میں جاننا چاہتا ہوں کہ لائف انشورنس کے متعلق اسلامی فقہ کے بارے میں کیا کیا آرا پائی جاتی ہیں اور کون کون اس کو حرام اور کس بنیاد پر حرام جبکہ کون کون اسکو جائز اور کس بنیاد پر جائز ٹھہراتے ہیں؟
اگر کسی بھائی کو علم ہو ادھر شئیر کرے میں مشکور رہوں گا۔ یاد رہے کہ ذاتی رائے کی نسبت میرے لیے کسی عالم کی رائے بمعہ دلیل زیادہ معتبر رہے گی۔ شکریہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔
ایک مضمون نظر سے گزرا اسکے مندرجات مختصراً بیان کیے دیتا ہوں
1۔یہ ایک بالکل نیا قسم کا معاہدہ ہے اس لیے ماضی کے کسی معاہدہ پر اس کا انطباق کر کے اس کے جائز و ناجائز کا فیصلہ کرنا غلط ہے۔
2۔مستقبل کے نقصانات سے بچاو کی کوشش و تدابیر کرنا نہ تو انسانی فطرت کے خلاف ہے اور نہ ہی اسلام کی منشا کے خلاف۔
3۔ شریعت کا ایک اہم اصول "ضرر" کو دور کرنا ہے بیمہ کے ذریعے کسی نقصان کی تلافی اس طرح کی جاتی ہے کہ تلافی کرنے والا بھی نقصان میں نہیں رہتا اور متضرر کو جو نقصان پہنچتا ہے اس کا نعم البدل بھی مل جاتا ہے۔
4۔شریعت اجتماعی زندگی میں تعاون ع تکافل کو بہت اہمیت دیتی ہے اور بیمہ اسکی قانونی و جدید شکل ہے۔
5۔ بیمہ جوا کئی وجوہات کی بنا پر نہیں مثلاً
ٌجوا میں یا تو ہار ہوتی ہے یا پھر جیت کوئی تیسرا آپشن نہیں ہوتاجبکہ بیمہ جیت-جیت کے اصول کے تحت کام کرتا ہے
ٌجوا ایک کھیل ہے جبکہ بیمہ کھیل نہیں ہے اور نہ کبھی اسے بطور کھیل استعمال کیا گیا۔
ٌجوا میں ہارنے کی صورت میں اپنا مال سے ہاتھ دھو بیٹھتے ہیں جبکہ جیتنے کی صورت میں اگلے کو نقصان دیتے ہیں اس میں ایسا نہیں ہے
ٌجوا پیسے کے حصول کے مقصد کے لیے کھیلا جاتا ہے جبکہ بیمہ مستقبل کے کسی ممکنہ ضرر سے بچنے کے لیے بطور تدبیر اختیار کیا جاتا ہے۔
ٌجوا تصنیع اعقات کا سبب جبکہ بیمہ میں ایسا کوئی معاملہ نہیں
ٌجوا میں ہارنے والے فریق کے نقصان کی تلافی کا کوئی آپشن نہیں جبکہ اس میں ایسا کوئی معاملہ ہی نہیں
ٌجوے میں نقصان کا خطرہ فریقین کی وجہ سے پیدا ہوتا ہے جبکہ بیمہ میں فریقین کی وجہ سے کسی قسم کا نقصان کا اندیشہ پیدا نہیں ہوتا بلکہ خطرہ پہلے سے موجود ہوتا ہے اور فریقین مل کر اس خطرے سے نمبٹنے کی تدبیر کرتے ہیں
ٌجوے کے عمل میں تعاون و تکافل کا شائبہ تک نہیں ہوتا بلکہ اس میں فریقین ایک دوسرے کو نقصان پہنچانے کے درپے ہوتے ہیں جبکہ بیمہ میں تعاون و تکافل کا عمل ہوتا ہے۔
