہلی ہجرت حبشہ کی جانب ہوئی تھی جہاں کا بادشاہ عیسائی تھا اور اس کی پناہ میں مسلمان رہے تھے۔ اور وہاں وہ ان کے ساتھ گھل مل کر ہی رہے ہوں گے۔
اور رہی یہ بات کہ رسول اللہ کی توہین کرنے والوں کے ساتھ مل کر کیوں رہا جا سکتا ہے ؟ تو اس کے لیئے یہ عرض ہے کہ آپ پاکستانی معاشرے میں رہ رہے ہیں ۔ پاکستانی مولویوں کی باتیں سن رہے ہیں۔ جو میڈیا آپ کو پلا رہا ہے آپ وہ پی رہے ہیں۔
آپ شیعہ ، دیوبندی ، بریلوی ، وہابی عام طور پراس لیئے نہیں ہوتے کہ آپ نے علم حاصل کرنے کے بعد کوئی فرقہ اپنایا ہے بلکہ اس لیئے ہوتے ہیں کہ جو گھٹی آپ کو پلائی گئی ہے آپ وہی ہیں۔
اسی طرح کا معاملہ عیسائیوں کا بھی ہے ۔ انہیں جو بچپن میں بتایا گیا یہ وہی کریں گے۔ جو ان کی گھٹی میں شامل ہے ۔ یہاں عام لوگوں میں قوت برداشت اور دوسروں کو سننے کا حوصلہ بہت ہوتا ہے ۔ اگر ان کے ساتھ تھوڑا سا گھل مل کر رہا جائے تو اپنا موقف سنانے میں کافی مدد ملتی ہے۔
اور ہاں ہر شخص توہین رسالت نہیں کرتا۔ بلکہ زیادہ تر لوگ کسی قسم کی توہین رسالت نہیں کرتے۔ یہاں دوسروں کے مذہب کا خیال رکھا جاتا ہے ۔ اور اس بات کی کوشش کی جاتی ہے کہ کسی کی دل آزاری نہ ہو۔

شکاری

آپ کی پوسٹ کافی سخت الفاظ‌پر مشتمل ہے۔ جبکہ میں نے ایسی کوئی کوشش نہیں‌کی ہے کہ اپنا نظریہ کسی پر تھوپا جائے۔ میں نے فقط علمائے کرام کا موقف پیش کیا ہے۔ اگر آپ کے پاس اس مسئلے کے لئے کوئی شرعی دلیل ہے تو ضرور پیش کیجئے۔ ہم نے یہ کہیں نہیں کہا کہ عیسائیوں‌ کا ہی بائیکاٹ کیا جائے کہ جس کے لئے عیسائی بادشاہ کے پاس مسلمانوں کا پناہ گزیں ہونا آپ دلیل کے طور پر پیش کر رہے ہیں۔ نہ ہم نے یہ کہا ہے کہ ہم عیسائیوں‌سے گھل مل کر رہ نہیں‌سکتے۔ صرف اتنی گزارش کی ہے کہ جس رسم کے بارے میں بالیقین معلوم ہے کہ یہ اللہ تعالیٰ‌کی سخت ترین توہین اور اللہ تعالیٰ‌کی ذات کے ساتھ بدترین شرک سے منسوب ہے، اس رسم کا بائیکاٹ کیا جائے اور کم سے کم انہیں مبارکباد دینے سے تو اجتناب کیا جائے جبکہ اس مسئلے پر موجودہ و گزشتہ دور کے علمائے کرام کی اکثریت متفق ہے تو ہمیں‌ایک نیا اختلاف پیدا کرنے کے بجائے اسی متفقہ موقف کو ہی قبول کرنا چاہئے۔ جبکہ یہ معاملہ بھی کوئی عام سا نہیں ہے بلکہ شرک جیسا سنگین مسئلہ ہے کہ جس کے تعلق سے کوئی بھی بات ہو، ہمیں‌ بالکل چوکنا ہو جانا چاہئے اور ہر فریق کی بات کو بغور سننا چاہئے تاکہ کہیں اپنی کم علمی کی وجہ سے ہم ناک پر مکھی اڑانے جیسا معمولی معاملہ سمجھیں اور وہ بروز آخرت ہمارے لئے وبال جان بن جائے۔ اللہ ہم سب بھائیوں کو اس دن کی سختیوں سے اپنی پناہ میں‌رکھے۔ آمین۔

مرزا عامر

کنعان

السلام علیکم!

معذرت کے آپ اپنی بات منوانے یا مضبوطی کے لئے کبھی کبھی ایسے الفاظ استعمال کر جاتے ہیں جو ایک مسلمان کو نہیں کہنے چاہئیں، اللہ سبحان تعالی اور رسول اللہ صلی اللہ علیہ وسلم پر ریڈ کلر والا لفظ کسی بھی مسلمان کو لکھنا زیب نہیں دیتا۔

والسلام

__________________

شکاری

وعلیکم السلام ورحمتہ اللہ وبرکاتہ،
معذرت چاہتا ہوں بھائی، میرے علم میں ایسی کوئی بات نہیں‌ تھی کہ جس میں یہ لفظ‌دوسروں کی طرف منسوب کر کے بھی نہ لکھا جا سکتا ہو۔ کیونکہ ایسی صورت میں‌تو مدعا بیان کرنا بھی مشکل ہو جائے گا۔ نیز کتب احادیث‌میں‌ بھی باقاعدہ ابواب موجود ہیں مثلاً سنن ابو داؤد میں ایک باب ہے۔
باب الحکم فیمن سب النبی صلی اللہ علیہ وسلم ۔

حال ہی میں‌توہین کے جو کیسز ہوئے ہیں، ان میں‌ہر مسلک کے علمائے کرام نے اس لفظ‌کو استعمال کیا ہے، شاید یہ میری کم علمی ہی ہو۔ پھر بھی میں‌آئندہ احتیاط کروں‌گا ان شإءاللہ۔

rana ammar mazhar

مسلمانوں اور تمام غیر مسلمانوں میں داعی اور مدعو کا رشتہ ہے ناکہ حریف کا !!!

rana ammar mazhar

ولادت عیسیٰ کس طرح ؟

نبیل خان

اللہ کریم ہمیں عقل سلیم عطا فرمائے آمین