ٌجوے کا معاہدہ ایک دوسرے کو نقصان سے بچانے کا نہیں بلکہ نقصان پہنچانے کا ہوتا ہے جبکہ اس میں ایسا کوئی معاملہ نہیں۔
ٌ معاہدہ بیمہ میں زندگی محفوط نہیں کی جاتی بلکہ زندگی کا مفاد یعنی آمدنی محفوط کرنے کا معاہدہ کیا جاتا ہے
ٌبیمہ میں رقم بیمہ ہر حال میں ضرور ملتی ہے جب کہ جوے میں ایسا نہیں ہوتا
ٌبیمہ کے بارے میں یہ کہنا کہ غیر یقینی واقعہ کی بنیاد پر بیمہ کیا جاتا ہے اس لیے یہ جوا ہے یہ نقطہ نظر مغالطہ بلکہ غلط فہمی کا نتیجہ ہے (تفصیلی بیان)
ٌقرآن میں قمار یا جوے کی تین خصوصیات بتائی گئی ہیں یعنی لوگوں میں بغض وعداوت پیدا کرتا ہے، اللہ کی یاد سے روکتا ہے، نماز سے روکتا ہے جبکہ بیمہ میں ایسی کوئی عادت نہیں پائی جاتی
6۔بیمہ میں غیر یقینیت پائی جاتی ہے جو کہ غلط ہے۔ مثلاً معاہدہ میں معاہدہ کے موقع پر بیمہ دار اور کمپنی کو مندرجہ ذیل امور کا یقینی طور پر علم ہوتا ہے
ْقسط کی رقم
ْکل رقم بیمہ
ْبیمہ دار کے لیے نقصان کی صورت میں تحفظ یا امان
7۔یہ کہنا کہ بیمہ کسی غیر یقینی واقعہ کے ظہور پذیر ہونے پر واجب الدا ہوتا ہے اور یہ غر ہے یہ درست نہیں۔ غرر یہ ہے کہ آپکو subject of Saleکا علم نہ ہو لیکن بیمہ میں اصل چیز قابل مفاد بیمہ ہے جو ہر صورت میں فریقین کے علم میں ہوتا ہے
8-بیمہ بیع مسلم سے مشابہت رکھتا ہے
9۔بیمہ کی رقم سود میں انوسٹ نہیں کی جاتی بلکہ جائز کاروبار میں لگائی جاتی ہے
10۔بیمہ دار اور بیمہ کمپنی کا معاہدہ سود نہیں ہے کیونکہ
ٌبیمہ دار کو approximateیا اندازہً بتایا جاتا ہے کہ آپکے نقصان کو کس حد تک تحفظ دیا جا سکتا ہے
ٌبیمہ دار کو اسکی اقساط سے ادا کردہ زائد تحفظ جو ادا کیا جاتا ہے وہ بطور معاوضہ نہیں بلکہ ایک مشترکہ فنڈ سے تعاون و تکافل اور تبرع کے طور پر دیا جاتا ہے
ٌاحکام نبی کے ارشاد کے بموجب سود صرف قرض کے معاملہ میں داخل ہو سکتا ہے کب کہ بیمہ کا معاہدہ قرض کا معاہدہ نہیں اس لیے اس میں سود کا عنصر شامل نہیں ہو گا
11۔ بیمہ ایمان اور توکل کے منافی نہیں ہے کیونکہ اس میں نقصان یا ضرر کے نہ ہونے کا وعدہ نہیں کیا جاتا کہ فلانا واقعہ نہیں ہوگا یا فلانا حادچہ نہیں ہوگا یا فلانے شخص کی موت نہیں ہوگی بلکہ یہ وعدہ کیا جاتا ہے کہ اگر نقصان (موت کی صورت میں) کی صورت میں فائدہ(آمدنی )سے محرومی جوہوئی ہے تو اسکی مدد کی جائے گی۔ تقدیر الہیٰ پر ایمان مستقبل کے خطرات کی پیش بندی یا منصوبہ بندی سے نہیں روکتا ۔